ကော်ဖီခွက်ကလေးများ

Wednesday, October 28, 2009

ဒီကော်ဖီခွက်လေး ဆိုတဲ့ ကဗျာတွေကို Idea magazine လ တစ်ရာပြည့်မှာ Poetry Performance အနေနဲ့ သုံးချင်လို့ တောင်းထားခဲ့တာပါ။ လတစ်ရာပြည့်မှာ ထူးထူးခြားခြားလေး လုပ်ချင်လို့ Poetry Performance ကို နှစ်မျိုး လုပ်ခဲ့ပါတယ်။ တစ်ခုက ဒီကော်ဖီခွက်ကလေးတွေဖြစ်ပြီး တစ်ခုက ကိုငုအိမ်ထက်မြက် ရဲ့ ကဗျာတွေပါ။ ကော်ဖီခွက်ကလေး လေးမျက်နှာ၊ ကိုငုအိမ်ထက်မြက် ကဗျာလေးပုဒ်ကိုတင်လိုက်ပြီးတဲ့နောက် ကိုငု ကဗျာတွေက တစ်ခါတည်း နတ်ပြည်တက်သွားတာ ပြန်ဆင်းမလာတော့ပါဘူး။ ဒါနဲ့ပဲ Performance မှာ ဘက်ပဲ့ ကျန်ခဲ့ပေမယ့် သူ့ဟာနဲ့သူလှနေတဲ့ ကော်ဖီခွက်ကလေးတွေကိုပဲ ကျွန်မချစ်သော ကဗျာများကနေပဲ တင်ပေး လိုက်ပါတယ်။ ဘာလို့ ဒီကနေတင်လဲဆိုတော့ ဒီကဗျာလေးတွေကို စဖတ်ရကတည်းက ကျွန်မချစ်သောကဗျာများ မှာသိမ်းထားမယ်လို့ စိတ်ကူးထားခဲ့လို့ပါ။
ကဗျာတွေကို ဓါးပြတိုက်တာကို အသာတကြည်ပေးတဲ့ Zephyr ၊ စိတ်ကူးတည့်ရာအတိုင်းဒီဇိုင်းတွေကို တစ်ထပ်တည်းကျအောင်လုပ်ပေးတဲ့ ဒီဇိုင်းဆရာလေး ကိုမျိုး၊ တို့ကိုကျေးဇူးတင်ပါတယ်။ ကဗျာတွေက Singapore မှာနေထိုင်ပြီး ကျွန်မက Sydney မှာပါ။ ကိုမျိုးက Malaysia မှာဖြစ်ပြီး idea တိုက်က မြန်မာပြည်မှာ ဖြစ်ပါတယ်။ နိုင်ငံလေးခု မနားတမ်းဆက်သွယ် ဖန်တီးပြီးရလာတဲ့ ရလဒ်လေးဖြစ်လို့လည်း အမှတ်တရပါပဲ။ ဒီဇိုင်းတွေကို psd file နဲ့ resolution အပြည့် မြန်မာပြည်ကိုပို့ရတယ်ဆိုတာတော်တော် မလွယ်တဲ့ကိစ္စပါ။ ခုတော့ အောင်မြင်သွားခဲ့ပါပြီ ။ ကိုငုရဲ့ ကဗျာတွေကိုတော့ လွမ်းဆွတ်နေမိပါတယ်။
PS: တစ်မျက်နှာချင်းစီ ကလစ်ခေါက်ပြီး ဖတ်သွားနိုင်ပါတယ်။ ကဗျာသီးသန့်စာသားကိုလည်း အောက်မှာ ထည့်ပေးလိုက်ပါတယ်။

ကော်ဖီခွက်လေး

ဒီနေ့မင်းရော ငါပါ မှောက်ကျခဲ့တယ်နော် ...
သံသရာအဆုံးကပြန်ရေတွက်ရင်
ဒီနေ့ကဘာနေ့ပါလိမ့်ကော်ဖီခွက်လေးရယ် ....

မိုးဥတုအလွတ်တစ်ခုနဲ့
ဆောင်းဥတုအပြည့်ကြားမှာ
တိုးဖျော့တဲ့ သစ်ရွက်ကြွေချိန်လေးတစ်ခု အတိအကျရှိခဲ့တယ် ကော်ဖီခွက်လေးရဲ့ ...
မိုးရေစိုစွတ်ပြီး ဆောင်းငွေ့ပါတဲ့
အဲဒီ သစ်ရွက်ကြွေချိန်လေးမှာ...
မင်းကို ငါကခေါ်ပေမယ့် ..
အသည်းကွဲနေတဲ့ ကော်ဖီခွက်လေးမင်းက မထူးနိုင်ခဲ့ဘူးလေ ...။ ။

ကော်ဖီခွက်လေး ...

အနည်လေးတွေ ရွေ့နေတယ် ...
စိတ်ထဲမှာရွေ့နေတယ် ...
ငြိမ်မလိုနဲ့ ရွေ့နေတယ် ...
မင်းသိလားကော်ဖီခွက်လေး
ငါ မင်းလို စိတ်ရှည်လက်ရှည် အနည်ကျချင်တာကိုလေ ..။
မင်းဘယ်လိုအငွေ့တွေနဲ့ပြန်အုပ်ထားတာလဲ...
ငါ့စိတ်ကို ဘာနဲ့အုပ်ထားရမလဲ ပြောပြပါလား ...။

တစ်ခုတည်းသောအာရုံမှာ မြဲနေတဲ့ကော်ဖီခွက်လေး ...
မင်းအနားမှာ ငါသိမ်ငယ်လိုက်တာကွာ ...။ ။


ကော်ဖီခွက်လေး

ငါတို့ဘ၀ထဲကို ရေနွေးပူလောင်းထည့်ခဲ့သူတွေအတွက် ...
သင်းပျံ့တဲ့ ရနံ့နဲ့ ... ပြုံးပြလိုက်ကြစို့ကွယ် ...
တစ်လမ်းမောင်းတွေရဲ့ရာဇ၀င်မှာ
ငါတို့အတူ ခမ်းနားကြစို့ကွယ် ....။

ကိုယ့်ကြမ္မာ ကိုယ်ဖန်တီးရေးမူအရ ...
ကော်ဖီခွက်လေးနဲ့ငါနဲ့
ငါးရဖို့မရည်ရွယ်ဘဲ ငါးမျှားနေသူတွေလို
လေးနက်တဲ့စာအုပ်တွေနဲ့ ...
တွေတွေကြီးမျှားနေလိုက်တယ် ...။

ကော်ဖီခွက်လေးရေ ...
တွေ့လား ...
စာအုပ်ထဲမှာ ...၊
မင်းနဲ့ငါအတွက်
နေ၀င်သွားပြန်ပြီ ... ။ ။


ကော်ဖီခွက်လေး

ကောင်းသောလမ်းခွဲပါတဲ့ ...
မငိုနဲ့လေ ..ကော်ဖီခွက်လေးရဲ့ ..
အခိုးအငွေ့လေးကိုနှုတ်ဆက်ပါ...
ရဲရင့်စွာ ..
ရဲရင့်စွာပေါ့ကွယ် ...

လေထဲမှာပျောက်ကွယ်သွားမှာကို
ငါတို့
ဘာလို့ ဒီလောက်တန်ဖိုးထားမြတ်နိုးတာလဲ ...
...

အဲဒီညလည်း
ကော်ဖီခွက်လေးနဲ့အတူ အိပ်စက်ခြင်းကို တစိမ်းဆန်ပစ်လိုက်ရတယ် ....။ ။


ကော်ဖီခွက်လေး

ကော်ဖီခွက်လေးရေ ..
မင်းက
အနက်ရောင်တရောင်တည်းနဲ့ ရှုမငြီးဖြစ်နေတဲ့ခွက်လှလှလေးပေါ့
မင်းနဲ့သာအတူမသောက်ရဘူးဆိုရင် ...
ကော်ဖီသောက်ခြင်းဟာ အနုပညာမဟုတ်တော့ဘူးကွဲ့ ...။

ကော်ဖီမှုန့်ရယ် သကြားရယ် ရေနွေးရယ် မင်းရင်ဘတ်ထဲမှာ ကော်ဖီဖြစ်သွားသလို
အလွမ်းရယ် ခါးသက်မှုရယ် အယောနိသောမနသီကာရရယ် ငါ့ရင်ဘတ်ထဲမှာ ကဗျာ ဖြစ်လာဖို့ကောင်းတယ် ...။

မင်းက ငါ့ကို ငေးရီကြည့်နေသလို ..
ငါကမင်းကို နာကျင်ချစ်မက်စွာ ကြည့်နေချင်တယ် ...
မင်းက ငါ့ကိုနွေးထွေးစေသလို ..
ငါက မင်းကို ငါ့သွေးကြောတွေထဲမှာ လုံခြုံနွေးထွေးစေချင်တာ ...
မင်းက ငါ့ကို ကဖိန်းဓာတ်ပေးသလို ..
ငါကမင်းကို Platonic Love ပေးချင်တာ ...၊
မင်းက ငါ့ကို ပြုံးပြတဲ့အခါ
ငါကမင်းကို နှလုံးခုန်သံနဲ့ပြန်ပြုံးပြချင်တာ ကော်ဖီခွက်လေးရဲ့ ...။

မင်းငါ့ကို နားလည်စွာ ခါးသက်ပေးပါ ...။
မင်းငါ့ကို နားလည်စွာ ခါးသက်ပေးပါ ....၊

ကမ္ဘာကြီးဆန်ချင်တာနဲ့ နှလုံးသားရဲ့သုံးပုံနှစ်ပုံရေလွှမ်းခံလိုက်မိတယ်တဲ့ ...
မင်းငါ့ကိုရင်ဖွင့်တဲ့အခါ ..
မင်းနဲ့အတူနာကျင်နေမိတယ် ...
ငါတို့တွေဟာ ရေလွှမ်းခံချင်တာမဟုတ်ပါဘူးကွာ ...
ကမ္ဘာကြီးဆန်ချင်ခဲ့တာ ...
ကမ္ဘာကြီးဆန်ချင်ခဲ့တာပါ ....။

ကော်ဖီခွက်လေးရေ ...
တိုးတိုးလေးဆိုကြရအောင် ...

It's a heartache, nothing but a heartache
Hits you when it's too late, hits you when you're down
It's a fools' game, nothing but a fool's game
Standing in the cold rain, feeling like a clown ..... ။ ။



ကော်ဖီခွက်လေး

ငါ့မှာမာယာ နည်းနည်းရှိတယ် .. ကော်ဖီခွက်လေးရယ် ...
အနက်ရောင်ဟာအရောင်တစ်ခုဆိုရင် ...
လင်းနေတဲ့ အနက်ရောင်တွေ ငါပိုင်ဆိုင်တယ် ...
ပရီးမီးဟား 2 plus 1 ကို
Espresso ထက်ကြိုက်မိတာ ..
မင်းနဲ့ ငါ့ကြားကနားလည်မှုပါ ...။

(ကော်ဖီခွက်ကိုင်းလေးကို
လက်ရာမထင်အောင်တစ်ရှူးနဲ့သုတ်တယ် ...)
မင်းသိမှာပါ ကော်ဖီခွက်လေးရယ် ..
သူက ခြေရာလက်ရာမကျန်ခဲ့ချင်ဘူးတဲ့ ...
ငါ့ဘယ်ဘက်ရင်အုံမှာ တစ်ရှူးနံ့နည်းနည်းရတယ် ....။

ကောင်းကင်ကို မော့ကြည့်ရအောင် ကော်ဖီခွက်လေးရယ် ...
ပြောစမ်းပါ ...
ဘယ်ကြယ်တစ်စင်းရဲ့အလင်းရောင်တည့်တည့်မှာ ...
သူ၊ ကလေး တစ်ယောက်လို အိပ်နေလိမ့်မလဲ ...။

ကော်ဖီခွက်လေးရေ ...
အမှားပြင်ဆင်ချက်အချိန်မီမထည့်နိုင်ခဲ့တဲ့ ...
ငါ့သက္ကရာဇ် ရက်လွန်စာစောင်အတွက် ...
မင်းနဲ့ငါ ဘာမှမပြောဘဲ တိတ်တိတ်လေးထိုင်နေလိုက်ကြစို့လေ ...
အဲဒီ ဆိတ်ငြိမ်မှုကို အေးနေတဲ့ ကလေးမလေးရဲ့ခြေဖျားလေးနွေးရုံ ... ငါတို့စိတ်နဲ့ပို့ပေးလိုက်ကြရအောင် ...။ ။


ကော်ဖီခွက်လေး ...

မနက်လင်းတဲ့အခါ ..
ကော်ဖီခွက်လေးက ငါ့ကို နှိုးတယ် ..
ရုံးမှာ စိတ်ဖိစီးမှုများတဲ့အခါ ..
ကော်ဖီခွက်လေးက ငါ့ကိုရယ်စရာမောစရာပြောတယ် ..
နေမကောင်းတဲ့အခါ ..
ကော်ဖီခွက်လေးက ငါ့ကိုဆေးသောက်ဖို့သတိပေးတယ် ..
ကဗျာရေးတဲ့အခါ
ကော်ဖီခွက်လေးက ဘေးမှာငြိမ်ငြိမ်လေးထိုင်နေတယ် ...
တရားနာတဲ့အခါ
ကော်ဖီခွက်လေးက ရိုရိုသေသေ လိုက်နာနေတယ် ...
တရားနှလုံးသွင်းတဲ့အခါ
ကော်ဖီခွက်လေးက တည်ကြည်လေးနက်နေတယ် ...

အမြဲတမ်း ..
ကော်ဖီခွက်လေး ငါ့အနီးမှာ ..
အမြဲတမ်း..
ကော်ဖီခွက်လေး လက်တကမ်းမှာ ...
သစ္စာတရားတစ်ခုလိုမြဲနေခဲ့တယ် ...။

အခု ..
ကော်ဖီခွက်လေးကွဲသွားပြီ ... ။ ။

Poem: Zephyr
Design: Ko Myo

အသံပျက်များ

Monday, October 19, 2009

အသံပျက်များ
မောင်သီဟ

၁

သက်ပြင်းပေါင်းမြောက်များစွာကို
ဖြတ်သန်းခဲ့ပြီးတဲ့အခါ
ငါဟာ အဲဒီနေရာကိုရောက်လာပါပေါ့။
စိမ်းခဲ့သောသစ်ရွက်တို့အကြွေ ...
သေမင်းဟာသူ့ခေါင်းသူအကုတ် ...
မိန်းကလေးတို့အကြည့်တွေ
ငါ့ထံကရုတ်သိမ်းအသွားမှာ။

ဟော !!! ငါရောက်လာပါပြီ
လာပါပြီ အမှိုက်တွေပွေ့ပိုက်လို့
လာပါပြီ၊ ငါရောက် ...
(လွတ်မြောက်လာခဲ့ခြင်း-လို့တော့မထင်လိုက်လေနှင့်)
ကြည့်မြင်လေရာနေရာတိုင်းမှာကြက်ဆူပင်
ကြက်ဆူပင်၊ ကြက်ဆူပင်များစွာ ... များစွာ
ဝိုင်းပတ်ကာဆီးလို့
တောတိုးဖို့ပဲကြိုးစားနေရ။

ဒါပေမယ့်
ငါဟာ(ဘုရားစူး)အနှစ်တွေနဲ့ချည်းသာ
မွေးဖွားလာခဲ့သူပါ


၂

"... ... ... ... ..."
"လံကွတ်တီဝတ်မိုးတိမ်"လို့*
ကဗျာတပုဒ်ကိုနောက်ပြောင်ရေး
(လံကွတ်တီ (ပေါ)-လိင်ဃောဓိ (ပါ)
-လိင်ဖုံးအဝတ်) ... လို့
ဖြေရှင်းချက်ကိုအရင်ပေးနေရ
မောင်သီဟ-က တကယ်တမ်းအလုပ်စလို့
မဖြစ်သေးပါဘူး။
ဒီတကြိမ်ကြုံတဲ့မွေးလကိုလည်းကားစင်တင်ဆဲ
နံကြားကိုလှံနဲ့ထိုးဆဲ
ဒင်း
သေလွန်ပြီးနှစ်များစွာလွန်ပါမှ ...
... ... ... ။

-------------------------------------------------
* ရုရှားကဗျာဆရာ "မာယာကော့ဖ်စကီး" ရေးတဲ့
"ဘောင်းဘီဝတ်မိုးတိမ်" ဆိုတဲ့ ကမ္ဘာ့ဂန္တဝင်
ကဗျာရှည်ကြီးတပုဒ်ရှိတယ် ..
-------------------------------------------------

၃

ကိုယ်တိုင်ရေးပုံတူ



၎

ဖန်ခွက်ထဲအရက်ဖြည့်၊ ငှဲ့ထည့်ဆဲလက်များလောက်
ဘဝကိုဘယ်သူသစ္စာဖောက်ပါသလဲ
ငါ့ခေါင်းထဲအနှစ်မဲ့စိတ်ကူးများ
ရူးနှမ်းသွားခဲ့။

... ဒါ့အတွက်
ကောင်းကင်နဲ့မြေပြင်ကိုပါအပြစ်တင်ရပေမယ်။

(က) လွန်ခဲ့တဲ့နှစ်သုံးဆယ်လောက်မှာ
ငါ့ကိုတိတ်ဆိတ်စွာမွေးဖွား
ကောင်းကင်ဘုံတေးသွားများလည်းမကြားရ
ဒါးလှံလက်နက်များလည်းမတောက်ပ

လောက - ဆိုတဲ့
အဝိုင်းပေါက်ထဲမှာအတင်းထည့်ခံရ
မောင်သီဟ ... မှာ
လေးဒေါင့်ကျသောဥပဓိရုပ် ရှိပါတယ်။

(ခ) ငါးနှစ်သားရှိတော့ကျောင်းပို့ကြ
သင်ယူမှုယန္တရားကြိတ်ဝါး
သက်တန်းနှစ်အစိတ်သာ
အမှုန့်ဖြစ်သွားပေါ့။
မိုက်ကန်းဖေါသွပ်ဇီဝလေးမြားနဲ့
ကြေကွဲ၊ ဆေးချဘဝသံသရာ၊ တေးဘုမ္မာ
(ကြွက်ထောင်ချောက်)
ဒါဟာ ... အချစ်တဲ့
ငါရခဲ့။

(ခ-က)ဝတ္ထုများထဲကကဲ့သို့မဟုတ်ပါ
စိတ်ကူးတည့်ရာလျှောက်ပြောတဲ့စကားနဲ့သာ
ကဗျာမဆန်စွာ
ချစ်ခြင်းကိုရရှိလာခဲ့
ဒါနဲ့၊ ကဗျာဖွဲ့သူတယောက်တိုးလာပေါ့။

(ခ-ခ) စကားတို့ဖြင့်
အနမ်းတို့အားတည်ဆောက်ခဲ့
ချစ်သူဟာ ... ဒီမှာ
ပဲ့တင်သံမြည်တဲ့အရုပ်ကလေးပေါ့
တိုးသဲ့ ... သာသာ။

အနမ်းတွေဟာ
စိတ်ကူးကိုခုတ်မောင်းတဲ့လက်ချောင်းများပဲ
လှည်းဆွဲမြင်းလိုမျက်လုံးကိုအဝတ်ပိတ်ဆီး
လမ်းမဟုတ်တဲ့ခရီးလည်း
သွားတတ်။

စိတ်ကူးတွေဟာ
ရေငတ်နေတဲ့သစ်ပင်များပမာ
ချစ်ခြင်းလာ - နေရှိန်ထိုး
ညှိုးတော့တယ်။
(မောင်သီဟ - ကတော့မိုးပျံပူဖေါင်းတလုံးလို
ကြိုးပြတ် ... ... ... ... ...)
ရေငတ်လာတော့မှတကယ့်ဘဝကို
ပြန်တွေ့လာရ ...

(ဂ) အားပါးပါး ...
ခါးလှချည်ရဲ့
ဒီလိုနဲ့ (ရုက္ခဗေဒဘာသာတွဲနဲ့)
ဘွဲ့တခုရခဲ့
(သစ်ပင်များနဲ့တော့လုံးဝအကျိုးမပေး)။

(ဃ) တခါကဘဝရဲ့အပိုင်းတခုမှာ
ငါဟာ ...
... ... ... ခဲ့
... ... ... ခဲ့ဖူး
... ... ... ခဲ့ဖူးရဲ့ (ရှက်ဖွယ်)

ဒါပေမယ့် မင်းသိထားဖို့က
ငါဟာ ထင်သလောက်မစုတ်ပဲ့
ဘူးဆိုတာပဲမောင်သီ
ဟ

(င) ငါ့မှာအပြစ်မရှိပါ
ဝဋ်တုံ့တင်ဖြစ်ဖွယ်အညစ်အထေး
မြူတမှုန်သော်မှရေးရေးမထင်ပါ။
ငါဟာ
ကောက်သောလမ်းမှာလျှောက်နေရသူသာ
ဖြစ်ခဲ့ပါတယ်။

(စ) သင်္ကန်းကျွန်းမှာပါတိတ်ရေး
ပြီးတော့ငါးမွေးသားဖောက်
(အရက်သောက်၊ ဆေးခြောက်ရှူ)
မဂ္ဂဇင်းတအုပ်မှာ တာဝန်ခံလုပ်
ကဗျာစာအုပ်တွေထုတ်
ပေါက်တတ်ကရတွေလျှောက်ရေး
(ငါသိပ်မက်တဲ့)
ကြေးစားစာရေးသမားတော့ဖြစ်မလာ။

ဆောက်တည်ရာမရ
လှုပ်လှုပ်ရွရွဂဏာမငြိမ်
နှလုံးအိမ်နဲ့လောကငြိမ်တောင်မှ
နေရာမရ ...

မူးလာတဲ့အခါဖန်ခွက်ကိုပေါက်ခွဲတတ်တဲ့
လက်များလောက်တော့
သစ္စာတရားအပေါ်အကြည်ညိုမလျော့ခဲ့။

ဒီအပြစ်အတွက်
ကောင်းကင်ရော .. မြေပြင်ကိုပါ
သေစားသေစေသင့်ပါတယ်

၅

ဖြတ်သန်းခဲ့တဲ့နေရာဟောင်းများဆိုတာ
ငယ်သူငယ်ချင်းဟောင်းများလိုပါပဲ
ကောင်းကောင်းဆိုးဆိုးချစ်ခဲ့ဖူးကြ
ပြန်တွေ့တဲ့အခါကြည်နူးရ
ငါ့ကျမှတစိမ်းလို။

နုပျိုဆဲအချိန်တို့ဆိုတာကျောက်မြတ်ရတနာ
အဟောင်းချေစက်ကလုယူကြိတ်ဝါး
ငါ့မှာ
ကြေကွဲမှုတို့သာများကျန်ရစ်ခဲ့။

အဲဒီလက်တံတွေကပဲဖမ်းချုပ်
ကိုင်လှုပ်လို့
ငါ့ကိုအမိန့်တွေထုတ်ခဲ့ကြ
(မောင်သီဟဟာ သူ့နေ့တွေကို
စွန့်ခဲ့တာမဟုတ် - စွန့်ခဲ့ရတာသာဖြစ်တယ်)။

အယုံအကြည်မဲ့စွာ
ကောင်းနိုးထင်ရာ အဟာရတွေကို
ဝတ်တမ်းကြေစားသုံး
စပါးလုံး - အမုန်းလည်းပါရဲ့။
စက်ချေး - လူမှုရေးနဲ့ငွေကြေး အြွေကးလည်းပါ။
... ... ... ... ...
အား ... တကယ်သနားစရာ
ငါဟာ
ကာလနာရှိတာကိုတောင် ဂုဏ်လုပ်တတ်လာပါပြီ
ဟောဒီမှာ ကြည့်ကြစမ်းပါ
ဗြုတ်
စ
ဗြင်း
တောင်း။

(တကယ်တော့လည်း
ဘဝဆိုတာ
ငါးမူးတန်ထန်းလျက်ချောင်းကြီးပါပဲ
ချိုမြိန်သလိုရှိနေဆဲက ရုတ်တရက်ထပြီး
သောက်အဓိပ္ပါယ်မရှိဘူးဖြစ်သွားတယ်)


၆

နောက်တော့လည်းဒီလိုပါပဲ
ငါဟာမြို့ထဲလမ်းတွေပေါ်မှာပဲ
ဦးတည်ရာမဲ့လျှောက်ရပြန်ရဲ့။

မြို့တော်ခန်းမအရောက်
ကားလမ်းဒေါင့်မှာ
ဆူးလေစေတီတော်ကိုငါဦးနှိမ်ချ
တပည့်တော် ခယပူဇော်ပါ၏။
(ဒါပေမယ့် ငါက ဘာတုန်း)

ဆင်းတုတော်ဘုရားရှင်ရဲ့
ဖန်မျက်လုံးတော်မြတ်တို့အထဲမှာ
ငါ့အရိပ်ငါ ရှာမရခဲ့။

ဘုရားအဆူပေါင်းများစွာ ... များစွာ
ငါသည်သာပါးသည်ထက်ပါးလျလာပါပေါ့။

မိုးပေါ်မော့ကြည့်တဲ့အခါ
@ x ÷ ကောင်းကင်ကြီးဟာ ... ပြာလို့။
+ ? x x မနက်ခင်းမှာ
=> o Ø ငှက်များလူးလွင့်မြူးပျံ
သောက်ကျိုးနည်းတေးသံများသာချိုမြဆဲ

ဟေ့
နောက်ရောက်လာတဲ့မနက်ဖြန်
ငါ့ရန်သူပဲကွ

ငါ့ကို
ကံတရားကတစစီစားခဲ့တာ
အလျော်ပြန်လာနိုးနဲ့သေလုအောင်စောင့်ခဲ့ရ
သက်ပြင်းပေါင်းများစွာဖြင့်ခရီးကို
နင်းချ

"ဥုံ ... ဖွ"
မောင်သီဟ
ဒီနေရာရောက်ရပါပြီ။


၇

သူ့ကဗျာဆုံးတဲ့အခါ
ဆရာ "မာယာကော့ဖ်စကီး" ဟာ
ကောင်းကင်ကြီးဆီကိုသွား ...

"အို ...
အလို ... ကောင်းကင်ကြီးငဲ့
(အိပ်ပုတ်ကြီးတဲ့ကောင်ကြီးငဲ့)
ကျုပ်လာပြီ"

... ဒင်းဟာ (ကင်းကောင်ကြီးဟာ)
ဒင်းရဲ့နားရွက်တဖက်ကိုခင်း
ကျန်တဲ့တဖက်ကိုခြုံ - လုံအောင်ဖိပိတ်
(အိပ်ချင်ယောင်ဆောင်နေတော့တယ် ...)။ ။

မောင်သီဟ
(၁၉၉၃၊ ဆူးရစ်သရဖူဆင်မြန်းတဲ့မတ်ခ်ျ)


"ဤစာအုပ်ပါအရာအားလုံး အမှားများလည်းဖြစ်နိုင်ပါသည်" Richard Bach (The Illusions ... မှ)

တင်မင်းထက် ရဲ့ ရွှေဝါပြည် ကနေ ကူးယူဖော်ပြပါတယ်။
၁၉၉၃ ဆိုတာ ကျွန်မတို့ ကျောင်းထဲမှာ ကဗျာတွေအားနဲ့မာန်နဲ့ရေးနေတဲ့ကာလပေါ့။
ဒီစာအုပ်လေးကိုတော့ မဖတ်ဖူးခဲ့ပါဘူး။ ဒါပေမယ့် ဒီနာမည်နဲ့ ကိုသီဟအကြောင်းကို
တော့ ကျွန်မတို့ ကြားခဲ့ရဖူးပါတယ်။ တင်မင်းထက်ပြောသလို မှန်စာလို လက်မှတ်မျိုး
ထိုးတတ်တာက အစပေါ့ ..။ခု ဒီကဗျာလေးကို ကျွန်မချစ်သောကဗျာများ ... မှာ ......
ပြန်လည်ဖော်ပြဖို့ တင်မင်းထက်ဆီခွင့်တောင်းခဲ့ပါတယ်။ နောက်ထပ် သက်ဆိုင်သူ
တစ်ယောက်ကိုလည်း ခွင့်တောင်းလိုက်ပါတယ်။
.

စိတ်ထဲက ကဗျာတွေ

Wednesday, September 30, 2009

ခုတလော စိတ်နဲ့တွေ့နေတဲ့ စိတ်ဖွဲ့ကဗျာတချို့ပါ။

ဆပ်ကပ်

ဓားသွေးထားတဲ့စိတ်တွေက
ကိုယ့်လက်ကိုယ်ဆာလောင်တယ်။

ခေတ်ရဲ့နံရံပေါ်မှာအချက်တိုင်းစိုက်ဝင်ဖို့
ကိုယ့်ကိုယ်ကိုပစ်ပေါက်တယ်
ပြန်ကျလာတဲ့မှားယွင်းမှုတွေ
အဆံကျွတ်ဓားတွေ
နောက်ထပ်ဆန့်တန်းမှုတွေနဲ့ သွေးအန်တဲ့အထိ
ဆက်ပေါက်တယ်။

စိတ်ကိုရေတွက်ခြင်းက အဆုံးသတ်ဆီ
လည်နေတဲ့စက်ဝိုင်းဆီ
နာကျင်မှုဆီ
ကိုယ့်ကိုယ်ကိုဖဲ့ချွေခြင်းဆီ
ယုံကြည်ချက်တွေက ကိုယ့်ကိုပြန်လောင်ကျွမ်းတဲ့ထိ
ဆက်ပေါက်တယ်။

ကဲ..ကံကြမ္မာတရား
အခု .. ခင်ဗျားအလှည့်ရောက်ပြီ။ ။

အဲချို



လေးသည်တော်

ဒီတစ်ခါ
ငါချိန်ရွယ်လိုက်တဲ့ပစ်မှတ်က ငါ့အသက်ပါပဲ။

ငါညှိယူလိုက်တဲ့ကြိုးဆိုတာ
လောကနဲ့ငါ့ကြားက ဆက်ဆံရေး
စိတ်ကိုခပ်တင်းတင်းဆွဲလိုက်တိုင်း
ဒါဏ်ရာတွေက ပိုမိုကိုင်းညွတ်လာ။

မျက်လုံးကိုမှိတ်လိုက်တော့
ငါ့နှလုံးသားက အရပ်ရှစ်မျက်နှာယိမ်းထိုးလှုပ်ခါ
ငါ့သက်ပြင်းက လေမှာလူးလွန့်နေတဲ့မီး
အရာရာအားလုံးကိုဖြေလျော့လိုက်ပါတယ်
မြားဟာတရှိန်ထိုး
ငါ့နောက်ကျောမှာ တဆတ်ဆတ်ထိုးစိုက်လို့
ငါ့သစ္စာတရားသာ
သွေးစိမ်းရှင်ရှင်ပန်းထွက်ပေရော့ ။ ။

မိုးရင့်ကြယ်



ထိလွယ်ရှလွယ်ရာသီ

စိတ်နဲ့လည်ပတ်ဖူးတဲ့ဥယျာဉ်က
စိတ်ညွတ်အောင်ပန်းတွေပွင့်လို့
အားလုံးရဲ့နာမည်ခေါ်ကြည့်တော့
သောကမှော်တွေ..
ကျစ်ဆံမြီးကျစ်သွားတဲ့ ကိုယ့်ဘဝလေးကိုမှ
ပြန်လွမ်းဆွေးမိပြန်တယ်။
အလင်းဟာ
ကိုယ်အကြိုက်ဆုံးအရောင်ပါပဲ
အမှန်တရားဟာ ကွဲရှခဲ့တော့
ဘယ်အချိန်ကမှ အလင်းမပြန်ခဲ့ဘူး။
ရင်နာလိုက်ရတာ
လက်နှစ်ဖက်ရှိလည်းလက်ပြမနှုတ်ဆက်မိခဲ့
သစ္စာပျက်သွားတဲ့သဘောင်္တွေ
မျှော်လင့်ခြင်းမီးပြတိုက်ဆီ
ဦးတည်ခုတ်မောင်းသွားနေရဲ့။
နာမည်လေးမှန်အောင်တပ်ပေးကြပါ
ကိုယ်ကလည်း
ကြိုးပြတ်နေတဲ့ဂစ်တာလေးကိုမှ
ဥယျာဉ်သီချင်းဆိုပြဖို့..
ပူဆာမိခဲ့တယ်
ဥယျာဉ်ရဲ့ရနံ့တွေ..........
နှလုံးသားတွေပြတ်တောက်နေချိန်..။ ။

လင်းသော်ဝေ



တယောသံ

တစ်မိုးတွင်းလုံး
ဝါးလုံးထိုးခုန်ဆင်းတယ်။

ဆန္ဒက
ကောင်းကင်အပြာနဲ့ပင်လယ်အပြာ
အဲဒီအရိပ်မှာ
စိတ်ကိုဖွဖွလေးဖြန့်ခင်းထားချင်တယ်။

ဒါပေမယ့်
ချစ်ခြင်းမေတ္တာကိုသောင်ခုံပေါ်ပန်းချီရေး
မြစ်ရဲ့အစွန်အဖျားမှာ
ကျွန်တော့်နာမည်မပါသေးဘူး
ပင်လယ်ဇောနဲ့
ကိုယ့်ကိုယ်ကိုကျောသပ်နေရ
အဲသလိုညမှာ
ကြယ်တွေရဲ့အလှက
ဘာလို့သိမ်ငယ်နေရတာလဲမေမေ။

ပက်လက်ချောင်းကောလေးပါ
ရေသောက်ငှက်တစ်ကောင်တစ်လေမှ
တယောလာမထိုးလည်း
နေတတ်ပြီ။ ။

မြေလတ်မောင်မြင့်သူ

အမည်မရှိရေတံခွန်ကဗျာတင်ဆက်မှု

Saturday, September 26, 2009

အလွမ်း

၁၉၇၃တုန်းက
ငတ်ငတ်ပြတ်ပြတ်နဲ့
ကျွန်တော့်မြို့ကလေးရဲ့
အောင်မင်္ဂလာဈေးလေးထဲမှာ
စားခဲ့ရတဲ့ကော်ရည်ခေါက်ဆွဲအရသာ
ဘယ်မှာမှမရတော့ဘူး။

လောကတလွှား
အရသာ ဒီလောက်ရှားသလား။

(ဆန်းဆန်းပြားပြားတွေကတော့
အများသားပေါ့)

အဖြူရောင်ဝတ်စုံလေးကို
မီးပူမတိုက်နိုင်ပဲ
ခေါင်းအုံးအောက်မှာ
ထားအိပ်ခဲ့တဲ့
အိပ်မက်တွေ
အခုထိအရသာ ရှိတုန်းပဲ။ ။


၃၄" x ၄၂"

၂၀၀၁ ခုနှစ်က
(ပန်းချီဆွဲဖို့) ဘောင်ကျပ်ထားတဲ့
ကင်းဘတ်ဆယ်ချပ်
ဘာမှမဆွဲပဲထားရတဲ့အရသာ
ဘာနဲ့မှ မလဲနိုင်ခဲ့ပါလား။

ဆွဲလိုက်ချိန်မှာ
ကမ္ဘာကျော်လိမ့်မယ်
ဒေါ်လာတွေရလိမ့်မယ်
(သေလွန်သည်အထိ)
အဓိပ္ပာယ်ဖွင့်ချီးကျူးကြလိမ့်မယ်
ထိုအချိန်မှာ
အရသာအားလုံး ဆုံးရှူံးသွားပြီဖြစ်ကြောင်း
ပြောပြခဲ့ပါတယ်။ ။


နောက်ဆုံးတစ်နည်း

လ္ဘက်ရည်ကိုအယောင်ပြပြီး
ဘာတွေကိုများ
မော့သောက်ခဲ့မိပါလိမ့်။

အရသာမရှိဘဝကြီးကို
အရသာရှိချင်ယောင်ဆောင်နည်းတွေထဲက
နောက်ဆုံးတစ်နည်းပါပဲလား..။ ။

သုခမိန်လှိုင်

(သုခမိန်လှိုင်ရဲ့ အမည်မရှိရေတံခွန်ကဗျာတင်ဆက်မှု ဖြစ်ပါတယ်။)

အိပ်ခွင့်ပေးပါမေမေ

Wednesday, September 16, 2009

အိပ်ခွင့်ပေးပါမေမေ
အချိန်တန်ရင်သူတို့တိတ်သွားကြမှာပေါ့မေမေရယ်
ခုတော့ သမီးခဏ အိပ်လိုက်ဦးမယ်


အိပ်စက်ခြင်းတွေကင်းဝေးနေတာကြာတဲ့ဘဝလေးမှာ
သမီးကနေပျော်တယ်ဆိုရင်တောင် ဘဝကခွင့်မပြုပါဘူးမေမေ
သမီးခဏတော့အိပ်မှဖြစ်မယ်

ကိုရဲ..လို့လာလာခေါ်တတ်တဲ့ခြံဝက ဝံပုလွေတွေက
အစွယ်တွေတဖွေးဖွေးနဲ့ ..တဲ့..သမီးငယ်ငယ်တည်းကကြောက်တတ်ခဲ့တာပါ
ဒါပေမယ့် ကိုရဲကိုတွေ့ရပြန်တော့လည်း ကိုရဲက
ဝံပုလွေတွေနဲ့ အလမ္ပယ်ကစားလို့…

သမီး ပညာရပ်တွေဆည်းပူးလေ့လာဖို့ကျန်သေးတယ်မေမေ
ဒီတော့ ခဏတော့ အိပ်မှဖြစ်မယ်


ဖားတွေအော်နေကြလည်း မိုးတွင်းဆိုတဲ့အသိနဲ့ မအိပ်တဲ့သူမှမရှိပဲမေမေ
နာခံတတ်ရင်တော့ ဒါဟာလည်းဂီတ တစ်မျိုးပေါ့..အနုပညာတော့ရှိရလိမ့်မယ်

ဇီးကွက်တွေ ဒီးဒုတ်တွေလိုပဲ ညညကျအစာရှာထွက် ကိုယ့်နာမည်ကိုယ်အော်တတ်တဲ့တစ္ဆေ
ပရိတ်ရည်လည်းမနိုင် ကမ္မဝါလည်းမနိုင်လေတော့
ခဏတော့ ချော့သိပ်ခိုင်းထားမှဖြစ်မယ်မေမေ
သမီးပြန်နိုးလာတဲ့အခါ အလမ္ပယ်ပညာသင်ကြားရဦးမှာ

ဝံပုလွေတွေမှာ အဆိပ်မရှိတော့ မြွေတွေလောက်အန္တရယ်မရှိဘူးလို့မထင်ပါနဲ့
သူတို့မှာ အစွယ်ဖွေးဖွေးတွေနဲ့ ခြေထောက်ကလေးချောင်းရှိတယ်
ဒါကြောင့်..မလွယ်တာတွေကိုခဏပိတ် ..သမီးအိပ်လိုက်ဦးမယ်မေမေ
အချိန်တန်ရင် အသံတွေတိတ်သွားလိမ့်မပေါ့..
ဘယ်သူ့ဘယ်သူမှ အကြာကြီး တေးသွားတစ်ခုကိုထပ်တလဲလဲမဆိုနိုင်ပါဘူးမေမေ


လရောင်တွေ ဖြာဆင်းနေပုံကတော့.. လှလိုက်တာ
အိပ်စက်ပစ်ရမှာ နှမျောစရာကြီး…မေမေ.. ဒါပေမယ့်
လရောင်ဆိုတာက ကမ္ဘာမှာအမြဲတည်နေမယ့်အရာ
တစ်နေ့တစ်ရက်တစ်မနက်ပဲ အသက်ရှင်မယ့်လိပ်ပြာလေးတစ်ကောင်မဟုတ်ဘူး
လူတကာရဲ့လက်ညှိုးနဲ့ ညှိုးရော်သွားမယ့် ပန်းကလေးလည်းမဟုတ်ဘူးမေမေ
ခေတ်အဆက်ဆက် အလင်းတွေနဲ့ဖြာဆင်းလှပနေဥိးမှာမို့
နောက်ညကျမှပဲ စောင့်ကြည့်တော့မယ်
ခုတော့ ခဏအိပ်ပါရစေမေမေ……

သီချင်းကိုလည်းပိတ်မပစ်လိုက်ပါနဲ့မေမေ
အဲဒါ John Lenon ရဲ့ Imagine ပါ..ဘယ်တော့မှမရောက်နိုင်မယ့်ကမ္ဘာလေ
အိပ်မက်တွေကိုသူက အထောက်အကူပြုလိမ့်မယ်


ဟော ..မေမေ..ခြေသံတွေကြားတယ် …သမီးအိပ်တော့မယ်မေမေ
သူတို့က အခန်း ၅၀၀ ဆီကိုဦးတည်သွားနေကြတာပါ..
အဲဒီမှာ အလင်းမပါတဲ့ အသိတရားတွေရှိတယ်
မျက်နှာဖုံးစွပ်တွေနဲ့ ဘီလူးတွေရှိတယ်
ဝန်တိုမစ္ဆိယစိတ်များနေတဲ့..ဇာတ်လိုက်ကျော်ဖြစ်ချင်သူတချို့ရှိတယ်
သေးသိမ် နုံနဲ့တဲ့ စိတ်ဓါတ်တွေနဲ့ မှောင်မိုက်နေတဲ့ အခန်းလေးပေါ့မေမေ

သူတို့ကို တားလိုက်ကြပါဥိး..ချောက်ကမ်းပါးတွေဟာလေနှင်ရာမပါတတ်တဲ့အကြောင်း
တစေ့တစောင်းတော့ သတိပေးလိုက်ချင်သား..။

ကြီးကျယ်မြင့်မြတ်တဲ့ တစ်ခန်းရပ်ဇာတ်ပြီးရင်တော့
အားလုံးးဟာကိုယ့်နေရာကိုယ်ပြန် ကိုယ့်မျက်နှာဖုံးကိုယ်ခွာကြရမှာပဲ
ခဏတာမင်းသား ဘဝ သူတို့ရကြပါစေလား…
သမီးကတော့ ခန္တီစတရားတွေကို ယဉ်ပါးအောင်သင်ယူလာခဲ့တာနှစ်တွေကြခဲ့ပြီပဲ..


မကြာပါဘူး သမီးခဏလောက်ပဲအိပ်မှာပါ…
နိုးလာရင်… ဥပက္ခာတရားတွေ ရှိရာလည်း ခရီးထွက်ရဦးမယ်
ပန်းတစ်ပွင့်ကိုမနာလိုတဲ့ငှက်တစ်ကောင်ရဲ့ အတ္တမျိူး
ဘယ်သူ့ဘယ်သူမှအကျိုးမပြုပါဘူးမေမေ…
ငှက်ကပန်းဖြစ်ချင်လို့ သူကကြွေလွင့်ခြင်းသဘောတရားတွေမှသိမထားခဲ့ပဲ
တရားနဲ့ပဲဖြေဖြေနေရတဲ့ ပြဇာတ်တွေ..ပတ်မသံတွေကဆူညံဗိန်းဗောင်းထလို့..။

ရောင်နီတွေပျို့အန်မကျလာခင် သမီးအိပ်မှဖြစ်မယ်မေမေ
အမနာပ တံတွေးစက်တွေ အကြောင်းလည်းခဏတော့မေ့ထားဦးမှဖြစ်မှာ
လေတွေသိပ်တိုက်မလာခင်ထိပေါ့..လေထန်လာရင်တော့
အရာရာဟာဖြစ်လာနိုင်ပြီး..ဖြစ်ခွင့်လည်းရှိသွားနိုင်သလို
ကြက်ခြေခတ်နီနီတွေကလည်း အရောင်စွန့်ဖြူစင်ဟန်ပြကြလိမ့်မယ်


အဲဒီရုပ်ရှင်ကားကိုတော့ပိတ်လိုက်တော့မေမေ
ဒါမှ သမီးခဏလောက် အိပ်လို့ရမှာ…
ကံဇာတ်ဆရာဆိုတာကြီးက နှုတ်ခမ်းမွေးကားကားကြီးနဲ့မဟုတ်မှန်း
ပစ်ပေါက်ထားတဲ့ဓားတွေကတော့သိပါရဲ့ ဒါပေမယ့်
သူတို့ပြန်လာသတင်းမပို့နိုင်ခဲ့ကြဘူး…………..

မကြာခင် သမီးအိပ်မက်တစ်ခုမက်လိမ့်မယ်မေမေ
အဖြူရောင်မေတ္တာတရားစစ်စစ်နဲ့ လင်းမှုန်ပြာဝေနေတဲ့ကမ္ဘာ
ခေါင်းစဉ်လှလှတပ်ထားတဲ့မျက်နှာဖုံးစွပ်စစ်ပွဲများ..ချုပ်ငြိမ်းရာ
အောက်ခြေမှတ်စုတွေမပါတဲ့ ကောင်းကင်ဘုံ..
ဗျာဒိတ်တော်တွေငြိမ်းအေးသန့်စင်နေတဲ့ည
သမီးခဏရသလို သူတို့ကိုလည်းရစေချင်လိုက်တာမေမေ


အရာရာသံသယတွေနဲ့စောင့်ကြည့်နေရ စိတ်မချရတဲ့နေ့တွေညတွေ
ဝန်တိုမစ္တိယစိတ်တွေ..အိပ်မက်ပြီးရင်ပြန်ရင်ဆိုင်ဖို့
ခွန်အားဖြည့်ဖို့ သမီးအိပ်တော့မယ်မေမေ…

ကလေးရယ်..အိပ်ပါ့ဆို..ကြောင်ကြီးရယ်ကမြီးတံတို..မှောင်မိုက်မှာခို…
သမီးမငိုတော့ပါဘူးမေမေ….
ပြန်နိုးလာတဲ့အခါ………………………………………….
……………………………………………………………………..
တာမိုး

မူရင်းနေရာ ကောင်းကင်

လယ်သူမနှင့်လယ်သမား

Thursday, September 10, 2009

ပုံက ပန်ဒိုရာ အမှတ်တရ ဆွဲထားတဲ့ ပုံဖြစ်ပါတယ်။

ဘာရယ်မဟုတ်ပါဘူး။ တချိန်က နှစ်သက်မိခဲ့တဲ့ လယ်သမား ကြီးကိုပြန်ရှာတွေ့လို့ လယ်သူမ နဲ့ ပြန်လည်ပေါင်းဖက်ပေးလိုက်တာပါ ။

လယ်သမား
ဆောင်းဦးရာသီပါ
မြောက်လေပြာပြာတွေတည်ငြိမ်စီးမျော
ငါချစ်သော လယ်ခင်းကလေးမှာ အဝါရောင်တွေဝေပြီ။

သူ့အတွက် ..ကျောက်မြေကိုငါထွန်ယက်ခဲ့ရ
သူ့အတွက် .. မိုးစက်ကိုငါပေါက်ခွဲခဲ့ရ
အခုတော့..
ငါချစ်သော လယ်ခင်းကလေးမှာ အဝါရောင်တွေဝေပြီ။

မြတ်နိုးခွင့် ကို လိမ်ကျစ်ထုတ်ပိုးရင်း
ဘယ်သူမှမခိုးအောင် စောင့်ရှောက်ရတဲ့ညများမှာ
ငါဟာ..
တမျှော်တခေါ် အလင်းဝိုးဝါး။

ရေတွင်းကလေးလို
ကိုယ့်ရင်ထဲက ရေစင်တွေကို
အသံမထွက်အောင်တောင့်ရပ်ထားရတဲ့
၁၉၉၅..
ငါဟာ ရှက်တတ်တဲ့လယ်သမားကြီးပဲပေါ့။ ။
တာရာမင်းဝေ



လယ်သူမ
ကျွန်တော့် တောင်ကုန်း ကလေးပါ
အလင်းတွေနဲ့
ခပ်မို့မို့ တည်ဆောက်ထားတယ်။
နေ့ရက်တွေကြာ
နွေအပြာတွေ ပွင့်ပွင့်သွား။
ဖြတ်သန်းပြီးသား တိမ်တွေ
တစ်အုပ်ပြီး တစ်အုပ် ပြန်ကွေ့လာကြ။
... ... ...

ကျွန်တော် ပွေ့ပိုက်ခဲ့ရတယ်။
နောက်ဆုံးတော့လည်း
ဘာမှ မဟုတ်ခဲ့ပါဘူး။
ကိုယ့်ရင်ဘတ်ကိုယ် အကြမ်းကြုတ်ဆုံး ဆွဲဖွင့်ပြီး
နေပူကြဲကြဲတွေ သွန်ချ ပစ်ရတာက လွဲရင်ပေါ့။

သံယောဇဉ်ကိုမှ
ခုတ်ထွင်ရှင်းလင်းတတ်တဲ့ လယ်သူမရယ်
အခုတောင် လွမ်းတယ်။

တာရာမင်းဝေ

ငါးပြတိုက်

Sunday, August 30, 2009

အိန္ဒြာ စုထားတဲ့ငါးတွေကို ပြတိုက်ကနေ ကော်ပီပွားလာခဲ့တာပါ။ အမှတ်တရအနေနဲ့ ကျွန်မချစ်တဲ့ကဗျာတွေနဲ့အတူ မှတ်တမ်းတင်ထားဖြစ်ပါတယ်။


ငါးပြတိုက်

ငါး..

တစ်ဘ၀လုံးလုံးလိုလို
ငါးရယ်လို့ တစ်ကောင်တစ်လေမှ မမိ
ကြည့်
မိမယ့်မိတော့ စကြ၀ဠာကြီး
အပေါ်ဆွဲတင်လိုက်တော့
ငါ့ငါးမျှားတံဟာ ကိုင်းညွှတ်ပြီး
သက်တန့်ဖြစ်သွား
ငါ့ကို ပြန်မျှားခဲ့ပေါ့။ ။

မောင်ချောနွယ်



ငါး..

ငါးအသေကောင် လိုချင်ရင်
ဈေးမှာဝယ်ပါ

ကြောက်လန့်နေတဲ့ ငါးတစ်ကောင်လိုချင်ရင်
ပိုက်ကွန်တွေနဲ့ ဖမ်းပါ

ဒဏ်ရာ ရနေတဲ့ ငါးတစ်ကောင် လိုချင်ရင်
ငါးမျှားချိတ်မှာ အစာတပ်ပြီး မျှားပါ

အရုပ်နဲ့ တူတဲ့ ငါးတစ်ကောင် လိုချင်ရင်
မှန်တွေနဲ့ လုပ်ထားတဲ့ ရေကန်အတုထဲမှာ မွေးပါ

ငါးအစစ် တစ်ကောင် လိုချင်ရင်တော့
ကျောက်ဆောင်တစ်ခုလို ရပ်နေပါ

ရင်ဘတ်ကို ဖွင့်ထားပါ
လမ်းမှားလာတဲ့ ငါးအစစ်တစ်ကောင်က
မင်းရဲ့ နှလုံးသားကိုတောင်
ဝင်ပြီး တိုးခွေ့သွားလိမ့်မှာ

အသက်ရှုသံတွေနဲ့
ရေလှိုင်းတွေကို ဖန်ဆင်းလိုက်တဲ့အခါ
ပျော်ရွှင်စွာ ကစားနေမယ့်
ငါးအစစ်တစ်ကောင် ကိုရရှိမှာ

မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။


မြင့်မိုးအောင်



ငါး

ဒီဘ၀အပြင်
ဘယ်ဘ၀က ပိုကောင်းဦးမလဲ။
မရွေ့မလျား
ငါတို့ ငြိမ်သက်နေတာ ငါတို့ ကူးခပ်ခြင်း။
အပြေးအလွှား
ငါတို့ကူးခပ်နေတာ ငါတို့ပျံသန်းခြင်း။
စိတ်ကို လျှော့လည်း
ကိုယ်ကပေါ့မသွား။
တကယ်တမ်း
ရေကိုထမ်းထားရသော_ ပွင့်ချပ်ကတစ်ဖက်တည်း။ ။

ခင်ဇော်မြင့်




ငါး

ငါးတွေဟာ သွေးအေးတယ်၊
နှုတ်ဆိတ်တယ်။
တိုးတိတ်လွန်းတော့လည်း အဲဒီရင်ခုန်သံကို
မင်း ကြားရလိမ့်မယ် မဟုတ်ပေဘူး။

ကြယ်တွေကို ခူး ခူးပြီး
မင်းကို ပန်ပေးချင်ခဲ့တာပါ....
ဒါပေမယ့်...
အိပ်မက်တွေက ဖိတ်တစ်ဝက် စင်တစ်ဝက်
နွေဦးရက်တွေ ရောက်တဲ့အထိတောင်
မက်ခွင့် မရလိုက်ပါဘူး။
ဆူးတွေများလွန်းတဲ့ ဥယျာဉ်က
ရနံ့ကျတော့ နည်းလွန်းနေခဲ့တယ်။

တစ်နေ့ခင်းလုံး
ကိုယ့်လက်ဖ၀ါးပေါ် မေးထောက်ပြီး
သစ်သားမီးခြစ်ဆံတွေနဲ့ အိမ်ဆောက်ကြည့်နေခဲ့တယ်
ငါ ဘာကို စားသောက်ခဲ့ပြီးပြီလဲ ???

တစ်ဘ၀စာ
ခပ်ကြာကြာ ကြည့်ခွင့်ရလိုက်ရုံလေးတင်ပါပဲ။
(ဒီအပြင် ဘာမှ မပိုခဲ့ဘူး)
ကောင်မလေးရေ...
ငါ ဆိုတဲ့ ကောင်က သွေးအေး
ယဉ်ယဉ်ကျေးကျေးလေးပဲ...
...လွမ်းတယ်။

မင်းခိုက်စိုးစန်



Paul Klee ရဲ့ငါး

ဘာမှမဟုတ်ခဲ့ပါဘူးကွယ်
သူ့ရဲ့ကောက်ကြောင်းတစ်ခြစ်နဲ့ပဲ
ငါဟာ ငါးဖြစ်ခဲ့ရတာပေါ့


အသက်ရှူစရာလေမလိုဘူး
ကူးခတ်စရာရေမလိုဘူး
လိုနေတာက သူ့ဆီကမှောက်ကျလာမယ့်အရောင်တွေ
နောက် ..သူ့လက်ကနေထပ်မံဖြာဆင်းလာမယ့်
ချစ်ခြင်းနဲ့ပဉ္စလက်တွေ..…



ဒီလိုနဲ့ ငါးဟာ
ကမ္ဘာကိုမသိ.. (သူ့ကမ္ဘာက စာမျက်နှာတစ်ရွက်စာ)
လေကိုမသိ ( လေထုညစ်ညမ်းမှုလည်းသူနဲ့မပတ်သက်)
ရေကိုမသိ (ရေမြုပ်ဗုံးခွဲတာတွေလည်းသူနဲ့မဆိုင်)
လေးထောင့်မှန်ပုံးကိုမသိ (သူက အလှမွေးငါးလည်းမဟုတ်ပြန်ဘူး)
အတုတွေကိုလည်းမသိ (အစစ်ဆိုတာသူမှဘာမှန်းမသိပဲ)
မသိခြင်းတွေနဲ့ရှင်သန်လာလိုက်တာ
နှစ်တွေကြာပြီ…


ဆာငတ်နေခဲ့တဲ့ အရောင်တွေ
သံယောဇဉ်တွေ..ပဉ္စလက်တွေ
ဘယ်ဆီမှာလဲ……………
ဘာလို့များ…….ငါ့ဆီထပ်မရောက်လာခဲ့တာတဲ့လဲ..
ဒီလိုနဲ့ ငါးဟာ အနီရောင်မပါပဲသွေးပျက်နေခဲ့ရ
နှစ်ပရိစ္ဆေဒများစွာ.…


တကယ်ဆို..
ပန်းချီဆရာ….………….
သွေးအေးတတ်ဖို့ပါ..ခင်ဗျားသင်ကြားပေးခဲ့သင့်တာ။ ။

မနော်ဟရီ



ငါ့သင်းကွဲညနေ


ညီမလေးရေ
ကောင်းကင်အဖြူထည်စာမျက်နှာပေါ်
ငါဟာ နိဒါန်းအဖြစ် ကွေ့ကောက်စွာ ရေးခြစ်ခံရသူပါ

ညီမလေးရေ
ဒါ ငါကိုယ်တိုင် ပိုးမွေးခဲ့ညနေခင်းပဲပေါ့
ဖော်ဝေးငှက်တစ်ကောင်လို အဝေးလွမ်း လွမ်းမောမှု
ပူပြင်းခေါင်ခိုက် ခေါ်သံထဲ
ကန္တာရနွေတွန်ရာ ငါ့ရာသီတွေ သွန်းချခဲ့

ညီမလေးရေ
အနွေးထွေးဆုံး အိပ်ဟန်ဆောင်ခြင်းနဲ့
တစ်သက်တာ ငါ့အတွေးအခေါ်တို့ မင်နီစွန်းခဲ့ပေါင်းများပြီ..

ညီမလေးရေ
ဟိုးအဝေးဆုံးအရပ်က ၀ါးလုံးကွဲတောထဂီတသံ
ယုံယုံကြည်ကြည်နားဆင်ဖို့
ရောင်နီမစိုးသေးဘူးလားကွယ်..

ညီမလေးရေ
ဒီလက်ချောင်းတွေတွားသွားရာအရပ်ကဘာလဲကွယ့်..
မှားယွင်းနေတဲ့နေရာ
နောက်ထပ်ငါ့လက်ချောင်းတွေသေဆုံးရတော့မလား..
ငါကိုယ်ဆိုင်ရှင်သန်ပစ်ချင်ရဲ့

ညီမလေးရေ
ချစ်ဦးသူဆီနေ၀င်ခြင်းမှာ အိပ်မက်သစ်တို့သယ်ဆောင်ခွင့်ပေးပါ
အဲဒီ့အိပ်မက်ထဲမှာ အနာဂတ်အားမာန်ပါတယ်
နိုးကြားမှု အဟုန်ပါတယ်
နံနက်ခင်းတစ်ခုရဲ့ ဖူးပွင့်စအာရုဏ်အလင်းတန်းတွေပါတယ်
နှောင်ကြိုးမဲ့ ပဋိပက္ခတွေရဲ့ မျဉ်းဖြောင့်တစ်ကြောင်းပါတယ်
သက္ကရာဇ်တွေ ထမ်းပိုးမယ့် လက်ရုံးနှစ်ခုပါတယ်..။

ညီမလေးရေ
အခုတော့ ငါဟာ အလှမွေးဖန်လှောင်အိမ်ထဲက
ရွှေငါးတစ်ကောင်လို ကိုယ်ပိုင်အလှ ကိုယ်တိုင်ခံစားခွင့်မရခဲ့သူပါ
ဒီလိုနဲ့ ငါ့ညနေခင်းတွေ မနက်ဖြန်ပေါင်းများစွာ မော်ဖူးခဲ့ရပေါ့..။

လူဇော်သစ်





ငါး ဟာ ငါး

တွန်းတိုက်လှုပ်ရှားနေတဲ့ ခန္ဓာကိုယ်ကို
သိပ်သိပ်သည်းသည်း ထိန်းညှိထားတယ်
လက်ပြန်ရိုက်ချက်ဟာ ရှေ့ကို
ရောက်စေတယ်
တစ်ချက်ခတ်ရုံနဲ့ ကိုယ်ဟာ
တည့်မတ်လို့
ရပ်နေတယ်
သွားနေတယ်
လူးလွန့်နေတယ်
ကျောက်ကြိုကျောက်ကြား
ကိုယ့်ပတ်ဝန်းကျင် ကိုယ့်မှာ
အစုန်အဆန် ပုံသဏ္ဍာန်မှန်လို့
မှန်ရေပြင်က ကန်ရေပြင်လို
အတုတွေကြား အလှပြလို့
ကူးခတ်တယ်
လူးလွန့်တယ်
ရပ်နေတယ်
သွားနေတယ်
ရှေ့ကို
ပင်လယ်အတုထဲလည်း
ငါး ဟာ ငါး
တစ်လက်မမှ လျော့ (ရော့)မသွားဘူး။ ။

တည်ရ




ငါးရိုးနင်ခဲ့တဲ့ စိတ်များ

ဆယ်လ်မန်တစ်ကောင်အတွက်
ရေကာတာတစ်ခုဟာ ကျိန်စာပဲ ..
ပင်လယ်ထဲ
ခြေဗလာနဲ့ဆင်းခဲ့တာ ...၊
ဆင်းရဲလို့ ဆင်း ရဲ ခဲ့တာ ....။

ကမ္ဘာဦးလူ မီးရှာမတွေ့ခင် ...
ဝေလငါးအတုဟာ လမ်းလျှောက်နေခဲ့သေးတယ် ...။
မွှေးရှည်ဆင် (mammoth) တွေနဲ့ အုတ်ရောရော ကျောက်ရောရော
ဒိုင်နိုဆောတွေနဲ့ ဒူးတင်ပေါင်တင်ပေါ့ ...၊
ရေထဲဆင်းမပြေးနိုင်တဲ့ ကောင်တွေ မျိုးပြုတ်တာဘာဆန်းလဲတဲ့ ...
ပန်းပန်ထားတဲ့ ဝေလငါးတုတစ်ကောင်
တရားဦးဟောနေပုံကသင်းတယ်။

ခုတ်တတ်ဖြတ်တတ်ရင်
ငါးပူတင်းလည်းစားလို့ရတယ်...
ခုတ်ထားဖြတ်ထားတဲ့ အမှန်တရားထက်တောင်
ပိုချိုသေးတယ်။

ဟေ့လူ .. ခင်များ ငါးပါးမ၀နဲ့ ...
အပါးလည်ပြီး အပါယ်လားမယ်ဗျ။
... ဒီမယ် ကိုရင် ... ရှင်ဗာကူလ အတွက် ကျုပ်ဗိုက်ကို ခင်ဗျားတို့ ခွဲထားတာ မမေ့လိုက်ပါနဲ့ ....
အောင်မြင်ခန့်ညားတဲ့ ငါးရယ်သံကြီး ညှီစို့စို့လွင့်ပျံ့လာတယ် ...။

ကမ္ဘာဖျက်မိုးရွာတော့မယ်ဆိုလို့
ငါးခုံးမတွေအပျော်လွန်နေတာလေ ...
နောဧလှေကြီးတစ်ခုလုံးယိမ်းထိုးလို့ပေါ့ .....။ ။

Zephyr






မှန်အိမ်ထဲကငါး

အဲဒီ အလှအပ ဆိုတာကြောင့်ပေါ့
ငါ့မှာ အကျဉ်းချခံနေရတယ်
ထင်ယောင်ထင်မှားအားကျသူတွေကို ဖျော်ဖြေဖို့
ပကာသန အရေခြုံ အပြုံးတွေနဲ့
ဟန်ရေးတပြပြ နေရတယ်
အမျိုးမတူ အရောင်မတူသူတွေနဲ့လည်း
အလွမ်းသင့်အောင် ကြိတ်မှိတ်ပေါင်းရသေးတယ်
အချိန်တန်ရင် ဗိုက်တာမင်အတုတွေ အဖြည့်ခံနေရပြီး
ရင်သပ်ရှုမော အဆာပလာ တွေ ၀န်းရံနေလည်း
လေးဘက်လေးတန် ပိတ်နေတဲ့
အဲဒီရုပ်ဝတ္ထုတွေက ငါ့အိမ်မှမဟုတ်တာ
အဆိုးဆုံးကတော့
ဟို ထွက်ပေါက်လိုလိုဘာလိုလိုနဲ့
ထွင်းဖောက်မြင်အောင်လုပ်ထားတဲ့ အရာတစ်ခု
အမှတ်မရှိတဲ့ငါ မျှော်လင့်ချက်နဲ့ ထွက်ပြေးမိတိုင်း
နံရံပဲ ၀င်ဝင်တိုက်နေတော့ နာနာကျင်ကျင် နောက်ဆုတ်ပြန်ခဲ့ရတယ်။

ပန်ဒိုရာ






ချစ်သူလက်ခုပ်ထဲက ငါး

မင်း နဲ့ ငါ ချစ်သူဖြစ်ပြီ ဆိုကတည်းက
ငါ့အီးမေးလ်ကို မင်း ဝင်စစ်တော့မယ် ဆိုတာ
ဆေးလိပ်ကလေးတွေ ငါ့နှုတ်ခမ်းပေါ် ပြည်ဝင်ခွင့် ပိတ်တော့မယ် ဆိုတာ
ဒီပုလင်းကြီးနဲ့ငါ ရှင်ကွဲ ကွဲတော့မယ်ဆိုတာ….

မင်း နဲ့ ငါ ချစ်သူဖြစ်ပြီ ဆိုကတည်းက
မနက်စောစော ဘုရားရှိခိုးဖို့ လှမ်းနှိုးတော့မယ် ဆိုတာ
ညနေစောင်းဆို လာလာကြိုခိုင်းတော့မယ် ဆိုတာ
ငါ့တနင်္ဂနွေတွေ ဟိုကောင်တွေနဲ့ ထွေရာလေးပါး နေလို့ မရတော့ဘူး ဆိုတာ….

မင်း နဲ့ ငါ ချစ်သူဖြစ်ပြီ ဆိုကတည်းက
သဒ္ဓါထက်ထက် ကောင်မလေးတွေရဲ့
လမ်းပေါ်က ဖက်ရှင်ရှိုးကို FOC ခံစားခွင့်
မင်းမသိအောင်ဘဲ ရတော့မယ် ဆိုတာ ….

မင်း နဲ့ ငါ ချစ်သူဖြစ်ပြီ ဆိုကတည်းက
ခင်တတ်လွန်းတဲ့ငါနဲ့ တချို့ညီမလေးတွေ ဆက်ဆံရေး
ခပ်တန်းတန်းလေး နေရတော့မယ် ဆိုတာ….

မင်း နဲ့ ငါ ချစ်သူဖြစ်ပြီ ဆိုကတည်းက
ဘဝကို မောင်းချင်သလို မောင်းပြီး
ရပ်ချင်တဲ့နေရာ ထိုးရပ်ထားလို့ မရတော့ဘူးဆိုတာ….

သိပါတယ်
သိပါတယ် ။

သိပါတယ်
(သဲကိုးဖြာလေးရယ်)
မင်းလက်ခုပ်လေး ကို
မဟာသမုဒ္ဒရာလို့ ငါအမှတ်မှားမိလိုက်ကတည်းက
ငါ့တစ်ဘဝလုံး မင်းရဲ့ ကိုလိုနီအဖြစ် ပေးပစ်လိုက်ရတော့မယ်ဆိုတာ
ငါ သိပါတယ်လေ….။

လင်းဒီပ





အိမ်ငါး

အိမ်မက်တစ်ခုခုလိုမျိုး.. .ပြာညှိုးညှိုးလေး..လင်းရီနေခဲ့တာ...
ကျောက်ဆိုင်ကျောက်ခက်ဆက်တင်ကလည်းအတု..
ရေမှော်..ရေညှိ..စိမ်းမြမြကလည်းအတု
မှုန်မှုန်ညှင်းညှင်းအလင်းပြေပြေလေးကလည်း...အတု...
အစာအဟာရအတု....
အောက်ဆီဂျင်ကအတုနဲ့...
ရေသူမ..အတုကို..ပွတ်လျော..နမ်းမွှေး...

ဟော..ဒီ့လို...
ဘ၀သေးသေးလေးထဲမှာ....အလူးလူး...အပြေးပြေး...
လှုပ်ရှားသက် ၀င်နေရသမျှ...
ဘယ်လာ...ငါး..အရာမြောက်ပါတော့မလဲ...

ငါးက..ငါးတို့ရဲ့..ဘာသာဘာဝအတိုင်း...
အညှီနဲ့ချွဲချွဲ..ပြောင်ချော..ညစ်ပတ်နေချင်တာ...

ငါးက...
တ၀ုန်း..၀ုန်း...
တစိမ်း..စိမ်း
နက်ရှိုင်းခမ်းနားလွန်းနေတဲ့..
ပင်လယ်ရဲ့..ဥပဓိကို..စာဖွဲ့နေချင်တာ

ငါးက..
သူ့စိတ်ကူး..ရေစီးတွေအတိုင်း..
အဆုံးအစမရှိရွက်လွင့်..ပစ်...ချင်တာ..

ငါးက....
မျှားချိတ်မှာတပ်ထားတဲ့..အစာမှန်းသိသိ..
မိမိရရ..ခုန်ဟတ်ရယူပြီး...
လက်တစ်လုံးခြား...ငါးပါးဝချင်တာ...

ငါးက..သူ့ကိုယ်ပိုင်အမိုး..အကာလေးထဲမှာ..
မိန့်မိန့်မူးမူး...မင်းမူနေချင်တာ

ငါးက..
ငါးရိုးရာ..ပွဲတော်ကြီးတွေကို
ငါး..ဂီတ..ငါး..ဗီဇတွေအတိုင်း
အချိန်ခါ..သင့်ကျင်းပချင်သေးတာ

ငါးက..
သူ့အိပ်မက်တွေအတိုင်း..ရဲဝံ့မာကျော..ပြီး
သူ့ကကြိုးတွေ..အတိုင်း..နူးညံ့..ပျော့ပျောင်းမယ့်
သူ့..မျိုးဆက်ကို..ရေးချယ်ချင်သေးသတဲ့..

ငါးကလေ....
ငါးလားမြောက်ဖို့အတွက်သာဆို...
ကြောင်တစ်ကောင်ရဲ့..အစာပဲဖြစ်ဖြစ်...
သူ့ကိုယ်သူ..ချကျွေးပစ်ဖို့..၀န်မလေးဘူးတဲ့..၊

ငါး..က...
ငါး..က..
အ..တု..တွေ.ကို..မ..လို..ချင်..တော့..ဘူး..လေ..။ ။

အိန္ဒြာ





ငါး

ပင်လယ်ပြင်ကိုငေးကြည့်နေမိတဲ့ တနေ့
ငါးလေးတကောင် အနားမှာလာထိုင်ပြီး သူ့အကြောင်းပြောပြခဲ့တယ်
ရေကူးဝါသနာဆိုတာမသိဘူး တသက်လုံးကူးခတ်ခဲ့ရတယ် .. တဲ့
နီးကပ်တယ်ထင်ရတဲ့ လရိပ်ဟာလည်း ဝေးတာပါပဲ .. တဲ့
တည်ငြိမ်တဲ့ရေပြင်အောက်မှာလည်း ဝဲဂယက်တွေရှိတယ် .. တဲ့
နောက်ဆုံးတော့
ရေထဲက သူ့မျက်ရည်ကို ဘယ်သူမှ မမြင်နိုင်ပါဘူး .. ဆိုပြီး
အဝေးကြီးကိုထွက်သွားတယ် ဘယ်တော့မှပြန်မလာတော့ဘူး
ရေမကူးတတ်ပေမယ့် ငါလည်း ငါးတကောင်ပါပဲ ဆိုတဲ့အကြောင်း
ပုလင်းလွတ်တလုံးထဲ ထည့်မျှောလိုက်တယ် သူဖတ်ရမှာပါ။

တင်မင်းထက်




ငါးအကြောင်း

ငါးအကြောင်းပြောကြမယ်
ငါးများသည် ရေတွင်ပျော်ရွှင်စွာ ကူးခတ်နေကြသည်။
“ ‘ပျော်ရွှင်စွာ ‘ ဆိုတဲ့ နာမ၀ိသေသနကိုဖြုတ်ပေးပါ” မျက်မှန်တပ်ထားတဲ့ ငါးတကောင်ကတောင်းဆိုလာတယ်၊
အို..ရှင်မပျော်လဲ ကျမတို့ ပျော်တယ်။ ကဗျာဆရာ ဆက်ပြောပါ။ နောက်ငါးတကောင်က..
ဒီလိုနဲ့…
ကဗျာဆရာက ‘ငါးများသည်ရေတွင် ပျော်ရွှင်စွာ ကူးခတ်နေကြသည်။’ လို့ထပ်ရေးပြီးရုံရှိသေး။
“ ‘မြစ်ထဲမှာ’ လို့ပြင်ရေးပေးနိုင်မလား ခမျာ” ဟိုးနောက်နားက ငါး တကောင်က ထပြောတယ် ကဗျာဆရာ သူ့ဝါကျ သူပြန်ကြည့် ခေါင်း တချက်ကုပ်
“အို..ဒါဆို ကျုပ်တို့ ကန်ငါးတွေကိုကျတော့ ငါးရာမသွင်းဘူးပေါ့” ငါးမြစ်ချင်းတကောင်က မျက်နှာ ရှုံ့ရင်း
ထကန့်ကွက်ပြန်တယ်
ငါးတွေ အားလုံး ကြွက်စီကြွက်စီ ဖြစ်ကုန်တယ်။
ကဗျာဆရာက ပျော်ရွှင်စွာဆိုတဲ့ နေရာမှာ ဘာနဲ့အစားထိုးရကောင်းမလဲ အားနာပါးနာ စဉ်းစားနေတယ်။
ငါးတွေက မြစ် ချောင်း အင်း အိုင် ပင်လယ်သမုဒ္ဒယာ ရှိရှိသမျှ ငါးတွေကျက်စားရာနေရာဒေသ အကုန်လုံး
ပေါင်းရုံး ခြုံငုံ ကိုယ်စားပြုနိုင်မယ့် ဘုံအခေါ်အဝေါ်တခုကို ရွေးချယ်ငြင်းခုံ နေကြတယ်
တကယ်တော့ ကဗျာဆရာဟာ သူ့ဝါကျထဲက ဘယ်စကားလုံးကိုမှပြင်ပေးလိုစိတ်မရှိဘူး။
လိပ်ခဲတည်းလည်းဖြစ်နေတုန်း
ကဗျာဆရာရဲ့ လက်ကိုင်ဖုန်းဟာ အယ်မီနမ် ရဲ့ when I’m gone သီချင်းသံမြည်လာတယ်
“ဟဲလို..” ကဗျာဆရာက..
“အကို..ညီမကို ‘ငါးအကြောင်း’ ကဗျာတပုဒ် ရေးပေးပါ” အိန္ဒြာ က..
ကဗျာဆရာပျော်သွားပြီ..
“အို…ငါးအပေါင်းတို့ သတ်မှတ်အချိန်ပြည့်သွားပြီမို့ ..”ဘာညာကွိကွ..တွေပြောပြီး အစည်းအဝေးကို ကတိုက်ကရိုက် ရုတ်သိမ်းလိုက်တယ်။
(ငါးတွေ ဘာစောဒကမှ မတက်နိုင်ခင် အိန္ဒြာ့ထံ အီးမေးလ် အမြန်ပို့လိုက်တယ်)
ငါးများသည် ရေတွင် ပျော်ရွှင်စွာ ကူးခတ်နေကြသည်။ ။

ခင်အောင်အေး
၂၆၊ သြဂတ်စ်၊ ၂၀၀၉