ကဗျာဆိုတာ
နှလုံးသွေးတစ်စက်နဲ့ ခေတ်အဆက်ဆက် စီးဆင်းနိုင်တဲ့ မြစ် ဖြစ်တယ်။ စကြဝဠာထဲမှာ (ဒါမှမဟုတ်) လူတစ်ယောက်ရဲ့ ခန္ဓာကိုယ်ထဲမှာ ရှုမဆုံးအောင် ရုန်းကန်လှပနေတဲ့ သဘာဝတရားငယ်တစ်ခုလို့ ... ကဗျာကို ... သြော် .. ဘယ်သူတွေများ ချစ်နိုင်ပါလိမ့် ..။
မောင်သိန်းဇော်

ကဗျာ
ကမ္ဘာမြေပြင်ရဲ့
သေခြင်းမဲ့အသည်းနှလုံး
ငါ့အချစ်ဆုံးပေါ့
သစ္စာတရားကို တိုက်ရိုက်ဘာသာပြန်ထားတာဖြစ်တယ်။
မင်းဆက်ငြိမ်း

ကဗျာ၊ နိယာမ၊ ရှင်သန်ခြင်းဝိညာဉ် အစအနများ …………

Monday, October 25, 2010

ကဗျာ၊ နိယာမ၊ ရှင်သန်ခြင်းဝိညာဉ် အစအနများ …………

ဒီကဗျာသုံးသပ်ချက်ကို ကျွန်တော် အောက်တိုဘာ ၂၄ ရက်နေ့မှာရေးပါတယ်။ စိတ်ထဲကို မီးရထားတစ်စီးလို အတွဲလိုက်ခုတ်မောင်းဖြတ်သန်းဝင်ရောက်လာတဲ့ ကဗျာတွေ … အတွဲအဆက်တွေ၊ မျဉ်းတွေ ထဲက ကျွန်တော်မြင်လိုက်တဲ့ / ရိပ်ခနဲတွေ့လိုက်တဲ့ … ပြောင်းလဲခြင်းနိယာမ၊ ကဗျာတစ်ပုဒ်ရဲ့ ချိန်သားကိုက်တိကျမှုနဲ့ အတိအကျ စွန့်လွှတ်နိုင်မှုတွေကို ကျွန်တော် ဇာတ်ကြောင်းပြန်ကြည့်တာပါ။ ခင်ဗျားတို့ ရင်ဘတ်ထဲမှာ နေရာလွတ်တွေရှိနေရင် ဖြည့်လို့ရနိုင်မယ့် အလင်းကို ကဗျာတစ်ချို့က သယ်ဆောင်လာတတ်တဲ့အကြောင်း …. အလေးအနက်မဟုတ်တဲ့ မိတ်ဖြစ်ဆွေဖြစ် အကြောင်းကြားမှုလေးတစ်ခုလောက်ပါပဲ။

ခါလီဂျီဗရန်တို့လက်ထက်ကတည်းက PROSE POETRY ရှိနေတာကို ၂၁ ရာစုကြမှ ကျွန်တော်တို့ အလန့်တကြားထကြည့်ဖြစ်တာကိုလည်း သူ့သဘောသူဆောင်တဲ့အတိုင်းထားလိုက်ကြရအောင်။ ကဗျာက ဘယ်ကလာလဲ ဘယ်ကိုသွားသလဲ … ကျွန်တော်တို့နဲ့ဆိုင်သလား ဆိုတဲ့မေးခွန်းသုံးခုနဲ့ပဲချဉ်းကပ်ပါတယ်။ ဘယ်ကမှမလာဘူး။ ဘယ်ကိုမှလည်းမသွားဘူး။ ကျွန်တော်တို့နဲ့လည်းမဆိုင်ဘူးဆိုရင် လောလောဆယ်တော့ ဒီကဗျာကို ခဏလောက်သိမ်းထားလိုက်ချင်တယ်။ ကြုံပြီး လိုလာတဲ့အချိန်ကြရင်တော့ဖတ်မယ်။ အခုကျွန်တော်ဖတ်လိုက်တဲ့ ကဗျာတွေကို ကလီရှေး* ဖြစ်သွားပြီလို့ သတ်မှတ်တဲ့သူတွေလည်းရှိမယ်။ အင်္ဂလိပ်စာမှာ ကလီရှေး* ကို အရေးကြီးတဲ့နေရာတွေမှ ဆက်လက်သုံးစွဲနေတာကိုတွေ့ရတာလေးနဲ့ နှိုင်းယှဉ်မိတယ်။ ကလီရှေး* ဖြစ်တယ်ဆိုတဲ့ နေရာနဲ့ ကလီရှေး* ဆက်လက်သုံးစွဲကြတဲ့နေရာနှစ်ခု၊နယ်ပယ်နှစ်ခု ၊ အယူအဆနှစ်ခုကို မျဉ်းတစ်ကြောင်းနဲ့ဆက်ဆွဲလိုက်တဲ့အယူအဆကို ကျွန်တော်ခိုင်ခိုင်ကြီးလက်ခံနေမိပါတယ်။

ကျွန်တော့်ကို နည်းနည်းယိမ်းယိုင်သွားစေခဲ့တဲ့ ၀င်းမောင်ရဲ့ ချုပ်ရိုးပေါ်ကနွေ နဲ့စလိုက်ကြရအောင်။ ဟန်သစ်၊ ဇူလိုင် ၁၉၉၄ က ကဗျာလေးတစ်ပုဒ်ဟာ နှစ်ပေါင်း ၁၆ နှစ်အကြာမှာ ကဗျာဖတ်နေတဲ့သူတစ်ယောက်ရဲ့ စိတ်ကို လာပြီးလှုပ်နှိုးနိုင်တယ်ဆိုတာလေးကို ကျွန်တော်တွေးကြည့်ပါတယ်။ ကဗျာဟာ ရှင်သန်နေတယ်။ ကဗျာဟာ အသက်ရှိတယ်။ ကဗျာဟာ သူ့အလုပ်သူလုပ်တယ်။ အဲဒါတွေကို ကျွန်တော်တွေးပါတယ်။

ချုပ်ရိုးပေါ်ကနွေ

သေတာနဲ့
ရှင်တာကို
အမြီးကစပြီး မျိုခဲ့တယ်
အပ်နှစ်စင်းထိခွင့်ရတဲ့နေ့က။

ထိုမှအစ
မှားမှန်းမသိခင် မှားခဲ့
မှားမှန်းသိတော့လည်း ပိုမှားခဲ့
ဒါ ငါ့ရဲ့ အားကစား ထူးချွန်ဆု တစ်ခုပါ။

အခုမှ
အလဟဿဖြုန်းတီးမိတဲ့
နောင်တနဲ့ နေ့စဉ်
ကိုယ့်အတ္တကို အလှပြင်လို့
ငယ်သံပါအောင် အော်ခေါ်ခဲ့
ကောင်းကောင်းနေချင်တဲ့စိတ်တွေ
ကောင်းကောင်းစားချင်တဲ့စိတ်တွေ
ကောင်းကောင်းဝတ်ချင်တဲ့စိတ်တွေ
အဲဒီ မိုက်တွင်းနက်နက်ထဲမှာလေ။

လူဘ၀ဟာသတစ်ခုမှာ
ဘယ်လိုမှ ရယ်စရာမကောင်းလို့
ရယ်ရ
နောက်ထပ်ပြကွက်တစ်ခု
ငါနဲ့တည့်အောင်မနေတတ်ခဲ့တာလည်းပါ
ဒါ တစ်သက်လုံး တောင့်တင်းနေခဲ့တဲ့ဝေဒနာပဲ။

ဒီမှာ
ငါမှတ်သားမိသလောက်တော့
ငယ်ငယ်တုန်းကနွေဟာ
အခုလောက်မပူတာသိပ်သေချာတယ်။ ။


ကျွန်တော် ထပ်ပြန်တလဲလဲအမှားတွေကို ထပ်မလုပ်ချင်တော့လို့ ဒီကဗျာကို ဖွင့်ဆိုဖို့ မကြိုးစားတော့ဘူး။ အဲဒီအချိန်က အလေ့ကျဖြစ်ထွန်းခဲ့တဲ့၊ ဒါမှမဟုတ် စနစ်တကျ သင်ယူခဲ့ကြတဲ့ အသံစီးဆင်းမှု အရ၊ ကဗျာက ပြေပြစ်စွာစီးဆင်းနေတယ်။ အခုအချိန်မှာ အများဆုံးပြောစရာဖြစ်မှာက နိဂုံးကိစ္စပဲ။ ကဗျာက နိဂုံးပါရမယ်ဆိုတာကို အခုအချိန်မှာ အတော်လေးပြောရခက်သွားပြီ။ ဒီမှာ ငါမှတ်သားမိသလောက်တော့ ဆိုပြီး လှမ်းအော်ပြောလိုက်တာ ကျွန်တော့်ကိုလား၊ ဒါမှမဟုတ် ကိုယ့်စိတ်ကို ကဗျာဆရာက လှမ်းပြောတာလား၊ သတင်းပို့တာလား။ ရှေးဆုံးမစာတွေကလို နိတိတစ်ခုခုကိုပေးတာလား။ အဲဒါတွေကိုတွေးကြည့်လို့လည်းရတယ်။ ခင်များတို့ဟာ လွန်ခဲ့တဲ့ နှစ်ပါင်း ၂၀၀၀ ကျော်မှာနေခဲ့တဲ့သူတွေဆိုရင် ကမ္ဘာကြီးဟာ အပြားကြီးလို့ပဲ သိခဲ့ကြမှာမဟုတ်လား။ အခုအချိန်မှာသိတဲ့အသိတွေဟာ အရင်တချိန်က သိတဲ့အသိတွေမဟုတ်တော့ဘူး။ ပိုပြီးသေချာတာက ကမ္ဘာကြီးဟာ အလုံးကြီးဆိုတာကို ကိုယ်တိုင်သိလိုက်ရတာမဟုတ်ဘူး။ တခြားတစ်ယောက်ပြောလိုက်လို့သိလိုက်ရတာ။ အလုံးတောင်မှ လိမ္မော်သီးလို လုံးသလား၊ ရှောက်ချိုသီးလိုလုံးသလား၊ သစ်တော်သီးလိုလုံးသလား သေသေချာချာသိရဲ့လားဆိုရင် ဘယ်လိုများဖြေမလဲ ………….။ …………………………………………………………………………………..။ ကဗျာတစ်ပုဒ်စိတ်ထဲကို ချဉ်းနင်းဝင်ရောက်လာတဲ့ကိစ္စမှာ …………….ခြံတံခါးဖွင့်ပေးခြင်း၊ ဆီးကြို ခရီးဦးကြိုပြုခြင်း၊ ၀မ်းသာအဲလဲ ပွေ့ဖက်ခြင်း၊ကြည်သာရွှင်ပြ နေရာပေးခြင်းတွေ ….ပါရဲ့လား။ ကျွန်တော်ကတော့ မပါဘူးလို့ယုံတယ်။ ကဗျာက သူ့အလုပ်သူလုပ်မယ်။ ကျွန်တော်တို့စိတ်က သိမှတ်ပြီးသားကိစ္စတွေနဲ့ တိုက်ဆိုင်စစ်ဆေးပြီး၊ ဒါမှမဟုတ် ထောက်ကန် အညမညပြုပြီး၊ ခံစားလိုက်မယ်။ သို့တည်းမဟုတ် ရယ်သွမ်းသွေးမယ်။ ဒီလောက်ပါပဲ။


ကျွန်တော်ဆီကို ဆက်လက်တိုးဝင်လာတဲ့ကဗျာတွေကတော့ စန်းဦးရဲ့ အခြားသော သရုပ်ဆောင်များနှင့် … ခင်ဗျား ဆိုတဲ့ကဗျာစာအုပ်ထဲက ကဗျာသုံးပုဒ်ပါ။ ဘုရားတွေဟာ ဘုရားဖြစ်မဖြစ် ဇိနတ္ထပက္ကာသနီနဲ့ တိုင်ဆိုင်ကြည့်လို့ရပါတယ်။ ကဗျာတွေကိုရော ဘာတွေနဲ့တိုက်ဆိုင်ကြသလဲ။ လူတစ်ယောက်ရဲ့စက္ကန့်မလပ်ပြောင်းနေတဲ့စိတ်နဲ့ ကဗျာဟုတ်/မဟုတ်/သလိုလို ကိစ္စတွေကို စံသတ်မှတ်ဖို့ပြဿနာရှိနိုင်ပါတယ်။ Rock ဂီတသမားတွေဟာ Hip Hop ကို ဂီတတစ်ခုလို့ လက်ခံဖို့ခက်သလိုပေါ့။ ထံတျာတေရှင်တွေကတော့ Rock ရော Hip Hop ကိုပါ ဂီတလို့သတ်မှတ်လို့မရသလို၊ Hip Hop သမားတွေနဲ့ Rocker တွေဟာ ထံတျာတေရှင်တွေကို ဂီတတစ်ရပ်အနေနဲ့လေ့လာဖို့ အာသဝေါကုန်သွားပါတယ်။ ကြုံလို့ပြောရရင် မှန်တွေအကြောင်းနည်းနည်းပြောချင်တယ်။ သူ့အမြင်ကိုယ့်အမြင်လို့ ပြောလေ့ရှိကြတယ်။ ဆံပင်ညှပ်ဆိုင်မှာ ထောင်ထားတဲ့ မျက်နှာချင်းဆိုင်မှန်နှစ်ချက်လို .. သူ့ထဲမှာ ကိုယ့်ကိုမြင်ပြီး … ကိုယ်မြင်နေရတဲ့ကိုယ့်ပုံရိပ်ထဲမှာ သူ့ကိုပြန်မြင်နေရသလိုပါပဲ ……….ကဗျာတွေဟာ …………….. မှန်နှစ်ချက်ကြားက knowledge transfer လုပ်နေတဲ့ ဖြစ်ရပ်လေးတစ်ခုလို ……………………….။

ငါးမျှားခြင်း

ကမ်းစပ်မှာ
ငါးများ၊ ပီတိများနဲ့
ကိုယ် နေထိုင်ရာ
ထိုသူ ရောက်လာခဲ့။

“ဒါ … ငါးအစစ်တွေလား”

“ဟာဗျာ
ဒါ … ကိုယ်တိုင် သီတံတပ်
ကိုယ်တိုင် အချိန်ပေးပြီး
ဒီမြစ်ထဲက ရခဲ့တဲ့ ငါးတွေပါ”

“အေးလေ
အဲဒီ မြစ်ထဲမှာ
ငါးအစစ်တွေ မရှိခဲ့ဘူးဆိုရင်ပေါ့”
ပြောပြီး … သူထွက်သွား။

အို…
ကိုယ်ပြန် ရေရွတ်နေ
အခါခါ ရေရွတ်နေ …။

ဟုတ်တယ်
မြစ်ထဲမှာ ငါးအစစ်တွေ မရှိတော့ဘူးဆိုရင်
ဘယ်လို လုပ်ကြမလဲလို့ တွေးမိ။ ။

ကဗျာဆရာက သူ့ဘာသာသူငါမျှားရမှာပျင်းလို့ ကျွန်တော်တို့ရဲ့ အာရုံကို လာမျှားနေတယ်။ …. ပျော်စရာကိစ္စတစ်ရပ်လို့ခံစားရတယ်။ နောက်ထပ် ကြောင်တစ်ကြောင်ထပ်ပို့ပေးလိုက်မယ်။ ကျွန်တော့်လက်ကိုရော စိတ်ကိုရော အတော်ကလေး ကုတ်သွားတဲ့ကြောင်မလေးတစ်ကောင်၊ ခင်ဗျားလည်း သတိထားပြီးမွေးမြူဖတ်ရှူပါဦး။

ကြောင်တစ်ကောင်နဲ့ လူ၏ထောင့်များ

ကြောင်တစ်ကောင် ကောက်ရတယ်
သူ့လည်စီးလှလှမှာ စာတစ်စောင်
ပိုင်ရှင်ရဲ့ထောင့်တစ်ခုကို
အကြိမ်ကြိမ် ကုတ်ခြစ်ခံရလို့
စွန့်ပစ်လိုက်သတဲ့။

လူသွားလမ်းပေါ်မှာ
ငါ ကြောင်ကို ပိုက်ပြီးငေးမော
ဟောဒီ ထိုင်းထိုင်းမှိုင်းမှိုင်း လေပြည်အောက်မှာ
ဟောဒီ ချို့တဲ့မှု မီးရောင်အောက်မှာ
ငါ ကြောင်ကိုပိုက်ပြီး ငေးမော

ငါက ကြောင်ကို မပွတ်သပ်ရဘဲ
ကြောင်က ငါ့ကို ပွတ်သပ်တယ်
ဘယ်အရာမှန်းမသိ
ငါ့နှလုံးအိမ်ထဲ တိုးလျှိုးသွား
ငါမမှတ်မိတဲ့ ငါ့အရေပြားတွေကို ပွတ်သပ်လို့
ငါသတိမပြုမိတဲ့ ထောင့်များဆီကို
ပြန်သွားနေမိ
ငါ့ကိုယ်ငါ လိပ်ယူပြီး ငါပစ်ထည့်ထားတဲ့ထောင့်များ။

ထောင့်ဆိုတာ
အရပ်လေးမျက်နှာထဲကမှ
နှစ်မျက်နှာကို စွန့်ပစ်ဖုံးကွယ်ထားရတဲ့ကိစ္စ
လူတွေမှာထောင့်တစ်ခုမက ရှိနိုင်တယ်
ဒါကို ပေါက်ပြဲအောင် အကြိမ်ကြိမ်နှိုးဆွ
ဘယ်သူ အကုတ်ခြစ်ခံနိုင်ပါ့မလဲ။

လွှတ်ချလိုက်မိရဲ့
ပါလာတဲ့စာကိုတောင် မဖြုတ်လိုက်တော့
လူသွားလမ်းပေါ်မှာ
ပိုင်ရှင်ရဲ့ထောင့်တစ်ခုကို အကြိမ်ကြိမ်ကုတ်ခြစ်လို့
စွန့်ပစ်ခံရတဲ့ ကြောင်တစ်ကောင်။ ။



အခြားသော သရုပ်ဆောင်များ နှင့်ခင်ဗျား

ရပ်ကွက်ကြီး ဆူညံနေပုံ
ဘောလုံးကန်ပုံ
လက်ချင်း ဆုပ်ကိုင်ထားပုံ
စာအုပ်ပုံကြား ဖြတ်ပြေးပုံ
ရေသွန်ချပုံ
ကားတံခါးပိတ်ပုံ
စကားကိုဟန်နဲ့ ပြောပုံ
ရေဒီယိုနဲ့ နားရွက်နဲ့ ကပ်ထားပုံ
ထော့နင်းထော့နင်း လမ်းလျှောက်ပုံ
ခွေးကို ငေါက်ငမ်းပုံ
ဓာတ်တိုင်ဘေး ငေးကြည့်ပုံ
အင်္ကျီရေစိုအောက် အတွင်းခံပေါ်ပုံ
ဆွဲငင်သံနဲ့ လက်ဝါးဖြန့်ပုံ
အိမ်အ၀င် ခြေထောက်ဆေးပုံ
ကြွတ်ကြွတ်အိတ် ဆွဲလာပုံ
နွားနို့ခြင်း ရွက်ပုံ
မုန့်ထုပ် ကိုက်ဖောက်ပုံ
လက်ဖက်ရည် မော့ချပုံ
ငွေစက္ကူ ရေတွက်ပုံ
ဝမ်းနည်းပြီး ငိုပုံ
အော်ခေါ်ပုံ
ရေစည်လှည်း တွန်းပုံ
မှတ်တိုင်မှာ ကားမျှော်ပုံ
မြောင်းဖောက်ချပုံ
လမ်းကိုကြည့်ပြီး ထိုင်ပုံ
သပိတ် ပိုက်ထားပုံ
ဗီဒိယိုအခွေ ချိုင်းကြားညှပ်ထားပုံ
ငုံ့နေပုံ
ကွမ်းသွေး ထွေးလိုက်ပုံ
မိုးကြိုးပစ်ချတဲ့ အသံကို လန့်ပုံ
အသီး ခူးနေပုံ
ထီးထမ်း လမ်းလျှောက်ပုံ
သတင်းစာ ကြည့်ပုံ
ထီကား ရပ်ပုံ
ပုလင်း လှမ်းကိုင်ပုံ
ပခုံး ဖက်သွားပုံ
ဆိုက်ကားကို ကွေ့ချလိုက်ပုံ
ဖျတ်ခနဲ နာရီကြည့်ပုံ
မိုးကာ အင်္ကျီ ဆွဲစေ့နေပုံ
တစ်ခေါက် ပြန်ဖတ်ပုံ
အချော ရေးပုံ
အယ်ဒီတာ့ထံ ပို့ပုံ
ကွန်ပျူတာ စာစီပုံ
သရုပ်ဖော် ရေးဆွဲပုံ
ပုံနှိပ်ပုံ
စာအုပ်ချုပ်ပုံ
ဟုတ်ပြီ
အခု … ခင်များတို့ ကဗျာဖတ်နေတဲ့ပုံ ။ ။

ဒီကဗျာလေးကတော့ သပ်သပ်ရပ်ရပ် ဖြစ်စဉ်လေးတစ်ခုကို တစ်ကွက်ခြင်းပြနေသလိုလေးပေါ့။ ကဗျာရဲ့ process ကို အစအဆုံးရေးသွားသလိုမျိုးလေး ဆန်းသစ်ထားတယ်။ ကဗျာရေးတာကို ကဗျာထဲပြန်ထည့်ရေးရမယ်ဆိုတဲ့ သီအိုရီ ခပ်ဖွံ့ဖွံ့ကြီးတွေနဲ့ အကိုက်ကြီးကိုက်သွားမယ်လို့မျှော်လင့်ရပါတယ်။ ကဗျာမှာထူးခြားတာတစ်ခုက မြန်မာတွေမှ နားလည်မယ့်ကဗျာလို့ ခံစားရပါတယ်။ အဲဒီမြင်ကွင်းတွေအားလုံးရှိတာ အရှေ့တောင်အာရှမှာရော၊ ကမ္ဘာမှာပါ မြန်မာအပြင် မြန်မာပဲရှိတဲ့အတွက် မြန်မာပြည်သားတွေအတွက် ကဗျာလို့ခံစားရပါတယ်။

ကဗျာတစ်ပုဒ်ကို တစ်ခေါက်တည်းနဲ့ ရင်ဘတ်ထဲမရောက်ရင် ထားလိုက်ပါဦး။ သူ့အချိန်မတန်သေးလို့ပဲမရောက်သေးတာလည်းဖြစ်နိုင်ပါတယ်။ ကဗျာဖတ်ရတာလည်း စိတ်ရှည်လက်ရှည်ဖတ်ရပါတယ်။ တစ်ချို့ကဗျာတွေဟာ စိတ်ထဲမှာ နက်နက်ရှိုင်းရှိုင်းငြိသွားတတ်ပါတယ်။ အဲဒီကဗျာမျိုးကို ကျွန်တော်တို့မေ့လို့မရတော့ဘူး။ ဒါဟာ အသက်ရှူတဲ့ကိစ္စလိုပဲ ကျွန်တော်တို့ရဲ့ဘ၀ထဲ ကပ်ပါလာတော့တာပါပဲ။

တစ်ခါတစ်လေ မြန်မာကဗျာတွေထဲမှာ ပြင်သစ်မြို့၊ အိုင်ဖယ်လ်တာဝါ၊ နျူယော့ခ် နဲ့ ၀ါရှင်တန် … ၊ လစ်ဘာတီရုပ်တုနဲ့ လွတ်လပ်ရေးကြေငြာစာတမ်းတွေနေရာယူကြတယ်။ တစ်ခါမှ နိုင်ငံခြားမရောက်ဘူးတဲ့ ကဗျာဆရာတွေရဲ့ ရင်ဘတ်ထဲကို နိုင်ငံတကာကမြို့တွေ နဲ့ အထိမ်းအမှတ် အမှတ်အသားတွေ စီးဆင်းဝင်ရောက်လာတာ စာပေရဲ့သက်ရောက်မှုလို့ပဲထင်တယ်။ စာပေအားဖြင့် ယဉ်ကျေးမှုတွေဟာ ရင်းနှီးလာကြတယ်။ နှလုံးသားချင်း နီးလာကြတယ်။ ခံစားမှုချင်း အပူဒဏ်ချင်းနီးလာကြတယ်။ ဂျပန်တွေရေးတဲ့ နျူကလီးယားဗုံး အကြောင်းဟာ လူသားတိုင်းရဲ့ရင်ဘတ်ထဲမှာ ပူလောင်သွားသလို .. နာဂါဆာကီ၊ ဟီရိုရှီးမား … ကျွန်တော်တို့ စိတ်ထဲမှာစွဲသွားတယ်။ ကျွန်တော်တို့တွေဟာ နေထိုင်ရာ ၀န်းကျင်က အဖြစ်အပျက်တွေကို ခံစားလိုက်ရတဲ့အခါ …. ပိုပြီးထိထိခိုက်ခိုက်ဖြစ်ကြရတယ်။ တစ်ဆင့်သိမြို့ကြီးတွေကနေ ရန်ကုန်မြို့တော်ဆီကို ပြန်ခေါ်ထုတ်သွားတဲ့ကဗျာလေးတစ်ပုဒ်ကို မိုးဃ်ဇော်က ရေးခဲ့ပါတယ်။

ရန်ကုန်ည

ဆုပ်ကိုင်နိုင်သမျှ ဆုပ်ကိုင်
ရပ်တည်နိုင်သမျှရပ်ထား
ဘာမှ အလကား မရဘူးဆိုလို့
စတိုးဆိုင်ရှေ့က လမ်းဖြတ်ကူးခဲ့တယ်။

ဒီမှာလေ
ကျပ်မပြည့်တဲ့ညဉ့်ငှက်တွေ
တစ်ဖန် ပြန်လည်ရှင်သန်ထမြောက်လာကြတဲ့
ရန်ကုန်ဆိုတဲ့ ရန်ကုန်ညမှာ
ပန်းဆိုးတန်းတစ်ဝိုက်
လမ်းသလားကြည့်လိုက်တော့
ရန်ကုန်ညဟာ
ကားမီးရောင်နဲ့တုန်နေရဲ့။

ဒီခေတ်မှာ
နာတာရှည်ရောဂါကို
ဆေးမြီးတိုနဲ့ ကုသချင်လို့ မဖြစ်ဘူး။
ညပလက်ဖောင်းပေါ်က
အမျိုးကောင်းသမီးလေးရယ်
ဘ၀ဆိုတာ
ဂွဒ်မောနင်းပေါင်မုန့်စိမ်ထားတဲ့ နို့တစ်ခွက်ပေါ့
သေခြင်းတရားဆိုတာတော့
သတ္တ၀ါတိုင်း ရရှိမယ့် အချိန်ပို လုပ်အားခပဲ။

လန့်နိုးခဲ့တဲ့ အိမ်မက်အတွက်
ဒေါသထွက်နေလို့လည်း အပို
ရှယ်လီကိုရွတ်ဆို
ဘိုနိုကို ဂုဏ်ပြု
မသမာမှုမှန်သမျှ
လက်တကမ်းက ရင်ဆိုင်ထားလိုက်မယ်။

ဒီကနေ့ ည မိုးကောင်းကင်မှာ
မိုးသားတိမ်လိပ်တွေ ကင်းစင်ပါရဲ့လား
ခင်ဗျားတို့ရဲ့ သွေးထဲမှာရော
ပိုးမွှားတွေ သန့်စင်ပါရဲ့လား
သံသရာ ချားရဟတ်ထဲမှာ
ငွေကြယ်ကလေးတွေပွင့်ခဲ့လို့
ကိုယ့်ဘ၀ကိုယ် မက်မောမိပြန်တယ်
တကယ်ဆိုရင်
တို့သွေးသားဟာ
အမှန်တရားနဲ့သာ တည်ဆောက်သင့်ပေရဲ့။

သြော် …
အနော်ရထာလမ်းမကြီးက
ခြေသံတွေကို ထမ်းထားဆဲ
ချွေးတစိုစို လူတန်းကြီးတွေနဲ့
ခုံးကျော်တံတားတွေအောက်
ဘ၀တွေ စီးဆင်းနေလေရဲ့။

ဘယ်ဆီဘယ်ဝယ်မသိ
ဘ၀တွေ စီးဆင်းနေလေရဲ့။

စစ်ကြီး အတွင်းတုန်းက
ရန်ကုန်ညမှာ
ဗုံးခိုကျင်းတွေ တူးခဲ့တယ်။

စစ်ကြီးအတွင်းတုန်းက
ရန်ကုန်ညကို
ဗြိတိသျှစစ်သားတွေ ဆုတ်ခွာခဲ့ကြတယ်။

စစ်ကြီးအတွင်းတုန်းက
“ကင်ပေတိုင်” ရုံးခန်းဟာ
“ရွှေဂုံတိုင်” မီးပွိုင့်နားမှာ ရှိခဲ့တယ်။

စစ်ကြီးပြီးပြန်တော့
ရန်ကုန်ညမှာ
အင်းစိန်တိုက်ပွဲဖြစ်ခဲ့တယ်။

ဒီလိုနဲ့
ရန်ကုန်ညမှာ
“မိုရှေဒါယန်း” အိပ်စက်ခဲ့
“ချူအင်လိုင်း” အိပ်စက်ခဲ့
“ချာဗလစ်ယောင်ချိုင်ယု” လည်း အိပ်စက်ခဲ့။
အခုတော့ ရန်ကုန်ညဟာ
ပြီးခဲ့တဲ့စစ်ကြီးကို မေ့လို့
ကြုံခဲ့တဲ့ ဒုက္ခတွေကို မေ့လို့
“အဖော်” ကို ဟိုတယ်ပေါ်မှာ ဝေငှလို့
လူငယ်တွေ ကြယ်လို ကခုန်လို့
မရေရာတဲ့ ဆော့(ဖ)၀ဲတွေနဲ့
ရန်ကုန်ညဟာ သက်ဝင်လှုပ်ရှားလို့။

ဟဲလို … ရန်ကုန်ညရေ
သင်နဲ့ နှစ်ဥိးသဘောတူ ပွေ့ဖက်ပြီး
သင်နဲ့ နှစ်ဦးသဘောတူ အိပ်စက်ခဲ့ရတာ
အကုန်အကျ များလွန်းလှပေမယ့်
အခုအထိ မငြီးငွေ့နိုင်တာ ဘ၀ပေါ့
ဂိတ်ထိုးလိုက်တဲ့ အောက်ဆိုက်ကားလေးပေါ်
အနာဂတ်ကို မျှော်ပြီး တက်လိုက်တယ်။

ခုံးကျော်တံတားကြီးတွေအောက်
ဘ၀တွေ စီးဆင်းသွားရှာပြီ။

(ရုပ်ရှင်တေးကဗျာ ဒီဇင်ဘာ ၂၀၀၆။ ရွှေအမြုတေ စာပေဆု ၂၀၀၇)
ဒီကဗျာကတော့ ကျွန်တော်တို့ရဲ့ကျဆုံးမှုတွေကို တသီကြီးတွေ့ရပါတယ်။ အဲဒီမှာ ဘာတွေဖြစ်ပျက်နေလဲ … မဖြစ်ဘဲ ပျက်နေလဲ ဆိုတာတွေကို ….သိပြီးသားတရားကို နောက်တစ်ခါ နာဘူးထပ်မံလိုက်ရသလို …စိတ်ရော … စေတသိက်ပါ အောင့်သက်သက်နင့်နင့်နဲနဲ နာကျင်ရပါတယ်။ ကဗျာဆိုတာထက် အရှိအတိုင်း အကျဉ်းချုပ်ရေးထားတဲ့ ရန်ကုန်ညလေးတစ်ညလို့ပဲ ပိုခံစားရပါတယ်။ အခုတော့ သမိုင်းကို ထုံးသုတ်လိုက်သလို အညစ်အကြေးကို အဖြူရောင်ညစ်ထေးမှုနဲ့ ထပ်အုပ်လိုက်သလို ပုံဖျက်ထားလိုက်တဲ့မြိုကလေးတစ်မြို့ …..။ သမိုင်းဝင်ကြေကွဲမှုတွေနဲ့ … အစစအရာရာ ပျက်သုဉ်းသွားခဲ့တဲ့ ညကလေးတစ်ည …….. ကြေကွဲဖွယ်ဇာတ်ကားကြီးကို ၀င်ရောက်စွက်ဖက်ခွင့်မရှိ၊ ရုံထဲက ထွက်ခွင့်မရ အစအဆုံးကြည့်လိုက်ရသလို …. မွန်းကြပ်တဲ့ ရသတစ်ချို့ ရလိုက်ပါတယ်။ …………..။

ကဗျာအားဖြင့်။ ကဗျာနှင့်အတူ ……..၊ ကဗျာနှင့်အမျှ ………………..ကျွန်တော် နိဂုံးချုပ်လိုက်ပါတယ်။

Zephyr

ဒုတိယပင်လယ်

Tuesday, September 28, 2010

ကမ္ဘာ

ကောင်းကင်၊ ပင်လယ်ပြင်
တောတောင်၊ ချောင်းမြောင်းနဲ့
အခြားသော စွန့်စားမှုတွေ။

လူတွေရဲ့
သက်တမ်းတွေ၊ ရာစုနှစ်တွေ
ပေးဆက်ခဲ့မယ်
ဝယ်ကြ ရောင်းကြ
အမြဲမြင်နေရတယ်။ ။

ဇော်ထွန်းတင်

အပိုင်းအစများ

အကွာအဝေးနှင့် ဟင်းလင်းပြင်သလို့
လေလွင့်ကြေကွဲ
ခြေရာမဲ့ ခရိးစဉ် ရေးဆွဲလို့
သံစဉ်ရိုင်းတွေ
ပဇာ့ကြောင့် ပျံ့လွင့်နေပါသလဲ။

အကာလညအခါ
ပန်းပွင့်များ အိပ်စက်ကြ
နိုးထဖို့ အားယူကြ
ရွေ့လျားခဲ့ ညများစွာ
အဓိပ္ပာယ်မဲ့ နာရီများ
ကြယ်များ နီးဝေး မှိန်ပြ
ဘောင်ဒြပ် ကျပ်တည်းမှု
လင်းလက် ပွန်းပဲ့ကြရပေါ့။

အက်ကွဲစ မိုးကောင်းကင်
စူးရှ မိုးရေစက်တို့
အေးမြစေပါမည်လား
ရှတစေမည်လား
ငါသည်ကား
အမိုးအကာမဲ့ လမ်းလျှောက်သူ။

မမေ့လျော့ကြပါနှင့်
မြစ်တစ်စင်း
ထက်မြက်စ အပိုင်းအခြားမှာ
စီးဆင်းချင်လျက် ရပ်တန့်ရ
အလင်းနည်း အရောင်မှိန်လျော့
သစ္စာတရားဟာ
နာကျည်း ခါးသီးစွာ
ခံစားချက် ဝဋ်ဒုက္ခ
မုသာဝါဒဟာ လူပီသ စေခဲ့ပြီ။

ကြားနေရ မြင်ခွင့်မကြုံ
မိုးရာသီ စိမ်းလန်းမှု
လောင်းရိပ်မှ လွတ်မြောက်
မညီညာမှု ရစ်သမ်
ရှုခင်းကို လှပစေရဲ့။

သည်းထန်စွာ ခံစားမှု
ငါ၏ ရူးသွပ်မှုလို့ ဆိုပါ
ဟိုမှာ
ပန်းတွေ ဝေနေတယ်
လွတ်လပ်စွာ လန်းဆန်းလို့ပေါ့
အဆိပ်မဖြစ်ခဲ့ရင်
စိုက်ခဲ့တဲ့ သစ်ပင်
လေးမြတ်သင့်ပါတယ်။

အရောင်တွေ ကူးစက်
သစ်တစ်ပင် လူတစ်ယောက် ခွေးတစ်ကောင်
ရေစုန်မှာ မျော၍ပါ
ပြောင်းလဲ ပြင်ဆင် ရီဝေထိုင်းမှိုင်း
ဒါမှမဟုတ်
အမည်မဲ့ ဖြစ်စဉ်မှာ
သမုတိသစ္စာ ဖြစ်ပါသလား။

ငြင်းခုံကြ
အတ္တကြီးစွာ ငြင်းခုံကြ
သံသယနှင့် ကြည့်မြင်ကြ
သဒ္ဒါနဲ့ ကိုင်ပေါက်ကြ
မနာလို ရှုပ်ထွေးကြ
ဟုတ်ရဲ့
ဂုဏ်ယူလိုက်ပါစေ
ခမျာ သနားစရာ။

လောကသစ္စာတဲ့
မီးခြစ်ကျောက်ကုန်နေတယ်
စက္ကူပေါ်က ဝါဒ
ရွှေရောင်ဖောင်းကြွ ဂုဏ်ပြုမှု
ငါ့ကို တံဆိပ်မနှိပ်ကြနဲ့
မထိုက်မတန် ချီးမွမ်းလိုက်တဲ့
ရိုသေလေးစား
အပိုင်းအစတွေသာ ဖြစ်ပါတယ်။ ။

ငြိမ်းပိုင်



ဟင်းလင်းပြင်သို့

လေထဲမှာလား
ရေထဲမှာလား
ကိုယ်တိုင်လည်း မကွဲပြားဘူး။

အစပြုနေခြင်းလား
အဆုံးသတ်နေခြင်းလား
ဆင်းနိမ့်နေခြင်းလား
သိမ့်ခနဲ ငြိမ့်ခနဲ
ခံစားလိုက်ရတာကိုပဲ သိတယ်။

မှောင်မိုက်တိတ်ဆိတ်တဲ့
ညတစ်ညပါပဲ။
ပြိုးပြက်နေတဲ့
ကြယ်ကလေးတစ်လုံးတော့ တွေ့တယ်
လင်းလက်လွန်းအားကြီးလို့
နီနေတာလား ဝါနေတာလား
မကွဲပြားဘူး။

ရွေ့လျားနေဥိးမှာလား
ရပ်တန့်သွားမှာလား
အသံတစ်သံကြားလာသလိုလို။

အားပေးနေတာလား
တားမြစ်နေတာလား
ညံ့သက်တဲ့ လေညင်းလား
ရက်စက်တဲ့ မုန်တိုင်းလား
ဘာဆိုဘာမှ မကွဲပြားခင်မှာ
လွင့်မျောသွားတယ်။ ။

ကေ

လက်ပြတ်သွားတဲ့ည

မိုးတွေလေတွေ
လျှပ်စီးတွေအော်တဲ့ည
လကလေးလည်း
ထွက်ပြေးခဲ့ရပေါ့။

တ်ိမ်တစ်ဆင်စာ ထောင်ခြောက်မှာ
ကောင်းကင်ဟာ
မာယာနဲ့ ကိုယ်ယောင်ဖျောက်
အနောက်တောင်ဆီက ရွာမည်ဟန်ပြင်
အလို ဂီတနက်သန် သီချင်းတစ်ပုဒ်ပါလား။

ဘယ်မှာလဲ
ထွက်ပြေးသွားတဲ့လ
စကြဝဠာထဲမှာ
တစ်နေရာရာမှာ
ဒဏ်ရာတွေနဲ့များလား
ပြတင်ေးပါက်ဘေးက ကျွန်တော်
အစိုးရိမ်တွေ လွန်နေလို့။

ကြယ်တွေလည်း
ကောင်းကင်ကြီးကို ကျိမ်ဆဲ
လကိုချစ်ခြင်းနဲ့
ပန်းရနံ့ မသင်းတဲ့ ညကို အမျက်သိုနေကြ။

ဖြစ်ချင်တော့
ပြတင်းပေါက်ကို ဆွဲအပိတ်
ကျွန်တော် ဒိတ်ကနဲ ဖြစ်သွား
အော်
အပြင်မှာ လက်တစ်ဖက်ပြတ်ကျန်ရစ်ခဲ့ပါလား။


နိုက်စ်

ပထမပင်လယ်

Monday, September 27, 2010

မစ္စတာ ဒဗလျူကလက်ရဲ့ မှတ်တမ်း

ဘဝဟာ
ဆေးဆိုးပန်းရိုက် ပိတ်သားစ တစ်စတဲ့
မစ္စတာ ဒဗလျူကလက်ရဲ့ မှတ်တမ်းအရ ..။
လူတွေရဲ့ အထင်သေးမှုကို ခံယူပါ
(ဒါဟာ လူဖြစ်ကြောင်း သိအောင် ကြိုးစားခဲ့တာလို့
ပြောပြလို့ရသေး)
အဲလို .. ကိုယ့်အပေါ် အထင်သေးမှုတွေကို
ပေးချေ
ပြီးရင်
ကိုယ်ရသင့်တာ ကိုယ်ပြန်ယူခဲ့နိုင်ကြဖို့ပဲ။
မစ္စတာ ဒဗလျူကလက်ရဲ့ မှတ်တမ်းအရ ..
အချို့လူတွေ လူမုန်းခံရတာကိုက သူ့အတွက်
ကိုယ်ရသင့်တာ
ငွေတွေ သောက်သောက်လဲ ရစေခဲ့သတဲ့။
မစ္စတာ ဒဗလျူကလက်ရဲ့ မှတ်တမ်းအရ။
မိတ်ဆွေ တစ်ယောက်ရဲ့ အောင်မြင်မှုဟာ
အရက်တစ်လုံးတောင်မှ
မဖြစ်ခဲ့ ဖူးဘူးတဲ့
မစ္စတာ ဒဗလျူကလက်ရဲ့ မှတ်တမ်းအရ။
ကမ္ဘာကြီးမှာ “ ထီး” နဲ့ “ သော့” ဟာ
အလိုနဲ့ အလုပ်ကို လုပ်ကြတယ်
သေချာတယ်
မစ္စတာ ဒဗလျူကလက်ရဲ့ မှတ်တမ်းအရ။
ကိုယ့်အိမ်က တန်ဖိုးအရှိဆုံး ပစ္စည်း
ဒီပစ္စည်းမှ အမိအရ ခိုးသွားနိုင်သူ
ဒီ သူခိုး
ဒင်းကို
အတိအကျ ကျေးဇူး ဥပကာရ တင်ရှိရမယ်။
သိကြ
ကိုယ့်ဂုဏ်သိက္ခာမြင့်မားအောင်
မြှင့်ပေးတယ် လို့ပေါ့။
မစ္စတာ ဒဗလျူကလက်ရဲ့ မှတ်တမ်းအရ။
နှင်းဆီဟာ
သောက်လို့ကောင်းတယ်
လမင်းဟာ
ဆေးစပ်ကောင်းတယ်
နွားဟာ
ဆေးစပ်ပြင်းပြင်းနဲ့ သောက်လို့ကောင်းတယ်။
လမ်းမတွေဟာ
သင်ခန်းစာတွေဖြစ်တယ်
သင်ခန်းစာတွေဟာ
လမ်းမတွေဖြစ်တယ်
မစ္စတာ ဒဗလျူကလက်ဟာ
ချည်မျှင်နဲ့ အထည်ကို မှတ်တမ်းတင်ခဲ့တယ်ပေါ့။
ဘဝနဲ့ မျှော်လင့်ချက်ဟာ
မျှော်လင့်ချက်နဲ့ အသက်ရှင်မှုဟာ
လူတွေက လူ့မျက်နှာကို မကြည့်ခဲ့တာဟာ
ချည်မျှင်နဲ့ အထည်ကိစ္စဆိုတာကို မသိခဲ့။
ဒါကြောင့်ပဲ
မစ္စတာ ဒဗလျူကလက်နဲ့
မစ္စတာ ဒဗလျူကလက်ရဲ့ မှတ်တမ်းကို
မှတ်တမ်းတင်လိုက်မိပါရဲ့။ ။

မောင်ချောနွယ်



လိုနေတဲ့ညနေ

ပုလင်းကိငှဲ့ချလိုက်တော့လည်း
တကျွိကျွိ ဘရိတ်နင်းသံတွေသာ ထွက်ကျလာခဲ့
အရက် မရှိတော့ဘူး တဲ့။

ခလုတ်ပိတ်လိုက်တဲ့ လက်ညှိုးတစ်ချောင်းကြောင့်
စည်းလိုက်နေတဲ့ တခြားလက်ညှိုးတစ်ချောင်း
အရှက်ရသွားရှာပေါ့။

ဒီဓာတ်ငွေ့ မီးခြစ်စုတ်ကြောင့်
စိတ်အနှောက်အယှက်ဖြစ်ရ
အရက် မရှိတော့ဘူး တဲ့။

အရက်မရှိတော့လို့
တကယ့် မိတ်ဆွေစစ်ကလည်း ပျော့စိစိ
မာန စစ်ကြီး မျက်နှာငယ်လို့
ဈေးဆစ်လို့ မရတဲ့ နှစ်ဆယ့် လေးနာရီကသာ
အီလည်လည်နဲ့ တင်းခံနေရဲ့ ။

ဒီကိစ္စ
အားလုံးပေါ် ပုံချခဲ့
ရာသီဥတု ရပ်ကွက် သောကြာနေ့
ကမ္ဘာကြီး လည်ပတ်နှုန်း နေရာလွတ်
ကြက်ခြေထော်ကရိုး ၊ ဆိုက်ကား ၊ မိန်းမ
ရေ၊ ယောကျာ်းဆောင်းထီး၊ စီးကရက်
သောက်သုံးသူများ၊ ဆုံးမ စကား၊

ကဲ - အခုတော့
အရက် မရှိတော့ဘူးတဲ့။

လွယ်လွယ်ကလေးကိုတောင်မှ
အငြင်းခံလိုက်ရသူပါ
သူ သီချင်းဆိုပြီး ပြန်လာခဲ့တယ်။ ။

မောင်ပြည့်မင်း


စကား၏အလျား

စာလုံးပေါင်းများကို မယုံကြည်
ဦးခေါင်းကို တစ်ခြမ်းစောင်း၍ ပိုင်ဆိုင်ချင်
ကျစ်လျစ်ဆုပ်ကိုင်
တိုင်တစ်တိုင်၏ ထိပ်ဖျားပေါ်မှာ
အခန်းအနားကျင်းပ
ဟုတ်ပါပေ့ကွယ်။

မှန်ကန်သော ရေပြင်၌ ခြေဆေး
နွေးထွေးခြင်းကို မသန့်စင်
မျက်နှာပြင်ပေါ်က ကြွက်သားများကို
ယောင်မှားဖွယ်ရာ တုတ်နှောင်
မင်္ဂလာ ရှိစွာသော ခန်းဆောင်တဲ့
ပုပ်အဲ့အဲ့အနံ့ ရရှိတယ်။

နှုတ်ခမ်းဖျားလေးများကိုပင်
ဖြူစင်စေပါရဲ့လား
အခမ်းအနားမစခင်
နာကျင်လုအောင် လက်ကိုဆွဲ
နှုတ်ဆက်ခြင်းမည်တယ်။

အကောင်းဆုံး ပထမဆုတံဆိပ် ပေးလိုက်ပါပေရဲ့
နောက်ဘက်မှာ ဘာမှမရှိ
ပျောက်ဆုံးသွားသည့် အိပ်မက်သည် သံသရာ
ဘာဝနာကို ရိုက်ချိုး
အော် ရိုးသားခြင်း..လား
အရှက်မဲ့စွာဟစ်ကြွေး
မာန၏ ဆေးကောင်းတစ်ခွက်
မှောက်လျက်လဲပြန်ပေါ့။

အစသည် အဆုံးမဟုတ်သမို့
သည်လို မဟုတ်ခဲ့လေပါ
ချီးကျူးမိပြန်တယ်
ငါးတို့ ပျော်ရာ ရေကန်သာမှာ
ရေညှိမှော်ဒိုက်များဟာ အစာအာဟာရ
ဘဝဖြစ်တည်သည်။

သောက်သုံးပါဦး
ကျွန်ုပ်အသံမဲ့စွာ စောင့်ကြည့်နေပြီး
အဓိပ္ပာယ် သိပြီးသော ခက်ခဲသည့်
ဒြပ်မဲ့ ပန်းချီကို ခံစားလျက်ပင်။

နေကြာပွင့်
ပြောင်းပင်များ
မြေပဲနှင့် နှမ်းခင်းများ
ဖြတ်သန်းသွားတိုင်း လမ်းကလေးမှာ အများကြီး
ကျေးဇူးတင်ပါတယ်။

သာမန်ကာလျှံကာ ညှိထိုး
လမ်းဆိုးများ ထူးပြီးမကောင်းအောင်
ဝတ်ကျေတမ်းကျေ
မိမိရင်ထဲမှ လဟာပြင်သည် ကျယ်ပြန့်လာချေ၏။

လက်ထဲမှာ တန်ဖိုးအကြီးဆုံးအရာ
ဘာပါလိမ့်
အစိုင်အခဲ သို့မဟုတ် လက်ဝါးပြင်
ထို့နောက်
လေ၏ ……….။ ။

မောရူးဆိုး


ဆင်ခြေဖုံးအစ ၁၇-၁၁-၉၀

တစ်နေ့ထက် တစ်နေ့ ထူလာတဲ့ နှင်းတွေ
တမာ မန်ကျည်းနဲ့ မဲဇာလီတွေပေါ်မှာ
ဖွဲဖွဲလွင့်လွင့်
ရပ်နေသင့်သလား
ဆက်လျှောက်သင့်သေးသလား
အသံဟာ အဖျားခတ် တုန်ခါသွားတယ်။
တစ်ကိုယ်တော် စွန့်စားခန်းဆန်ဆန်
အဝေးပြေးလမ်းမပေါ်က ခန္ဓာဝန်တစ်ခု လေးလံနေပုံဟာ
အားရပါးရ ရယ်ချလိုက်ဖို့ ခက်လှလေရဲ့။

ဘဝတွေ တပြုံတမကြီး
အနားက ဝှီးကနဲ ဖြတ်ကျော်သွားတော့မှ
အသက်ဝဝရှူဖို့ သတိရကာ
ခေါင်းကိုမော့
ရင်ဘတ်ကြီးကိုလည်း ကော့ပစ်လိုက်တယ်။
အဲဒီနေ့က
နေလုံးကြီး မြောက်တက်မလာခင်
ကမန်းကတန်း အိမ်ထဲပြန်ဝင်ခဲ့မိ။ ။

ခင်အောင်အေး



ပင်လယ်မိန်းမ

ရောင့်ရဲတင်းတိမ်မှု မရှိတဲ့ ပင်လယ်
ကြယ်တွေကို မျိုချဖို့
အဲသည်မှာကြည့် ပက်လက်ကြီး
ပင်လယ်နဲ့ ကောင်းကင်
ညှို့ငင်ခြင်း ကိစ္စ
ညက စောင့်ကြည့်တဲ့အခါ
နောက်ဆုံး
ကြယ်တွေ ဝေါကနဲ ဝေါကနဲ
ရေတံခွန်တစ်ခုလိုထိုးကျ
ပင်လယ်ရဲ့ နှုတ်ခမ်းဝနဲ့
ရင်သား လှိုင်းအိတွေကြား
ပြီး…. နက်ရှိုင်း ခြေဖဝါးအောက်မှာ
ဟော .. ကြည့်စမ်း
မျက်တောင်ပုတ်ခတ်
တလက်လက်နဲ့
သွေးအေးလှတဲ့ ပင်လယ်
လမင်းကို ထပ်မျိုဖို့
တွေ့လား …
ဟိုမှာ အကြီးအကျယ် ပြင်ဆင်
အားထုတ်နေတာ ..။။ ။

ခရမ်းပြာထက်လူ





တတိယပင်လယ်

Sunday, September 26, 2010

ပုစွန်တွေဖတ်ဖို့ ကဗျာ


ပုစွန်ကြော်ကိုဝါးနေရင်း
ရေမှာပျော်တဲ့ သူ့အချိန်လေးတွေ မြင်ယောင်
သွားနဲ့လျှာတစ်လျှောက် အရသာအပေါ်
တုန်လှုပ်မှုတွေရောက်၊


သြော် .. လောကအနက်ထဲ ထောက်မမီ
ငါ့အတွေးတွေလဲ
တော်တော်တိမ်ထင်ရဲ့ ..။


ဒါဆို
ပုစွန်တွေ ပျော်ရွှင်
ကူးခတ်ခဲ့ခြင်းလှော်တက်များ
စနစ်တကျ ကိုက်ဖြတ်ရန်
သွားတွေရှိရာကိုပေါ့။ ။

သုခမိန်လှိုင်
၂၃၊၁၁၊၈၉


တစ်ကိုယ်ရေပျော်ရာပျော်ကြောင်းရှာခြင်း

လက်ညှိုးညွှန်ရာ
သက်တံအသစ်နဲ့
အံသွား အသစ်ရှိတယ်။
အဲဒါကို သိရတော့
အမှတ်တစ်ခုရဲ့ စံ
လွမ်းဖို့ကောင်းအောင် ဖွဲ့နွဲ့ရမလား။

ပုခက်လိုပဲပျော့ခွေ
နေတွေ
လတွေ
ပုံပြင်တွေ တကယ့်အဖြစ်အပျက်တွေ
သွေးထွက်အောင် မှန်တဲ့ စကားတွေ
ဟီရိသြတ္တပ္ပတရားတွေ
ရပါတယ်
မျက်မှန်တစ်လက်
သွားကြားထိုးတံ တစ်ချောင်းနဲ့
ကုပ်ချောင်းချောင်း မြင့်မြတ်ချိန်မှာလေ။

သူက
ကွယ်ပသွားတဲ့ ရသပညာ လည်ချောင်းထဲ
မာန်မာနကြွက်တွင်းရဲ့ မဟာအဝီစိအထိ
တည့်တည့်ကြီး စူးဝါးအပြုံး
အသံအကျယ်ဆုံးပဲ။

ခုနကမှ
ခပ်လွယ်လွယ် ငန်းဆေးတစ်ခွက်သောက်တယ်
မိန်းမကို မင်သေသေနဲ့ ဟောက်တယ်
မနက်ဖန် ဆိုတာ ခဏခဏ ပွင့်ပြီး
ပွင့်မှန်းမသိလိုက်ခင် ကြွေသွားတဲ့
ပန်းပဲ ..
ဒါပါပဲကွာ .။

တလှုပ်လှုပ်ရွ လုံ့လ
ပြီးခဲ့တဲ့ စနေနေ့မှ ယခု ရာစုတိုင်
မှတ်တိုင်ထူ ဘယ်သူယုံအောင်
ငါသိမ်မွေ့မိတာ တောင်းပန်ပါတယ်။
အနုပညာသည်ရဲ့ ခွေးတစ်ကောင်ဘဝ
ကမူးရှူးတိုး ဒုန်းစိုင်းပြန်ပကော
ကျောနဲ့ ကောင်းကင်ဟာ မျက်နှာချင်း ဆိုင်မိပါလေရော..။ ။

အောင်ချိမ့်


အပျော်ဖတ်ဝတ္ထု

အဲဒီမှာ
လက်ဖက်ရည်တစ်ခွက်အောက် စုန်းစုန်းမြုပ်
အားရှိလာအောင် စုပ်ယူ
လူ့ဘဝထဲ လောကြီးကြီးရောက်ခဲ့သူ
သူ နေထိုင်လိမ့်မယ်။

လူမှန်ရင်
နေ့စဉ်မှတ်တမ်းထဲ သေသေချာချာ မှားဖူး
ပွဲတော်ရက်ထဲ မျက်စိ ကျလောက်အောင် ပေါ့ပါးဖူး
ချစ်သူနဲ့ ဒုက္ခလှလှ တွေ့ဖူး
ငယ်ရွယ်စိတ်နဲ့ သွေးနားထင်ရောက်ဖူးပေါ့။

လူတွေက
ဟာသ ဇာတ်မြူးယောင်ဆောင်လို့
ခွက်ထိုးခွက်လန်ရယ်လို့
ဗန်းစကားတွေနဲ့ လမ်းသလားလို့
ကြည့်စမ်း
(လူ့တစ်ကိုယ်လုံးမှာ
မျက်လုံးဟာ အဖောက်ပြန်ဆုံးလို့ ဆိုရလောက်အောင်)
တစ်ယောက်က တစ်ယောက်
စူးစူးရဲရဲ စိုက်ဝင်လို့
ယဉ်ကျေးသိမ်မွေ့ဖွယ် အကျီ င်္နဲ့
မစ္ဆရိယစိတ်ကို တင်းတင်းပိတ်ကွယ်လို့ ..။

ငါတို့
ခေါင်းတိုင်ထိပ်က ပြတ်တောင်းမှုတ်ထုတ်တဲ့ မီးခိုးလို
အသက်ရှူလုံးတွေ
အဆုပ်လိုက် အခဲလိုက် မြင့်တက်သွား။

အခုတော့
(ငါပေါ့ပေါ့ဆဆ တွေးခဲ့တဲ့အတိုင်း)
အာသာရမ္မကဟာ တစ်ခါမှ မသေဘူးသလို
အိပ်ရာကလဲ နိုးရော
သူ့ကို ငါ အထုတ်ဖြေပြမိရော ..။ ။

ဝင်းလွင်


လူနာ

မိတ်ဆွေ င်္*လင်း င်္ က
ခင်ဗျားရဲ့ သွေးကြောထဲမှာ
ကိုလက်စထော နည်းနည်းများနေတယ် .။

အဆီအသား နည်းနည်းလျှော့လိုက်ရင်
ပြဿနာမရှိ။

သူ့ဆေးဝိဇ္ဇာနဲ့
ဒါ ဒိဌပဲ တဲ့။

သူ့လူနာက
ကဗျာဆရာဖြစ်တယ်
ငွေကြေး များများ ဆင်းရဲတယ်
အဝီစိထဲ ဖင်ထိုင်လဲလု မတတ်ဖြစ်တယ်
ကမ္ဘာကြီးရဲ့ ထောင့် တစ်ထောင့်ကြောင့်
နှလုံး အရမ်းခုန်နေတယ်။

ဆေးဝိဇ္ဇာနဲ့
သူ့လူနာကို ကမ္ဘာကြီးထဲ အတင်းပြန်ပို့
မိုးကောင်းကင် ခပ်သိုးသိုးကြီးရဲ့ အောက်မှာထား
ဘာများ လန်းဆန်းစေဦးမှာလဲ
သူလည်း တစ်နေ့ ကြေကွဲသွားမှာပါ ။ ။

ငသိုင်းချောင်း ဝံသာ
*လင်း = လင်း (ဆေး-၁)


အလင်း

သဘာဝတရားက
နူးညံ့ကြည်လင်မှုနဲ့
စီးမျောဆဲ။

တိမ်တွေ တိမ်တွေ
အရုပ်ဆိုးလိုက်တာ
တစ်လောကလုံး မှောင်တော့မယ်။

ဒါ လုံးဝ မဖြစ်သင့်တဲ့ ကိစ္စပဲ
ပန်းချီဆရာညည်းညူ
သူ့ပစ္စည်းတွေ ခပ်မြန်မြန်ထုပ်ပိုး
ဆောင့်ဆောင့်အောင့်အောင့်နဲ့
အရက်ဆိုင်ကို ပြေးပြီ။

တို့တွေ
တစ်ယောက်ကိုတစ်ယောက် ကြည့်လိုက်မိ
သဘာဝတရားမပီသတဲ့
အချစ်တွေနဲ့။ ။

ဇော်ထွန်းတင်


အလဲအလှယ်

ငါ
အခု
လရောင်ကို မော့မကြည့်ရဲဘူး။

ဖူးကြ ပွင့်ကြ ကြွေကြ
သူလည်း သူ့နှလုံးသားနဲ့သူ
ငါလည်း ငါ့အနုပညာနဲ့ငါ။

မတော်တဆတွေကပဲ ကမ္ဘာကို ပြောင်းလဲခဲ့
ငါ့ကိုလည်း ပြောင်းလဲခဲ့
ပြောင်းလဲသမျှ ဦးညွတ်ဖို့ကျတော့
ငါ အခု
လရောင်ကို မော့မကြည့်ရဲတာ ဆန်းသလား။

သူ့ကိုချစ်သလို
ငါ့ကိုလည်း ချစ်ကြပါ။
မထင်ပါနဲ့
တပ်မက်မှုတွေက
အဆုပ်လိုက် အခိုင်လိုက်
ညွတ်လို့။

ညွတ်ကျလာတဲ့ လရောင်မှာ
ငါ့ကိုချစ်သလို သူ့ကိုလည်း ချစ်ကြပါ။

ထူထူပျစ်ပျစ် နံနက်ခင်း ရောက်လာ
ငါလည်း
အမှားအကျိုးဆောင်သူပါ။ ။

ပြေမြင့်


မြေပုံတစ်ချပ်နဲ့ မီးယပ်ခေါင်းကိုက်

သည်နေရာကို ရောက်ခဲ့ပုံက
ဇာတ်ရုံနောက်ပေါက်မှ
ဝင်ခဲ့သလိုမျိုး
စိုက်ပျိုးထားတဲ့ အနာတစ်ခု
တယုတယ ဆွတ်ကြင်
ဆေးမထည့်ချင်တော့။

ပြေးရင်းလွှားရင်း
မေ့ဆေးအငွေ့ အခိုးရှိုက်မိ
တိမ်တိုက်တစ်အုပ် သတိလစ်
ညစ်ထေးသော ပယောဂ
အမြင်တဆုံး အုံ့မှိုင်းညို
ထိုခဏ ကြေကွဲ
ဟင် .. ဦးနှောက်ဆဲလ် တစ်ခု
ဖုထစ်နေပါရော့လား။

ယောင်မှားမှုတွေ မေ့ဖျောက်
သူကတော့
တွန့်ခေါက်တောင်တန်းကြီးတွေလို
တင်းမာနေရဲ့

အဲဒါကလဲ တစ်ချိန်တုန်းက
နှုန်းအားမြင့် ပေါက်ကွဲမှု ကြောင့်တဲ့။ ။

မောင်သင်းမိုး

သူသည် ကဗျာဆရာတစ်ယောက် ဖြစ်သည် ..

Wednesday, August 4, 2010


သူသည် ကဗျာဆရာတစ်ယောက် ဖြစ်သည် ..

ကဗျာတွေကို ebook အဖြစ် ဒီလင့်ခ် မှာသွားဒေါင်းနိုင်ပါတယ်။


ကဗျာကော့တေးလ် (၁)

Sunday, May 23, 2010

ကဗျာကော့တေးလ် (၁)

ကျွန်တော်ကြိုက်တဲ့ကဗျာလေးတစ်ချို့နဲ့ ကော့တေးလ်တစ်ခွက် တိုက်မလို့ပါ .....။
ကျွန်တော်ဟာ ကဗျာကို ချစ်တဲ့ ၊ ကဗျာတွေကို စွဲလန်းတဲ့လူတစ်ယောက်ဖြစ်ပါတယ်။ အထူးသဖြင့် ဟိုက္ကု ကဗျာတွေကို သိပ်ကြိုက်တဲ့ လူတစ်ယောက်ဖြစ်ပါတယ်။

ကဗျာနေ့မှာ ဒီ ဘလော့ခ်မှာ ကဗျာ installation တစ်ခုလုပ်ဖို့ စိတ်ကူးပါတယ်။ နောက်တော့ အပျင်းထူနေတာနဲ့ ရွေးထားပြီးသားကဗျာတွေကို မရေးဖြစ်လိုက်ပါဘူး။ နည်းနည်းနောက်ကျသွားပေမယ့် ကဗျာနေ့အတွက် ရည်ရွယ်ပါတယ်။ နောက်ပြီး ကဗျာတွေကို သိပ်ချစ်တဲ့သူတိုင်းအတွက်ပါ။ ကဗျာတွေကို ဘာအကြောင်းနဲ့ပဲရေးရေး ကဗျာရေးနေတဲ့သူတိုင်းရဲ့ရင်ထဲမှာ ကဗျာကို ချစ်တဲ့စိတ်ရှိနေပါတယ်။ အသက်ကို ဘာလို့ရှူနေရသလဲလို့မေးရင် မောလာလို့ လို့ဖြေရသလို ကဗျာကို ဘာလို့ရေးသလဲဆိုရင် မောလာလို့လို့ဖြေရမယ်ထင်ပါတယ်။ .... စိတ်ထဲမှာ သိမ်းထားရတာတွေ ...ဖျတ်ခနဲတွေ့တာတွေမှတ်ထားရတာများလို့မောလာတာတွေ .... ဘ၀ကိုမောလာတာတွေ၊ ... အာရုံတွေကိုမောလာတာတွေ ... တစ်ခုခုကို မောလာတာတွေကို ကဗျာရေးကြတယ်လို့ထင်ပါတယ်။
ကျွန်တော့်စိတ်ထဲဝင်နေတဲ့ကဗျာတွေကို ကော့တေးလ်တစ်ခွက် အဖြစ် ဖျော်ပစ်လိုက်တဲ့အခါ ......။

ရှေးဆရာတွေရဲ့ လမ်းကို
ငါမလိုက်ချင်ဘူး။
သူတို့ရှာဖွေတဲ့အရာကို
ငါရှာချင်တာ တစ်ခုတည်း။ ။
ဗသျှိုး
(ဇေယျာလင်း ဘာသာပြန်- ဂျပန်မော်ဒန်ကဗျာများ)

ဒီကဗျာလေးကို သဘောကျပြီး အဲဒိကဗျာစာအုပ်ကိုဝယ်လိုက်တယ်။ စာအုပ်ကိုဖတ်ရင် အားလုံးဖတ်တယ်။ ရှေ့ဆုံးက ဘယ်သူ ထုတ်လဲ၊ ဘယ်စာအုပ်တိုက်ကထုတ်လဲ၊ နောက်ဆုံးစာအုပ်ကို ဘယ်သူချုပ်လဲဆိုတာကိုလည်းဖတ်တယ်။ အခုစာအုပ်ကို ကိုမြင့်ချုပ်တယ်။ ကိုမြင့်ချုပ်တဲ့စာအုပ်တွေကွာလတီကောင်းတာကို ကျွန်တော် သိနေတယ်။ အဲဒါကို သူသိချင်မှသိမယ်။ ဒါပေမယ့် ကိုမြင့်ဟာ သူ့စာအုပ်တွေကို အကောင်းဆုံးချုပ်နေတယ်။ နောက်ထူးခြားချက်က နှစ်ကာလများရဲ့ ပထမဆုံးစာအုပ်ဖြစ်တယ်။ အဲဒါလေးတွေကို စိတ်ဝင်စားတယ်။ မြန်မာငွေ သုံးရာတိတိပေးရတယ်။

ကဗျာလေးကိုဖတ်ရင် ဗသျှိုးဆိုတဲ့ လူငယ်လေးကို မြင်ရမယ်။ ဗသျှိုးဟာ ဇင်ဆရာတွေရဲ့ ဆရာကြီးပါ။ ဒါပေမယ့် သူ့ရဲ့ လူငယ်စိတ်လေးကို ကဗျာထဲမှာရေးထားတယ်။ သူက အတုလိုက်ခိုးနေတာမဟုတ်ဘူး။ သူက လိုက်ကြည့်နေတာ၊ လိုက်သင်ယူနေတာ ... သိချင်ရုံလေးသက်သက်အတွက် ...။ အဲဒီအယူအဆလေးကို သိပ်ကြိုက်လို့ ဒီကဗျာကို ဒိုင်ယာရီရဲ့ရှေ့ဆုံးမှာရေးထားလိုက်တယ် ....။

တစ်ချိန်က နေ့တိုင်းရေးဖြစ်တဲ့စာအုပ်လေးရဲ့ရှေ့မှာလည်း ဒီကဗျာလေးကို ရေးထားခဲ့တယ်။ သမားရိုးကျတွေကို ခွဲထွက်ဖို့ သမားရိုးကျတွေကို ဆန့်ကျင်ဖို့ အားပေးတဲ့ကဗျာတွေကို ကြိုက်တယ်။ ကျွန်တော်တို့ဟာ သိုးတွေလို ရှေ့က ဆရာတွေနောက်ကို တကောက်ကောက်လိုက်နေဖို့မလိုဘူး ....။ သူတို့မှန်လား မှားလား သိချင်တယ်။ သူတို့ဘာလို့သွားတာလည်းသိချင်တယ်။ သူတို့ကိုနားလည်ချင်တယ်။ ပညာသင်တာဟာ ပုံတူကူးတာမဟုတ်ဘူး ... လမ်းကို သိဖို့ကြိုးစားနေတာပဲလို့ ဒီကဗျာလေးက အများကြီးပြောပြခဲ့တယ်။

သင့်ကိုရော ဒီကဗျာလေးက ဘာတွေပြောနေတယ်လို့ သင်ခံစားရလဲ ....။
ကဗျာလေးကို စိတ်ထဲမှာသိမ်းထားလိုက်ပါ .....။
တစ်နေ့မှာ သူပြောတဲ့စကားတွေကို သင်ကြားရလိမ့်မယ်။


မိုးဝေးရဲ့ သူပဲအကြမ်း သူပဲအချောဆိုတဲ့ကဗျာစာအုပ်ထဲက ပန်းချီဆိုတဲ့ ကဗျာလေးကိုလည်း ကြိုက်ပါတယ်။
ပိတောက်ပန်းတွေ ကြွေနေတာ တွေ့ရင် ငယ်တုန်းက သူငယ်ချင်းတွေ လမ်းခွဲကြရတဲ့ နေ့လေးကို သတိရတယ်။ သူတို့တွေက မိသားစုလိုက် နိုင်ငံခြားကိုပြောင်းခါနီးအချိန် .... သူတို့ခြံထဲက ပိတောက်ပင်လေးအောက်မှာ အားလုံးစုပြီးထိုင်နေကြတယ်။ April လရဲ့နေ့လည်ခင်းတစ်ခုမှာ ပိတောက်တွေဆိုးဆိုးရွားရွားကြွေနေတယ်။ အဲဒီမြင်ကွင်းကို ကျွန်တော်ဘယ်လိုမှ မမေ့တော့ဘူး ....။ သိပ်ခင်တဲ့သူတွေနဲ့ခွဲရဦးမယ်လို့ ပိတောက်ပန်းတွေကြွေတိုင်း တွေးမိသွားတတ်တယ်။ ... ပိတောက်ပင်ကို Gumkino လို့ခေါ်တယ်လို့ သူငယ်ချင်းကပြောတယ်။ .... တစ်နေ့နေ့ ပိတောက်ပွင့်တွေမကြွေတော့တဲ့နေ့မှာ ငါတို့ပြန်တွေ့ကြမယ်လို့ကတိတွေပေးခဲ့ကြတယ် .....။ အခုဆိုကျွန်တော်တို့ပြန်မတွေ့တာ အနှစ်နှစ်ဆယ်ပြည့်သွားပြီ ....။ ပိတောက်တွေကတော့ကြွေတုန်းပဲ ....။ ... အခုကဗျာလေးကလည်း တစ်ခြားအဓိပ္ပာယ်တွေလည်းပါပါတယ်။ ကျွန်တော်ကတော့ ကြွေနေတဲ့ပိတောက်ပန်းအထိပဲစိတ်နဲ့ဖတ်ပြီး စိတ်နဲ့ခရီးထွက်သွားခဲ့တယ်။

ပန်းချီ

နူးညံ့လို့လား
တအားနာကျင်လွန်းလို့လား
ပိတောက်ပွင့်လေးတွေ
တဖွဲဖွဲကြွေနေတဲ့ မြင်ကွင်းထဲ
ထီးဆောင်းပြီး ဖြတ်သန်းနေတာ။

အာရုံကို စုစည်းလိုက်ဖို့
ငါကိုးကွယ်တဲ့ ကြိုးစကိုမမြင်နိုင်
သူ့အလင်းက မျက်စိမှုန်တယ်။ ။

မိုးဝေး


နောက်ထပ်ကဗျာလေးကိုတော့ တဂိုးရဲ့ကဗျာလေးကို ရွေးလိုက်ပါတယ်။ ဆယ်တန်းတုန်းက အိမ်မှာ စီးပွားရေးအခက်အခဲဖြစ်ပါတယ်။ ကုန်းကောက်စရာမရှိအောင်မွဲသွားတယ်ဆိုတဲ့ စကားလုံးကို စာတွေ့လက်တွေ့ သင်ယူရတဲ့အချိန်လို့ပြောရပါမယ်။ အဲဒီအချိန်မှာ စာကျက်ဖို့ အာရုံစိုက်ရတာ သိပ်ခက်တယ်။ ကျူရှင်လခမှန်မှန်ပေးနိုင်တဲ့သူတောင်ဖြစ်ဖို့ အတော်လေးကြိုးစားခဲ့ရတယ်။ အဖေက စီးပွားရှာဖို့ နိုင်ငံရဲ့အပြင်ဘက်ကိုထွက်သွားတယ်။ ဘ၀ဟာ မထင်မှတ်တာတွေဖြစ်လာတတ်တယ်။ အရင်ကရှိခဲ့ဖူးတဲ့ အကုသိုလ်ကို ရှောင်လို့မရဘူး .... ဒါကို သည်းခံပြီးဖြတ်ကျော်ရမယ်လို့ အဲဒီအချိန်မှာ နားလည်ခဲ့တယ်။ နောက်တော့ အစ်ကို ၀မ်းကွဲတစ်ယောက်က ကျူရှင်စရိတ်တွေထောက်ပါတယ်။ နောက်ပြီး စာအုပ်ဝယ်ဖို့ ပိုက်ဆံထပ်ပေးပါတယ်။ တစ်လကို အပြင်စာအုပ်ဝယ်ဖို့ နှစ်ထောင်၊သုံးထောင်လောက်ရပါတယ်။ အဲဒီအချိန် မှာ ၀ယ်ဖြစ်တဲ့စာအုပ်တွေမှာ တဂိုးရဲ့စာအုပ်တွေများပါတယ်။ မြသန်းတင့်ဘာသာပြန်ပြီး တစ်အုပ်ကို တစ်ရာပဲပေးရလို့ဝယ်တာပါ။ ဂုဏ်ထူးစာပေမှာ သွားဝယ်ပါတယ်။ စာရွက်တွေ လွတ်နေတာ စာမျက်နှာကျော်နေတာဆိုပြန်ပြန်သွားလဲလို့ ဆိုင်ကလူတွေနဲ့ပါ မျက်မှန်းတန်းမိလာပါတယ်။ သစ်သီးခူးဆိုတဲ့ စာအုပ်လေးကို သိပ်ကြိုက်ပါတယ်။ အခုကဗျာက အဲဒီကဗျာစာအုပ်ထဲကပါ .... ခံစားကြည့်ပါဦး ....။ ဒီကဗျာလေးဖတ်ပြီး ကျွန်တော့်ဘ၀မှာ အများကြီးစိတ်ချမ်းသာခဲ့ရပါတယ်။



၁၂
ဟိုအောက်မှာ
စိမ်းလဲ့ကြည်နေတဲ့ ယမုန်နာမြစ်က
တသွင်သွင်စီးလို့၊
အထက်မှာတော့
အစွန်းထွက်နေတဲ့ ကမ်းပါးကြီးတွေက
မျက်မှောင်ကုတ်လို့
တောအုပ်တွေနဲ့ညိုမှိုင်းပြီး
မြစ်ချောင်းအင်းအိုင်တွေ အမာရွတ်ထင်နေတဲ့
တောင်တန်းကြီးတွေက ပတ်လည်ဝိုင်းလို့။

ရဟန်း ဂေါဝိန္ဒဟာ
ကျောက်ဆောင်တစ်ခုပေါ်မှာထိုင်ပြီး
တရားစာရွတ်နေတယ်။
သည်တုန်းမှာ ဥစ္စာမာန်စောင်ကြီးလှတဲ့
သူ့တကာ ရာဂုန္ဒ ရောက်လာပြီး ဦးချရင်း
"တပည့်တော် လှူဖွယ်ဝတ္ထု သည်
ဆင်းရဲနုံချာလှပါသည်၊
ကိုယ်တော်လက်ခံခြင်းငှာပင် မထိုက်ပါ" လို့
လျှောက်တင်တယ်။
သည်လိုလျှောက်ပြီး
အလွန်အဖိုးထိုက်တဲ့
ကျောက်မျက်ရတနာတွေ စီခြယ်ထားတဲ့
ရွှေလက်ကောက်တစ်ရံကို ဆက်ကပ်သတဲ့။

ရဟန်း ဂေါဝိန္ဒဟာ
လက်ကောက်တစ်ဖက်ကို လှမ်းယူ
လက်ချောင်းတစ်ချောင်းမှာ ချိတ်ပြီး
ဝှေ့ယမ်းကစားနေတယ်။
လက်ကောက်မှာ စီခြယ်ထားတဲ့ စိန်ပွင့်တွေဟာ အလင်းမြားတန်းတွေ
တစ်စင်းပြီးတစ်စင်း ပစ်လွှတ်နေသလို
တလက်လက်နဲ့။

သည်လိုနဲ့ လှည့်နေရင်း
လက်ကောက်ဟာ
လက်က လွတ်ကျသွားပြီး
ကမ်းပါးအတိုင်း
ရေထဲလိမ့်ကျသွားပါလေရော။
ရာဂုန္ဒဟာ "အလိုလေး အကျိုးနည်းပါပြီ" လို့အော်ရင်း
မြစ်ထဲကို ခုန်ဆင်းလိုက်တယ်။
ရဟန်းဂေါဝိန္ဒကတော့
တရားစာကိုပဲ ဆက်ရွတ်နေသတဲ့။
မြစ်ရေတွေက
လက်ကောက်ကို သယ်ဆောင်ပြီး
ဆက်လက်စီးဆင်းသွားကြတယ်။
ညနေကြတော့
ရာဂုန္ဒပြန်ရောက်လာတယ်။
သူ့တစ်ကိုယ်လုံးလဲ ရေတွေ ရွှဲလို့။
မောလဲမောလှပြီလေ။

ရာဂုန္ဒက မောကြီးပန်းကြီးနဲ့
"လက်ကောက် ဘယ်မှာ ကျသွားတယ်ဆိုတာ
အရှင်ပြရင် တပည့်တော် ပြန်ရအောင်
ယူပါ့မယ် ဘုရား" လို့လျှောက်သတဲ့။

ရဟန်းဂေါဝိန္ဒက
"ဒီနေရာမှာ ကျသတဲ့" လို့ပြောပြီး
ကျန်တဲ့ လက်ကောက်တစ်ဖတ်နဲ့ ပစ်ချပြလိုက်သတဲ့။


...........။
ကဗျာလေးက သိပ်ချစ်စရာကောင်းတယ်။ ဒီကဗျာလေးတွေနဲ့ပဲ ညနေတိုင်း စာကျက်ဖို့ အာရုံကို စူးစိုက်ခဲ့ရတယ်။ ... အဲဒီကဗျာလေးကို အခါခါဖတ်ဖြစ်တယ်။ တစ်ယောက်တည်းလည်းဖတ်သလို အမေ့ကိုလည်းဖတ်ပြတယ်။ အကို့ကိုလည်းဖတ်ပြတယ်။ အိမ်ကျဉ်းကျဉ်းလေးမှာ ပျော်အောင်နေနိုင်ဖို့ ၊ စိတ်ဓာတ်မကျဘဲ စာကြိုးစားနိုင်ဖို့ ဒီကဗျာလေးတွေကမထင်မှတ်လောက်အောင် ခွန်အားတွေပေးခဲ့တယ်။

နောက်ထပ်ကဗျာလေးကိုတော့ ကွန်စစ်ကောင်းရဲ့ ငါ့ကြာသတေး ကိုရွေးပါတယ်။
ကြာသပတေးနေ့တွေကို ဘာမှန်းမသိဘဲချစ်တဲ့အတွက်ကြောင့်ဖြစ်ပါတယ်။ ကြာသပတေးနေ့တွေမှာ ငယ်တုန်းက မကြာခဏ လက်ဆောင်တွေရပါတယ်။ ကြာသပတေးနေ့ဆိုရင် အပြင်ထွက်လည်ရတာများပါတယ်။ ကြာသပတေးနေ့ဆိုရင် အလိုလိုပျော်နေတတ်တယ်။ ဘ၀မှာ ကြာသပတေးနေ့တွေနဲ့ပတ်သက်ရင် အမှတ်တရတွေများလွန်းလို့ ကြားသပတေးနေ့ နက်နက်ရှိုင်းရှိုင်းတွယ်ဆက်ထားတဲ့ကံကြမ္မာနဲ့လူတစ်ယောက်လို့ မကြာခဏ ခံစားရပါတယ်။ ကြာသပတေးနေ့လေးတစ်ခုအကြောင်းကို ဖတ်ကြည့်ရအောင်ဗျာ .....။

ငါ့ကြာသပတေး

ဒီနေ့ စွန့်ပစ်ထားခဲ့ချင်တဲ့ မနေ့က ပေမမီ ထောက်မမီ နံနက်ခင်းတွေ
ပုဆိုးစ အတင်းဆွဲပြီး တရွတ်တိုက် လိုက်ပါလာတဲ့နေ့။
ဒီနေ့မစွန့်ပစ်နိုင်တဲ့ ကိုယ်ပိုင် ၂၄ နာရီ စိတ်ကူးတွေကို တော့
ကျကွဲမသွားအောင်
စိုးရိမ်တကြီးနဲ့ပင်ပင်ပန်းပန်း ထမ်းပိုးထားရတဲ့နေ့။

အရင်လိုပါပဲလေ
နေ့ပိုင်ရှင်ရဲ့ အဆင်မပြေမှုအတွက်
စိတ်မကောင်းခြင်းကြီးစွာ ဖြစ်နေရှာတဲ့နေ့။
ချစ်သူတွေကို ကခုန်ပျော်မြူးစေချင်ပေမယ့်လဲ
ကိုယ်ကိုယ်တိုင် ပွဲလမ်းသဘင်ဆိုတာ ဘာမှန်းမသိသေးတဲ့နေ့။
မိုးရိပ်မိုးသားတွေရဲ့ အနေအထိုင်လွဲချော်မှုတွေကြောင့်
နေပူကျဲကျဲကြီးထဲ
အမိုးမရှိ အကာမရှိ ထိုင်နေရတဲ့နေ့။
အခြားနေ့တွေရဲ့ သရော်တော်တော် မျက်နှာပေးတွေကို
စက်ဆုပ်မိပေမယ့်လဲ
ကိုယ့်တံထွေးကိုယ် ပြန်ပြန်မျိုချထားနေရတဲ့နေ့။
မှတ်တမ်းတင် ဂုဏ်ပြုပြီး မွေးနေ့ပွဲလေး ကျင်းပပေးလာမယ့် တစ်ချိန်ချိန်ကို
တောင့်တောင့်တတကြီးစောင့်စားနေရတဲ့နေ့။
ဘယ်နေ့နဲ့မှလဲမတူအောင်
ကိုယ့်ဝတ်စုံ ကိုယ်ဝတ်ပြီး သန့်သန့်ပြန့်ပြန့်လေး နေချင်နေတဲ့နေ့။
ဘယ်တံတွေးစက်တွေမှလဲ မစင်အောင်
ကိုယ့်သိက္ခာ ကိုယ်ခြုံပြီး လုံလုံခြုံခြုံလေး နေချင်နေတဲ့နေ့။

ဒါပေမယ့်
အရင်လိုပါပဲလေ
မာန်မာနတွေကို တစ်နေကုန် တဝေါဝေါ ရွာချပစ်ချင်လို့ မရသေးတဲ့နေ့။
ဆင်ခြင်တုံတရားနဲ့ ကံတရားဆိုတဲ့ ခပ်ညံ့ညံ့ တံခါးရွက်နှစ်ရွက်ကြားမှာ
ခြေထောက်တစ်ဖက် ညပ်နေတဲ့နေ့။
ရှိစုမဲ့စု လိုအင်ဆန္ဒလေးတွေ အကုန်လုံး
တဆတ်ဆတ် တုန်ခါ နာကျင်နေတဲ့ အဲဒီ ငါ့ရဲ့ကြာသပတေးနေ့။ ။

ကွန်စစ်ကောင်း

သောင်းပြောင်းထွေလာ ရယ်စရာမဂ္ဂဇင်း
အောက်တိုဘာ ၂၀၀၁

သောင်းပြောင်းထွေလာက ကဗျာတွေက ဟာသကဗျာတွေမဟုတ်ပါဘူး။ အင်မတန် အဆင်မြင့်တဲ့ ကဗျာကောင်းတွေပါလေ့ရှိပါတယ်။ အဲဒါကိုလည်း သတိထားမိပါတယ်။ အဲဒါကိုက ရယ်စရာတစ်ခုလိုဖြစ်နေပါတယ်။ ကဗျာကြီးတွေက အတည်ပေါက်ကြီးရှေ့မှာ ခမ်းနားနေတာလို့ခံစားရပါတယ်။

နောက်ထပ်တစ်ပုဒ်ကိုတော့ ကျွန်တော်နှင့် သနပ်ခါးပွင့်ကလေးကို ရွေးပါတယ်။ အဲဒီလို ရိုးသားပြီး ချစ်စရာကောင်းတဲ့ကဗျာမျိုးကို ရေးတဲ့သူတွေကို သဘောကျပါတယ်။ ကျွန်တော့်အတွက်တော့ ကဗျာဟာာ ပညာပြတဲ့နေရာမဟုတ်ပါဘူး။ ပညာပြချင်ရင်စိတ်က မရိုးသားတဲ့အတွက် ကဗျာရဲ့ အကြည်ဓာတ်၊ စင်ကြယ်ရိုးသားမှုပျောက်သွားပါတယ်။

ကျွန်တော်နှင့် သနပ်ခါးပွင့်ကလေး

စစ်မက်ပြိုင်မိုး
ကြယ်ကလေးတွေ စီးချင်းမထိုးကြပါနဲ့။

မိုးချုပ်အိမ်ပြန်
လမင်းကို ပန်တဲ့မိန်းကလေး
ငြိမ်းချမ်းရေးနဲ့ အိပ်စက်နေလို့ပါကွယ်။


တာရာမင်းဝေ
မိုးခေါင်လို့တီးတဲ့ဗုံသံမှ

ကဗျာတိုလေးထဲမှာ ကောင်လေးတစ်ယောက်ဟာ သူချစ်တဲ့ကောင်မလေး ငြိမ်းငြိမ်းချမ်းချမ်းလေး အိပ်စက်နေတာကို ကြယ်ကလေးတွေလက်တာကြောင့် အနှောင့်အယှက်မဖြစ်စေချင်ဘူးလို့ပြောလည်းရတယ်။ ငြိမ်းချမ်းရေးကို တန်ဖိုးထားတဲ့သူတစ်ယောက် စစ်ပွဲတွေကိုမုန်းတီးနေတာကိုလည်း ခံစားနိုင်တယ်။ .... ကဗျာလေးထဲကနေတစ်ဆင့် စိတ်တွေဆီကို ဆက်လက်စီးဆင်းသွားတဲ့အခါ .... မေတ္တာတရားကိုလည်းခံစားရမယ်။ ငြိမ်းချမ်းခွင့်ကို တန်ဖိုးထားတဲ့စိတ်ကိုလည်းခံစားရတယ်။ ...ဘယ်သူ့ကိုမှ မထိခိုက်စေချင်တဲ့ တရားမျှတမှုကိုလည်းခံစားရတယ် .....။ ကဗျာလေးကတော့ ခံစားသူမရှိရင် ကဗျာအဖြစ်နဲ့မရှိပါဘူး။ စာအစုအဝေးတစ်ခုအနေနဲ့ပဲရှိပါတယ်။ မတီးခတ်ဘဲထားတဲ့ ဂစ်တာတစ်လက်မှာ အသံမရှိသလို၊ မခံစားတတ်တဲ့စိတ်ကို ကဗျာဖြတ်သွားရင် ဘာသံမှမမြည်ပါဘူး။ ကဗျာတွေဟာ အသိဥာဏ်နဲ့နှလုံးသားကို အတောင်းဆိုဆုံး အနုပညာပစ္စည်းဖြစ်ပါတယ်။ သင်နှလုံးသားကိုဖြေလျော့ထားလိုက်ပါ ... ကဗျာကို ဖြတ်သန်းခွင့် ...တီးခတ်ခွင့်ပြုလိုက်ပါ ...။ အဲဒီဂီတကို သင်ကြားရလိမ့်မယ်။

နောက်ထပ်ရွေးလိုက်တဲ့ကဗျာကတော့ မင်းထက်မောင်ရဲ့ ပြောင်းပြန်ဟုခေါ်သည်ဖြစ်ပါတယ်။
အဲဒီကဗျာလေးကို သိပ်ကြိုက်ပါတယ်။ မင်းထက်မောင်ရဲ့ ကဗျာတွေကို သဘောကျတာက သူယုံကြည်တာ သူလုပ်နေလို့ပါ။ ကဗျာဆရာတစ်ချို့နားမလည်တဲ့ ပတ်ဝန်းကျင်ထိန်းသိမ်းရေးလို issue မျိုးကို ကဗျာထဲ ထည့်ပစ်ပါတယ်။ ကျွန်တော်ကတော့ကြိုက်ပါတယ်။ ကမ္ဘာကြီးကို လှစေချင်တာဟာ ကဗျာဆန်ပါတယ်။ ကမ္ဘာကြီးဟာ ခရမ်းလွန်ရောင်ခြည်တွေ၊ စိတ်သဘောထားမမှန်တဲ့သူတွေ ညစ်ညမ်းမှုတွေ၊ မလိုတဲ့နေရာမှာ မွေးဖွားနှုန်းမြင့်ပြီး မလိုအပ်တဲ့နေရာမှာ ထိပ်တန်းရောက်နေတာတွေ .... အဲဒါတွေကို ရေးတာဟာ သူယုံကြည်တာသူလုပ်တာပါပဲ။ ကဗျာရေးတယ်ဆိုတာ ကိုယ်ယုံကြည်တန်ဖိုးထားတဲ့ကိစ္စကို ထုတ်ပြောနေတာမျိုးလည်းဖြစ်နိုင်တယ်လို့ သူ့ကဗျာတွေကနေတစ်ဆင့်ခံစားရပါတယ်။ ကဗျာလေးကို ခံစားကြည့်ရအောင်ဗျာ ....။

ပြောင်းပြန်ဟုခေါ်သည်။

၁။
ပြောင်းပြန်ဟာ ပြောင်းပြန်တွေးတယ်။ ပြောင်းပြန်ပြောတယ်။ ပြောင်းပြန်လုပ်တယ်။
ပြောင်းပြန်ဟာ ကျွန်တော်နဲ့ ငယ်သူငယ်ချင်း စိတ်ရင်းကောင်းသလောက် အငြင်းသန်တယ်
ပြောင်းပြန်ဟာ သူ့အဖေ အိမ်က နှင်ချတာကို မကြာခဏ ခံရတဲ့ ပြုတ်မနူးကောင်။

၂။
ပြောင်းပြန်ဟာ ဆယ်တန်းမအောင်ဘူး အလုပ်မလုပ်ဘူး ပိုက်ဆံမရှာဘူး
ပြောင်းပြန်ကို သူ့အမေက သင်္ဘောသားလုပ်ဖို့ အကြီးအကျယ်တိုက်တွန်းဖူးတယ်
ပြောင်းပြန်ဟာ တောမှာသွားပြီး သုံးနှစ်သုံးမိုး ဘုန်းကြီးဝတ်ဖူးတယ်။

၃။
ပြောင်းပြန်ဟာ တစ်နေ့ မျက်စိလည်လမ်းမှားပြီး ကျွန်တော့်ဆီ ရောက်လာတယ်
ပြောင်းပြန်ဟာ တီရှပ်ကို ပြောင်းပြန်ဝတ်ပြီး ဦးထုပ်ကို နောက်ပြန်ဆာင်းလို့
ပြောင်းပြန်က သူ စီးပွားရေးလုပ်တော့မယ့်အကြောင်း ကျွန်တော့်ကိုပြောတယ်။

၎။
ပြောင်းပြန်ရဲ့ အကြောင်းကို ကျွန်တော်က ကောင်းကောင်းသိနှင့်ပြီးသား
ပြောင်းပြန်ဟာ ဇောက်ထိုးနဲ့ပေါင်းပြီး ဂစ်တာတီးလိုက် ဆေးချလိုက် လုပ်နေတယ်
ပြောင်းပြန် အရက်ဆိုင်မှာ မူးပြီးရန်ဖြစ်လို့ဆိုပြီး ရဲက အချုပ်ထဲထည့်လိုက်တယ်။

၅။
ပြောင်းပြန်ဟာ သူ့ဆံပင်ရှည်တွေကို မိန်းမတစ်ယောက်လို ဖားလျားချထားတယ်
ပြောင်းပြန်ဟာ ဂျင်းန်ဘောင်းဘီဝတ်ပြီး အင်္ဂလိပ်စကားပြောသင်တန်း တက်နေတယ်
ပြောင်းပြန်က ဗြိတိသျှနယ်ချဲ့တွေကို မုန်းလို့ အင်္ဂလိပ်စကားသင်နေတာလို့ပြောတယ်။

၆။
ပြောင်းပြန် ဘာပဲလုပ်လုပ် ဘယ်သူမှ သူ့ကို အထင်မကြီးပါဘူး
ပြောင်းပြန်ကလည်း လူတွေ အထင်ကြီးတဲ့အရာမှန်သမျှ သူက အထင်မကြီးပါဘူး
ပြောင်းပြန်ဟာ သူ့ပြောင်းပြန်အထာနဲ့သူ ပြောင်းပြန်အယူကို ကိုင်စွဲတယ်။

၇။
ပြောင်းပြန်ကို သူ့အိမ်က သတင်းစာထဲကနေ အမွေပြတ် စွန့်လွှတ်လိုက်တယ်
ပြောင်းပြန်ဟာ သင်္ဘောသားမယားတစ်ယောက်နဲ့ ယူလိုက်တယ် ကြားတယ်
ပြောင်းပြန်ဟာ အဲဒီသင်္ဘောသားမယားနဲ့ ကွာလိုက်ပြီလို့လည်း ထပ်ကြားတယ်။

၈။
ပြောင်းပြန်နဲ့ကျွန်တော် မြို့ထဲက လက်ဖက်ရည်ဆိုင်တစ်ဆိုင်မှာ ဆုံတယ်
ပြောင်းပြန်က "ငါအောင်မြင်သူတစ်ယောက် မဖြစ်ချင်ပါဘူးကွာ" တဲ့
ပြောင်းပြန်ဟာ မြို့သစ်ကလေးမှာနေပြီး ကွမ်းယာရောင်းနေရတယ်။

၉။
ပြောင်းပြန်နဲ့ကျွန်တော် နောက်တစ်ခါထပ်ဆုံတော့ ဘီယာဆိုင်ကြီးတစ်ခုမှာပါ
ပြောင်းပြန်ဟာ အဲဒီ ဘီယာဆိုင်က တီးဝိုင်းမှာ တီးဝိုင်းခေါင်းဆောင်တွေဘာတွေဖြစ်လို့
ပြောင်းပြန်ရဲ့ အဖေနဲ့အမေဆုံးတော့ သူ အမွေတော်တော်များများ ရလိုက်တယ်။

၁၀။
ပြောင်းပြန်ဟာ ပရာဒိုကားကြီးကို ကိုယ်တိုင်မောင်းလာပြီး ကျွန်တော့်ဆီလာတယ်။
ပြောင်းပြန်ရဲ့ပုံစံက အခုတော့ ဆံပင်တိုတို ဘောင်းဘီတိုတိုနဲ့ ဟမ်းဖုန်းကို ကိုင်လို့
ပြောင်းပြန်ဟာ ကျွန်တော့်ဆီက အင်္ဂလိပ်လိုရေးထားတဲ့ စာအုပ်တွေ ငှားသွားတယ်။

၁၁။
ပြောင်းပြန်ဟာ "မောင်းပြန်" အမည်နဲ့ မဂ္ဂဇင်းတွေမှာ ဝေဖန်စာတွေ ရေးတယ်
ပြောင်းပြန်ဟာ ဒြပ်မဲ့ပန်းချီကားတွေဆွဲပြီး ပန်းချီပြပွဲတစ်ပွဲကိုလည်း လုပ်လိုက်သေးတယ်
ပြောင်းပြန်ကို သံရုံးဧည့်ခံပွဲတွေမှာ မကြာခဏ တွေ့ရတတ်တယ်။

၁၂။
ပြောင်းပြန် ဘာတွေလုပ်နေသလဲ ဘယ်သူမှ သေချာမသိကြပါဘူး
ပြောင်းပြန်ဟာ ဟိုတယ်ကြီးတစ်ခုမှာ စတည်းချပြီး နေတယ်လို့တော့ ပြောကြတာပဲ
ပြောင်းပြန်နဲ့ အခုတလော တွဲနေတဲ့ကောင်မလေးဟာ ဆံပင်ရွှေရောင်နဲ့မော်ဒယ်လ်ဂဲ။

၁၃။
ပြောင်းပြန်ဟာ ကျွန်တော့်ဆီကို နောက်တစ်ခေါက် ရောက်မလာတော့ပါဘူး
ပြောင်းပြန်ရေးတဲ့ခေတ်ပေါ်ဝတ္ထုတွေဟာ ပြည်တွင်းဈေးကွက်ထဲမှာ ရောင်းမလောက်ဘူး
ပြောင်းပြန်ရဲ့ ကိုယ်တိုင်ရေး ကိုယ်တိုင်ဆို တေးအယ်လ်ဘမ်တစ်ချပ် ထွက်လာသေးတယ်။

၁၄။
ပြောင်းပြန်ဟာ သူကိုယ်တိုင် ဒါရိုက်တာ/ထုတ်လုပ်သူ အဖြစ် ရုပ်ရှင်ဇာတ်ကားတစ်ကားရိုက်တယ်
ပြောင်းပြန်ရဲ့ ရုပ်ရှင်ထဲမှာ သရုပ်ဆောင်က ပြောင်းပြန်တစ်ယောက်တည်း
ပြောင်းပြန်ရဲ့ ရုပ်ရှင်ထဲမှာ ဒိုင်ယာလော့ဂ်တွေ တစ်ခုမှမပါဘူး။

၁၅။
ပြောင်းပြန်ဟာ အခုတော့ လူသိများ ထင်ရှားပြီး လေးစားလောက်တဲ့လူတစ်ယောက်
ပြောင်းပြန်ဟာ နာမည်ကြီးကာမှ ကျွန်တော့်မြင်ကွင်းကနေ ပျောက်သွားတယ်
ပြောင်းပြန်ဟာ ပြင်သစ်မှာ ဖက်ရှင် ကုမ္ပဏီကြီးတစ်ခုကို ထောင်ထားသလိုလို ဘာလိုလို။

၁၆။
ပြောင်းပြန်ဟာ အင်္ဂလိပ်ဘာသာနဲ့ စာအုပ်တစ်အုပ်ရေးပြီး နိုင်ငံခြားမှာ ထုတ်ဝေတယ်
ပြောင်းပြန်ဟာ သူ့စာအုပ်ကို "ပြောင်းပြန်တွေးခေါ်နေထိုင်နည်း" လို့ အမည်ပေးတယ်
ပြောင်းပြန်ရဲ့စာအုပ်ဟာ နောက်ဆုံးထုတ် ဟယ်ရီပေါ်တားနဲ့အပြိုင် ရောင်းစွံတယ်ကြားတယ်။

၁၇။
ပြောင်းပြန်ဟာ ကျွန်တော့်ဆီကို အီးမေးလ်နဲ့ စာတွေရေးတယ်
ပြောင်းပြန်ရဲ့ စာတစ်စောင်ထဲမှာ "ကမ္ဘာကြီးဟာ ပြောင်းပြန်လည်နေတာ" လို့ပါတယ်။
ပြောင်းပြန်က ကျွန်တော့်ကို "မင်းအခုအထိ အမှန်ကို အမှန်လို့ မြင်နေတုန်းလား"လို့မေးတယ်။

၁၈။
ပြောင်းပြန်ဟာ ပြောင်းပြန် ဖောင်ဒေးရှင်းကို ကမ္ဘာ အနှံ့မှာ ထောင်ထားတယ်
ပြောင်းပြန်ရဲ့ ပြောင်းပြန်အင်စတီကျူကနေ ဘွဲ့မရတဲ့ ပညာရှင်တွေ မွေးထုတ်ပေးတယ်
ပြောင်းပြန်ချစ်သူများအသင်းကပေးတဲ့ နိုင်ငံတကာပြောင်းပြန်ဆုဟာ နိုဗယ်ဆုပမာ။

၁၉။
ပြောင်းပြန်ကို စီအင်န်အင်န် သတင်းထောက်ကြီး လယ်ရီကင်းက အထူးတွေ့ဆုံမေးမြန်းခဲ့
ပြောင်းပြန်ကို လယ်ရီက "အခု ခင်ဗျား အလုပ်ချင်ဆုံး အရာက ဘာလဲ" လို့မေးတော့
ပြောင်းပြန်က "ကျူပ် အခုဘာမှမလုပ်ချင်တော့ဘူး သေချင်ပြီ" လို့ပြန်ဖြေခဲ့တယ်။

၂၀။
ပြောင်းပြန်ဟာ ပြောင်းပြန်တွေးတယ် ပြောင်းပြန်ပြောတယ် ပြောင်းပြန်လုပ်တယ်
ပြောင်းပြန်ဟာ ကျွန်တော်နဲ့ ငယ်သူငယ်ချင်း စိတ်ရင်းကောင်းသလောက် အငြင်းသန်တယ်
ပြောင်းပြန်ဟာ သူ့အဖေ အိမ်ကနှင်ချတာကို မကြာခဏ ခံခဲ့ရတဲ့ ပြုတ်မနူးကောင်။

မင်းထက်မောင်

ကဗျာပြောင်းပြန်/၂၀၀၆ မှ

ကဗျာလေးကိုဖတ်ပြီး အမှန်ကို အမှန်လို့မြင်နေတုန်းပဲလားဆိုတဲ့ပြောင်းပြန်ကြီးကို လွမ်းသလိုတောင်ဖြစ်လာတယ်။ .... သူ့ကို ကျွန်တော်တို့သိနေသလိုလိုဖြစ်လာတယ်။ ပြောင်းပြန်ကြီး ကသေချင်ပြီလို့ပြောတော့ သူ့ကိုနားလည်မိတယ်။ ပြောင်းပြန်ကြီးကို ခင်သလိုတောင်ဖြစ်လာတယ် ....။ ပြောင်းပြန်ကြီးအခုဘာလုပ်နေပြီလဲ ... ဘုန်းကြီးဝတ်သွားပြီလား။ တဟီတီကို ၀ယ်ပြီး ပြောင်းပြန်မွမ်းမံသင်တန်းတွေဖွင့်နေပြီလား ...... တွေးနေမိတယ်။ .... ဒီကဗျာလေးကိုသေချာဖတ်ကြည့်ပါ ....။ သိပ်ကို ရိုးရှင်းတဲ့ ပြောင်းပြန်ကြီးကို လိုက်ရှာကြည့်ပါ .....။ သူ့စိတ်ထဲမှာရော ဘ၀ကြီးက ဘယ်လိုမျိုးလဲ .... ပြောင်းပြန်ကြီးသာ ကဗျာရေးမယ်ဆိုရင် မြန်မာပြည်ရဲ့ထိပ်တန်းဖြစ်လာမလား။ သိပ်ကိုစိတ်ဝင်စားနေမိတယ် ......။

အင်း .. ဒီလိုနဲ့ ကျွန်တော့်ကဗျာ ကော့တေးလ်ကို တော်တော်လေး သောက်ရတာ မူးလာပြီလို့ထင်ပါတယ် ...။နောက်ဆုံးမှာ ကဗျာလေးနှစ်ပုဒ်ကိုပြောပြချင်ပါတယ်။ ကျွန်တော် ၂၀၀၉ တုန်းကဖတ်ခဲ့တဲ့ကဗျာလေးတစ်ပုဒ်ပါ ... ကိုယ့်ဟာကိုယ်ပြန်ရိုက်ရမှာပျင်းလို့ တစ်နေရာကပြန်ခိုးလာပါတယ် ....။ :P ဘာသာပြန်ထားတာပါ .....လှပစွာဘာသာပြန်တဲ့သူကတော့ ကျွန်တော်များ လေးစားရတဲ့ ဆရာမ မနော်ဟရီ ဖြစ်ပါတယ်။ :P ....
(10 မှတ်)

ကောင်းသောညပါ

" ကောင်းသောညပါ … "
ငါတို့ရဲ့ ဇာတ်လမ်းဟာ
မနက်ဖြန်ခါမှာ အဆုံးသတ်ရတော့မယ် … ။

ခုတော့ …
အပြာရောင် အလင်းတောင်ပံနဲ့ နတ်သမီးလေးတွေဟာ
မင်းရဲ့ နှလုံးသားက
မျက်ရည်နဲ့ ဝမ်းနည်းမှုပုံရိပ်တွေကို
ဖယ်ရှားပစ်လိမ့်မယ် …
ပြီးတော့ …
မင်းကို " ငြိမ်းချမ်းခြင်း " ပေးလိမ့်မယ် …
" ကောင်းသောညပါ … "

" ကောင်းသောညပါ … "
မင်းရဲ့ နားထဲမှာ …
ချစ်စရာကောင်းတဲ့ တီးတိုးသံတို့ရဲ့
နူးညံ့တဲ့ ပဲ့တင်ရိုက်ချက်တွေ …
တုန်ခါရိုက်ခတ်နေပါစေ …
ပြီးတော့ …
အိပ်စက်ခြင်းရဲ့ သဏ္ဍာန်မဲ့စိတ်ကူးရိပ်တွေကနေ
မင်းရဲ့ အိပ်မက်တွေကို ဖြတ်သန်းလို့
ငါ့ရဲ့ အပြုံးရိပ်တွေ ဖြစ်တည်လာလိမ့်မယ်

" ကောင်းသောညပါ "
မင်းရဲ့ နှုတ်ခမ်းပါးတွေကို
ငါစောင့်စားနေတဲ့အခါ
မင်းရဲ့ မျက်ဝန်းတွေကို ဖွင့်ထားပေးပါ …
မင်းရဲ့ အခြွေအရံတွေကိုလည်း
မခေါ်လိုက်ပါနဲ့ဦး …
မင်းရဲ့ ရင်ခွင်ကို နမ်းရှိုက်မလို့
နောက်တစ်ကြိမ်တည်းရယ်ပါ … ။

" ကောင်းသောညပါ … "
ဒါဟာ သိပ်ကိုနောက်ကျနေခဲ့ပြီလား …
" ကောင်းသောညပါ … "
တံခါးကိုပိတ်လို့ မင်းလှည့်ထွက်သွားတယ်
" ကောင်းသောညပါ"
… ဟုတ်တယ် …
မင်း …
ငါ့ရဲ့ " ကောင်းသောည " နှုတ်ဆက်သံကို
မစောင့်ဘဲ
ဘယ်တော့မှ
အိပ်ရာဝင်မှာ မဟုတ်ပါဘူး။


Adam Mickiewicz's Goodnight

Translated by မနော်ဟရီ


ဒီကဗျာလေးကို သိပ်ကြိုက်ပါတယ်။ ငယ်ကတည်းက အိပ်ရာဝင်ခါနီးတိုင်း အမေက Good Night son လို့နှုတ်ဆက်တတ်ပါတယ်။ အိပ်ခါနီးတိုင်းနှုတ်ဆက်တဲ့အကျင့်ဟာ အခုအထိလည်း ရှိနေပါတယ် ... မြန်မာပြည်မှာ ရှိတဲ့ ဒုတိယ မိခင်ကြီးကို ကောင်းသောညလို့မနှုတ်ဆက်ဘဲ အိပ်လေ့မရှိပါဘူး။ မြန်မာနိုင်ငံရဲ့ ဆိုးရွားတဲ့ အင်တာနက်ကြီး ပြုတ်ကျနေရင်တောင် ဖုန်းဆက်ပြီး တစ်ခွန်းတော့နှုတ်ဆက်ပါတယ်။ ဘယ်လောက်ပဲကပ်စေးနှဲတယ်ပြောပြော သားသမီးတိုင်းကတော့ အမေ့ကို ကရုစိုက်ကြပါတယ်။ (5 မှတ်) ....။

နောက်ဆုံးကဗျာကတော့ ကျွန်တော့်ရဲ့ ပထမ မိခင်ကြီးရေးသွားတာပါ ...။

လွမ်းနည်းကြေကွဲတတ်တဲ့ ၁၈ နှစ်အောက်တွေ ... နှလုံးမကောင်းသူတွေ ....မျက်လုံးနှစ်ဖက်ကို လက်နဲ့အုပ်ထားစေချင်ပါတယ် ....။ ၀မ်းနည်းကြေကွဲတတ်သူများမဖတ်သင့်တဲ့ ကဗျာပါ .....။ ဒီကဗျာကို သူဆုံးခါနီး ၅ ရက် အလိုမှာရေးပါတယ် ...။ ပါးစပ်နဲ့ရွတ်ပြတယ်လို့လည်းပြောနိုင်ပါတယ် .....။

သား ....

Nu အားတင်းထားမယ် တဲ့ ....။

Nu ဆိုတာကတော့ ကချင်လို အမေလို့ပြောတာပါ။ ဒီကဗျာလေးကို အချစ်ဆုံးပဲ ....။ အဲဒီအချိန်မှာ အမေဟာ ရောဂါမျိုးစုံကို တပြိုင်နက်ပေးဆပ်ရတော့မယ့် နောက်ဆုံးနေ့တွေပေါ့ ....။ ကျွန်တော်စိတ်ပူမှာစိုးလို့ ... ဘာမှမဖြစ်သလို ရယ်နေကြအတိုင်းရယ်ပြီး ပြောသွားတဲ့စကားလုံးလေးတွေ ... ။

ကျွန်တော့်စိတ်ထဲကို အဲဒီစကားလုံးတွေဟာ အနက်ရှိုင်းဆုံးထိုးဖောက်ဝင်ရောက်သွားတယ် ....။ အဲဒီစကားလုံးတွေကို ရွတ်လိုက်တိုင်း အမေ့ရဲ့ မေတ္တာကို နွေးခနဲပြန်ပြန်ခံစားရတယ် .....။ မိခင်မေတ္တာတွေနဲ့ ကျွန်တော့်ဘ၀ဟာ အေးချမ်းခဲ့တယ် ....။ ငယ်တုန်းက ဖတ်ဖူးတဲ့ အမေရှိရင် ဘယ်တော့မှ မငတ်ဘူးဆိုတဲ့ စကားပုံလေးကို အမေရှိတုန်း အမေ့ကို ပြောပြဖြစ်ခဲ့လို့ တော်တော်လေး စိတ်သက်သာရာရပါတယ် ....။ အမေလှူချင်တာတွေ အမေရှိတုန်းက လှူဖြစ်လိုက်လို့လည်း နည်းနည်းဖြေသာပါတယ် ....။ အမေလုပ်စေချင်တာတွေကို ဆက်လုပ်ဖို့ ရှင်သန်နေရတာပဲ လို့မကြာမကြာတွေးမိပါတယ် .....။ တစ်ချိန်က သားအမိနှစ်ယောက် လက်တွဲပြီး ညပိုင်းရောင်းတဲ့ ပလာတာဆိုင်လေးကို သွားတာကို အမြဲသတိရမိပါတယ်။ အမေက လမ်းမြန်မြန်မလျှောက်နိုင်တဲ့အတွက် ဖြည်းဖြည်းချင်းလျှောက်ရပါတယ် ....။ .... အမြဲတမ်း သားတွေအပေါ်မှာ နားလည်ပေးခဲ့တဲ့ အမေ့ကို ဆန္ဒရှိသလောက် ဘာမှမလုပ်ပေးလိုက်နိုင်တာကတော့ တော်တော်လေး နောင်တရရတဲ့ ကိစ္စဖြစ်ပါတယ် .....။ .... ကဗျာတွေကို စိတ်နဲ့ဖတ်ကြည့်တဲ့အခါ .... စိတ်ရဲ့အနက်အရှိုင်းဆုံးအထိ .... ကဗျာဟာ တိုးဝင်သွားတယ် ......။


ကဗျာတွေထဲမှာ ကျွန်တော်တို့ရဲ့ဘ၀တွေရှိတယ် ....။

ကျွန်တော်တို့ရဲ့မျက်ရည်တွေနဲ့ နာကျင်မှုတွေလည်းရှိတယ် ......။

ကျွန်တော်တို့ ရဲ့ နောင်တတွေနဲ့ စွတ်စိုထိုင်းမှိုင်းနေတဲ့ တိမ်တိုက်တွေလည်းရှိတယ် ......။


ကျွန်တော့် ကော့တေးလ်ဟာ သိပ်ပျော့နေတယ်ဆိုရင်လည်း သည်းခံပြီးဖတ်သွားတဲ့အတွက် ကျေးဇူးတင်ပါတယ် ....။ ဒီ ကဗျာဘလော့ခ်မှာ ကောမန့်ရေးတဲ့သူ အထူးရှားပါးပါပဲ ။ အများဆုံးကော်မန့်က ၁၄ ခုထင်ပါတယ် .....။ လူဖတ်နည်းနဲ့နေရာမှာ ရေးတာဟာ ... လူနည်းစုပဲသိစေချင်လို့ပါပဲ ....။

Peace Be With You All ...

Thanks moms for your love and guidance ...


With Peace,

Zephyr