.....ချစ်တဲ့ကဗျာ..

Friday, February 20, 2009

တစ်နေ့က.ကျွန်မဆီကို..PDF..Fileနဲ့လုပ်ထားတဲ့ကဗျာစာအုပ်လေးတစ်အုပ်ရောက်လာတယ်။
တင်မင်းထက်..ရဲ့....ချစ်တဲ့ကဗျာ..ဆိုတဲ့ကဗျာစာအုပ်လေးပါ။ကျွန်မတို့ရာစုသစ်မြစ်ကျဉ်းတွေ
မှာအတူရေးခဲ့ဖူးပြီး..ကျွန်မတင်ခဲ့တဲ့..တစ်မိုးတည်းအောက်မှာ..မှာလည်းပါ..ပါတယ်။ခု သူ့စာ
အုပ်လေးကိုအမှတ်တရအနေနဲ့..ကျွန်မချစ်သောကဗျာများ..ထဲမှာတင်လိုက်ပါတယ်။





ဒုတိယတန်းစား

ကျွန်တော့် ရင်အုံလှောင်ချိုင့်မှာ
ခြင်္သေ့တစ်ကောင် ရှိပါတယ်။
သူက...
ကျွန်တော့် စကားနွမ်းတွေကို
မစားသုံးချင်ဘူးတဲ့။
ကောင်းကင်ရဲ့အောက်မှာ
လတ်ဆတ်တာ ဘာမှမရှိဘူးလို့
ဖြောင့်ဖျတာတောင်မှ
သူက...မကျေနပ်နိုင်ဘူး။
ကျွန်တော့်ကို တစ်ချိန်လုံးကုတ်ခြစ်ကာ
ဟိန်းဟောက်လိုက်၊ တောင်းပန်လိုက်နဲ့ပါပဲ...။
ကဲ...
မီးတောင်လို ပေါက်ကွဲလို့
သူ လွတ်လာပြီဆိုပါစို့...။
ဘယ်မှာလဲ...သူ့ကောင်းကင်
ဘယ်မှာလဲ...သူ့လွင်ပြင်။
သူက အရိုင်းဆန်တယ်
ကျွန်တော့်လို လိုက်လျောညီထွေ မနေတတ်ဘူး၊
ဆင်ခြေဖုံးရပ်ကွက်က ထပ်ခိုးလေးတစ်ခုတောင်
သူ ခိုလှုံဖို့ ရမှာမဟုတ်ဘူး။
ကျွန်တော့်လို ဒုတိယတန်းစားတွေနဲ့
မပတ်သက်ချင်ပါဘူးလို့ သူဘယ်လောက်ပြောပြော
သူ့ထွက်ပေါက်ကို ပိတ်ထားရမှာပဲ။
နာကျင်၊ မောပန်း၊ လေးလံ
အာရုံတွေ ကန်းခဲ့ပြီ...။
ပျံသန်းနေတဲ့ တိမ်တိုက်တွေမြင်ရင်တောင်
အားကျရမှန်းမှ မသိ
ထုံပေပေစိတ်နဲ့သာ ကြည့်နေမိတော့တယ်...။


ခုနေများ၊ တန်ခိုးရှင်တစ်ပါးက
"ပျော်စေသတည်း" .. လို့ ကောင်းချီးပေးရင်တောင်
နှစ်များစွာက အေးခဲခဲ့တဲ့ မျက်ရည်တွေသာ
ပျော်ကျလာမယ် ထင်ပါရဲ့...။ ။

တင်မင်းထက်
(တစ်မိုးထဲအောက်မှာ၊ ၁၉၉၄ ဇန်န၀ါရီ)

-------------------------------------------------------------------------------------

ကမ္ဘာ ၂ ခု

(၁)
နယ်နှင်ဒဏ်ခံ စံပယ်ခင်း
လမ်းပျောက်နေတဲ့ လေညင်းကလေး
တိတ်ဆိတ်ကြေကွဲ ကြယ်စင်များ
ဖုန်းဆိုးရင်ခွင် ပက်ကြားအက်။

(၂)
ကြီးမြတ်တဲ့ ရူးသွပ်မှုနဲ့
မျှော်လင့်စိတ်ကူးများတောက်ပ
ငါ့ဝိညာဉ်ရဲ့မိုးကုတ်စက်ဝိုင်းတစ်လျှောက်။

တင်မင်းထက်
(တစ်မိုးထဲအောက်မှာ၊ ၁၉၉၄ ဇန်န၀ါရီ)

-------------------------------------------------------------------------------------

အေးစက်စက် မီးလျှံ

မရွာဖြစ်သေးတဲ့ မိုးရေတွေ
လေးလံနေတဲ့ ငါ့ကောင်းကင်
တိမ်တိုက်တွေ အထပ်ထပ်။

ငါ့ရဲ့ အခွံသက်သက်မီးအိမ်မှာ
ထွန်းညှိမယ့် ပန်းတစ်ပွင့်
မင်းမဖြစ်သေးသမျှ
အထီးကျန် ဆန်နေရဦးမယ်။

... ... ဆန်းကြယ်စွာ
(ဒါမှမဟုတ်) ရိုးစင်းစွာ
မင်း သိလာပါလိမ့်မယ်။

ငါ့ရင်ပြင်တစ်ခွင်လုံး
မငြှိမ်းရက်တဲ့မီးတွေ
မြင်ရင်တောင် ငဲ့ညှာမနေပါနဲ့
လောင်ကျွမ်းခြင်း မင်းအတွက်မို့
ငြိမ်းအေးမှုလို့ ငါမှတ်ယူပါ့မယ်။

မင်းမျက်ဝန်းရဲ့ မြားတစ်စင်း
ငါ့စိတ်ကို ညှို့ငင်
စကားလုံးတွေ
ငါ့နှုတ်ခမ်းများကို တံခါးခေါက်နေပြီ။

ရိုးဖြောင့်တဲ့ မြစ်တစ်စင်းပမာ
တည်ငြိမ်လွတ်လပ်စွာ
စီးဆင်းလာခဲ့သမျှ
ငါ မြိုသိပ်ခဲ့ရတာတွေ
မင်းကိုနွေးထွေးစေနိုင်ပါ့မလား...။

ငါခံစားရသမျှ
မင်းခံစားနိုင်မယ်ဆိုရင်
ဒီလောက်ထိခြောက်သွေ့နေမယ်မထင်ဘူး
ငါ့ရဲ့နက်ရှိုင်းမှုကို
မင်းနားမလည်နိုင်သေးလေတော့
မင်းရဲ့မီးလျှံက အေးစက်စက်။ ။

တင်မင်းထက်
(၀ိညာဉ်ပြာတို့ မိုးကောင်းကင်၊ ၁၉၉၂)

-------------------------------------------------------------------------------------

၇၁ - ၉၃

အယောင်ဆောင် လွတ်လပ်မှုသက်သက်
တွန့်တိုတဲ့ ၀ိုင်တစ်ခွက်
သက်တန်းရဲ့ သုံးပုံတစ်ပုံ
ငါသောက်လို့ ကုန်ခဲ့ပြီ။

ပြင်းရှတဲ့ တောင့်တမှုတွေကို
ရောင့်ရဲတဲ့အပြုံးနဲ့ ဖြေသိမ့်
ရေသေမြစ် ဖြစ်ခဲ့တာကြာတော့
ငါ့ကိုယ်ငါ အကြည်ညိုပျက်လာတယ်။

ဖြူစင်ချင်စိတ်ကလေးသာ မကျန်ရင်
စီးဆင်းခဲ့တဲ့ ငါ့ဝိညာဉ်ကို
စွန်းထင်းမှုအတွက် စွဲချက်တင်
ဘာမှ ခွင့်လွှတ်ချင်စရာ မရှိ...။

လူငယ်ဘ၀ရဲ့ စွန့်စားချင်စိတ်ကို
ဖဲဝိုင်းမှာသာ ပုံအောလိုက်ရ၊
စစ်တုရင်ခုံပေါ်မှာ ရဲရင့်လိုက်ရနဲ့
တစ် ကိုး ကင်း နေ့တွေ။ ။

တင်မင်းထက်
(ရာစုသစ်မြစ်ကျဉ်း ၂၊ ၁၉၉၃ စက်တင်ဘာ)


-------------------------------------------------------------------------------------

အကြွင်းရှိချစ်ခြင်း

အလင်းနှစ်တစ်သန်း
နီးလွန်းလှပါတယ် ...
မင်းနဲ့ ခွဲခွာရတဲ့အခါ
ပိုဝေးကွာ။

လေးသင်္ချေနဲ့ ကမ္ဘာတစ်သိန်း
မြန်လွန်းလှပါတယ် ...
မင်းနဲ့ မတွေ့ရတဲ့အခါ
စိတ်ထဲကြာ။

... ... ... ...
အဲသည်လိုမျိုးတွေတော့
မညာချင်ပါဘူး။

ချစ်သူကို သတိအရဆုံးက
အရက်မူးတဲ့ အချိန်နဲ့
ဖဲရှုံးတဲ့ အချိန်ပဲဆိုတဲ့
သူငယ်ချင်းရဲ့ ၀ါဒကိုလဲ
မထောက်ခံပါဘူး။

ရုပ်သက်သက်နဲ့ လူမဖြစ်လေတော့
မင်းကိုငါ တောင့်တပါတယ်၊
(ဒါပေမယ့်)
မင်းလရောင်နဲ့ ဝေးခဲ့ရင်
ငါ့ဝိညာဉ်ဟာ
ရိုးပြတ်ပင်လို ခမ်းခြောက်
မျက်ရည်တလည်လည်နဲ့
လမ်းပျောက်သွားမယ်တော့ မဟုတ်ဘူး။

ရှားစောင်းပြဿဒ် တစ်ပင်ဟာ
မိုးခေါင်ရေရှားရုံနဲ့
မသေနိုင်ပါဘူး၊
ငါ့နှင်းဆီတွေလဲ
ဖူးသစ်လာအုံးမှာပါပဲ၊
(ဒါပေမယ့်)
မင်းမရှိတဲ့ငါ ...
ဘယ်သင်းပျံ့နိုင်မှာလဲကွာ။ ။

တင်မင်းထက်
(လှိုင်းရဲ့ပြတင်း၊ ၁၉၉၃ ဒီဇင်ဘာ)


-------------------------------------------------------------------------------------

ဥယ်ာဥ္အတု

မတင်းလွန်း၊ မလျော့လွန်း
သံဆူးကြိုးတွေကနေ
ဘာဂီတသံမှ ထွက်မလာနိုင်ဘူး။
အကိုင်းအခက်တွေကို ကိုက်ဖြတ်ကာ
"မင်္ဂလာပါ" လို့ စာလုံးဖော်ခံနေရတဲ့
ပျိုး ... ပင် ... တွေ ...

တင်မင်းထက်
(ရာစုသစ်မြစ်ကျဉ်း ၃၊ ၁၉၉၅ ဇွန်)

-------------------------------------------------------------------------------------

တိတ်ဆိတ်တဲ့ စကား

ကန့်သတ်ထားတဲ့ ကောင်းကင်ထက်
ပြစ်ဒဏ်သင့် လိပ်ပြာများပမာ
စကားလုံးတွေ ယောက်ယက်ခတ်
တေးမသီနိုင်တဲ့နေ့ရက်တွေ။

မင်းမျက်ဝန်းမှ တစ်ဆင့်
ပန်းတစ်ပွင့်မြင်ရတဲ့အကြောင်း
ငါဘယ်လို အချက်ပြရမလဲ။

ဆွံအတဲ့ လမ်းမတွေတလျှောက်
ငါတို့ရဲ့နှင်းဆီရိုင်းတွေသာ
ပဲ့တင်ခတ် တုန်ခါနေကြတယ်။

ငါတို့ရင်ထဲက စကားတွေ
မုန်တိုင်းလို
ဖောက်ခွဲပစ်လိုက်ချင်ပေမယ့်
အသိခက်တဲ့ အကြည့်တွေနဲ့ပဲ
နှစ်ကိုယ်ကြား ပြောပြနေရတယ်။ ။

တင်မင်းထက်
(၉၈ အချစ်ကဗျာ၊ အချစ်ကဗျာ ၉၈)

-------------------------------------------------------------------------------------

လက်ဆောင်

ကံ့ကော်ပန်းတွေနဲ့ လုပ်ထားတဲ့
ကျွန်တော့်ရဲ့ စိတ်ကူးစိတ်သန်းတွေဟာ
သူ့ကို ရည်စူးခဲ့တာပါ။

ကျွန်တော်ပျံသန်းဖို့ ကောင်းကင်တစ်ခု
သူ့မျက်ဝန်းကနေရတယ်။

သန့်စင်ပြီးလှပတဲ့ အိပ်မက်လေးတစ်ခု
သူ့ကို ကျွန်တော်ပေးခဲ့တယ်။

သူ့ရဲ့ရနံ့တွေကို သယ်ဆောင်လာတဲ့
အပြာရောင် လက်ကိုင်ပုဝါလေးတစ်ထည်က
ကျွန်တော့်ကို ချွေးသိပ်ယုယခဲ့ပါတယ်။

ကျွန်တော်တို့အပေါ် အမြဲတမ်းဖိစီးနေတဲ့
အမှောင်ခေတ်ထဲက ရတတ်သမျှအလင်းရောင်
အကောင်းဆုံး လက်ဆောင်အဖြစ်
သူ့အတွက် ကျွန်တော့်ကိုပေးတယ်။
ကျွန်တော့်အတွက် သူ့ကိုရတယ်။

သစ်ရွက်လေးတစ်ရွက်
လှုပ်ခတ်တာကအစ
အဓိပ္ပာယ် ရှိခဲ့ပါတယ်။

တင်မင်းထက်
(ရန်ကုန်စက်မှုတက္ကသိုလ် နှစ်လည်မဂ္ဂဇင်း၊ ၁၉၉၆)

ဝင်းမောင် ၏ ကဗျာများ

Thursday, February 12, 2009

ကဗျာဆရာဝင်းမောင် ဆိုရင် သိတဲ့သူတွေသိကြမှာပါ။ ၀င်းမောင် ၊ ၀င်းမြင့်၊
ဝင်းလွင်..စတဲ့ကဗျာရေးကောင်းသူတွေရောနေရင်လည်းရောနေလိမ့်မယ်။
၁၉၉၅ - ၉၆ ကာလတွေဆီက ကျွန်မသူ့ကဗျာတော်တော်များများကို
ဖတ်ခဲ့ရပြီး…ကူးယူသိမ်းဆည်းထားခဲ့ပါတယ်။အဲဒီကဗျာလေးတွေကို ကျွန်မ
ပြန်မျှဝေချင်လို့ပါ။ ပစ်ထားတာကြာနေသလိုဖြစ်နေတဲ့ကျွန်မရဲ့ကဗျာဘလောခ့်
လေးကိုလည်းဖုန်ခါရင်းပေါ့..း)
ကိုဝင်းမောင် ကိုကျွန်မမြင်ဖူးသိဖူးတာလည်း အဲဒီသရဖူကာလများဆီက
သိခဲ့တာပါ..။သရဖူကာလဆိုတာက သရဖူမဂ္ဂဇင်း အရှိန်ကောင်းနေတဲ့
အချိန်ကိုပြောတာပါ။ စာပေနဲ့ပတ်သက်ရင်မှတ်တမ်းမှတ်ရာအဖြစ်ထားရမယ့်
သရဖူ မဂ္ဂဇင်းတွေအဲဒီတုန်းကထွက်ခဲ့ပါတယ်။ အဲဒီတုန်းကတည်းကမြင်ဖူးခဲ့တယ်။
နောက်ပိုင်း စင်္ကြာလုလင် ဆိုပြီး မောင်သစ္စာ(သစ္စာပိုင်စိုး)တို့ ကိုနွယ်ဦးတို့နဲ့
နေလ ဂျာနယ်လုပ်တော့တစ်ခါထပ်ဆုံတယ်။အဲဒီမှာတော့သူက
ကဗျာဆရာမဟုတ်ဘူး။ကံကြမ္မာဖတ်သူ။ ဇာတာတွက်သူ..။
နောက်ပိုင်းကျတော့ ကျွန်မလည်းကိုယ့်သောကနဲ့ကိုယ် သူလည်းသူ့ဘ၀
နဲ့သူ..မတွေ့ဖြစ်ကြတော့တာတော်တော့်ကိုကြာတယ်။ကျွန်မခရီးမထွက်
်ခင်လေးကမှရောက်လာ..တယ်။ အကြွေးလာဆပ်တာတဲ့။
ဘာကြွေးလဲဆိုတော့ဇာတာကြွေး.။သားကလေးကိုဇာတာတွက်ပေးထားတာ။
ကိုယ်ကဖြင့်မေ့တောင်နေပြီ။
ကျွန်မသွားမယ်ဆိုတာသိတော့သူကမွေးနေ့မေးတယ်။နင့်လည်းတစ်ခုတွက်
ပေးမယ်တဲ့။ကျွန်မကမွေးနေ့လည်းပြောလိုက်ရော..သူကရယ်တယ်။
နင့်ဇာတာက နင်တကယ်လို
အပ်ရင်အနားမှာဘာမှမရှိတတ်တဲ့ဇာတာပဲ တဲ့။ ပျော်စရာကြီးနော်..း(
..သူကလုပ်ကြံပြောတာမှမဟုတ်တာ။ဘာတတ်နိုင်မှာလဲ။
အဲဒါနဲ့ ..ဆရာရယ် ဇာတာလည်းဖွဲ့ တာဖွဲ့ ကံကြမ္မာဖတ်တာလည်း
ဖတ်ပေါ့..ကဗျာလေးရေးပေးပါဦး ဆိုမှ ကဗျာတစ်ပုဒ်နဲ့ကျွန်မဇာတာနဲ့အတူ
ရောက်လာတယ်။ နင် အသက်ကြီးရင်တော့ကောင်းသွားမှာပါတဲ့..။
ဘယ်လောက်ကြီးရင်လဲလို့မမေးလိုက်ရဘူး ..း)
သူ့ကဗျာလေးတွေကတော့ တကယ့်ကိုကောင်းတာပါ။
ကဗျာတွေကို ကြမ္မာဖတ်သလိုရေးသွားတဲ့ကဗျာဆရာလို့ ပြောရမလား…???
ဖတ်တဲ့သူကိုယ်တိုင်သာဆုံးဖြတ်ပါတော့လို့…။
( ကိုဝင်းမောင် ..သို့ အမှတ်တရ..)

သူ နှင့် အခြားသောအရာများ
အဆင်မပြေတဲ့ဘ၀ကို
အမည်ပေးခွင့်ပြုသမျှထက်ဈေးကြီးပေးဝယ်ဖို့
သက်တမ်းစေ့အောင်ပန်းကိုင်းကျိုးသံကျယ်လောင်
…ဟေ့ကောင်..
ချောက်ကမ်းပါးကိုကပ်မလျှောက်နဲ့….တဲ့
အဲသလို အဘိဓမ္မာဆန်သူက
အန္တရာယ်အကြောင်းဆွေးနွေးတယ်။

ခပ်ကြောင်ကြောင်မျက်နှာကြောတင်းသူ
ကျင့်သားရအောင်ဆင်းရဲသူ
မိန်းမရဲ့ ဗိုက်ထဲက စကြ၀ဠာသစ်ကိုငေးမောသူ
ဥမ္မတ္တကောပေါ်မှာ တက်ထိုင်မိသူမို့..

အတ္တလဂ်ကိန်း
သုံးထပ်ကိန်းတွေ
မဟာဘုတ်တွေ
အကျယ်တ၀င့်ဝရုန်းသုန်းကားဖြစ်ရ
ဒါကပဲ အချစ်ကိုသေချာမြင်ဖူးသူရဲ့
ဥပဓိလို့ဆိုပြန်
သွားစမ်းပါ
ဒီမှာ
အတိအကျပြောရရင်
မရှိမဖြစ်ခြင်းတွေမှာ
မရှိလို့ဖြစ်အောင်နေထိုင်ခြင်းနဲ့ရွဲ့စောင်းခဲ့သမျှ
အခုခေါင်းကိုက်တာနဲ့ထပ်တူကျနေပြီ..။

မေ့လျော့စွာဖြစ်တည်ခဲ့မိလို့
ထွက်ခွာဖို့အတွက်ဒူးတဆတ်ဆတ်ရင်တဒိတ်ဒိတ်
အိပ်ရေးပျက်ခြင်းအကြောင်းလည်းမပြောချင်
ဒီ ထက်ပိုပြီး ထိတ်လန့်မိတယ်
ခု…
ကလေးလေးတစ်ယောက်ရဲ့အတွေးနဲ့
လောကကိုအားလျားမှောက်အကြည့်မှာ
အခြားသော အရာတွေပိကျလာရဲ့ …။ ။
ဝင်းမောင်

တစ်ယောက်တည်းတည့်အောင်နေခြင်းအစီအစဉ်
ခု..ဖွာနေတဲ့ဆေးပေါ့လိပ်လို
ရာဇ၀င်ပြန်တွေးနေတဲ့ အိနြေ္ဒ ဟာမီးတရဲရဲ..။

အဘိဓမ္မာသင်တန်းဆရာကြီးလောကဓံအောက်
အပ်ဖျားပေါ်မုန်ညင်းစေ့တင်သလောက်မှမငြိမ်ဘူးဆိုရင်
အဲဒီ ဂီတကိုနားမထောင်ချင်ဘူး။

ကြည့်စမ်း
တိမ်တွေ..တိမ်တွေ..မိုးကိုသယ်လာခဲ့ပြီ။

မနေ့က၏
ယနေ့၏ …အသိ….တဲ့
အဲဒါလေးကို ..အဲသလို…သူ့ချည်းပဲဝါးစား
အထားအသိုမှန်ပစေ…လေလုံမိုးလုံရှိပစေ
အပျင်းပြေကစားနည်းတစ်ခုလို
အကြောလျော့ဖြေသိမ့်ခြင်းထဲ ၀က်အူရစ်လှည့်ဝင်
ကျုပ်အထင်ကရ နေထိုင်မှုမှာတော့
တစ်ယောက်တည်းမသင့်မြတ်ခဲ့တာ
ကြာပြီ..။

ကျုပ်အလိုမတူပဲ
ရာသီတွေလဲနေတယ်
ခင်ဗျားတို့သက်သေရှိရဲ့..။

အဆင်မပြေဘူး
ဘာတစ်ခုမှအဆင်မပြေဘူး
ဝိသာခါနက္ခတ် ရာဟုဓါတ်စီးတဲ့အချိန်မှာ မွေးခဲ့လို့လား။ ။
ဝင်းမောင်

တေးဆိုတဲ့ဝိညာဉ်
သီချင်းမရှိသောအရပ်မှာ
အိပ်မက်မရှိသောအရပ်မှာ
ကိုယ်ကိုပြန်မတ်ကာ
ကံကြမ္မာမျက်နှာသာပေးသည့်အတိုင်း..။

ဟုတ်ပေပြီ
“ အဆင့်အတန်းမြင့်ချင်စိတ်တို့၏
ဝင်ရိုးများ
ဘီးများ
အိပ်ဆေးပြင်းပြင်းများ
မထီလေးစားစကားများနဲ့
ရေနံဆီမီးအိမ်ကို အစိုးရိမ်ကြီးခဲ့
ကြယ်ကြွေတာကိုလည်းနှမျောခဲ့တယ်။ ”

မိုးကောင်းကင်ထဲက
အကွေ့အကောက်တွေ
နံရံတွေ တံတိုင်းတွေ
သက်ဝင်ပါရှိစွာ
ပုံနှိပ်ထားသောစကားလုံးထဲမှာ
ငြင်းခုံဆွေးနွေးရန်
ဒီလိုပဲလား
အချို့လူတွေနေကြထိုင်ကြတာက…။

ဒီလိုပဲလား
ငါ့မှာနေမိထိုင်မိတာက..။

ဒီလိုပဲလား
စားပင်သောက်ပင်စိုက်ပျိုးတာက..။

ဒါဇင်ပေါင်းများစွာ ပျင်းရိစရာကောင်း
ကြွားဝါဖို့ကောင်းလောက်အောင်
ဝမ်းနည်းခဲ့ဖူးပြီ..။

တစ်မူထူးခြားစွာမပြောလိုပါ
“ အမှန်တရားနဲ့တစ်ထေရာတည်းတူဖို့
အိပ်ရေး၀၀အိပ်ပါရစေ ” ။ ။
ဝင်းမောင်


မိမိခြေသံကိုရေတွက်ခြင်း
နှလုံးသားတို့
ခေါ်ထူးပဲ့တင်မှုများထူပိန်းစေရန်
လက်ရမ်းကိုခိုင်စေချင်၏..။

အခန်းဝင်လာပုံက
ရော်ရွက်တွေကြွေလာသလိုပဲ။

ထိုကဲ့သို့ရည်ရွယ်ချက်
ဖွဲ့ နွဲ့လိုက်ပါတော့လားဆို
အလို…ခင်ဗျားမှာရောဂါရှိနေပြီလား..။

အကောင်းစားမို့
အကောင်းဆုံးလွှင့်ပစ်ရမယ့်
တန်ဖိုးနိမ့်ညောင်းညာမှုများ
ဝမ်းသာစကား၊နှစ်တစ်နှစ်
အိပ်မက်တစ်ခု ၊ရုပ်ရှင်ရုံတစ်ရုံ
ချစ်လွန်းလို့ အော်ဟစ်ဆဲဆိုပုံကို
ငါကိုယ်တိုင်ကြုံဖူးတယ်လို့ဆိုပါ…။

“ ဘ၀ကိုတကယ်
ခင်တွယ်ပါသလား……..’ တဲ့။

ဝဲပျံခြင်းအတတ်နဲ့ အတောင်ကျိုးပုံရဲ့နှစ်ထပ်ကိန်း
မျက်နှာကိုနင်းခြေမယ့်လက်လျော့အရှုံးပေးစိတ်
ကွဲလွဲချက်ပေါ် တိတ်တိတ်ကလေးရိုက်ကပ်မိတွယ်။

ဘိတ်ဘိတ်ဆုံးလူရိုသေရှင်ရိုသေတစ်ခုခုရဲ့
အဓိပ္ပာယ်မှာ
“ဘယ်သွားမလို့လဲ”
“ဘယ်ကပြန်လာသလဲ..”
“ထမင်းစားပြီးပြီလား..”
“နေကောင်းရဲ့လား..”
မလိုအပ်ပဲ ခရီးသွားဟန်လွဲပဲ့တင်
တစ်နေ၀င် တစ်ခေတ်ကုန်မြန်လွန်းတဲ့စကြ၀ဠာ….

“မသိဘူး..
….ဘာဆိုဘာမှမသိချင်ဘူး …”..အမေရယ်
ငယ်ငယ်တုန်းကလို
ခဲဖျက်ဟာအသုံးဝင်ပါစေတော့…။ ။
ဝင်းမောင်

အိတ်ဆောင်အဘိဓာန်
ဖြူးဖြူး ဖြောင့်ဖြောင့် အခြေအနေ နေသားတကျ ဖြစ်ဖို့
အခြားလူတွေရဲ့အပူအပင်လို့သဘောထားလိုက်
(အဲသလို ယူဆရင်
…..လက်ခံခွင့်ပြုမလား)

ကျေးဇူးပြုပြီး ငြိမ်ငြိမ်နေပါ
မျက်နှာမသစ်ပါနဲ့
ခြေမဆေးပါနဲ့..။

နှစ် ကို နှစ် နဲ့ပေါင်းရင် လေး
နှစ် မှ နှစ် ကိုမြှောက်သော် ဆိုတဲ့ ဟာသ
ဘ၀မှာဘူးလေးရာဖရုံမဆင့်ရန်မဆိုစလောက်သာ
ကလေးငယ်ရဲ့ နုနယ်မှုတွေ အလုအယက်ခန်းသွားပုံဟာ
အထိတ်တလန့်သိတော့
တွေးတောမှု
စကြ၀ဠာ ၊ကမ္ဘာ
ဥပဓိရုပ်နဲ့ ပိုက်ဆံ
တိုက်ဆိုင်တတ်ပုံတွေဟိုတစ်စ သည်တစ်စ
မျှော်လင့်ချက်အဲသလောက်တုန်ခါနေပုံထောက်ရင်
သူ
ရိုးသားခဲ့တာသေချာတယ်။

ယုံကြည်မှုတွေကိုဒေါသနဲ့ထွေးထုတ်ပစ်လိုက်ရင်
မျက်ရည်စိမ်းတွေထွက်ကျလာလိမ့်မယ်။ ။
ဝင်းမောင်

ထမင်းလုံးတစ္ဆေ
အူမတောင့်မှသီလစောင့်မယ်လို့
ခပ်လွယ်လွယ်အကြောတွေလျော့ခဲ့ရတာလည်း
များလှပါပြီကွယ်။

တစ်ခါတစ်ရံ
လူသာမာန်တို့ရဲ့ပုံတိုပတ်စ
အဲဒီမိုးလေ၀သကိုမှန်းဆရင်း
ဆေးဖက်ဝင်သောဂုဏ်သိက္ခာတစ်ခုနဲ့
အဆိပ်တက်သောဝမ်းနည်းမှုကိုရလိမ့်..။

ခန်းဆီးစကိုလေတိုးလို့
လပြည့်ညကိုမီးလောင်ပြီး
အချစ်ရေ တို့တတွေ ဘယ်နေ့ ချွေးတိတ်ကြမှာလဲ။

ခပ်သော့သော့စကားလုံးတွေနဲ့
ကိန်းဂဏန်းကိုထိုးကြိတ်သတ်ဖြတ်တဲ့ပွဲ
စက်ဝိုင်းဆွဲဖျက်ပစ်တဲ့စွန်တစ်ကောင်လို
ကဗျာဆရာတွေသူငယ်ချင်းတို့
မင်းတို့လိုငါ
မြေပေါ်မှာ
မွေးဖွားခဲ့
ကြီးပြင်းခဲ့
ချစ်တတ်ခဲ့
ကြောက်တတ်ခဲ့
ရူးနှမ်းခဲ့ပေါ့..။
“ဘ၀ဆိုတာပစ်ချခံရတာပဲ”…တဲ့
အဲဒီမြက်ရိုင်းတောကိုမျှော်ကြည့်ရင်
ရှိုက်ကြီးတငင်မျက်ရည်ပေါက်တွေပြည့်လို့
အရယ်အပြုံးနဲ့ အရာအားလုံးဟာ
ကြောက်စရာအရှိန်အဟုန်နဲ့သွားနေတုန်း
ဗြုန်းကနဲ “တန်ဖိုး ”..လို့ရေးလိုက်တာ
ဘယ်လောက်တန်သလဲ..။ ။
ဝင်းမောင်

နှလုံးသားရဲ့မျက်လုံးတစ်စုံ

Tuesday, January 20, 2009

နှလုံးသားရဲ့မျက်လုံးတစ်စုံ ဆိုတာ နေဆူးသစ် ရဲ့ကဗျာစာအုပ်လေးပါ။ကျွန်မတို့အရင်က
ရာစုသစ်မြစ်ကျဉ်း ဆိုပြီးအတူစာအုပ်တွေလုပ်ခဲ့ကြသလို၊တစ်ကိုယ်တော်တွေလည်းလုပ်ခဲ့
ကြပါတယ်။ အဲဒီမှာ သူ့စာအုပ်ကတစ်အုပ်အပါအ၀င်ပေါ့..။ဒီစာအုပ်လေးကိုအမှတ်တရ
ပြန်တင်ပေးလိုက်ပါတယ်။
နောက်ဒီနေရာကနေတစ်ခုပြောချင်တာက..မီးဘုရင်မရဲ့ကျိန်စာ...ဆိုတဲ့ကဗျာစာအုပ်အ
ကြောင်းပါ။အဲဒီစာအုပ်လေးကျွန်မဆီမှာအစကရှိပါတယ်။ခု..ကိုယ်ပိုင်ပစ္စည်းလုပ်သွားသူ
တစ်ယောက်နဲ့တွေ့သွားပုံရတယ်။မရှိတော့ဘူး။ဒါကြောင့်အဲဒီကဗျာစာအုပ်လေးလက်ဝယ်
ရှိသူများရှိရင်ပြန်မျှဝေပေးပါလို့တောင်းပန်ချင်တာပါ။ မီးဘုရင်မ ..ဆိုတာကိုဆွေရဲ့ကဗျာ
ထဲကစာသားလေးကိုယူထားတာလို့သူတို့ပြောထားတဲ့စာကြောင်းလေးကိုလည်းသတိရနေ
တယ်။
ဒီစာအုပ်လေးကိုနေဆူးသစ်က ကိုညီဆင်းသစ်နဲ့အတူလုပ်ခဲ့ပုံပဲ။ Designs and
illustration by Nyi Sin Thit လို့တွေ့ရသလို တစ်ချိန်ကသူတို့နှစ်ယောက်
ကိုတွဲလျက်ကြီးသိပ္ပံဖက်လာတာ၊တောင်ငူဖက်မှာတွေ့တွေ့နေတာတွေကိုသွားသတိရတယ်။
အင်္ဂလိပ်လိုလည်းကိုညီဆင်းသစ်ပဲပြန်ရေးထားပါတယ်။

နှလုံးသားရဲ့မျက်ဝန်းတစ်စုံ

အနာဂတ်အသစ်ဆီ
ကြိုလင့်ပျံသန်းနိုင်ဖို့ အတောင်ပံသစ်တွေတပ်ဆင်ကြ
ကောင်းကင်ဟာ
လွတ်လပ်ပေါ့ပါးခြင်းတွေမွတ်သိပ်နေခဲ့ပေါ့။
ငါတို့ရင်ထဲ
ခံစားမှုတွေပြွတ်သိပ်လို့လေးလံမွန်းကြပ်ခြင်းတွေဖိနှိပ်ခဲ့။
ကဗျာတွေ...
ကဗျာတွေ...
လွတ်လပ်စွာပျံသန်းကြ
အဆုံးမရှိပေါ့ပါးကြ ရာဇ၀င်တွေဟာလှပလို့..။ ။
နေဆူးသစ်
5th September 1994

We must be fixed the new wings on
To fly on future's forwards
The sky is hungry for freedom.
Our hearts were,
Piled up in knots with sufferings
Pressed down by deeper suffocating.
Poems are freely flying,
Lighting in endless attitude
And the histories are good looking.
English version by Nyi Sin Thit


ဒဏ္ဍာရီ ၇၅
ဂန္ထ၀င်အိပ်မက်တို့
ကိန်းထပ်ဆင့်ရာဇ၀င်ချီရင်း
အသည်းနှလုံးဒြပ်ပေါင်းစုများ
စုပြုံအနယ်ကျလာခဲ့။
ဲအဲဒီချော်ရည်မြစ်ပေါ့
မျှော်လင့်ချက်တွေလင်းလဲ့တောက်ပ
မီးတောင်ဟောင်းတွေလှုပ်နိုးထ
မြေလွှာသစ်အလှကိုဖန်ဆင်းလို့။
နေဆူးသစ်

Fable 75
The classical dreams are still making
History in number again and again
And the heart compounds become settle in mass.

It is a molten lava river
Which makes the hopes in blaze
Wakes up the extinct volcanos,
Creates the new earth.
Translated by Nyi Sin Thit

သင်ခန်းစာ
တစ်ချို့ကသီလစောင့်တယ်
အပင်စိုက်တယ်။
ကျွန်တော်က ကလေးတွေကို
စာသင်ပေးတယ်။
စာလုံးပေါင်းအသစ်တွေတက်ပေးတယ်။
သူတို့က
ကာတွန်း၊ပုံပြင်၊၀တ္ထု၊သတင်းစာတွေ
ဖတ်ချင်တယ်
စကားလုံးတွေနဲ့လှည့်စားချင်တယ်။
ဒါပေမယ့်
သူတို့ဟာပညာမစုံသေးဘူး
ရိုးသားတဲ့ကလေးတွေပဲဖြစ်တယ်။
ကျွန်တော်က ကလေးတွေကို
စာသင်ပေးတယ်
စာလုံးပေါင်းအသစ်တက်ပေးတယ်။
သူတို့က
လူရဲ့အဓိပ္ပါယ်ကိုသိချင်တယ်
ဘ၀ရဲ့ခက်ဆစ်ကိုနားလည်ချင်တယ်
ဒါပေမယ့်
သူတို့ဟာပညာမစုံသေးဘူး
ရိုးသားတဲ့ကလေးတွေပဲဖြစ်တယ်။
နောက်ဆုံး...
ကျွန်တော်က..
သူတို့မေးခွန်းတွေလုံးဝမဖြေနိုင်တဲ့အခါ
သင်ခန်းစာတွေရပ်လိုက်ရတယ်။
ကလေးတွေဟာ
စကားလုံးတွေအကြောင်း
လူရဲ့အဓိပ္ပါယ်အကြောင်း
ဘ၀ရဲ့ခက်ဆစ်တွေအကြောင်း
ဘာတစ်ခုမှသိမသွားခဲ့
တကယ်တော့
သူတို့ဟာပညာမစုံသေးဘူး
ရိုးသားတဲ့ကလေးငယ်တွေပဲဖြစ်တယ်။
နေဆူးသစ်


အနမ်း
အဲဒီမှာ
တို့နှစ်ဦးရဲ့ညီတူညီမျှ
လွတ်လပ်ပွင့်လင်းမှုတွေရှိတယ်။
ဆုံဆည်းခွင့်ကိုတမ်းတခဲ့တာပါ
ပျောက်ဆုံးခြင်းကိုရှာဖွေခဲ့တာပါ။
ချစ်သူတို့ရဲ့
ရာဇ၀င်ပြတိုက်အိုထဲ
မှိုတက်နေတဲ့ဖယောင်ရုပ်ထုလို
အမှတ်တရများစွာပေါ့ကွယ်။
အဲဒီမှာ
တို့နှစ်ဦးရဲ့ညီတူညီမ
ထိန်းချုပ်ထာရခြင်းတွေရှိတယ်
ဘ၀ဒေသနာ
အချိန်ကာလများစွာဟာ
နူးညံ့မှုဝေဒနာအဖြစ်
တို့ရဲ့အသည်းနှလုံးထဲ
တစိမ့်စိမ့်စီးဝင်လာခဲ့ပြီ။ ။
နေဆူးသစ်
(အဲဒီကဗျာကိုမနှစ်က ဖေဖော်ဝါရီလမှာ ကျွန်မတို့မဂ္ဂဇင်းထဲဖော်ပြခဲ့သေးတယ်။အချစ်ကဗျာများဆိုပြီး..း) )

အရိပ်များရဲ့အောက်မှာ
ခရုခွံများရဲ့နောက်ကျခြင်းညနေ
အညောင်းအညာဖြေရင်း
ပင်လယ်ကမ်းစပ်တွေရှိရာ
လေညင်းခံထွက်ရင်း
ငြီးငွေ့ဖွယ်သဲသောင်ပြင်ဆီ
နရီဒီရေလှိုင်းလွှာတိုးနိမ့်
အာရုံများရဲ့ခြေရာ
အသည်းနှလုံးမပါသော
ဟောင်းလောင်းရင်ခွင်
အခင်းအကျင်းပြပွဲ
သေဆုံးခြင်း၊မွေးဖွားခြင်း
အရင်းမြစ်ဖြစ်တည်မှု
နေ့ညအသစ်များ
ခံစားမှုအဖော်မွန်ရှာဖွေဆဲ
တစ်ယောက်တည်းအထီးကျန်
လမ်းရိုးအတိုင်းလှည့်ပြန်ခဲ့ရ။ ။
နေဆူးသစ်

နာရီများ
ငါတို့မှာနာရီတွေအများကြီးရှိတယ်
ပုရွက်ဆိတ်တစ်ကောင်ရဲ့အနံ့ခံမှုမျိုးနဲ့
အသက်ရှူသံကိုခြိမ်းခြောက်နေတဲ့
နာရီတွေ
ကလေးငယ်လိုဥာဏ်ရည်ဖွံ့ဖြိုးမှုမျိုးနဲ့
သဘာဝကိုဆော့ကစားနေတဲ့
နာရီတွေ
စစ်ပွဲတွေရဲ့ယောင်ကိုင်းပုပ်ပွမှုကို
ငြိမ်းချမ်းရေးဖော်မလင်စိမ်ထားချင်တဲ့
နာရီတွေ
မိန်းမတစ်ယောက်ရဲ့ထမီအနားစထဲ
ပဲ့ပါသွားတဲ့
နာရီတွေ
ရေတံခွန်အောက်မှာတွားသွားနေတဲ့
နာရီတွေ
ကြယ်တွေလို၊ပန်းပွင့်တွေလို
ကြွေကြွေကျတဲ့
နာရီတွေ
ထီလက်မှတ်တွေရဲ့အနာဂါတ်ကို
ကံစမ်းမဲတစ်ပုံတစ်ပင်နဲ့
နာရီတွေ။
အဲဒီနာရီတွေဟာ
ပတ်ဝန်းကျင်တစ်ခုလုံးကို
မျှော်လင့်ချက်ပေါင်းအိုးထဲမှာနူးညံ့စေပြီး
သူတို့ရဲ့လိုရမ္မက်ကြီးတဲ့အံသွားတွေနဲ့
ကိုက်ဝါးနေကြတော့တယ်။
ငါတို့မှာနာရီတွေအများကြီးရှိတယ်
ငါတို့ရဲ့မရေရာခြင်းစိတ်ကူးတွေထက်မှာ
ငါတို့ရဲ့ခံစားချက်တွေကိုမှိုတက်ခံရင်း
ရာသီအသစ်တွေကိုသောက်သုံးရင်း
ရင်ဘတ်အဟောင်းလောင်းနဲ့
နာရီတွေ
နက္ခတ်ဗေဒပညာရှင်တစ်ယောက်လို
ဟောကိန်းထုတ်လို့။ ။
နေဆူးသစ်
(နောက်တော့မှဆက်ပါမယ်။)



ပန်းပွင့်ဈာပန
ချစ်သူရေ
ပန်းပွင့်ကလေးတွေ
ရေစီးကြောင်းထဲမျှောချလိုက်ပါ
ဘယ်ဆီရောက်သွားမလဲ
စွန့်ပစ်ရက်စက်ခံရဆဲ
အမြုံပန်းတွေအတွက်
ချစ်သူဖြစ်ရရုံသက်သက်
ပုန်းလျိုးကွယ်လျိုးတိတ်တခိုး
လွမ်းနေခဲ့တယ်။
မင်းသိမှာပါ
ကြွေသွားတဲ့ပန်းတွေဟာ
ဘယ်လောက်များလှပခဲ့ကြသလဲ
ခိုင်မာတဲ့ချစ်ခြင်းအတွက်
ဘယ်လောက်များစွန့်စားဝံ့ကြသလဲ
အဲဒီနာရီတွေမှာ
စကားလုံးတွေတစ်လုံးပြီးတစ်လုံး
ပဲ့တင်ထပ်တဲ့နောက်ဆုံးပေါ့..
ညနက်နက်ညဥ့်အိပ်မက်မှာ
လေစိမ်းတွေကလည်းတိုက်လိုက်တာ
ပန်းဖျက်မုဆိုးတွေဟာ
ဘ၀ရဲ့သုံးပုံနှစ်ပုံကို
ရင့်ညိုမှောင်မိုက်စေခဲ့တာပဲမဟုတလား။
ဒါဟာလဲ
ပန်းတို့ချစ်သူအတွက်
ဂန္ထ၀င်အသစနဲ့ကဗ္ဗည်းတင်တဲ့
သံယောဇဉ်ပါပဲကွယ်
ဆုံဆည်းပိုင်ဆိုင်ခွင့်အတွက်မို့
ဘုရားသခင်မျှဝေတဲ့အကြင်နာမှုတွေနဲ့
တို့ရဲ့ငြိမ်းချမ်းသာယာမှုဟာ
ရင်တွင်းမြစ်များကိုခံစားစီးမျောမယ့်
အသည်းနှလုံးတစ်စုံကို
မျှော်လင့်ရှင်သန်နေခဲ့ပြီလေ။ ။
နေဆူးသစ်


အ၀ါရောင်လ်ိပ်ပြာရဲ့အသက်ရှူသံ
ရွှေရည်စိမ်ပတ်ဝန်းကျင်ရဲ့အဆိပ်တွေကြောင့်
နေ့နဲ့ည
မမြင်ရတဲ့အဖြစ်ကိုငါရောက်နေပြီ။
မွဲတေသွားတဲ့မျက်လုံးတွေဟာ
အိပ်မက်တွေကိုသာအဖော်ပြုရင်း
အနာဂါတ်ကိုအထီးကျန်ဆန်စွာ
ကုန်ဆုံးနေခဲ့ရပေါ့။
သိပ်ခက်ပါလားချစ်သူရယ်…
မင်းနရဲ့နှုတ်ခမ်းတစ်စုံဟာ
နှင်းဆီပန်းလေးလိုရဲရင့်ဝံ့ကြွားနေတာ
ငါဘယ်လိုနှိုင်းယှဉ်ပြရပါ့
ငါကိုယ်တိုင်တောင်မှ
အမည်းရောင်ရင့်ပန်းချီကားတွေရေးနေတဲဘ၀
လေမိနေပေမယ့်
ရစ်ကြိုးကုန်သွားတဲ့စွန်ကလေးဟာ
ငှက်တစ်ကောင်ကိုအားကျနေသလိုမျိုး
အလှပဆုံးအတွေးတွေနဲ့လေ
လမ်းမတွေ၊ရုပ်ရှင်ရုံတွေ၊ပန်းခြံတွေ
ခေတ်ပေါ်ရောင်စုံအ၀တ်အထည်တွေ
ဖတ်လက်စစာအုပ်အဟောင်းအမြင်းတွေဟာ
ငါ့ကိုငိုကြွေးမှောင်မိုက်စေခဲ့တယ်။
ကျန်းမာပါစ လို့နှုတ်ဆက်နဲ့နာရီသံတွေ
ဟဲဗီးရော့ခ်မယ်လိုဒီရဲ့ပေါက်ကွဲမှုတွေ
တစ္ဆေခြောက်တဲ့ခွေးဟောင်သံတွေ
ကလေးငယ်ရဲ့ငိုသံတွေကတော့
ငါ့ကိုနေရောင်ခြည်တွေပေးဝေခဲ့တယ်။
လမင်းနဲ့ထွန်းကားတဲ့ကော်ဖီခွက်ထဲ
အလင်းရောင်ကိုမြုပ်နှံတဲ့သဘာဝတို့ရေ
ငါ့ကိုယ်ငါပြန်မရတော့မယ့်အတူတူ
အရိပ်ဆိုတာလည်းမလိုအပ်တော့ပါဘူး။
ည ဟာင့ါအတွက်တော့
မာယာသိပ်များတဲမိန်းမတစ်ယောက်လို
အလိုမတူပဲပေါင်းဖက်ခဲ့ရပေါ့
ငါ့ရဲ့အသွေးသားရိုးတွင်းချဉ်ဆီနဲ့
အသည်းနှလုံးတွေကဖန်တီးထားတဲ့
ပြာမှုန်အပိုင်းအစတွေ
ဘယ်လိုကြေမွပြန့်ကျဲသွားတယ်ဆိုတာ
မြင်ချင်စမ်းပ
ဒေါသဖြစ်ရုံသက်သက်
အော်ဟစ်ပြောင်လှောင်ခဲ့ချင်လို့လေ
နောက်ဆုံးတော့လည်း
ငါဟာ
တနင်္ဂနွေရဲ့ဓမ္မတေးတစ်ပုဒ်လို
ပြီးဆုံးခဲ့တဲ့အကြိမ်ပေါင်းများစွာ။ ။
နေဆူးသစ်


အစာ
၁။
ညအချိန်ရောက်ပြီဆို
သတိထားကောင်လေးရေ
ပုရွက်ဆိတ်တွေဟာ
ဦးနှောက်ထဲဖောက်သောက်ဖို့ပဲသိတယ်။
ကိုယ်တိုင်ရူးနှမ်းသွေးပျက်
ကျမ်းအသစ်တွေရွက်ထားရတာ
မသိရှာခဲ့ဘူး
စည်သွတ်ဘူးတွေလည်းမဖွင့်ရဲ
ပေါင်မုန့်တွေလည်းချန်မထားရဲတော့။
၂။
ဘယ်လိုလဲကောင်လေးရေ
မင်းရဲ့ချစ်သူလက်ဆောင်
ရောင်စုံပ၀ါစတွေဟာ
အချိုဓါတ်သိပ်ကဲလွန်းနေပြီလား
ငါ့ကြောင်အိမ်ထဲက
ပုတ်သိုးသိုးအစာတွေတောင်မှ
ပုရွက်ဆိတ်တွေနဲ့အထာကျနေခဲ့ရပေါ့။
၃။
သိပ်ဆာနေပြီလားကောင်လေးရေ
ပုရွက်ဆိတ်တွေပါတာမပါတာမကြည့်နဲ့
ရတဲ့အစာအကုန်စားပစ်လိုက်
ငါ့အတွက်
ဘာမှချန်မထားလဲဖြစ်တယ်။
၎။
အော်…
ဒါပေမယ့်ကောင်လေးရေ
ငါအိပ်နေတုန်း
အိပ်မက်လှလှလေးတွေတော့
ခိုးမစားလိုက်နဲ့နော်
မနက်မိုးလင်းစအာရုဏ်ဦးမှာ
ရှင်းသန့်ကြည်လင်စွာ
ငါ ..နိုးထဖို့လက်နေလိမ့်မယ်။ ။
နေဆူးသစ်


ဇောက်နက်ငလျင်
လောင်းကစားပွဲမှာ
ကြွေးထူထူနဲ့အနိုင်ရသလိုမျိုး
တစ်ဝက်တစ်ပျက်အပျော်တွေစုပြုံနေခဲ့
ချစ်သူတို့ရဲ့
သွေးသားနုနုအသက်ရှူသံအတွက်
မျှော်လင့်ချက်သိုးသိုးတွေကသာ
အသည်းကွဲခြင်းမီးတောက်ထဲ
ပြာမှုန်အဖြူရောင်စစ်စစ်အဖြစ်
တန်ဖိုးမြင့်တက်နေတော့တယ်။
ငါတောင့်တမိတဲ့သန့်ရှင်းရိုးသားမှု
ဒီလိုဆက်စုတ်ရွံမုန်းခဲ့ရပေါ့….။
အစာအိမ်တွေသံပတ်ပေးရင်း
တံတွေးခွက်ထဲပေါလောမျောပါနေ့ညများ
ကံကြမ္မာသွေးပုတ်တွေက
အရစ်လိုက်အရစ်လိုက်ဖုံးလွှမ်းလို့သွားပြီ။
အနာဂတ်တို့ရေ
အမှန်တရားရဲ့ဒြပ်မဲ့အလှတို့အတွက်
အိပ်မက်တွေနဲ့ပေါင်းသင်းရင်း
ဟောဒီချဉ်ခြင်းတွေထက်
ခံတွင်းပျက်နေတဲ့ကောင်
အာဟာရအတုနဲ့အသက်ဆက်ရပုံကို
ဘယ်လိုရှင်းပြရပ။
နေဆူးသစ်

သိက္ခာသည်ည
ဇီးကွက်မတ်တပ်အိပ်ငိုက်
လင်းဆွဲဆပ်ကပ်ညောင်းခိုက်
မီးခွက်ဇက်ပြတ်မှောင်မိုက်။ ။
နေဆူးသစ်


ပြဿဒါးနေ့စွဲ
ဆန္ဒယိုစီးမှု
ကမ်းပါးတစ်ခုဆီရောက်ခဲ့ကြ
နိဒါန်းတချို့ရဲ့သိမ်ငယ်တဲ့နိဂုံး
ချော်ရည်မြစ်ထဲစုန်းစုန်းမြုတ်နေ
အသားပိုထပ်ဥတုများစွာ
ချဉ်ဆီတက်ခဲ့ကြ
ဝန်ချီစက်အဟောင်း
လျော့ယိရွဲသဏ္ဍန်ပြောင်းလောက
အစိမ်းသေပုတ်ပွမှုသာဝါကြွားနိုင်
သုညခြေရာရေတွက်ရင်း
လ်ိပြာတွေအအေးမိဖျားနာကြ
အနာဂတ်ဥာဏ်ရည်ဖွံ့ဖြိုးမှုအတွက်
ကျောက်ခေတ်လူသားတွေသာ
မွေးဖွားလာခဲ့
ချစ်ခဲ့ဖူးသူများအတွက်
မာခြင်းအဆင့်(၁၀)ရတုပွဲတွေကျင်းပကြ
အရိုးတွန်သံရဲ့ပေါက်ကွဲမှုဂီတ
အသည်းနှလုံးအတုနဲ့နားဆင်ဆဲ
အချိန်နဲ့ဘ၀ရဲ့ကျေးကျွန်ဖြစ်ခဲ့ကြ
စကားလုံးတွေနဲ့အတိုက်ခံငြင်းဆိုကြ
သစ္စာတရားအချဉ်ဖောက်မှုကြောင့်
စည်းရိုးမဲ့သတ်ပုံအမှားများစွာ
ငါ့ကဗျာတွေရို့ကျိုးနေရမလား
ဟောဒီ..အမင်္ဂလာပုံရိပ်တွေထဲ
မိုက်မဲမှုသင်ရိုးသစ်ကို
ဘယ်သူတီထွင်ထားပါသလဲ
သဘာဝကိုက
သူ့ရဲ့အကြီးအမြတ်ဆုံး
ဒုက္ခအမွေတွေသာဖန်ဆင်းပေးခဲ့
အာရုဏ်ဦးအလှဆင်ဖို့ရာ
ညမီးပုံပွဲရဲ့
လောင်ပြီးသားမီးကျီခဲတွေ
ပန်းမပွင့်တဲ့မြေသလင်းမှာ
မြေသြဇာအဖြစ်သေဆုံးသွားကြပေါ့။ ။
နေဆူးသစ်

ခန္တီယတေး
အချစ်အတွက်
အဓိပ္ပာယ်နှစ်ခုမဖွင့်နဲ့ကွယ်
မင်းကို
အာရုဏ်ဦးဆန်ဆန်မျှော်လင့်
ညတွေသာဖြစ်ခဲ့ရ
ခံစားမှုမှော်အတတ်နဲ့
ကျယ်ပြန့်တဲ့ကောင်းကင်ပြာ
တစ်ကြိမ်တစ်ခါပိုင်ဆိုင်ခွင့်
နှစ်ချို့သက်ပြင်း
အလင်းတံခါးတွေပိတ်ဆို့ထားရဲ့…….
ဆင်ခြင်တုံတရားကင်းမဲ့
ငါက
အိပ်မက်တွေနဲ့အဆိပ်သင့်
မင်းက
မိန်းမစစ်စစ်အဖြစ်
တစ်ဘ၀စာကြိုမြင်ခဲ့ပေါ့။
ဆုံဆည်းခွင့်အလှ
အသည်းနှလုံးဂီတ
အတ္တအသွင်သစ်
တေးဖြစ်ဘယ်လိုဆိုရပ ၊
သင်္ကေတတွေပျောက်ဆုံး
ငါ့အနာဂတ်အားလုံး
ပစ်မှတ်ဖြစ်သွားတဲ့အခါ
မင်းက
အရာရာကိုဥပက္ခာထား
မြားတစ်စင်းပစ်ခွင်းလိုက်စမ်းပါ
အဲဒီကစားပွဲဟာ
ရှုံးနိမ့်ပါရစေ
အဓိပ္ပာယ်ရှိစွာ….။ ။
နေဆူးသစ်


နှင်းဆီပန်းနီပွင့်
မိန်းမပျိုလေးရဲ့ဧည့်ခန်း
ပန်းအိုးအလည်တည့်တည့်
နှင်းဆီပန်းနီပွင့် ပွင့်
အဲဒီနှင်းဆီပန်းအိုးရဲ့နောက်မှာ
ဇာတ်လမ်းတစ်ခုရှိနေတာ…..။

လူတွေက
ဆူးရှိနှင်းဆီကိုစွန့်ပစ်
ဆူးမဲ့နှင်းဆီကိုချစ်ကြတယ်
ဒါပေမယ့်နှင်းဆီပန်းပွင့်
ပန်းလိုပွင့်
ပန်းလိုကြွေ
သူမသိပ်ချစ်တဲ့နှင်းဆီပန်းနီပွင့်
အရူးအမူးတပ်မက်
နူးနူးညံ့ညက်ဆုပ်ကိုင်ခဲ့ဖူး
ဆူးစူးတတ်ရဲ့..
ဒီအရောင်သွေး၊နွေးထွေးပွေ့ဖက်
သူမခံစားချက်လေ..။

နောက်ပြီး
သူမနှုတ်ခမ်းကစကားလုံးတွေ
ပွင့်အံကျလာ
သူမမျက်လုံးမှာ နှင်းဆီပွင့်နီတွေ
နောက်ပြီး..
ပတ်ဝန်းကျင်တွေအားလုံးကြည့်ကြည့်
နှင်းဆီပန်းနီပွင့် ပွင့်မပွင့်
အသည်းနှလုံးတွေအားလုံးကြည့်ကြည့်
နှင်းဆီပန်းနီပွင့် ပွင့်မပွင့်။
မိန်းမပျိုလေးကပြောတယ်
နှင်းဆီပန်းနီပွင့် ပွင့်ခဲ့တဲ့ပန်းအိုး
သိပ်လှ
အဲဒီပန်းအိုးရဲ့နောက်မှာ
ဇာတ်လမ်းတစ်ခုရှိနေတာ
ဧည့်ခန်းဟာ…။ ။
နေဆူးသစ်


ရတုအသစ်ရဲ့ဆောင်း
မုတ်သုန်ရဲ့စွန့်ခွာမှုထဲ
နှင်းပွင့်လေးတွေတဖွဲဖွဲကြွေကျ
စံပယ်တွေဟာအလှပဆုံးသတို့သမီးဖြစ်ခဲ့တယ်။
သဘာဝရဲ့အဆုံးအစဖြစ်တည်မှုတွေထက်က
နုပျိုမှုရဲ့သေဆုံးခြင်းသာ၊
ဒီလိုနဲ့အမှတ်စဉ်တွေရေတွက်ခဲ့ရ
အတ္ထုပ္ပတ္တိအသစ်ဖြစ်ခဲ့ရ
အိပ်မက်ဝိုင်ချိုရဲ့
ပဉ္စလက်မိုးကောင်းကင်ထဲ
ဝိညာဉ်ပြာတို့အရိပ်တွေစွဲထင်နေရင်း
မျက်ရည်စတွေစီချယ်လို့
ရီဝေပိန်းပိတ်ဆဲလောကဟာ
အေးစက်စက်ပဲ့တင်သံတွေနဲ့။ ။
နေဆူးသစ်

(ဤတွင်ပြီး၏…)

မေးခွန်း

Saturday, January 17, 2009

မေးခွန်း

ဘာဝယ်ရမှာလဲ
မေးခွန်းတစ်ခုက ဦးထုတ်ဆိုင်ထဲဝင်သွားတယ်။
ဦးထုတ်ဆောင်းထားတဲ့မေးခွန်းဟာ ကျောပိုးအိတ်ဆိုင်ထဲဝင်သွားတယ်
ှုဦးထုတ်ဆောင်းပြီးကျောပိုးအိတ်လွယ်ထားတဲ့မေးခွန်းဟာ
စီးကရက်ဆိုင်ထဲဝင်သွားတယ်
ဦထုတ်ဆောင်းကျောပိုးအိတ်လွယ်စီးကရက်ခဲထားတဲ့မေးခွန်းဟာ
နေကာမျက်မှန်ဆိုင်ထဲဝင်သွားတယ်။
ဦးထုတ်ဆောင်းကျောပိုးအိတ်လွယ်စီးကရက်ခဲနေကာမျက်မှတ်တပ်ထားတဲ့မေးခွန်းဟာ
အရက်ဆိုင်ထဲဝင်သွားတယ်
အရက်မူးနေတဲမေးခွန်းဟာရေချိန်ကိုက်နေတဲ့ကာရာအိုကေထဲဝင်သွားပြန်တယ်
အရက်မူးမူးနဲ့သီချင်းဆိုနေတဲ့မေးခွန်းဟာ
မာတီစစ်စတန်အိပ်မက်ကွန်ယက်ထဲဝင်သွားတယ်
အိပ်မက်ထဲကမေးခွန်းဟာမန်းနီးချိန်ချာထဲဝင်သွားတယ်
နိုင်ငံတကာငွေစကြေးစတွေနဲ့မေးခွန်းဟာ
အားဖြည့်အချိုရည်ဆိုင်ထဲဝင်သွားတယ်
အားပြည့်လာတဲ့မေခွန်းဟာ ဆေးသုတ်ဘူးတွေစီထားတဲ့ဆိုင်ထဲဝင်သွားတယ်
လမ်းမတွေပေါ်လျှောက်သွားနေတဲ့အသစ်စက်စကလိုမေးခွန်းဟာ
မေးခွန်းတွေရောငးတဲ့ဆိုင်ထဲဝင်သွားတယ်။ ။
နိုင်မွန်အောင်သွင်


အဲဒါက ကိုနိုင်မွန်အောင်သွင်ရေးတဲ့ကဗျာပါ....နိုင်မွန်(နှင်းဆီတစ်ရာ)နာမည်နဲ့ရေးခဲ့တာဖြစ်ပါတယ်။
လွန်ခဲ့တဲ့၁၁နှစ်ကျော်က သရဖူမဂ္ဂဇင်းမှာပါသွားတာဖြစ်ပါတယ်။
ဒီလိုရေးနည်းရေးဟန်နဲ့ကဗျာတွေတွေ့ဖူးကြမှာပါ။ ကျွန်မကတော့ ဒီကဗျာကိုတော့သဘောကျတယ်။
ဆုံးသွားတဲ့ထိလူကိုစိတ်ဝင်တစားရင်ခုန်စေလို့ပါ။

မင်္ဂလာနှစ်သစ်ဖြစ်စေသား..

Wednesday, December 31, 2008

၂၀၀၈ ကတော့ ကုန်ဆုံးလွန်မြောက်သွားခဲ့ပြီ..။ ၂၀၀၉ ဆိုတာကြီးက ခန့်ခန့်ထည်ထည်ကြီး
ထိုင်ပြီးလူတွေရဲ့မျှော်လင့်ချက်တွေကို ကြည့်နေတယ်။ သူဘာတွေပေးနိုင်မှာလဲ...။ကျွန်မတို့
ဘာတွေမျှော်လင့်နေကြလဲ....။ထုံးစံအတိုင်း ရေးထားပြီးသားစာမျက်နှာတွေကို ကျွန်မတို့ကြို
သိခွင့်မရသေးဘူး...။နေ့ရက်တွေကိုတစ်ရက်ချင်းဆွဲလှန်ဖွင့်ဖတ်သွားရဦးမှာ............
ဘာပဲပြောပြော ...ဒီလိုတစ်ချိန်လေးတော့ လူတွေပျော်ခွင့်၊မျှော်လင့်ချက်ထားခွင့်ရနေသေး
တယ်။အဲဒီအတွက်ပဲ ကျေးဇူးတင်ရဦးတော့မှာပဲ..........
ချစ်သော မိတ်ဆွေ၊သူငယ်ချင်း၊မိသားစု၊မောင်နှမ၊ဆရာသမားနဲ့ လုပ်ဖော်ကိုင်ဖက်တွေအားလုံး
ဒီနှစ်သစ်မှာ မျှော်လင့်သလောက် ဆန္ဒတွေပြည့်ဝ ပျော်ရွှင်နိုင်ကြပါစေလို့............။

တစ်မိုးတည်းအောက်မှာ

Sunday, December 21, 2008

ဟိုတလောလေးကပဲ..မိုးနေက မောရူးဆိုးရဲ့ကဗျာလေးရိုက်ပို့ပေးတာနဲ့ကြွေးဆပ်လိုက်နိုင်တယ်။
ခုလည်း တစ်မိုးတည်းအောက်မှာ..ကိုလက်စသပ်ပေးလိုက်ပြီ
စိတ်တွေမကြည်လင်၊အလုပ်တွေရှုပ်နေလျက်ကပဲ ဘလော့ခ်ကိုလည်းမခွာနိုင်၊ပစ်မထားနိုင်ဖြစ်နေ
တယ်လေ...
တစ်မိုးတည်းအောက်မှာ...ကတော်တော်လူစုံတက်စုံလေးပါတဲ့စာအုပ်ပါ။
ကိုဒတ္ထ၊ကိုသရ၀ဏ်ကြီးနဲ့ ကိုသန်းဝင်းထွဋ်၊အမမေငြိမ်းတို့တွေပါသလို အငယ်တွေထဲက
တင်မင်းထက်တို့နေဆူးသစ်တို့လည်းပါတယ်။နောက်ကျွန်မကြိုက်တဲ့ နီမာရှင်း
သူ့ကဗျာလေးတွေကောင်းရက်နဲ့စာပေလောကထဲသူရောက်မလာခဲ့ဘူး....
သူလည်းတင်မင်းထက်လိုတိတ်တိတ်ကလေးကဗျာတွေရေးနေလောက်ရဲ့...
နေဆူးသစ်ကတော့ ကဗျာတွေရေးဆဲ၊ပို့ဆဲပဲ...ဒါပေမယ့်သူ့ခမျာလည်း..ဟိုနားတစ်စဒီနားတစ်စ
ဖြုတ်ခံနေရရှာတယ်။
ကဗျာစာအုပ်တွေကိုအုံနဲ့ကျင်းနဲ့ထုတ်ခဲ့ကြတဲ့ ၁၉၉၃ ၊၉၄၊၉၅ ကာလကိုသတိရတယ်။
ကျွန်မတို့အားလုံးလှေခါးထစ်တွေကိုတစ်ထစ်ချင်းသေသေချာချာတက်ခဲ့ကြတဲ့သင်္ကေတပေါ့...
နောက်ဖေးပေါက်တွေကကျော်မတက်ခဲ့ကြဘူး၊ဓါတ်လှေခါးလိုဟာမျိုးမသုံးခဲ့ဘူး၊အထစ်တွေ
ကျော်မတက်ခဲ့ကြဘူးပေါ့..ဘယ်လောက်တောင်ချစ်စရာကောင်းတဲ့စာမျက်နှာလေးတွေလဲ
သူများတွေတော့မသိဘူး၊ကျွန်မကတော့ပျော်တယ်။လိပ်ပြာသန့်တယ်။အဲလိုလိပ်ပြာသန့်ခွင့်ရ
တဲ့အတွက်လည်းကျေနပ်တယ်။



မိုးကြိုတေး

ဖွင့်ကြရှဲကြ
ပြဇာတ်နောက်ခံတေးသွားဘ၀
ဘယ်တော့မှမရောက်ရဘူးဆိုတဲ့
ခပ်နွဲ့နွဲ့သီချင်းပျိူလေး
လာပြီ။

ဆင်ဖိုနီကိုအားပြု
နွေအရပ်ရဲ့လှိုင်းတံပိုးကို
စုပ်ယူထားခဲ့ရတဲ့သွေးကြောနဲ့
စီးဆင်းကြပါစို့ရဲ့။

ဘင်သံကိုမခံရပ်နိုင်တဲ့
နှလုံးသားအပျော့စားများနှုတ်ထွက်ပါ
ကခုန်မယ့်ဒူးဆစ်များအတွက်ပဲ
ချဉ်ဆီနည်းနည်းရှိပါစေ။

စွန့်ပစ်ခံနေ့ရက်တွေလည်း
“၂၄”နာရီမြောက်မှာဘ၀တစ်ပါးပြောင်းသွား
ဟောသည်သီချင်းကျတော့
အရှင်လတ်လတ် ၂၄နှစ်မြောက်မှာ
သီချင်းသက်ကုန်သွား
ဒေါသများသက်သက်။ ။
သန်းဝင်းထွဋ်


စိတ်ကမ်းစပ်
တိမ်ကျောက်တုံးတွေနဲ့
ကောင်းကင်ကြီးလေးလံ
ကမ္ဘာမြေလက်အံသေနေပေါ့
ဟောင်းလောင်းရင်ခွင်တို့
ခံတွင်းအသစ်လဲလှယ်ကြ
ကင်ပွန်းတပ်ရွှေရတုပွဲတွေကျင်းပ
အသက်၀၀ရှူခြင်းအတတ်
တစ်ဖက်ကမ်းခတ်ခဲ့ပြီ
ပယောဂမပါပဲ
အလိုလိုအဆိပ်ပြီးနေတာကတော့
အရိပ်ထဲကပန်းပွင့်တွေ..။ ။
မောင်နန္ဒ


ဂရင်းလန်ဆောင်းအိပ်မက်
(၁)
နှင်းစာရွက်ဟောင်းပေါ်က
ည၀ါကျရှည်များထဲ
“စွတ်ဖား”တွေမည်းမည်း….မည်းမည်း..
နှလုံးသွေးကလွဲလို့
အရာရာဟာ
သုညဒီဂရီအောက်
ခရီးရှည်ပေါက်ခဲ့။
(၂)
“ဆိုက်ဗေးရီးယား”လက်အုပ်ချီရမယ့်
အအေးဒါဏ်ဟာ
အသက်ရှင်နေသေးတယ်
ကမ္ဘာပေါ်မှာပဲ..
…ဆိုတဲ့
အသိနဲ့သတိကိုတောင်ခဲသွားစေပြီ…။
ဒီထက်ပိုတဲ့အအေး
မရှိနိုင်တော့ဘူးဆိုတဲ့
အထင်လည်း
ခဲသွားပြီ..
နွေဦးလာရင်
နေမြင်တော့မယ်ဆိုတဲ့
အထင်လည်းခဲသွားပြီ…။
(၃)
ချစ်သူတွေ
စက္ကန့်ကုဋေချီဝေးနေချိန်ပေါ့
ငြိမ့်ညောင်းသာယာ
ရေခဲပြင်ဝံပုလွေတို့အူသံရှည်တွေ
မဆုံးတမ်းနီးကပ်လာ
ကျွန်တော်အနွေး
အကတ်အသတ်ကိုသောက်ကြဖို့တဲ့။
ဂျက်လန်ဒန်ရေ
ခင်ဗျားမှတ်မိသလောက်
သတ္တိ၊နည်းလမ်းနဲ့ အဆုံးအဖြတ်တွေ
ထပ်ပြောပါဦး
ကျွန်တော်သူတို့ကိုသောက်မှဖြစ်တော့မယ်။
(၄)
မျက်ရည်တို့
ပါးပေါ်တွဲလွဲခဲ
နောက်တော့မျက်လုံးထဲတင်ပိတ်ခဲ
မိုးကုတ်စက်ဝိုင်းရေ..
နေ….နေ..ပေးပါ၊ နေပေးပါတော့…
အိုကမ္ဘာမြေ…
ဒီမီးနီလေးအသိအမှတ်ပြုပါ
စွတ်ဖားရာမျဉ်းတွေတစ်လျှောက်တော့
ပင့်သက်ရှိုက်သံ
သွားကြိတ်သံတို့
အခဲလိုက်အဆုတ်လိုက်
ဒလိမ့်ခေါက်ကွေးကျကျန်လို့။ ။
လူသွေး



အိပ်မက်မမက်တဲ့ကောင်းကင်
သက္ကရာဇ်တွေစီးပြီး
မငြီးမငြူ
ခရီးသွားနေတဲ့သူ့ကို
ငုံ့ကြည့်
ဂရုဏာသက်မိရဲ့။

ဧည့်သည်တွေက
ငါ့ဆီကလာသလိုနဲ့
သူ့ဆီကိုပဲသွားကြ
တားလို့လည်းမရ။

သူ့ခရီးက
မပြီးဆုံးသေးသလို
ငါ့မျက်လုံးတွေလည်း
အိပ်မပျော်သေးပါလား။ ။
နီမာရှင်း



Metamorphosis
တိမ်တွေဟာ
လေလွင့်ရာပြေးလို့
အဝေးဆုံးထိသွားနိုင်တယ်။

တိမ်တွေဟာ
မာယာနဲ့
မျက်နှာများစွာပြောင်းနိုင်တယ်။

တိမ်တွေဟာ
ပန်းချီဆရာမနိုင်တဲ့
အရောင်သစ်များစွာလည်းဖန်ဆင်းနိုင်တယ်။

တိမ်တွေဟာ
အနာဂတ်မဲ့၊အတိတ်မဲ့
အချစ်မဲ့၊အနာမဲ့စွာ
ကျရာအရုပ်မှာပျော်နိုင်တယ်။

တိမ်တွေဟာ
ထည်ဝါခန်းနား
ဆန်းပြားမြင့်မားရဲ့
ဒါပေမယ့်
ဆုပ်ကိုင်ပြမရ
ချုပ်နှောင်တားမရ..။

ဒါနဲ့ပဲ
စိတ်ကျဘ၀ထဲ
အခါခါလဲသေရသမျှ
အိပ်မက်ဘ၀မှာတော့
ငါဟာ…
တိမ်တစ်စသာဖြစ်ခဲ့တယ်။ ။
မေငြိမ်း


ကမ္ဘာနှစ်ခု
နယ်နှင်ဒါဏ်ခံစပယ်ခင်း
လမ်းပျောက်နေတဲ့လေညင်းကလေး
တိတ်ဆိတ်ကြေကွဲကြယ်စင်များ
ဖုန်းဆိုးရင်ခွင်ပတ်ကြားအက်။

ကြီးမြတ်တဲ့ရိုးသားမှုနဲ့
မျှော်လင့်စိတ်ကူးများတောက်ပ
ငါ့ဝိညာဉ်ရဲ့မိုးကုတ်စက်ဝိုင်းတစ်လျှောက်….။ ။
တင်မင်းထက်

မောရူးဆိုး၏ကဗျာများ

Tuesday, December 16, 2008

မွေးနေ့များ.....

ထူးခြားချက်နှင့်
သွက်လက်မှတ်သား
ရင်ကြားမပျောက်
ကာလထောက်ထား
အားရဖတ်ရှု
ပြုစုရေးသား လူများစာရင်း
ဖြည်းဖြည်းချင်းပေါ့
လျော့လျော့သွားပြီ။

အမြဲတမ်းဟု
လန်းဆတ်သစ်လွင်
ရောင်စဉ်ထွန်းပ
အလှတင့်တယ်၊ တွယ်ငြိတပ်မက်
ခွဲမထွက်ရက်၊ နုညက်ရွှင်လန်း
တစ်ပွင့်ပန်းလေ
နွမ်းဟောင်းလာပြီ။

ချေးညော်မရှိ
ရှိလည်း သတိ၊ မထားရှိထား
စကားသိပ်သည်း ပြောပြီးတိုင်းမှ
ခဏသွက်လက်၊ မျက်နှာသစ်ကျင့်
ထပ်ဆင့်ခါခါ
ဖြစ်လာတတ်ပြီ။

ခေါင်းထဲမှာနှစ်
ဘာသာဖြစ်တည်၊ အတွေးဆီတက်
အသက်ရှည်ဆဲ၊ ပွဲဦးထွက်တိုင်း
အဘက်ဘက်မှ၊ အိပ်မက်တွေရယ်
အဓိပ္ပာယ်ရှိ
ပိုသိသွားပြီ။

သည်လိုနှင့်
ဘ၀ရဲ့စင်မြင့်မှာ အဆင်သင့်ပြုလုပ်
အချိုးကျစက်ရုပ်များလို
ဟိုသည်လက်ဆွဲနှုတ်ဆက်
ကျေးဇူးညှိတက်လျက်
မပျက်မကွက်မွေးနေ့များ။ ။

မောရူးဆိုး