ကဗျာဆိုတာ
နှလုံးသွေးတစ်စက်နဲ့ ခေတ်အဆက်ဆက် စီးဆင်းနိုင်တဲ့ မြစ် ဖြစ်တယ်။ စကြဝဠာထဲမှာ (ဒါမှမဟုတ်) လူတစ်ယောက်ရဲ့ ခန္ဓာကိုယ်ထဲမှာ ရှုမဆုံးအောင် ရုန်းကန်လှပနေတဲ့ သဘာဝတရားငယ်တစ်ခုလို့ ... ကဗျာကို ... သြော် .. ဘယ်သူတွေများ ချစ်နိုင်ပါလိမ့် ..။
မောင်သိန်းဇော်

ကဗျာ
ကမ္ဘာမြေပြင်ရဲ့
သေခြင်းမဲ့အသည်းနှလုံး
ငါ့အချစ်ဆုံးပေါ့
သစ္စာတရားကို တိုက်ရိုက်ဘာသာပြန်ထားတာဖြစ်တယ်။
မင်းဆက်ငြိမ်း

ငါးပြတိုက်

Sunday, August 30, 2009



အိန္ဒြာ စုထားတဲ့ငါးတွေကို ပြတိုက်ကနေ ကော်ပီပွားလာခဲ့တာပါ။ အမှတ်တရအနေနဲ့ ကျွန်မချစ်တဲ့ကဗျာတွေနဲ့အတူ မှတ်တမ်းတင်ထားဖြစ်ပါတယ်။


ငါးပြတိုက်

ငါး..

တစ်ဘ၀လုံးလုံးလိုလို
ငါးရယ်လို့ တစ်ကောင်တစ်လေမှ မမိ
ကြည့်
မိမယ့်မိတော့ စကြ၀ဠာကြီး
အပေါ်ဆွဲတင်လိုက်တော့
ငါ့ငါးမျှားတံဟာ ကိုင်းညွှတ်ပြီး
သက်တန့်ဖြစ်သွား
ငါ့ကို ပြန်မျှားခဲ့ပေါ့။ ။

မောင်ချောနွယ်



ငါး..

ငါးအသေကောင် လိုချင်ရင်
ဈေးမှာဝယ်ပါ

ကြောက်လန့်နေတဲ့ ငါးတစ်ကောင်လိုချင်ရင်
ပိုက်ကွန်တွေနဲ့ ဖမ်းပါ

ဒဏ်ရာ ရနေတဲ့ ငါးတစ်ကောင် လိုချင်ရင်
ငါးမျှားချိတ်မှာ အစာတပ်ပြီး မျှားပါ

အရုပ်နဲ့ တူတဲ့ ငါးတစ်ကောင် လိုချင်ရင်
မှန်တွေနဲ့ လုပ်ထားတဲ့ ရေကန်အတုထဲမှာ မွေးပါ

ငါးအစစ် တစ်ကောင် လိုချင်ရင်တော့
ကျောက်ဆောင်တစ်ခုလို ရပ်နေပါ

ရင်ဘတ်ကို ဖွင့်ထားပါ
လမ်းမှားလာတဲ့ ငါးအစစ်တစ်ကောင်က
မင်းရဲ့ နှလုံးသားကိုတောင်
ဝင်ပြီး တိုးခွေ့သွားလိမ့်မှာ

အသက်ရှုသံတွေနဲ့
ရေလှိုင်းတွေကို ဖန်ဆင်းလိုက်တဲ့အခါ
ပျော်ရွှင်စွာ ကစားနေမယ့်
ငါးအစစ်တစ်ကောင် ကိုရရှိမှာ

မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။


မြင့်မိုးအောင်



ငါး

ဒီဘ၀အပြင်
ဘယ်ဘ၀က ပိုကောင်းဦးမလဲ။
မရွေ့မလျား
ငါတို့ ငြိမ်သက်နေတာ ငါတို့ ကူးခပ်ခြင်း။
အပြေးအလွှား
ငါတို့ကူးခပ်နေတာ ငါတို့ပျံသန်းခြင်း။
စိတ်ကို လျှော့လည်း
ကိုယ်ကပေါ့မသွား။
တကယ်တမ်း
ရေကိုထမ်းထားရသော_ ပွင့်ချပ်ကတစ်ဖက်တည်း။ ။

ခင်ဇော်မြင့်




ငါး

ငါးတွေဟာ သွေးအေးတယ်၊
နှုတ်ဆိတ်တယ်။
တိုးတိတ်လွန်းတော့လည်း အဲဒီရင်ခုန်သံကို
မင်း ကြားရလိမ့်မယ် မဟုတ်ပေဘူး။

ကြယ်တွေကို ခူး ခူးပြီး
မင်းကို ပန်ပေးချင်ခဲ့တာပါ....
ဒါပေမယ့်...
အိပ်မက်တွေက ဖိတ်တစ်ဝက် စင်တစ်ဝက်
နွေဦးရက်တွေ ရောက်တဲ့အထိတောင်
မက်ခွင့် မရလိုက်ပါဘူး။
ဆူးတွေများလွန်းတဲ့ ဥယျာဉ်က
ရနံ့ကျတော့ နည်းလွန်းနေခဲ့တယ်။

တစ်နေ့ခင်းလုံး
ကိုယ့်လက်ဖ၀ါးပေါ် မေးထောက်ပြီး
သစ်သားမီးခြစ်ဆံတွေနဲ့ အိမ်ဆောက်ကြည့်နေခဲ့တယ်
ငါ ဘာကို စားသောက်ခဲ့ပြီးပြီလဲ ???

တစ်ဘ၀စာ
ခပ်ကြာကြာ ကြည့်ခွင့်ရလိုက်ရုံလေးတင်ပါပဲ။
(ဒီအပြင် ဘာမှ မပိုခဲ့ဘူး)
ကောင်မလေးရေ...
ငါ ဆိုတဲ့ ကောင်က သွေးအေး
ယဉ်ယဉ်ကျေးကျေးလေးပဲ...
...လွမ်းတယ်။

မင်းခိုက်စိုးစန်



Paul Klee ရဲ့ငါး

ဘာမှမဟုတ်ခဲ့ပါဘူးကွယ်
သူ့ရဲ့ကောက်ကြောင်းတစ်ခြစ်နဲ့ပဲ
ငါဟာ ငါးဖြစ်ခဲ့ရတာပေါ့


အသက်ရှူစရာလေမလိုဘူး
ကူးခတ်စရာရေမလိုဘူး
လိုနေတာက သူ့ဆီကမှောက်ကျလာမယ့်အရောင်တွေ
နောက် ..သူ့လက်ကနေထပ်မံဖြာဆင်းလာမယ့်
ချစ်ခြင်းနဲ့ပဉ္စလက်တွေ..…



ဒီလိုနဲ့ ငါးဟာ
ကမ္ဘာကိုမသိ.. (သူ့ကမ္ဘာက စာမျက်နှာတစ်ရွက်စာ)
လေကိုမသိ ( လေထုညစ်ညမ်းမှုလည်းသူနဲ့မပတ်သက်)
ရေကိုမသိ (ရေမြုပ်ဗုံးခွဲတာတွေလည်းသူနဲ့မဆိုင်)
လေးထောင့်မှန်ပုံးကိုမသိ (သူက အလှမွေးငါးလည်းမဟုတ်ပြန်ဘူး)
အတုတွေကိုလည်းမသိ (အစစ်ဆိုတာသူမှဘာမှန်းမသိပဲ)
မသိခြင်းတွေနဲ့ရှင်သန်လာလိုက်တာ
နှစ်တွေကြာပြီ…


ဆာငတ်နေခဲ့တဲ့ အရောင်တွေ
သံယောဇဉ်တွေ..ပဉ္စလက်တွေ
ဘယ်ဆီမှာလဲ……………
ဘာလို့များ…….ငါ့ဆီထပ်မရောက်လာခဲ့တာတဲ့လဲ..
ဒီလိုနဲ့ ငါးဟာ အနီရောင်မပါပဲသွေးပျက်နေခဲ့ရ
နှစ်ပရိစ္ဆေဒများစွာ.…


တကယ်ဆို..
ပန်းချီဆရာ….………….
သွေးအေးတတ်ဖို့ပါ..ခင်ဗျားသင်ကြားပေးခဲ့သင့်တာ။ ။

မနော်ဟရီ



ငါ့သင်းကွဲညနေ


ညီမလေးရေ
ကောင်းကင်အဖြူထည်စာမျက်နှာပေါ်
ငါဟာ နိဒါန်းအဖြစ် ကွေ့ကောက်စွာ ရေးခြစ်ခံရသူပါ

ညီမလေးရေ
ဒါ ငါကိုယ်တိုင် ပိုးမွေးခဲ့ညနေခင်းပဲပေါ့
ဖော်ဝေးငှက်တစ်ကောင်လို အဝေးလွမ်း လွမ်းမောမှု
ပူပြင်းခေါင်ခိုက် ခေါ်သံထဲ
ကန္တာရနွေတွန်ရာ ငါ့ရာသီတွေ သွန်းချခဲ့

ညီမလေးရေ
အနွေးထွေးဆုံး အိပ်ဟန်ဆောင်ခြင်းနဲ့
တစ်သက်တာ ငါ့အတွေးအခေါ်တို့ မင်နီစွန်းခဲ့ပေါင်းများပြီ..

ညီမလေးရေ
ဟိုးအဝေးဆုံးအရပ်က ၀ါးလုံးကွဲတောထဂီတသံ
ယုံယုံကြည်ကြည်နားဆင်ဖို့
ရောင်နီမစိုးသေးဘူးလားကွယ်..

ညီမလေးရေ
ဒီလက်ချောင်းတွေတွားသွားရာအရပ်ကဘာလဲကွယ့်..
မှားယွင်းနေတဲ့နေရာ
နောက်ထပ်ငါ့လက်ချောင်းတွေသေဆုံးရတော့မလား..
ငါကိုယ်ဆိုင်ရှင်သန်ပစ်ချင်ရဲ့

ညီမလေးရေ
ချစ်ဦးသူဆီနေ၀င်ခြင်းမှာ အိပ်မက်သစ်တို့သယ်ဆောင်ခွင့်ပေးပါ
အဲဒီ့အိပ်မက်ထဲမှာ အနာဂတ်အားမာန်ပါတယ်
နိုးကြားမှု အဟုန်ပါတယ်
နံနက်ခင်းတစ်ခုရဲ့ ဖူးပွင့်စအာရုဏ်အလင်းတန်းတွေပါတယ်
နှောင်ကြိုးမဲ့ ပဋိပက္ခတွေရဲ့ မျဉ်းဖြောင့်တစ်ကြောင်းပါတယ်
သက္ကရာဇ်တွေ ထမ်းပိုးမယ့် လက်ရုံးနှစ်ခုပါတယ်..။

ညီမလေးရေ
အခုတော့ ငါဟာ အလှမွေးဖန်လှောင်အိမ်ထဲက
ရွှေငါးတစ်ကောင်လို ကိုယ်ပိုင်အလှ ကိုယ်တိုင်ခံစားခွင့်မရခဲ့သူပါ
ဒီလိုနဲ့ ငါ့ညနေခင်းတွေ မနက်ဖြန်ပေါင်းများစွာ မော်ဖူးခဲ့ရပေါ့..။

လူဇော်သစ်





ငါး ဟာ ငါး

တွန်းတိုက်လှုပ်ရှားနေတဲ့ ခန္ဓာကိုယ်ကို
သိပ်သိပ်သည်းသည်း ထိန်းညှိထားတယ်
လက်ပြန်ရိုက်ချက်ဟာ ရှေ့ကို
ရောက်စေတယ်
တစ်ချက်ခတ်ရုံနဲ့ ကိုယ်ဟာ
တည့်မတ်လို့
ရပ်နေတယ်
သွားနေတယ်
လူးလွန့်နေတယ်
ကျောက်ကြိုကျောက်ကြား
ကိုယ့်ပတ်ဝန်းကျင် ကိုယ့်မှာ
အစုန်အဆန် ပုံသဏ္ဍာန်မှန်လို့
မှန်ရေပြင်က ကန်ရေပြင်လို
အတုတွေကြား အလှပြလို့
ကူးခတ်တယ်
လူးလွန့်တယ်
ရပ်နေတယ်
သွားနေတယ်
ရှေ့ကို
ပင်လယ်အတုထဲလည်း
ငါး ဟာ ငါး
တစ်လက်မမှ လျော့ (ရော့)မသွားဘူး။ ။

တည်ရ




ငါးရိုးနင်ခဲ့တဲ့ စိတ်များ

ဆယ်လ်မန်တစ်ကောင်အတွက်
ရေကာတာတစ်ခုဟာ ကျိန်စာပဲ ..
ပင်လယ်ထဲ
ခြေဗလာနဲ့ဆင်းခဲ့တာ ...၊
ဆင်းရဲလို့ ဆင်း ရဲ ခဲ့တာ ....။

ကမ္ဘာဦးလူ မီးရှာမတွေ့ခင် ...
ဝေလငါးအတုဟာ လမ်းလျှောက်နေခဲ့သေးတယ် ...။
မွှေးရှည်ဆင် (mammoth) တွေနဲ့ အုတ်ရောရော ကျောက်ရောရော
ဒိုင်နိုဆောတွေနဲ့ ဒူးတင်ပေါင်တင်ပေါ့ ...၊
ရေထဲဆင်းမပြေးနိုင်တဲ့ ကောင်တွေ မျိုးပြုတ်တာဘာဆန်းလဲတဲ့ ...
ပန်းပန်ထားတဲ့ ဝေလငါးတုတစ်ကောင်
တရားဦးဟောနေပုံကသင်းတယ်။

ခုတ်တတ်ဖြတ်တတ်ရင်
ငါးပူတင်းလည်းစားလို့ရတယ်...
ခုတ်ထားဖြတ်ထားတဲ့ အမှန်တရားထက်တောင်
ပိုချိုသေးတယ်။

ဟေ့လူ .. ခင်များ ငါးပါးမ၀နဲ့ ...
အပါးလည်ပြီး အပါယ်လားမယ်ဗျ။
... ဒီမယ် ကိုရင် ... ရှင်ဗာကူလ အတွက် ကျုပ်ဗိုက်ကို ခင်ဗျားတို့ ခွဲထားတာ မမေ့လိုက်ပါနဲ့ ....
အောင်မြင်ခန့်ညားတဲ့ ငါးရယ်သံကြီး ညှီစို့စို့လွင့်ပျံ့လာတယ် ...။

ကမ္ဘာဖျက်မိုးရွာတော့မယ်ဆိုလို့
ငါးခုံးမတွေအပျော်လွန်နေတာလေ ...
နောဧလှေကြီးတစ်ခုလုံးယိမ်းထိုးလို့ပေါ့ .....။ ။

Zephyr






မှန်အိမ်ထဲကငါး

အဲဒီ အလှအပ ဆိုတာကြောင့်ပေါ့
ငါ့မှာ အကျဉ်းချခံနေရတယ်
ထင်ယောင်ထင်မှားအားကျသူတွေကို ဖျော်ဖြေဖို့
ပကာသန အရေခြုံ အပြုံးတွေနဲ့
ဟန်ရေးတပြပြ နေရတယ်
အမျိုးမတူ အရောင်မတူသူတွေနဲ့လည်း
အလွမ်းသင့်အောင် ကြိတ်မှိတ်ပေါင်းရသေးတယ်
အချိန်တန်ရင် ဗိုက်တာမင်အတုတွေ အဖြည့်ခံနေရပြီး
ရင်သပ်ရှုမော အဆာပလာ တွေ ၀န်းရံနေလည်း
လေးဘက်လေးတန် ပိတ်နေတဲ့
အဲဒီရုပ်ဝတ္ထုတွေက ငါ့အိမ်မှမဟုတ်တာ
အဆိုးဆုံးကတော့
ဟို ထွက်ပေါက်လိုလိုဘာလိုလိုနဲ့
ထွင်းဖောက်မြင်အောင်လုပ်ထားတဲ့ အရာတစ်ခု
အမှတ်မရှိတဲ့ငါ မျှော်လင့်ချက်နဲ့ ထွက်ပြေးမိတိုင်း
နံရံပဲ ၀င်ဝင်တိုက်နေတော့ နာနာကျင်ကျင် နောက်ဆုတ်ပြန်ခဲ့ရတယ်။

ပန်ဒိုရာ






ချစ်သူလက်ခုပ်ထဲက ငါး

မင်း နဲ့ ငါ ချစ်သူဖြစ်ပြီ ဆိုကတည်းက
ငါ့အီးမေးလ်ကို မင်း ဝင်စစ်တော့မယ် ဆိုတာ
ဆေးလိပ်ကလေးတွေ ငါ့နှုတ်ခမ်းပေါ် ပြည်ဝင်ခွင့် ပိတ်တော့မယ် ဆိုတာ
ဒီပုလင်းကြီးနဲ့ငါ ရှင်ကွဲ ကွဲတော့မယ်ဆိုတာ….

မင်း နဲ့ ငါ ချစ်သူဖြစ်ပြီ ဆိုကတည်းက
မနက်စောစော ဘုရားရှိခိုးဖို့ လှမ်းနှိုးတော့မယ် ဆိုတာ
ညနေစောင်းဆို လာလာကြိုခိုင်းတော့မယ် ဆိုတာ
ငါ့တနင်္ဂနွေတွေ ဟိုကောင်တွေနဲ့ ထွေရာလေးပါး နေလို့ မရတော့ဘူး ဆိုတာ….

မင်း နဲ့ ငါ ချစ်သူဖြစ်ပြီ ဆိုကတည်းက
သဒ္ဓါထက်ထက် ကောင်မလေးတွေရဲ့
လမ်းပေါ်က ဖက်ရှင်ရှိုးကို FOC ခံစားခွင့်
မင်းမသိအောင်ဘဲ ရတော့မယ် ဆိုတာ ….

မင်း နဲ့ ငါ ချစ်သူဖြစ်ပြီ ဆိုကတည်းက
ခင်တတ်လွန်းတဲ့ငါနဲ့ တချို့ညီမလေးတွေ ဆက်ဆံရေး
ခပ်တန်းတန်းလေး နေရတော့မယ် ဆိုတာ….

မင်း နဲ့ ငါ ချစ်သူဖြစ်ပြီ ဆိုကတည်းက
ဘဝကို မောင်းချင်သလို မောင်းပြီး
ရပ်ချင်တဲ့နေရာ ထိုးရပ်ထားလို့ မရတော့ဘူးဆိုတာ….

သိပါတယ်
သိပါတယ် ။

သိပါတယ်
(သဲကိုးဖြာလေးရယ်)
မင်းလက်ခုပ်လေး ကို
မဟာသမုဒ္ဒရာလို့ ငါအမှတ်မှားမိလိုက်ကတည်းက
ငါ့တစ်ဘဝလုံး မင်းရဲ့ ကိုလိုနီအဖြစ် ပေးပစ်လိုက်ရတော့မယ်ဆိုတာ
ငါ သိပါတယ်လေ….။

လင်းဒီပ





အိမ်ငါး

အိမ်မက်တစ်ခုခုလိုမျိုး.. .ပြာညှိုးညှိုးလေး..လင်းရီနေခဲ့တာ...
ကျောက်ဆိုင်ကျောက်ခက်ဆက်တင်ကလည်းအတု..
ရေမှော်..ရေညှိ..စိမ်းမြမြကလည်းအတု
မှုန်မှုန်ညှင်းညှင်းအလင်းပြေပြေလေးကလည်း...အတု...
အစာအဟာရအတု....
အောက်ဆီဂျင်ကအတုနဲ့...
ရေသူမ..အတုကို..ပွတ်လျော..နမ်းမွှေး...

ဟော..ဒီ့လို...
ဘ၀သေးသေးလေးထဲမှာ....အလူးလူး...အပြေးပြေး...
လှုပ်ရှားသက် ၀င်နေရသမျှ...
ဘယ်လာ...ငါး..အရာမြောက်ပါတော့မလဲ...

ငါးက..ငါးတို့ရဲ့..ဘာသာဘာဝအတိုင်း...
အညှီနဲ့ချွဲချွဲ..ပြောင်ချော..ညစ်ပတ်နေချင်တာ...

ငါးက...
တ၀ုန်း..၀ုန်း...
တစိမ်း..စိမ်း
နက်ရှိုင်းခမ်းနားလွန်းနေတဲ့..
ပင်လယ်ရဲ့..ဥပဓိကို..စာဖွဲ့နေချင်တာ

ငါးက..
သူ့စိတ်ကူး..ရေစီးတွေအတိုင်း..
အဆုံးအစမရှိရွက်လွင့်..ပစ်...ချင်တာ..

ငါးက....
မျှားချိတ်မှာတပ်ထားတဲ့..အစာမှန်းသိသိ..
မိမိရရ..ခုန်ဟတ်ရယူပြီး...
လက်တစ်လုံးခြား...ငါးပါးဝချင်တာ...

ငါးက..သူ့ကိုယ်ပိုင်အမိုး..အကာလေးထဲမှာ..
မိန့်မိန့်မူးမူး...မင်းမူနေချင်တာ

ငါးက..
ငါးရိုးရာ..ပွဲတော်ကြီးတွေကို
ငါး..ဂီတ..ငါး..ဗီဇတွေအတိုင်း
အချိန်ခါ..သင့်ကျင်းပချင်သေးတာ

ငါးက..
သူ့အိပ်မက်တွေအတိုင်း..ရဲဝံ့မာကျော..ပြီး
သူ့ကကြိုးတွေ..အတိုင်း..နူးညံ့..ပျော့ပျောင်းမယ့်
သူ့..မျိုးဆက်ကို..ရေးချယ်ချင်သေးသတဲ့..

ငါးကလေ....
ငါးလားမြောက်ဖို့အတွက်သာဆို...
ကြောင်တစ်ကောင်ရဲ့..အစာပဲဖြစ်ဖြစ်...
သူ့ကိုယ်သူ..ချကျွေးပစ်ဖို့..၀န်မလေးဘူးတဲ့..၊

ငါး..က...
ငါး..က..
အ..တု..တွေ.ကို..မ..လို..ချင်..တော့..ဘူး..လေ..။ ။

အိန္ဒြာ





ငါး


ပင်လယ်ပြင်ကိုငေးကြည့်နေမိတဲ့ တနေ့
ငါးလေးတကောင် အနားမှာလာထိုင်ပြီး သူ့အကြောင်းပြောပြခဲ့တယ်
ရေကူးဝါသနာဆိုတာမသိဘူး တသက်လုံးကူးခတ်ခဲ့ရတယ် .. တဲ့
နီးကပ်တယ်ထင်ရတဲ့ လရိပ်ဟာလည်း ဝေးတာပါပဲ .. တဲ့
တည်ငြိမ်တဲ့ရေပြင်အောက်မှာလည်း ဝဲဂယက်တွေရှိတယ် .. တဲ့
နောက်ဆုံးတော့
ရေထဲက သူ့မျက်ရည်ကို ဘယ်သူမှ မမြင်နိုင်ပါဘူး .. ဆိုပြီး
အဝေးကြီးကိုထွက်သွားတယ် ဘယ်တော့မှပြန်မလာတော့ဘူး
ရေမကူးတတ်ပေမယ့် ငါလည်း ငါးတကောင်ပါပဲ ဆိုတဲ့အကြောင်း
ပုလင်းလွတ်တလုံးထဲ ထည့်မျှောလိုက်တယ် သူဖတ်ရမှာပါ။

တင်မင်းထက်




ငါးအကြောင်း

ငါးအကြောင်းပြောကြမယ်
ငါးများသည် ရေတွင်ပျော်ရွှင်စွာ ကူးခတ်နေကြသည်။
“ ‘ပျော်ရွှင်စွာ ‘ ဆိုတဲ့ နာမ၀ိသေသနကိုဖြုတ်ပေးပါ” မျက်မှန်တပ်ထားတဲ့ ငါးတကောင်ကတောင်းဆိုလာတယ်၊
အို..ရှင်မပျော်လဲ ကျမတို့ ပျော်တယ်။ ကဗျာဆရာ ဆက်ပြောပါ။ နောက်ငါးတကောင်က..
ဒီလိုနဲ့…
ကဗျာဆရာက ‘ငါးများသည်ရေတွင် ပျော်ရွှင်စွာ ကူးခတ်နေကြသည်။’ လို့ထပ်ရေးပြီးရုံရှိသေး။
“ ‘မြစ်ထဲမှာ’ လို့ပြင်ရေးပေးနိုင်မလား ခမျာ” ဟိုးနောက်နားက ငါး တကောင်က ထပြောတယ် ကဗျာဆရာ သူ့ဝါကျ သူပြန်ကြည့် ခေါင်း တချက်ကုပ်
“အို..ဒါဆို ကျုပ်တို့ ကန်ငါးတွေကိုကျတော့ ငါးရာမသွင်းဘူးပေါ့” ငါးမြစ်ချင်းတကောင်က မျက်နှာ ရှုံ့ရင်း
ထကန့်ကွက်ပြန်တယ်
ငါးတွေ အားလုံး ကြွက်စီကြွက်စီ ဖြစ်ကုန်တယ်။
ကဗျာဆရာက ပျော်ရွှင်စွာဆိုတဲ့ နေရာမှာ ဘာနဲ့အစားထိုးရကောင်းမလဲ အားနာပါးနာ စဉ်းစားနေတယ်။
ငါးတွေက မြစ် ချောင်း အင်း အိုင် ပင်လယ်သမုဒ္ဒယာ ရှိရှိသမျှ ငါးတွေကျက်စားရာနေရာဒေသ အကုန်လုံး
ပေါင်းရုံး ခြုံငုံ ကိုယ်စားပြုနိုင်မယ့် ဘုံအခေါ်အဝေါ်တခုကို ရွေးချယ်ငြင်းခုံ နေကြတယ်
တကယ်တော့ ကဗျာဆရာဟာ သူ့ဝါကျထဲက ဘယ်စကားလုံးကိုမှပြင်ပေးလိုစိတ်မရှိဘူး။
လိပ်ခဲတည်းလည်းဖြစ်နေတုန်း
ကဗျာဆရာရဲ့ လက်ကိုင်ဖုန်းဟာ အယ်မီနမ် ရဲ့ when I’m gone သီချင်းသံမြည်လာတယ်
“ဟဲလို..” ကဗျာဆရာက..
“အကို..ညီမကို ‘ငါးအကြောင်း’ ကဗျာတပုဒ် ရေးပေးပါ” အိန္ဒြာ က..
ကဗျာဆရာပျော်သွားပြီ..
“အို…ငါးအပေါင်းတို့ သတ်မှတ်အချိန်ပြည့်သွားပြီမို့ ..”ဘာညာကွိကွ..တွေပြောပြီး အစည်းအဝေးကို ကတိုက်ကရိုက် ရုတ်သိမ်းလိုက်တယ်။
(ငါးတွေ ဘာစောဒကမှ မတက်နိုင်ခင် အိန္ဒြာ့ထံ အီးမေးလ် အမြန်ပို့လိုက်တယ်)
ငါးများသည် ရေတွင် ပျော်ရွှင်စွာ ကူးခတ်နေကြသည်။ ။

ခင်အောင်အေး
၂၆၊ သြဂတ်စ်၊ ၂၀၀၉

လူဇော်နဲ့ နီးစပ်ရာအသိုင်းအဝိုင်း

Thursday, August 27, 2009



လူဇော်နဲ့ နီးစပ်ရာအသိုင်းအဝိုင်း
လူဇော်သစ်

....................................................................................................................................

"လူဇော်သစ်လို ပန်းဆက်သမား"

သံယောဇဉ်အလင်းတန်းလေး အမှောင်ကျသွားတော့
နှုတ်ခမ်းထက် ပီယဝါစာက နှလုံးသားကို တစစီ ဖဲ့ခြွေတယ်
(အချစ်ရယ် ငါ့ရင်ထဲ ဇန်နဝါရီပန်းတွေပွင့်တယ်)
မျှော်လင့်ချက် မီးညွန့်မီးတောက်လေး အရေးတယူ ထွန်းညှိပြန်တော့
ဖယောင်းတိုင်လို နူးညံ့မှုက တောက်လောင်ခြင်းကို တတိတိ ငြိမ်းစေတယ်
(အချစ်ရယ် ငါ့ရင်ထဲ ဖေဖော်ဝါရီပန်းတွေ ပွင့်တယ်)
လွမ်းမောမှုနဲ့ ကြေကွဲခြင်းသီချင်းတစ်ပုဒ်ဖွဲ့ဆိုဖို့ ကြိုးစားတော့
သံစဉ်က နာကျင်မှုကို အလိုလို ရှုံးနိမ့်စေတယ်
(အချစ်ရယ် ငါ့ရင်ထဲ မတ်လပန်းတွေ ပွင့်တယ်)
ချစ်ခြင်းနဲ့ပကာသနအကြောင်း ရူပါရုံပေါ်တင်ပြီး ဖြန့်ခင်းကြည့်တော့
စက္ခုအာရုံက မျက်စိရှေ့မှာ တိတိကျကျ ဝေ၀ါးသွားတယ်
(အချစ်ရယ် ငါ့ရင်ထဲ ဧပြီပန်းတွေပွင့်တယ်)
ပျော်ဝင်မှုညီမျှခြင်းနှစ်ကြောင်းရဲ့ အကွာအဝေးချိန်ကြည့်တော့
ထပ်တူမပြုနိုင်ကြောင်း ပုစ္ဆာတစ်ပုဒ်က အခြေအတင် ငြင်းခုံတယ်
(အချစ်ရယ် ငါ့ရင်ထဲ မေလပန်းတွေ ပွင့်တယ်)
ဆုံဆည်းနိုင်မယ့်နေ့များဆီ စိတ္တဇနာမ်နဲ့တွက်ချက်ကြည့်တော့
တရားဝင်တိကျမှုမရှိတဲ့ အမှတ်ပေးစည်းမျဉ်းက ယုံကြည်ချက်ကို ထွေပြားတယ်
(အချစ်ရယ် ငါ့ရင်ထဲ ဇွန်ပန်းတွေ ပွင့်တယ်)
ခတ္တာတွေမြူးမယ့် မိုးတစ်နေ့ကို စောင့်ကြိုတော့
ခံနိုင်ရည်နဲ့လယ်တောလေး ထွန်ရေးအထပ်ထပ် ရေးခြစ်ခံရတယ်
(အချစ်ရယ် ငါ့ရင်ထဲ ဇူလိုင်ပန်းတွေ ပွင့်တယ်)
ပူလောင်ပြင်းပြရင်ခွင်တစ်ခုလုံး ခွဲခြမ်းစိပ်ဖြာကြည့်တော့
မိုးရာသီက မျက်ဝန်းအိမ်ပေါ် ရုတ်တရက် ရွာချလာတယ်
(အချစ်ရယ် ငါ့ရင်ထဲ ဩဂုတ်ပန်းတွေ ပွင့်တယ်)
တုန့်နှေးကွေးလီခြေလှမ်းတွေကို အဖြေရှာကြည့်တော့
ခြေရာပေါ် စုတ်ချက်မပီဒဏ်ရာစတွေ လာလာကပ်ငြိတယ်
(အချစ်ရယ် ငါ့ရင်ထဲ စက်တင်ဘာပန်းတွေ ပွင့်တယ်)
ကြည်နူးမှုတေးသွားတွေ မေ့ဖျောက်ဖို့ ကြိုးစားပြန်တော့
ခြေချင်းလိမ်လက်သည်းချက်က ကျောပြင်ပေါ် မိုးသားတွေလို အုံ့ဆိုင်းတယ်
(အချစ်ရယ် ငါ့ရင်ထဲ အောက်တိုဘာပန်းတွေ ပွင့်တယ်)
တစ်ကိုယ်စာအခန်းလေးထဲ ပုံရိပ်တွေ သွန်ချကြည့်တော့
အတိတ်ကနှင်းစက်တွေဟာ အထီးကျန်အေးစက်မှုကို ဗလောင်ဆူစေတယ်
(အချစ်ရယ် ငါ့ရင်ထဲ နိုဝင်ဘာပန်းတွေ ပွင့်တယ်)
ဖလက်တံမဲ့ ဂစ်တာဟောင်းလေးဘဝ ကြိုးညှိကြည့်တော့
ကံကြမ္မာက တို့နှစ်ဦးကြား "ထာဝရ မဆုံဆည်းနိုင်ကြောင်း" တေးတစ်ပုဒ်လက်ဆောင်ပေးတယ်
(အချစ်ရယ် ငါ့ရင်ထဲ ဒီဇင်ဘာပန်းတွေ ပွင့်တယ်)
"အချစ်"တဲ့
ဒီလို ခေါ်ဆိုရလွယ်ကူသလောက် ဖွင့်ဆိုရခက်တဲ့ ပညတ်ချက်တွေထဲမှာ
အချစ်ရယ် ...ငါမမြင်ရာ တစ်နှစ်ပတ်လုံး ပုန်းကွယ်မနေပါနဲ့
ငါကိုယ်တိုင် ဖန်ဆင်းခဲ့တဲ့ပန်းတွေနဲ့ မင်းကို ပန်းပေးလိုက်ပါတယ်။ ။

လူဇော်သစ်

2002 Nov , Idea Magazine
ဒီကဗျာကိုရေးခဲ့တဲ့ကာလက မဂ္ဂဇင်းတွေမှာ ကျွန်တော် ထဲထဲဝင်ဝင်
ရေးသားနေချိန်ပါ။ အစက ဒီကဗျာကို ရယ်စရာမဂ္ဂဇင်းပို့ဖို့ စိတ်ကူးခဲ့ပေမယ့်
အဲဒီအချိန်
ရယ်စရာမှာ ဖော်ပြနေတာတွေနဲ့ မကိုက်ညီတာကြောင့် အိုင်ဒီယာမဂ္ဂဇင်းပဲ
ပို့လိုက်ပါတယ်။ အယ်ဒီတာတွေက မဟေသီ ဦးခင်မောင်မြင့်နဲ့
ကိုထွန်းဝင်းငြိမ်းတို့ပါပဲ။

...................................................................................................................................................

"၀င်္ကပါမုဆိုး"

တောနဲ့ တောင်နဲ့
ကျေးငှက်သာရကာနဲ့
တိတ်ဆိတ်မှုနဲ့
ကြည်နူးစရာ
အာရုံမှာ ဝိုးတဝါး။
နေလာလည်း နှင်းမပျောက်ဘူး
ခံစားချက်တွေလည်း မငြိမ်းသတ်နိုင်သေးဘူး
မကျွတ်လွတ်သူ လူစင်စစ်မို့
တရားရှာလည်း တရားမတွေ့သေးဘူး။
သံသရာ တစ်ကွေ့မှာ
ဒုက္ခကို ဝါးမျိုပြီး
ဒုက္ခကို စွန့်ပစ်ချင်သူ လူငယ်လေးတစ်ဦးပါ
မေတ္တာကို ဝါးမျိုပြီး
မေတ္တာကို ပေးဆပ်ချင်သူ လူငယ်လေးတစ်ဦးပါ
နှုတ်ဆိတ်
ရပ်တန့်
ပစ်မှတ်ရဲ့လားရာ
မြားကို ချစ်ခြင်းတရားဆီ အထပ်ထပ်ပစ်လွှတ်လိုက်ပါတယ်။ ။

လူဇော်သစ်
2009 April, Tharaphu Magazine

၂၀ဝ၃ ခုနှစ် အကုန်လောက်ကတည်းက ကျွန်တော် ကဗျာမရေးဖြစ်ခဲ့ဘဲ
ဒီဇိုင်းဘက်မှာ အာရုံစိုက်နေခဲ့ပါတယ်။ ဒါပေမယ့် ၂၀ဝ၉ အဝင်ရောက်တော့
ဘယ်ကဘယ်လို အာရုံဝင်လာတယ် မသိဘူး၊ ပထမဆုံး ဒီကဗျာရေးဖြစ်ခဲ့တယ်။ သရဖူက
ကိုရဲဆီကို ပေးဖြစ်ခဲ့တယ်။ ကိုရဲက ကျွန်တော် ကဗျာရေးဖြစ်တာကို
အံ့ဩတကြီး ဖြစ်ခဲ့တယ်။ ဒီကဗျာကိုပဲ သူ့မဂ္ဂဇင်းမှာ အမြန်ဆုံးဖော်ပြပေးခဲ့ပါတယ်။

.................................................................................................................................................

"တိုးနှောင်မိုးနဲ့ အရက်ဆိုင်မှာ တစ်နာရီ"

ဒါတွေဟာ အရေးတကြီးကိစ္စ မဟုတ်ဘူး
ဒါပြီးတော့ ဒါ ဒီလို ဒါ
ဒါတွေဟာ အမှန်တရား၊ ဒါတွေဟာ ကွန်ဆာဗေးတစ်
ဟေ့ကောင် ဒီအကြောင်းဆွေးနွေးလာတာ ဆယ်စုနှစ်တစ်ခု ကျော်ပြီ
မင်းမှာလည်း သားတွေ သမီးတွေနဲ့၊ ငါမှာတော့ တစ်ကောင်ြွကက်၊ အူယားဖားယား
ဒါတွေကို ဝါးပစ်လိုက်၊ ဒါတွေကို မီးရှို့ပစ်လိုက်၊ ဒါတွေကို ဝိုက်ပစ်လိုက်
ဘဝမှာ အတိုးချည်းမှန်းလို့ မရဘူး၊ အရင်းပါ ပြုတ်သွားမယ် ကိုယ့်လူ
ကမ္ဘာမှာ စီးပွားရေးကပ်ဆိုက်နေတယ်၊ ငါတို့မန်ယူကြီးရဲ့အဖေခေါ်စရာ
အေအိုင်ဂျီလည်း ကားသွားပြီ
ဒါပေမယ့် ငါ့လို ဘာမှ မရှိသူအတွက် ဆိုက်စရာကပ် မရှိ
ဒါပြီးတော့ ဒါ ဒီလို ဒါ၊ ဒါတွေဟာ အရေးတကြီးကိစ္စ မဟုတ်ဘူး
ငါကြောက်နေတယ် ကြောက်တယ် ကြောက်တယ် ကဗျာကပ်ဆိုက်မှာ ကြောက်တယ်
ဘဝမှာ ကဗျာသာ မရှိရင် နေရင်းထိုင်ရင်း ငါ့အမေပါ မုဆိုးမ ဖြစ်သွားမယ်
အဖေနဲ့ မတည့်တဲ့နောက်ပိုင်း ငါက ကဗျာကို အဖေလို ကိုးကွယ်တာကွ၊ ဟုတ်လား၊
ဒါ အမှန်တရား
မင်းလည်း ကဗျာရေးဦး၊ ကဗျာမရေးသူ ဒို့ရန်သူ
ဒီလို ငါ့မူဝါဒနဲ့ ငါငတ်နေတာ ဆယ်နှစ်၊ အခု အိမ်ပေါင်ထားတယ်၊ အခု
အမေနဲ့ရန်ဖြစ်ပြီး မင်းဆီလာတယ်
ဒါတွေဟာ ကွန်ဆာဗေးတစ်၊ ဒါတွေဟာ အမှန်တရား
ဟေ့ကောင် ဒီအကြောင်းဆွေးနွေးလာတာ ဆယ်စုနှစ်တစ်ခု ကျော်ပြီ
ငါက မူးလာရင် အရှေ့အလယ်ပိုင်းကိစ္စ မပါလို့ မပြီးဘူးကွ၊ နေဦး အပေါ့သွားလိုက်ဦးမယ်
လောကကြီးမှာ သမ္မတဖြစ်ချင်တာလောက် ရူးတဲ့ရောဂါ မရှိဘူး၊ ကိုယ့်သေတွင်း ကိုယ်တူးနေ
ဟုတ်တယ် အခု အိုဘားမားလည်း ရေတွင်းပျက်ကြီး ဆယ်ယူဖို့ ကြိုးစားနေတယ်
ဒုက္ခတရားကို ပိုင်ဆိုင်ဖို့ ပြည်သူသန်းပေါင်းများစွာ မဲဆွယ်ခဲ့ရ၊ မက်လုံးပေးခဲ့ရ
ဒါတွေဟာ အရေးတကြီးကိစ္စ မဟုတ်ဘူး၊ ဒါပြီးတော့ ဒါ ဒီလို ဒါ
ဟာ မင်းနဲ့ငါလည်း တစ်နေ့တစ်နေ့ "သမ္မတ" ပဲ ရောက်နေ၊ အရက်ဆိုင် နာမည်ကွ
ဒါတွေဟာ အရေးတကြီးကိစ္စ မဟုတ်ဘူး၊ ဒါပြီးတော့ ဒါ ဒီလို ဒါ
လက်ဖက်ကောင်းစားချင်ရင် ပလောင်တောင်တက် နှေးရတယ်
ဟုတ်တာပေါ့ မင်းက ဒါကြောင့်မို့ ခြောက်နှစ်ပြည့်မှ ကဗျာတစ်ပုဒ်ပဲရေးတာ
ငါ အခု ကဗျာရေးလို့မရဘူး၊
ဝိုင်ချိုလို အသည်းကွဲကဗျာရေးဖို့ ရည်းစားတွေအများကြီး ထည်လဲမဝတ်တတ်ဘူး
အောင်ရင်ငြိမ်းလည်း ကဗျာဝဲဩဃကြီးထဲမှာ ဝိုင်းကြီးပတ်ပတ်ဒူဝေတုန်းလား
ဒီကောင့်ကို အရှေ့အလယ်ပိုင်းပြဿနာအကြောင်း ကောင်းကောင်းရှင်းပြရဦးမယ်၊
နေဦး ငါ အပေါ့သွားလိုက်ဦးမယ်
တီကျူးကို လှမ်းခေါ်လိုက်၊ ကဗျာမှာ သမ္မတဖြစ်ချင်ရင် "သမ္မတ"ကို လာခဲ့လို့ ခေါ်လိုက်
အခန်းကျဉ်းလေးထဲမှာ မင်းရှာနေတဲ့ မာစတာပိစ် တွေ့ပြီလားလို့ မေးလိုက်
မင်းနဲ့ မတွေ့တော့တဲ့ နောက်ပိုင်း ငါမှာလည်း တွေ့စရာ
ခွေးလေခွေးလွင့်တွေပဲ ရှိတော့တယ်
ဒါပြီးတော့ ဒါ ဒီလို ဒါ
ဒါတွေဟာ အမှန်တရား၊ ဒါတွေဟာ ကွန်ဆာဗေးတစ် ...အေ့ဟ်
ငါ့မှာ ပိုက်ဆံ မပါဘူး၊ မင်း တစ်ပိုင်းလောက် ထပ်ဆွဲပေးဦး
တောင်တွင်းရှင်ငြိမ်းမယ်ရဲ့ အိုင်ချင်းလေးနဲ့ပဲ အမြည်းလုပ်ကြတာပေါ့ကွာ
တော်တော့ကွာ၊ တော်ပြီ မင်းလည်း မှန်နေပြီ၊ ငါလည်း ရေချိန်ကိုက်နေပြီ
ငါတို့ ဒီအကြောင်း ကဗျာရေးမယ်
ဦးတည်ချက်မရှိတဲ့ အကြောင်းအရာတွေ ကဗျာရေးလို့ဖြစ်ပါ့မလား
စိတ်ချ ရတယ် မင်းတို့ငါတို့လိုပဲ စကားလုံးတွေလည်း မူးတတ်ပါတယ်ကွာ။ ။

လူဇော်သစ်

သူငယ်ချင်း တိုးနှောင်မိုးနဲ့က ၂၀ဝ၁ ခုနှစ်၊ အမေလူထုဒေါ်အမာမွေးနေ့မှာ
စတွေ့တာပါ။ အဲဒီတုန်းက ဆရာအောင်ဝေးနဲ့ ဒေါက်တာလွဏ်းဆွေတို့က
arrangement တွေပေါ့။ တွေ့ပြီးနောက်ပိုင်း သူနဲ့ ကျွန်တော်
ပုလင်းတူဗူးစို့နဲ့ ဖြတ်သန်းခဲ့ကြတယ်။ ဖြတ်သန်းပြီး
ရှစ်နှစ်အကြာ၂၀ဝ၉ရောက်မှ ဒီကဗျာ
ရေးဖြစ်ခဲ့တာပါ။

........................................................................................................................................

"၀ိုင်ချိုနဲ့ အရက်ဆိုင်မှာမိုးအလင်း"

(memorandom collection မှာပါပါတယ်)


ဝိုင်ချိုနဲ့ကျွန်တော် ရင်းနှီးမှုက ၂၀ဝ၄ ခုနှစ်ကတည်းကလို့ ပြောရမှာပါ။
အဲဒီတုန်းက သူက မုံရွာတက္ကသိုလ်မှာ သင်္ချာအထူးပြုနဲ့ တက်နေသူ။ ကျွန်တော်က
မုံရွာဂျီတီအိုင်မှာ အီးပီနဲ့တက်နေပါတယ်။ ကျွန်တော်တို့က
ဂျီတီအိုင်ပရဝုဏ်အတွင်း အပျော်တမ်းကဗျာစာအုပ် လုပ်နေချိန်၊ သူတို့ကလည်း
တက္ကသိုလ်မှာ
အပျော်တမ်းကဗျာဆရာကြီးတွေပေါ့။ သူနဲ့တွဲထုတ်တဲ့ ဖီးနစ်(မြန်မာစာ)ဆိုတာက
ကျွန်တော်တို့ State ထွက်တွေလေ။ အဲဒီ သူငယ်ချင်းပေါင်းကူးနဲ့ပဲ မူးခြင်း
အနုပညာ စတင်ခဲ့ပါတယ်။ နောက်ပိုင်းကျောင်းပြီးလို့ ကျွန်တော်
မင်္ဂလာဒုံလေယာဉ်ကွင်းမှာ Field ဆင်းတော့ သူနဲ့ပြန်ဆုံတာ အခုချိန်ထိ
သောက်လိုက်၊
မှောက်လိုက်၊ ရောက်လိုက်(ရဲစခန်း)ပါပဲ။

...............................................................................................................................

"နွယ်စိမ်းဝေနဲ့ အရက်ဆိုင်မှာ မိနစ်ကိုးဆယ်"

မိုးတွေလည်း ညို့လာပြီ၊ လေပြင်းလည်း ဝေ့လာပြီ
ရာသီက အခြေအနေ သိပ်မဟန်ဘူး
ဒီည ငါ နည်းနည်းကစ်ချင်တယ် ...သယ်ဂျင်း
ငါ့သယ်ဂျင်း အယ်ဒီတာတွေ ကျန်းမာပါရဲ့လား
ဘယ်မဂ္ဂဇင်းက တစ်လ ပေါင်ဘယ်နှသန်းပေးပြီး ခေါ်နေပြီလဲ
ရော့ ဒီမှာ အကောင်းစား ဝိုင်၊
ရော့ ဒီမှာ အပေါစား ဖက်ကြမ်း၊
မော့ချလိုက်၊ ရှိုက်သွင်းလိုက်၊ ခံစားချက်တွေ မှုတ်ထုတ်လိုက်၊
သစ္စာပိုင်စိုးရေ ...
ဘောလုံးစကားနဲ့ ပြောရရင် မင်းတို့မှာလည်း ကွင်းပဲ လဲကန်နေ
ကမ္ဘာ့စီးပွားကပ်ဆိုက်လို့ မင်းတို့ လစာတွေ တိုးမလာဘူးတဲ့လား၊ ခွင့်လွှတ်လိုက်
သူဌေးရဲ့ ငြီးသံထဲမှာ မင်းတို့ သမ္ဘာတွေ တန်းဆင်းဇုန် ရောက်သွားပြီလား၊
ခွင့်လွှတ်လိုက်
မိသားစုရဲ့ရှင်သန်မှုမှာ မင်းတို့ကဗျာတွေ နပ်မှန်ပါရဲ့လား၊ ခွင့်လွှတ်လိုက်
ပြောသာပြောရ
ငါမှာလည်း တောင်ထိပ်မှာပွင့်တဲ့အငူ၊ ငူတူတူ ငေးတေးတေး ငိုင်တိုင်တိုင်
အနုပညာကုန်းတက်ကုန်းဆင်းမှာ ငါ့ ပါပလစ်ကာ ကားလေးလည်း ဂီယာ သိပ်မမှန်တော့ဘူး
ဘဂ္ဂဒက်ကိစ္စလည်း အေးသွားပြီ
ဟူစိန်လည်း ကြွသွားပြီ
တာလီဘန်တွေလည်း ဒိုးသွားပြီ
ဘူတိုလည်း လုပ်ကြံခံရသွားပြီး
အနံ့အသက်တွေ၊ အကြွင်းအကျန်တွေ အခု
ဂါဇာကမ်းမြှောင်မှာ လူမဖြစ်တာပဲ ကျေးဇူးတင်ရမယ်
သီရိလင်္ကာမှာ စစ်သားမဖြစ်တာပဲ ဂုဏ်ယူရမယ်
ကမ္ဘာကြီးလည်း တစ်ခါတစ်ခါ ဝမ်းဖောဝမ်းရောင်၊ တစ်ခါတစ်ခါ ပိုလီယိုစွဲနေ
ကလေးတွေ တစ်နှစ်နှစ်ကြိမ်တိုက်သလို ကမ္ဘာကြီးကိုလည်း
ပိုလီယိုတိုက်ကျွေးရေးနေ့ သတ်မှတ်ရမယ်
ရော့ ဒီမှာ အကောင်းစား ဝိုင်၊
ရော့ ဒီမှာ အပေါစား ဖက်ကြမ်း၊
မော့ချလိုက်၊ ရှိုက်သွင်းလိုက်၊ ခံစားချက်တွေ မှုတ်ထုတ်လိုက်၊
ခံစားချက်တော့ လျော့မသွားဘူး ... သယ်ဂျင်း
ငါ့ဘော်ဒါတွေ ပိုလီယိုကင်းစင်ပါရဲ့လား
ဒီအချိန် မွန့်ခ်ျရှိနေရင် အရင်လို ဆက်လက်အော်နိုင်ပါဦးမလား
ကဗျာဆရာတွေ ကျပ်တည်းလွန်းလို့ ကဗျာဆရာဒုက္ခသည်စခန်းရှိရင်ကောင်းမယ်
"မလိုဘူး ...မလိုဘူး ...ကိုယ်ထင်ရင် ခုတင်ရွှေနန်းချည်းပဲကွ" ငါ့ကို
ငြင်းဆန်ကြလိမ့်မယ်
ကြည်ဇော်အေးရော အခုအချိန်ထိ "ဇေ" ပဲလား၊
ဘယ်စခန်းရောက်နေပြီလဲ
"သူအားကျခဲ့တဲ့ ယန်းပေါလ်ဆတ်က အပေါစားအရက် မသောက်ဘူးတဲ့ကွ"
ပြောသာပြောရ၊ သူ့အရပ်နှင့်သူ့ဇာတ်မှာတော့ ကေမျိုးငြိမ်းလည်း ဝိတ်တက်မလာဘူး
တိုးနှောင်မိုးလည်း ရှိရင်းစွဲ ၂၃၀ အောက် ပေါင် ၅၀ တိတိ လျော့ကျသွား
တီကျူးလည်း ခံစားချက်တွေများလွန်းလို့ အနုပညာ ချောင်းဆိုးသွေးပါခဲ့ပြီ
အောင်ရင်ငြိမ်း အခုချိန်ထိ ကဗျာခေါင်မိုး တက်ဖာနေတာ မိုးယိုပေါက်လုံပါပြီတဲ့လား
လွှတ်လှတဲ့ လောက
ဂျိုလီရေ ဝိုင်ချိုလို မြန်မာပြည်သားကဗျာဆရာတစ်ယောက်ယောက်ကို
ကောက်ယူမွေးစားလိုက်စမ်းပါဗျာ
လွှတ်လှတဲ့ လောက
ရူးချင်သလို ရူးကြ၊ မူးချင်သလို မူးကြ
ရော့ ဒီမှာ အပေါစား ဖက်ကြမ်း၊ ရှူသွင်းလိုက်၊ မှုတ်ထုတ်လိုက်
ငါကတော့ ငါတို့ကဗျာတွေ သင်္ဘောပေါ်တင်ဆောင်ပြီး ဆိုမာလီသွားချင်တယ်၊
မြန်မာကဗျာတွေ ကမ္ဘာကသိအောင် ပြန်ပေးဆွဲလိုက်ကြစမ်းပါဗျာ
လွှတ်လှတဲ့ လောက
ကဗျာနဲ့ဆောက်လုပ်ထားတဲ့ နျူးကလီးယားဓာတ်ပေါင်းဖိုတည်ဆောက်မယ်
ပြီးတော့ ကမ္ဘာကို စိန်ခေါ်မယ်၊
ငါတို့မှာ အရေးတကြီး၊
သွေးရိုးသားရိုး ပြောရရင် ပိုပြီးတော့ အရေးတကြီး
ကြုံတုန်း၊ နောက်ဆုံးစကားတစ်ခွန်းပဲ ပြောလိုက်ချင်တယ်ကွာ
"ဒေါ်လာဈေးတွေ ထိုးကျတိုင်း ပါချီပါချက်စာမူခလေးတော့ လျှော့မပစ်လိုက်ပါနဲ့
သူဌေးမင်းတို့ရယ်"။ ။

လူဇော်သစ်

သယ်ဂျင်း = သူငယ်ချင်း(လျှာဖျားဖြင့် အမြန်ခေါ်ခြင်း)

နွယ်ကြီးနဲ့ ကျွန်တော် စတွေ့တာက တိုးနှောင်မိုးနဲ့ ကာလအတူတူပဲ။ ၂၀ဝ၁
ခုနှစ်၊ အမေမာမွေးနေ့ ကဗျာရွတ်ပွဲမှာပါ။ အဲဒီတုန်းက သူ့ပုံစံက
အရမ်းခန့်နေ
သလို ကဗျာရွတ်ရာမှာ အသံတွေ၊ ဌာန်တွေ အရမ်းကောင်းနေတော့ ရုတ်တရက်
ရင်းနှီးရမှာ ခပ်လန့်လန့်ပဲ။ ဒါပေမယ့် တကယ်တမ်းပေါင်းကြည့်တော့
မင်းသားလည်းမခံနိုင်၊ ကျွန်တော်တို့နဲ့အတူ လူကြမ်းလက်ရုံးရည်၊ နှလုံးရည်
ပြရတော့တာပေါ့။ သူ ပြင်ဦးလွင်ကနေ ရန်ကုန်ရောက်တိုင်း ဝိုင်တွေယူယူလာ
ပြီး ကျွန်တော်တို့နဲ့နှစ်ပါးသွားနေကျ။ တစ်ခါတရံ ဘလက်လေဘယ်ဥပဒိရုပ်နဲ့
ဇေကိုကစ်ရတော့တာပဲ။ သူက သူငယ်ချင်းတွေကို အရမ်းကိုယ်ချင်းစာတတ်တာလေ။

............................................................................................................................

"အောင်ရင်ငြိမ်းနဲ့ အရက်ဆိုင်မှာ မိနစ်သုံးဆယ်"

အတွေ့အကြုံအရ ငါ့ကို သွေးတိုးလာမစမ်းနဲ့
မောင်မင်းကြီးသား ငယ်ပါသေးတယ်
ငါက အောင်ပွဲရပြီးရင် ငြိမ်းငြိမ်းချမ်းချမ်း နေတတ်တဲ့ အောင်ရင်ငြိမ်း
စကားကို အရှည်ကြီး မပြောချင်ဘူး၊ ငါတို့ အခု ကဗျာတိုက်ပွဲ ဝင်မယ်၊
ဆင်းရဲမယ်၊ ငတ်မယ်
အခက်အခဲတွေနဲ့ ရင်ဆိုင်ရမယ်၊ လူငယ်ကဗျာဆရာပီပီ လူငယ်ကဗျာသွေးကို ပြကြပါ
ဟေ့ကောင် ရည်ရွယ်ချက် နှစ်ပက်သုံးပက်လောက် ဆက်ထည့်ဦး
မပိုင်ဘဲ ခြင်ရိုက်တဲ့ကောင်တွေကို မုန်းတယ်
လှေကားကို တစ်ထစ်ချင်း မတက်ဘဲ ခါးလယ်လက်ရန်းက ကျော်တက်သူကိုမုန်းတယ်
အုတ်မြစ် မရှိဘဲ ဘယ်အဆောက်အဦက ခိုင်မလဲကွ
ငါတို့က ရေသောက်မြစ်ကို ကြည့်တာ၊ ကိုင်းကူးပြီး ရှင်သန်လာတဲ့သစ်ပင် မဟုတ်ဘူး
လာလေ့ ...ချီးယား
တစ်နေ့ရွှေ တစ်နေ့ငွေ ရနိုးနိုးနဲ့ ဖိုထိုးနေတာမဟုတ်ဘူး
တစ်နေ့တစ်လုံးကျဥတဲ့ ဘဲငန်းကြီးလည်း ရိုက်သတ်ချက်မစားဘူး
အရှိကို အရှိတရားအတိုင်း ဆက်လက်ရှင်သန်မယ်
မလိုအပ်တဲ့ အပိုဆာဒါးဟင်းချိုတွေကို မှောက်ပစ်မယ်
ခံစားချက်သာမရှိရင် ဒီကဗျာကို ဖက်တွယ်နေမှာ မဟုတ်ဘူး၊ အငတ်ခံပြီး ချစ်မနေဘူး
ကဗျာမှာ သားကွဲ မယားတကွဲ၊ လင်းကွင်းတစ်ဘက်တည်း တီးတတ်ဖို့ လိုချင်လိုမယ်၊
ဆက်လျှောက်
နားတစ်ဘက်တည်း နားထောင်ဖို့ လိုချင်လိုမယ်၊ ဆက်လျှောက်
အစစ်တွေ ဆာလောင်ရင် အချစ်တွေ လောင်ကျွမ်းတတ်တယ်ကွ၊ ဆက်လျှောက်
ဘဝမှာ ရာထူးဆိုတာ ရူးတာ၊ ငါ့မိန်းမနဲ့ငါ ဒီကိစ္စနဲ့ မိုင်ပေါင်းများစွာ ဝေးခဲ့ရ
ဆင်းရဲမွဲတေ ကျွမ်းလောင်ပြာကျ ကွန်းခိုဖို့ ဗိမာန်မရှိတော့ဘူး ...ဖရိုဖရဲ
ကိုးရိုကားရား
ကျစရာမျက်ရည်လည်း မရှိတော့၊ ဟေ့ကောင် ... အတွေ့အကြုံအရ ငါ့ကို သွေးတိုးလာမစမ်းနဲ့
ရည်ရွယ်ချက် နှစ်ပက်သုံးပက်လောက် ဆက်ထည့်ပေးဦး
ဒါ ငါ့လွတ်လပ်ခွင့်ကွ၊ ကဗျာကို အိုးပစ်အိမ်ပစ် ချစ်ခဲ့တာ
အမေလည်း ငါ့အနားမှာ မရှိတော့၊ အဖေလည်း ငါ့အနားမှာ မရှိတော့
ယုတ်စွအဆုံး ငါ့မိန်းမလည်း ငါ့အနားမှာ မရှိတော့ ...သွားပြီ တစ်ခုမှ မရှိတော့ဘူး
ဒါ ငါ့စိတ်လွတ်လပ်ခွင့်၊ လိုအပ်ချက်အတွက် ခရီးဆက်ရမယ်
အခု မန္တလေး ... အခု ရန်ကုန် ...အခု မုံရွာ ...အခု နေပြည်တော်
(ဂမာန်ကြီး ငါ့ကို လမ်းစရိတ်တော့ မစလိုက်ဦး)
စကြဝဠာကို ထိုးဖောက်မယ်၊ တီကောင်လို ကမ္ဘာမြေကို ထွန်ယက်မယ်
ကဗျာမီးရှူးမီးပန်းလွှတ်ချင်လွှတ်မယ်၊ ငြင်းမယ် ခုန်မယ်
နီယိုမော်ဒန်၊ ကျူဗစ်ဇင်၊ ဆာရီယယ်လစ်ဇင်၊ ဒိုင်ယာလက်တစ်
ဟေ့ ပြောရင်းဆိုရင်း မင်းတို့ငါတို့ရဲ့ ပကတိတရားတွေလည်း အာကာသဆန်လာပြီ
လူတွေရဲ့ အတွေးအခေါ်တွေလည်း အရေပြား ဆန်လာပြီ
ဘဝဆိုတာ အစက်အပျောက်တစ်ခုပဲ၊ ဒါကြောင့် သေခြင်းတရားလောက် မွန်မြတ်တာ ဘာမှမရှိ
မသေခင် ကဗျာလမ်းသစ်တစ်ခုရဖို့ ချုံတွေကို ခုတ်ထွင်ရှင်းလင်းရမယ်
အူကြောင်ကြားအမှိုက်တွေကို ဘူဒိုဇာနဲ့ထိုးလှန်ပစ်ရမယ်
လူငယ်ကဗျာဆရာပီပီ လူငယ်ကဗျာသွေးကို ပြကြပါ
ရင်ချင်းအပ်စရာ မလိုဘူး ...ကျောချင်းကပ်ထားလည်း အမှန်တရား
ပြောစရာ စကား ဒီမှာတင် တစ်ခန်းရပ် ...မနက်ဖြန်ဆက်မယ်
ကဲ၊ တော်ပြီ...တော်ပြီ
ဒီည ငါ အရမ်းလန်းသွားပြီ
ဒီဝိုင်းကို မင်းတို့ပဲ ကြည့်ရှင်းလိုက်ကြ
ဒါပဲ။

လူဇော်သစ်

မာန်ကြီး = မာန်ထက်သာ

အောင်ရင်ငြိမ်းကို ၂၀ဝ၃ ခုနှစ် အလယ်လောက်မှာ စတင်ရင်းနှီးခဲ့တယ်။ အဓိကက
မြစ်ခွဲကိုးစင်းက စီစဉ်ခဲ့တဲ့ ၄-ယောက် ကဗျာစာအုပ်အတွက် ရန်ကုန်
၃၄ လမ်း အပေါ်ထိပ်ကဆိုင်မှာ ထိုင်ပြောရင်း ရင်းနှီးခဲ့ကြတာ။
သူနဲ့ကျွန်တော်တို့ ဘားဆိုင်မှာထိုင်တိုင်း သူက သူရေးဆွဲမယ့်ပရိုဂရမ်အသစ်
တစ်ခုမဟုတ်တစ်ခု
အမြဲ ချပြတတ်တယ်။ ကျန်သူတွေနဲ့ စကားအခြေအတင် ပြဿနာဖြစ်တိုင်း ကျွန်တော်က
ကြားကနေ ဘီလူးဆိုင်းတီးရတယ်။အဲလိုဆိုတော့လည်း ငြိမ်ကျသွားရော။
တစ်ခါတရံ သူငယ်ချင်းတွေကို ကဗျာသစ်ရှာပုံတော်ကိစ္စ အကူအညီတောင်းပေမယ့်
သူကိုယ်တိုင် ပြီးစီးပြီးသားလေ။ သူ့လေသံအတိုင်း ရေးထားတာ။ နားလည်မှု
လွဲမှားနိုင်တဲ့ တချို့စကားလုံးတွေပါရင်လည်း ကျွန်တော့်ကို ဖြည့်စွက်နားလည်ပေးပါဦး။

..........................................................................................................................

"အဝေးက အငေး"

လေကောင်းလေသန့် ရှူရှိုက်ဖို့
ပြတင်းတံခါးကို အသာဖွင့်
အာရုံကို လမ်းတွေပေါ် ပစ်ချထားလိုက်တယ်။
အကြိုအကြား
မမေ့နိုင်စရာ ပုံရိပ်များ
လမ်းသွားလမ်းလာကို အဖော်ပြုလို့
အစွဲအလမ်းများတဲ့ လိမ္မော်ရောင်တွေ
ချိန်ဆနေရတဲ့ ကြုံးဝါးသံတွေ
လူတွေလည်း လူတွေအလျောက်
ခွေးတွေလည်း ခွေးတွေအလျောက်
ဆာလောင်မှုဟာ ညကြီးသန်းခေါင် ထထအူရတယ်။
မြင်ကွင်းထဲ
အနာဂတ်ဟာ
ခင်ဗျားတို့ ကျပျောက်သွားတဲ့ ကစားကွင်းတစ်ခု။
ရှိနေခဲ့ပါတယ်
မှုန်ဝါးသွားခဲ့ပါတယ်
အသံများနဲ့ လမ်းတွေဟာ အမှန်တကယ် တည်ရှိခဲ့ပါတယ်။
အခု
အရွေ့ပေါ်
သစ်ပင်တွေ နောက်တစ်ဖန် အရွက်ပြန်ဝေနိုင်ဦးမလား
အခု
နားသောတဆင်စရာ
ဒီထက်ပို မကြားနိုင်တော့ဘူးလား။ ။

လူဇော်သစ်

မနော်(မနော်ဟရီ)အတွက် ရေးလိုက်ရတဲ့ ကိုတာရာမင်းဝေအမှတ်တရကဗျာတစ်ပုဒ်ပါ။
အခု သူ့ Blog မှာ တင်ထားတယ်တဲ့။
သက်ဆိုင်ခြင်းမရှိပေမယ့် စာဖတ်သူကြည့်မြင်တတ်ရင်ပဲ ကျေနပ်နေပါတယ်။

..........................................................................................................................

"ကြိုးဝိုင်း"

သွေးခုန်နှုန်းအတိုင်း
စိတ်ကို ခုန်ကြည့်ခဲ့။
ပျက်ရယ်ပြုခံရတဲ့ အမှန်တရားမှာ
သင်ခန်းစာကို တစ်က ပြန်စနေရ
ဘဝကို ဆက်လက် ညာနေရ။
ကျုပ်တို့
ရယူခဲ့ပါတယ်
အောင်မြင်ခဲ့ပါတယ်
အမှန်တကယ် လူလုံးလှဖို့
အမှန်တကယ် ကျရှုံးခဲ့ရပါတယ်။
အခု
စိတ်ကို ဆုပ်နယ်နေတဲ့ လက်သီးတွေ
ချဉ်းချဉ်းနီရဲနေတဲ့ အာရုံခံစားမှုတွေ
ဒီထက်ပို ဖွဲ့နွဲ့ပြရဦးမလား
ဓားသွားပေါ်
မျက်ရည်တစ်စက် တောက်ခနဲ ကျသွားတယ်။ ။

လူဇော်သစ်

"အဝေးက အငေး" ကဗျာရေးပြီး အရှိန်မသေသေးတဲ့ ခံစားမှုကြောင့် ဒီကဗျာတိုလေး
ဆက်ရေးဖြစ်ခဲ့တာပါ။
ဟုတ်တယ် ကျွန်တော်တို့ ကျနေတဲ့ မျက်ရည်စက်တွေဟာ ဓားသွားတွေပေါ်မှာ။

.............................................................................................................................

"ဘိုကလေး"

တည်နေရာက
ဆူးပေါ်ဖက်ကျရုံ သက်သက်။
အနေအထားက
ဖက်ပေါ်ဆူးကျရုံ သက်သက်။
ထီးက ထီးနဲ့မတူ
ဖိနပ်က ဖိနပ်နဲ့မတူ
သွားလေရာ
လမ်းက လမ်းနဲ့တူပါရဲ့လား။
ကံကြမ္မာကို ခေါင်းပန်းလှန်နေရတယ်
မြင်ကွင်းကို
မှန်ဘီလူးနဲ့ ချုံ့ချဲ့နေမိတယ်။
နောက်ထပ်
နာဂစ်က
ဂုဏ်သရေရှိပုဂ္ဂိုလ်လို ထပ်မံကြွရောက်လာဦးမလား
ကျီးလန့်စာစား
ရှင်နေဆဲအသက်ကို သရဏဂုံ တင်နေရ။ ။

လူဇော်သစ်

နာဂစ် တစ်နှစ်ပြည့်တုန်းက ရေးဖြစ်ခဲ့တဲ့ ကဗျာပါ။ သီသန့်သိမ်းထားတဲ့ အရာပါ။

..................................................................................................................................

"ကြည်ဇော်အေးနဲ့ မပြောဖြစ်တဲ့ စကားလုံးများ"

ပြောရော့မယ်
ဒီစကားလုံးကို မင်းပဲပြောရော့မယ်
လူငယ်ဆိုတော့ အမှားအယွင်းတော့ နည်းနည်းပါးပါးရှိမှာပေါ့
ဟုတ်တော့လည်းဟုတ်တယ်၊ မဟုတ်ချင်လည်း မဟုတ်ဘူး
ခေါင်းတစ်လုံးပိုရှည်တိုင်း ခေါင်းဆောင်လုပ်လို့ရမလားကွ
မင်းက မင်း အိပ်မက်အကြောင်းပဲ ထပ်တလဲလဲ ပြောနေ
ခါးသီးတဲ့ အတွေ့အကြုံတိုင်း ဘဝဟုတ်လို့လား
"ငါက ဒီကဗျာကို ခံစားချက်နဲ့ ရေးတာကွ" လို့ ခံယူချက်တွေ စွတ်ပြောဦးမလား
ဘာပဲပြောပြော ရေဆာရင်တော့ ရေသောက်ရမှာပဲ
ကျန်းမာကြံခိုင် ဒို့မဏ္ဍိုင်ဖြစ်ဖို့ မှန်မှန်အိပ်၊ မှန်မှန်စား
အောက်ဆီဂျင်ကို တဝရှူ (အဆင်ပြေတာ ဒါပဲရှိတယ်)
ပြေလည်စရာရှိရင် ပြေလည်သွားဖို့ တစ်ခုပါပဲ
လက်ဆွဲနှုတ်ဆက်တိုင်း ငြိမ်းချမ်းရေးမဟုတ်ဘူးကွ
ဟန်ကိုယ့်ဖို့ဆိုတိုင်း မွဲပြာကျသွားအောင်ထိတော့ ဟန်မနေနဲ့ကိုယ့်လူ
ဟန်းဖုန်းတွေဈေးကျလည်း သူ့အိုးနဲ့သူ့ဆန် တန်ရုံပဲပေါ့
စကားကို အကျယ်ကြီး သိပ်မပြောနဲ့၊ အစားကို တဝကြီး သိပ်မစားနဲ့
အသံကြားတိုင်း ခေါင်းထောင်မကြည့်နဲ့
လူကူးမျဉ်းကြားက လျှောက်ဖို့လည်း မမေ့နဲ့
ဘာတဲ့ မီးနီးပြရင် ငိုချင်တယ် ဟုတ်လား
စကားလုံးတွေ မိုင် ၁၅၀ နှုန်းတိုက်ခတ်ရင် ကြောက်လန့်နေတယ် ဟုတ်လား
တို့တတွေက မရင့်ကျက်သေးရင် ငယ်သေးတာပေါ့ကွာ
ထားလိုက်စမ်းပါ၊ မင်းပြောပြောနေတဲ့ ဒီပလိုမင်စီတွေ နားထားစမ်းပါ
ထားလိုက်စမ်းပါ၊ မင်းရွတ်ရွတ်နေတဲ့ သမိုင်းရေးရာ အဖြာဖြာတွေ ရပ်လိုက်စမ်းပါ
ပျော်ပျော်ရွှင်ရွှင်ပေါ့၊ မိဘဆီက လက်ဖြန့်ရင်း ပျော်ပျော်ရွှင်ရွှင်ပေါ့
ကမ်းနားသစ်ပင်ဆိုတာ ပြိုလဲချင်လို့ ကမ်းနားသစ်ပင်ဖြစ်တာတစ်ခုပဲ ရှိတယ်
ဒီမှာ သိပ်မတွေးနဲ့
ငါ့မြင်းငါစိုင်း စစ်ကိုင်းလည်း မသွားချင်နဲ့
ငါ့လှေငါထိုး ပဲခူးလည်း မရောက်ချင်နဲ့
မင်းတို့ငါတို့
တစ်နေ့တစ်လံနဲ့ ပုဂံလို ပြေးနေရတာပဲ မဟုတ်လား ကိုယ့်လူ။

လူဇော်သစ်

ကြည်ဇော်အေးနဲ့က မုံရွာမှာ ရှင်သန်ကြီးထွားသူချင်းဆိုတော့ သူတစ်ပြန်၊
ကိုယ်တစ်ပြန် ပြောမနာ ဆိုမနာတွေပါပဲ။ ဘာကြောင့် ပြောမနာ ဆိုမနာလဲဆိုရင်
သူနဲ့ကျွန်တော်က မကျေနပ်ရင် ဘာစကားမှ ပြောစရာမလိုဘဲ
လက်အရင်ပါတတ်လို့ပါပဲ။ အခုအချိန်ထိ ကျွန်တော့်နဖူးမှာ သူထိုးခဲ့တဲ့
ဘုကြီးရှိသလို၊ သူ့
နှုတ်ခမ်းမှာလည်း ကျွန်တော်ထိုးခဲ့တဲ့ စုတ်ပြတ်ရာအမာရွတ် ရှိနေတယ်လေ။
ဝစီပိတ်နောင်ဂျိန်ကျင့်စဉ်မှာ သူနဲ့ကျွန်တော်ကို ဘယ်ကဗျာဆရာမှ
လိုက်မမီဘူး။

.......................................................................................................................................

"သဝဏ်လွှာ"

ရွတ်ဆိုစရာ
အသံမှာ ခွန်အားမရှိတော့။
ဘဝဆိုတဲ့ ရေးကြီးသုတ်ပျာတွေ
အလှဆိုတဲ့ ဝမ်းတခါးတွေ
မေးပါများလည်း စကားမရတော့ဘူး
သွားပါများလည်း ခရီးမရောက်တော့ဘူး။
ပျော်ပျော်နေကြည့်ခဲ့ပါတယ်
ကိုယ်စား
အလင်းရောင်ကို ရှာဖွေခဲ့ပါတယ်
ဘယ်အချိန်သေမယ် မသိတဲ့
သေခဲဆိုတဲ့ လက်ကျန်ပျော်ရွှင်မှုလေးနဲ့
သူငယ်ချင်းများထံ ကဗျာတွေ ရေးပို့လိုက်ပါတယ်။
မိတ်ဆွေ
ခင်ဗျားကော
ညည ကောင်းကောင်းအိပ်ပျော်ပါရဲ့လား။ ။

လူဇော်သစ်

ကဗျာတွေ မရေးဖြစ်ပေမယ့် ခံစားချက်တွေကို ခြောက်နှစ်ကျော်
ထမ်းပိုးခဲ့ရပါတယ်။ ကဗျာရေးဖြစ်ကြတဲ့ သူငယ်ချင်းတွေကိုလည်း သူတို့လည်း
ငါ့လိုခံစားမှုတွေ ရှိမှာပဲဆိုပြီး ချရေးဖြစ်တဲ့ ကဗျာလေးပါ။ ယခုဖတ်နေသူ
မိတ်ဆွေအတွက်လည်း ပါတယ်နော်။
လူဇော်သစ်

တစ်ညလုံးမအိပ်ခဲ့ရတဲ့ ညကြီးရဲ့ ကောင်မလေး

Tuesday, August 25, 2009

ပုံနှိပ်ဖော်ပြခဲ့ခြင်းမရှိသေးတဲ့ မောင်ချောနွယ်ရဲ့ကဗျာရှည်အသစ်စက်စက်ပါ။ သူငယ်ချင်း တင်မင်းထက်ရဲ့ ရွှေဝါပြည် ကနေ ကူးလာခဲ့တာ ဖြစ်ပါတယ်။ အဲဒီမှာ တခြားရှားပါးစာတွေလည်း အများကြီး တွေ့နိုင်တာမို့ အဲဒီမှာလည်း သွားဖတ်နိုင်ကြောင်း သတင်းကောင်းပါးပါတယ်။



တစ်ညလုံးမအိပ်ခဲ့ရတဲ့ ညကြီးရဲ့ ကောင်မလေး

(၁)
ကျွမ်းကျင်လွန်းလှတဲ့ ဝက်သတ်သမား
နံကြားကလှံကိုဆွဲအနှုတ်
အဲဒီနှုတ်ချက်ဟာ အသက်ပါလှချည်ရဲ့
မင်းကလေးအကြည့်
ဒီက တစ်ညလုံး မအိပ်ခဲ့ရတဲ့ ညပါကွယ်။
ခုတော့
မြင်းတွေ မြင်းပေါက်စတွေ
အကောင်တစ်ရာလောက်
ငါ့ရင်အုံကြီးထဲကနေ
ကဆုန်ပေါက်ခုန်ထွက်
ငါ့နှလုံးသားခမျာ ဖုံပူပူထဲလဲကျ
လူးလဲထ
အဲဒီ ဒရယ်မျက်လုံးလဲ့လဲ့ကလေးကိုလေ
တစ်ဒေါင့်ထဲစုကပ်ပြီး မကြည့်လိုက်ပါနဲ့
ဧရာဝတီတစ်မြစ်လုံး
ငါသောက်မိပါလိမ့်မယ်ကွယ် ...

(၂)
လာပြီ
မောင်းပြန်ဓားခလုပ်ကိုနှိပ်လိုက်သလို
ထပ်ခနဲ
မြည့်နေတဲ့အကြည့်
ငါ့ရင်ခေါင်းကြီးထဲ
အောင့်ကနဲ ပူကနဲ
ငုံထားမိချောကလက်
ရာဘာတုံးကြီးဖြစ်သွား
အသာကလေး အသက်ရှူအောင့်ထားခိုက်
နောက်ထပ်ဓားရောင်လက်ကနဲ
ဒင်းကလေး မျက်လုံးတစ်ချက်
သတိ
ကင်မရာခလုပ်ကိုနှိပ်ချဖို့မမေ့နဲ့
လက်ကနဲဝင်းပ
ဖလက်ရ်ှဂန်းကျွမ်းသွား
ဒီမှာ
အလိုလိုနေရင်း သကြားတွေ
အရည်ပျော်ကုန်ရပါပြီကွယ်။

သည်မှာ
တို့ဆေးနဲ့တို့ခံလိုက်ရသလို
မတ်တတ်ကြီး
ဝိုက်လက်သီးတွေမေးရိုးပေါ်
ဆင့်ဆင့်ဝင်လာ
ဖျောက်ကနဲ
မှောက်သွားရပါပြီကွယ်
"ဒိုင်း" ကနဲ မိုးပေါ်ပျံတက်
"ဒိုင်း" ကနဲ ချောက်ထဲပြုတ်ကျ
မြေကြီးနဲ့ မထိခင် ပြန်ထိလုလုမှာ
ကြက်သွန်ခင်းပေါ် လူးလိမ့်ပေးလိုက်ရ
အို ... အိစက်ညက်ညော
ငါဟာ
တစ်ညလုံး မအိပ်ခဲ့ရတဲ့ ညကြီးပါကွယ်။
ခုတော့
ဓားရေးကျွမ်းသူ ဓားသမား
လျှပ်လက်သလို ဓားစွမ်းစွမ်းနဲ့
ခုတ်ချ
ထက်ပိုင်းပြတ်ကျသွားတာမှန်ပေမယ့်
လဲကျဖို့မေ့ခဲ့သူ
ငှက်ပျောပင်တစ်ပင်ဖြစ်ခဲ့ရပါပြီကွယ် ...
မင်းကလေး ဘယ်သူလဲ
ဘုရား ... ဘုရား .....
ဟောသည်ငါ့ရင်အုံကြီး
ကုန်ကုန်ခမ်းခမ်းပါကွယ် ...
မင်းကလေး ဘယ်သူလဲ
ဘုရား ... ဘုရား .....
ငါ့မှာ
ပေါင်မုန့်ဝယ်သွားရင်း ပေါင်မုန့်ဖြစ်
ငါ့မှာ
လက်ဖက်ရည်ဝယ်သွားရင်း
လက်ဖက်ရည်ဖြစ်ရပေါ့ ...
မင်းကလေး ဘယ်သူလဲ
ဘုရား ... ဘုရား ...
ငါ့မှာ
"လယ်ထွန်သွား နွားမေ့" ဆိုစကား
ဘယ်ကလိမ့်မလဲ
နွားကိုငေါက်မယ့်ကိုယ့်အသံကိုယ်တောင်
သည်မှာ မေ့ကျန်မယ့်ကောင်ပါကွယ် ...

အသက်ရှူမဝသလိုလို
အပမှီလိုက်သလိုလို
အိုကွယ်
တိမ်တွေအားလုံး ငါ့ကိုယ်ပေါ်
ပြိုကျသလိုလိုပါကွယ်
အချစ်ကလေးရယ်
ငါ့လည်ပင်းကြီးကို ခင်းပေးလိုက်ပါ့မယ်ကွယ်
မင်းရဲ့ခြေထောက်အလှကလေးတစ်စုံနဲ့
နင်းလျှောက်လိုက်ပါတော့
အဲသည် အချိန်။

ငါ့ခပ်မြှင်းမြှင်းအသက်ရှူသံလေးကအစ
မင်းကိုချစ်နေမိပါပြီကွယ်
သူများ မိန်းကလေးတွေ မတတ်စွမ်းဖူး
လျှပ်တပြက်မင့်အပြုံး
ဝတ်မှုန်ကူး
အတိအကျအပိုင်ပြုံးချက်တွေ
ရှောင်တခင်ပြုံးချလိုက်တဲ့
အပိုင်ပြုံးချက်တွေ
အဲဒါက ... ကွန်တဲ့လား
ဟောသည်က
တစ်ညလုံး မအိပ်ခဲ့ရတဲ့ညကြီးက
ကွန်ထဲကငါးပေါ့
ချစ်တယ်ကွယ် ...

လက်ကလေးကိုဝှေ့ရမ်းပြီး
တယ်လီဖုန်းနီနီရဲရဲလေးကို
စွေ့ကနဲဖမ်းကိုင်လိုက်ပုံဟာလေ
လှလွန်း၊ လှပြီးရင်းလှလွန်း
ချစ်တယ်ကွယ် ...

သက္ကလပ်ဦးထုပ်အညိုကလေး ခပ်စွေစွေဆောင်းလို့
မထေမဲ့မြင်ဟန် မျက်နှာရစ်သမ်လေးနဲ့
ပုခုံးသားကို လှိုင်းကြက်ခွပ်တွေတွန့်သလို
တွန့်တွန့်ပြီး စကားပြောတတ်တဲ့
မင့်ကိုယ်ဟန်အထည်ကလေး
ငုံထားပစ်လိုက်ချင်တော့တာပဲ
ချစ်တယ်ကွယ် ...

ဆောင်းဦးပေါက်ခွေးပေါက်စလေးတွေ
နို့ဆာလို့ ချမ်းလို့
တအိုင်အိုင်
မင်းကလေးကို မမြင်ရရင်လေ
(ဆောင်းဦးပေါက်ခွေးပေါက်စလေးတွေလို)
ငါ့မလဲ တအိုင်အိုင်ရယ်ပါ
ချစ်တယ်ကွယ်…..

အလကားနေရင်း
သွားတိုက်ဆေးကို ဖျစ်ဖျစ်နေတော့တာပဲ
ချစ်တယ်ကွယ် ....

တက်သစ်စကျွန်းကလေးလို အုံ့ဆိုင်းဝေဆာ
မို့မောက်ဖောင်းကားနေ မင်းကိုယ်လုံးကလေးမှာ
အပျိုစင်သွေးကလေးတွေ
ပတ္တမြားရည်လို
တဖျပ်ဖျပ်စီးလည်နေတာ
အဲဒါကလေးကိုလည်း
သည်က
တစ်ညလုံး မအိပ်ခဲ့ရတဲ့ညကြီးက
ချစ်တယ်ကွယ် ...

မင်းရီလိုက်တော့
လီမွန်ဘာလီရည်သောက်လိုက်ရသလိုပဲ
ချစ်တယ်ကွယ် ...

အမေရေ
သင်းကလေးရဲ့ လှဂုဏ်ရည်ကြောင့်ရယ်
မနေနိုင်တဲ့သားရင်အုံကြီးကြောင့်ရယ်
ချစ်မိတယ် ...
မိချောင်း ကျောက်ခက်ပန်းရုံလို
မင့်ဆံပင်အုံကလေး
အမွှေးဖွားဖွားရှဉ့်ကလေးများ
သစ်ရွက်သစ်ခက်ပေါ်ဆော့ကစားသလို
မင့်လည်တိုင်ပေါ်လှုပ်ရှားလို့
ချစ်တယ်ကွယ် ...

ဂျွိုင်းဂျက်ကက်ကလေးနဲ့
တောရိုင်းပန်းပွင့်လိုဟန်နဲ့
စက်ဘီးပေါ်မင့်ကိုယ်ထည်ကလေး
ဝေ့ကနဲ ဝဲပျံတက်လိုက်တာများ
ငါ့တစ်ကိုယ်လုံး
သုံးသိန်းထီတွေပေါက်ကုန်ရပါပြီ
ချစ်တယ်ကွယ် ...

တစ်လုံးချင်း ခုတ်မောင်း နေတယ်
တစ်လုံးချင်း
တစ်လုံးချင်း
ခုတ်မောင်း နေတယ်
မင့်ရင်အုံ မင့်တင်သားတွေ
တစ်လုံးချင်း ခုတ်မောင်းနေတယ် ...
ဟောသည်ကမ္ဘာကြီးပေါ်မယ်
ဘယ်လိုမြစ်တွေက ရေစီးကြမ်းသတဲ့လဲ
ငါထမ်းရ ထမ်းရပါကွယ်
မင်းကိုချစ်တယ် ...

ငါလာမယ်
မင့်ချစ်ဝတ်မှုန်အိမ်ကလေးဆီ
အဲသည်
ကျောက်ကျောတုံတုံကလေးလို
မင့်နှုတ်ခမ်းသားတုံတုံကလေးဆီ
မင့်ကိုချစ်တယ် ...

အသည်းနှလုံးကို ခလုပ်တိုက်
မင်းကလေး
အား
ပင်နယ်ဆလင်အလုံးတစ်ရာထိုးထားသလို
နာလှချည်ရဲ့ ...
မင့်နာမည် ... ကလေး ခေါ်နေလိုက်လို့
ငါ့မှာလေ
ရထားမမီ ကားမမီ
လေယာဉ်ပျံမမီ
သေခြင်းတရားမမီ
မမီဘူး
ဘာမှမမီတော့ပါဘူးကွယ် ...

အကျင့်မရှိပဲဝိတ်မပြီး နောက်တစ်နေ့
တစ်ကိုယ်လုံး နာကျင်ကျန်ရစ်သူလို
တစ်ဘဝလုံး။

ယူပါကွယ်
လည်ဆွဲမဟုတ်ဘူး
ပုတီးကုံးကလေးမဟုတ်ဘူး
ဆွဲခြင်းကလေး
ငါ့အသည်းနှလုံးကိုထည့်ဆွဲသွားဖို့
ဆွဲခြင်းကလေးပဲ
ယူသွားပါကွယ် ...

ကမ္ဘာကြီးရေ
ကျွန်တော်လည်းမှားတော့မယ်
သူ့အသီးကအလွန်ကိုထွားပါတယ်
ချစ် ... ချက် ... ချောက်
ချစ် ... ချက် ... ချောက်
ချစ် ... ချက် ... ချောက်
ချစ် ... ချက် ... ချောက်
လာနေပြီ
လာနေပြီ
လှပသူသစ်ပင်ကလေး
တစ်ပင်လုံး
တစ်အုံလုံး ရွှေ့လာနေပြီ
အဝေးမြင်ကွင်းပေမယ့်
ထင်လင်းလှချည်ရဲ့ ...

ငါဟာ
နာရီအိုကြီးတစ်လုံးထဲက မြည်သံဖြစ်
တက်ကလောက်
တက်ကလောက်
တက်ကလောက်
တက်ကလောက်
တက်ကလောက်
တက်ကလောက်
ငါ့ရင်အုံပေါ် ငါ့ရင်အုံကြီးပေါ်
မြင်းပြိုင်ကွင်းလို သဘောထား
တက်ကလောက်
တက်ကလောက်
သူကလေးလာနေပြီ ...

ငါ့ရင်ထဲမှာ
တက်ကလောက်
နီးလာပြီ
နီးလာပြီ
တဖြည်းဖြည်း
မနှေးမမြန်ကလေး
မမြန်မနှေးကလေး
ငါဟာ၊ ကောင်းဘွိုင်လိုမြင်းစီးသမားဖြစ်
ဒိန်းတပ်တပ်
ဒိန်းတပ်တပ်
ဒိန်းတပ်တပ်
ဒိန်းတပ်တပ်
ငါဟာ ဒရမ်မာ (ဗုံတီးသမား) ဖြစ်ခါ
ငါ့ရင်အုံငါပြန်တီးမိ
လောကကြီး ချက်ချင်းလင်းပေးသွား
လောကကြီး ချက်ချင်းမှောင်လိုက်
လောကဓာတ်ကြီး ချက်ချင်းလင်းပေး
ငါ့အချစ်မှာ
ညမရှိဘူး ...
ဘယ်ဘဝက သွေးလည်း
သိလား
သင်းကလေးကိုချစ်မိ
အညတရပါ ...

မင်းကလေးရဲ့ ရင်၊ တင်၊ ခါး
အတိုင်းအတာဖြင့်
ဂရင်းနစ်စံတော်ချိန်ပေါ့
မင်းကလေးရဲ့ ရင်ဘတ်ကြယ်သီးတွေ
ထွားလွန်း
တစ်လမ်းလုံး မွှေးသွားတယ်
မင်းကိုယ်နံ့တွေကြောင့်လမ်းမှာ
မွှေးခွင့်ရ
လာပြီ
သင်းကလေးလာနေပြီ။

ဆံပင်ကလေးခါလိုက်တာ
ကဗျာ
မင်းကလေးတစ်ချက်ပြုံးလိုက်တာ
ငါ့လယ်ယာထွက်သီးနှံတွေ
အကုန်လုံးဖွံ့ထွားကြီးမားကုန်ရပါပြီ
မင်းကလေးဟာ
ပွဲတော်ထဲက မြို့ကလေးပါ
မင်းကလေးမျက်ခွံပေါ်
ငါ နေခိုပါရစေတော့
မင်းဆံပင်ကလေးနမ်းပြီးမှ
အသက်ရှင်ရမယ့်သူပါကွယ်
ချစ်တယ် ...

ဟော .....
ကောက်နေတဲ့ လမ်းတွေဖြောင့်သွားပေါ့
လာနေပြီ
ငါ့နွေဦးပေါက်အသစ်စက်စက်ကလေး
လာပြီ
လာပြီ
ငါ့နွေဦးပေါက်ကလေးလာနေပြီ
ပန်းပွင့်သံတစီစီ
ပေါက်ပွင့်သံ ဒိုင်းကနဲ
ငှက်အမျိုးမျိုးပျံဝဲပုံနဲ့ သစ်ရွက်တွေ
ဝဲပျံကြ
အသီးသစ် အရွက်သစ်တွေ
ပျားရည်ရွှဲကြလို့
အလင်းလှ
အလင်းပြေပြေချောချောကလေး
ပျားအုံဗရန်ဒီအရက်ကလေးထွေထွေနဲ့
တောက်စား
အဲသလို နွေဦးပေါက်ကလေး
အဲသလို နွေဦးပေါက်သင်းကလေး
လာနေပြီ.......

မိန်းမဆိုတာ
သည်လိုဝပ်အား
ခပ်များများနဲ့မှပေါ့ ...
ခြေသဲကလေး ဝိုင်အိုလက် ပန်းခရမ်းရောင်
ခြေထောက်အုအုကလေးမှာ
ရွှေလိမ္မော်သီးဖိနပ်နဲ့တင့်
သစ်တောစိုက်ခင်းတစ်ခင်းလို
ခြေသလုံး ဝ၀ကစ်ကစ်မှာ
မွှေးညင်းနုကလေးတွေစီရီ
လေကပွတ်သပ်လိုက်တိုင်း
စီးချက်ညီညီက ...

ပြီးရင်
မြင်ရမှာက
ရွှေပိုးကောင်ဂုတ်သားအရောင်လုံချည်
လှိုင်းအိလို့
သင်းကလေး ပေါင်သားပေါ်အိလို့ ...

ပြီးရင်
စရွေးကိုက်ပြီး
ရွှေဘော်ထိုးပြီး
ပါလစ်သုတ်ပြီး
ပွတ်လုံးလို
လုံးကျစ်ဝန်းဖုတဲ့
တင်သားတင်းတင်းကလေး ...
ရွလို့ ...

ပြီးရင်
ခါးကလေး
ခါးသားကလေး
ခါလို့ ...

သည်ခါးကလေးပဲဖြစ်မှာ
သည်ကမ္ဘာကြီးကို ဆွဲကိုင်လှုပ်ရမ်းခဲ့တာ
သည်ခါးကလေးပဲဖြစ်မှာ
သည်ကမ္ဘာကြီးကို တဒီးဒီးလည်စေခဲ့တာ
သည်ခါးကလေးပဲဖြစ်မှာ
သည်ကကောင်ကြီးရဲ့ အသည်းကိုလေ
ခဲကလေးလို
ရေပေါ်ရှပ်ရှပ်ပစ်ကစားတာ
သည်ခါးကလေးပဲ
သည်ခါးကလေးပဲ
သိပ်သေချာပါတယ်
အဲသည်ခါးကလေးပဲပေါ့ ...

ရေကျချိန်
မို့မောက်ပြီးခုံးခုံးကလေးကျန်ရစ်ခဲ့
ထွန်းသစ်စသောင်ခုံမို့မို့လိုရင်သား
တင်းလို့
အဲသည်ဝင်းပရင်သားအထက်မှာပေါ့
ဂျက်လေယာဉ်တွေ
ဂျက်လေယာဉ်တွေ
တစ်စီးပြီး တစ်စီး
ပျက်ပျက်ကျရာ
မျက်နှာလွင်ပြင်လေး
ဝင်းပ ...

ဟုတ်တယ်
သင်းကလေးမျက်နှာဟာ
နှလုံးသား ဂျက်လေယာဉ်တွေ
တစ်စီးပြီး တစ်စီး
ပျက်ပျက်ကျရာလွင်ပြင် ...

အမေရေ
အမေ့သား မလဲ
သင်းကလေး မျက်နှာလွင်ပြင်ပေါ်
ဘဝတစ်ခုလုံး
ပျက်ကျရ လေယာဉ်တစ်စီးပေါ့ ...

မိုးစပ်စပ်ကလေးရွာပြီးကာစ
နေရောင်အဝါက
စပေါ့လိုက်တစ်ခုလိုထိုးပြထား
ငုပင်
သည်ငုပင်က ငုပွင့် ငုဖတ်တွေ
တစ်ဖြာဖြာခါဆင်းပုံမျိုး
သင်းကလေး
လှမ်းလျှောက်လို့လာနေခဲ့ပြီ ...

ဒါဟာ
ငါ့နွေဦးပေါက် အသစ်စက်စက်ကလေးပေါ့
‘ဒါဟာ
ငါ့ဂေါ်ဖီခင်း ထွေးထွေးထပ်ထပ်ကလေးပေါ့
ဒါဟာ
ငါ့အသည်း ပလုပ်တုတ်ဖြစ်ပုံရှုမျှော်ခင်းကလေးပေါ့ ...

အမေရေ
၁၆-အောင်စ အလေးချိန်ရှိတဲ့
သားရဲ့ နှလုံးသားလေးဟာ
သူကလေးလှုပ်ကစားမှ
ပျော်ရတဲ့
သူ့လက်ထဲက
ပလုပ်တုတ်ကလေးဖြစ်နေရတာ
ဘယ်ရှေးကုသိုလ်ဆက်လဲဟင် ...

"ဒါကဘာလဲ"
(သင်းကလေးအသံလေ)
လက်ကလေးနဲ့ ပွေ့ယူလိုက်သလိုပေါ့
"ဖိတ်စာ"
(ငါ့အသံလေးပါ ...
အကြောက်တရားနဲ့ မွေးဖွားလာသမို့
အသံဖြစ်ရုံတင်လေးပေါ့ ...)
"ဖိတ်စာ ... ပါ"
"ဖိတ်စာ ... ပါ"

"ပေး"
(သင်းကလေးအသံပါ)
ငါ့သောတာရုံတစ်ခုလုံး
ပန်းရုံတစ်ရုံဖြစ်သွား .....

ငါ့အသည်းနှလုံး ငါ့ဘဝ
မင်းမျက်ဝန်းလေးထဲ
ပစ်ထည့်မိ။

ပြန်ဆွဲနှုတ်ကြည့်တော့
အသည်းနှလုံးရော ဘဝရော
တစ်ခုမှပြန်ပါမလာတော့ဘူး ...

မြေပဒူအောင်း တွင်းထဲ
ခြေထောက်ကျွံကျခဲ့သူ မုဆိုးခမျာ
ပြန်ဆွဲနှုတ်တော့
ခြေထောက်ပြန်ပါမလာတော့သလိုလေ
ဒါပေမယ့်
ချစ်တယ်ကွယ် ...

ငါ့အိပ်ကြီးထဲ
ငါ့အင်္ကျီထဲ
အချစ်တွေပါတယ် ......

ငါ့အသားတွေ ပွတ်သပ်တိုက်ခတ်သွားတဲ့လေမှာတောင်
အချစ်တွေပါတယ် ...

ငါ့အဆုပ်ထဲ
အချစ်တွေပြည့်ဖောင်းလို့
အချစ်တွေနဲ့
ငါ့အဆုပ်ကြီးပြည့်ဖောင်းလို့

သင်းကလေး
တသွင်သွင်စီးဆင်းပုံဟာ
တစ်သက်လုံး ငါ့မှာချစ်မှားယွင်းခဲ့
အလကားပါ
ဘဝတစ်လျှောက်လုံးလောက် ချစ်မှားယွင်းသင့်တာပေါ့ ...

မြောက်ဥက္ကလာဟိုးမားက
ငါ့မိတ်ဆွေ ဖိနပ်ချုပ်သမားလေးရေ
ငါ့အသည်းနှလုံးကိုပေးပို့လိုက်ပါရဲ့
အလှဆုံး ဖိနပ်ကလေးတစ်ရံ
အမြန်ဆုံးချုပ်ပေးပါ
သူကလေးစီးဖို့ပါကွယ် ...

တယ်လီဗေးရှင်းထဲမှာလဲ
ငါမင်းကိုရှာတယ်
တယ်လီဖုန်းလေးထဲမှာလဲ
ငါမင်းကိုရှာတယ်
မိုက်ကရိုဝေ့စလောင်းကြီးထဲမှာများ
မင်းကိုယ်ရိပ် ကိုယ်ရောင် ရှိမလား
ငါမော့ကြည့် အနံ့ခံမိတယ။်

ဆ.သ.ရ ကိုလဲ
အကြောင်းကြားထားပါတယ်
သူကလေးကိုတွေ့ရင်လေ
အမြန်ဆုံးသတင်းပို့ပါလို့။

အလှဆုံး ဇာပန်းကွက်ကလေးတွေ
တစ်ခုပြီး တစ်ခု
ငါ့စိတ်ရဲ့ ပိတ်သားပေါ်
မင်းတိုးဖွဲခဲ့ပါလားကွယ် ...

သစ်ကြားသီးလေးပူနွေးနေပုံဟာလေ
မင်းကိုယ်ထည်အနွေးဓာတ်ကလေးလား
သစ်ကြားသီးလေးစားမိတုန်းအခါ
ငါခံစားရပုံများ
ဖရိုဖရဲအုတ်ပုံတွေလို
ငါ့မှာ
"အင်ထရိုပီ" တွေ မြင့်ကုန်ရပါပြီကွယ် ...

ခဲတန်ချွန်စက်ထဲကထွက်လာစ
ခဲဆံလို
ကိုက်ခဲပါကွယ်
အဲသည် သွားထက်ထက်ကလေးတွေနဲ့
ငါ့အသည်းနှလုံးကိုလေ
ကိုက်ခဲပါကွယ် ...

အို ... ဘာဖြစ်လို့များ
မင်းညကို ငါချစ်မိပါလိမ့်
ဒါ ငါမမျှော်လင့်ခဲ့ဖူး
ဒါ မျှော်လင့်လို့မဟုတ်ခဲ့ဖူး
လုံးလုံးမဟုတ်ခဲ့ဖူး
ထူးဆန်းလှချည့်.....

ဒါ ငါမသိခဲ့
ငါ့နှလုံးသား ဘာဘီကျူမီးဖိုဖြစ်
လှိုင်းသစ် ဝင်ပြေး ပင်လယ်ရင်ခွင်
ဘယ်သူသိသလဲ
ဘယ်လောက်ကောင်းတယ်ဆိုတာ ...

စိတ်ကူးယဉ်နေတုန်း ရင်ဘတ်ပေါ်
ကြွက်ပေါက်စနီနီရဲရဲလေးတွေ
ရုတ်တရက်ပြုတ်ကျ
လန့်ခုန်
အူတွေယားလို့
ငါ့မှာအူတွေ အထပ်ထပ်ယားလို့ ...

စိတ္တဇဆေးရုံကုတင်ပေါ်မှာတဲ့
ငါ့ကိုလူတွေကပြောကြ
ဘယ်ဟုတ်ရမလဲ
ငါဟာ မေတ္တာလမ်းပေါ်ရောက်နေတာပါ
အိမ်နံပါတ်က
၁၅၀ဝ လေ ...

လူတွေဟာ ခက်ပါတယ်
သည်လောက်ရိုးရိုးစင်းစင်းလေးတောင်
မသိကြချေဘူး
ခက်တယ် ...
အိပ်မက်တွေခြောက်ဆင့်မက်
ညကျရင်အိပ်မက်ထဲမှာ
တဝကြီး သင်းကလေးနဲ့ ...

အချစ်နဲ့ပတ်သက်ရင်
နပိုလီယံဆိုတဲ့ကောင်ဟာ
ငါ့ဘယ်မှီမလဲ
မြို့တွေရွာတွေ
တစ်မြို့ပြီး တစ်မြို့ရပေမယ့်
သိတယ်မှုတ်လား
သင်း ချစ်သူ ဂျိုးဇက်ဖင်းဆီတော့
နပိုလီယံဟာ ကျဆုံးခဲ့တယ်မှုတ်လား ...

ငါကတော့
ငါ့ချစ်သူလေးလက်ထဲ
မြို့တွေရွာတွေ
အကုန်လုံးပုံပေးထားတဲ့ကောင်
ဘယ်ကောင်ယှဉ်ရဲသလဲ ...

ညညအိပ်မရဘူးကွယ်
အိပ်ခန်း ခန်းစည်းလေးကို လေတိုးတိုင်း
ကြည့်စမ်း
မင်းအပြုံး အရမ်းပဲမွှေးလာ
ကောင်းကင်ကိုမော့ကြည့်တော့
မင်းအပြုံးတွေ
ကောင်းကင်အပြည့်
အသည်းလေးရယ်
မင်းကလေးဟာ လမင်းအသစ်ပါကွယ် ...

သိပြီ သိပြီ
မင်းလေးကြောင့်
သည်ကောင်ရင်ခုန် မိုးလုံးပြည့်
ငါ့ချစ်စိတ်တွေလွှင့်ပစ်မရတော့ဘူး
ဆိုး ...
သွားနှုတ်ဆရာက
မနာမကျင်အောင်
ကျွမ်းကျွမ်းကျင်ကျင်သွားနှုတ်ပုံမျိုးခံရ
သွားတစ်ပြုံလုံးကုန်သွားပေမယ့်
ငါ့မှာ
သွားတွေရှိသလို အားကုန်ပြုံးမိ
ပစ်ရက်စရာ မရှိအောင်ပဲ
ငါ့အဖြစ်ကဆိုး
ချစ်တယ်ကွယ် ...

မိုးအသစ်တွေရွာသွန်းဖြိုး
ရေသစ်တွေမြစ်ဖြစ်
ဒါငါ့ရင်ခွင်လေ ...

အဆုံး
အဆုံးရဲ့ အဆုံး ခုံးခုံးပေါ်မှာ
ဒါဘယ်သူ့ကောင်းကင်တဲ့လဲ
ဝင်းပ
ဝင်းပ မင့်အပျိုရည်ကလေး
ဘယ်လဲ
ဘယ်ရောက်သွားပြီတဲ့လဲ
အဲဒါဟာ
အပင်ပေါက်သွားပြီလားကွယ် ...

ဟေ့
ကောင်းကင်ပြာလေး
ငါ့ကို တစ်ခုခုပြောစမ်းပါ
ပြောခဲ့စမ်းပါ
ဟောသည်က သွေးခဲတစ်ခဲကို
ပြောခဲ့စမ်းပါ
အနာတစ်ခုကို အနာတစ်ခုနဲ့
ကုသရတယ်လို့
သည်သွေးခဲတစ်ခဲကိုလေ
ပြောခဲ့စမ်းပါ ...

ခုတော့
ဓားပေါက်ဝိဇ္ဇာရဲ့ ဓားပေါက်ချက်တွေထဲ
ငါ့မှာ
အသည်းတယားယား
ကြက်သီးတဖြန်းဖြန်း မှန်တွေကွဲ
ဓားပေါက်ချက်တွေထဲ
ငါ့မှာ
လောကဓံတရားကိုတွေ့
ငါ့အသည်း
ကျောက်စရစ်ခဲလေးဖြစ်ကျန်ရစ်ခဲ့
ချစ်တယ်ကွယ် ...

ငါ့အသက်
မင်းလေးလက်အပ်နှံထား
အထပ်ထပ်ခွဲစိတ်
လွှာချ
တစ်လွှာပြီးတစ်လွှာ
လွှာချ ...
အို ... အသည်းခွဲစက်ကလေးရဲ့
သိပ္ပံနည်းကျ မင်းပြုစား
ငါ့ရင်ခေါင်းကြီး တစ်ခုလုံး
ရန်သူမလေးရယ်
ချစ်အခိုးတွေအလိပ်လိုက် အလိပ်လိုက်
ထကုန်ရပါပြီ
ငါ့မှာ
ချစ်ပြီးရင်း ချစ်ရင်း
ချစ်တယ်ကွယ် ...

ငါ့ကိုဘဝကူးသွားပြီတဲ့
လူတွေက
လူတွေဟာ အတော်ကြီးကိုခက်တယ်
ငါမပြောဖူးလား
အရာရာဟာ တွန့်လိမ်ကောက်ကွေးပြီး
သေးမွှားသွားရုံကလွဲပြီး
ဟောဟို ... နေအောက်မှာ
ဘာမှမဆန်းသစ်ဘူးဆိုတာ
မသိကြရှာဘူး ...

သည်မှာ ... ပြောလိုက်မယ်
တွေ့လား ...
အက်စစ်နဲ့ နှလုံးသားကိုပက်မှ
လူဟာသေတာ မဟုတ်ဘူး
ပန်းတစ်ပွင့်ရဲ့ ဝတ်မှုန်တစ်မှုန်နဲ့ထိလဲ
သေတယ်ဆိုတာ
သင်း တို့သိသွားစေရမယ် ...

တစ်ညလုံး မဟုတ်ဘူး
ဆယ်ဘဝ ဆယ်ညလုံး မအိပ်ရရ
ချစ်နေမှာပဲ
သိကြ ... သိကြ
ချစ်တဲ့အကြောင်းကို
တစ်ဘဝလုံး အကုန်ခံပြီး
အကျယ်ကြီး အော်ပြောသွားတဲ့ကောင်
ဝံ့စားကြလား ...

အော်ပြောလိုက်မယ်
ချစ်တဲ့အကြောင်းကို အော်ပြောလိုက်မယ်
သင်းကလေး တစ်ကိုယ်လုံး
ချစ်စရာချည်းပဲ
ချစ်တဲ့အကြောင်းကို
အကျယ်ကြီး အော်ပြောလိုက်မယ်
အချစ်နိုင်ငံကူးလက်မှတ်အမြန်ထုတ်ပေးပါကွယ် ...

ဝင်းပပါ ... ဝင်းပပါ
ငါ့အသည်းနှလုံး Betelgues ကြယ်ကလေးရဲ့
စွတ်စို စိုထိုင်း
ငါ့မှာ ထွန့်ထွန့်လူး
ငါ့အချစ်တွေ
တိတ်တခိုးကြီးထွန်းလင်း
အိုး ... တိတ်တခိုးကြီးပါလားကွယ်
သိကြ
ခု ငါ့ချစ်သူလေး ရင်အုံထဲ
တစ်နေ့ကို အကြိမ်တစ်သိန်းတိတိ
ခုန်ပေါက်နေတဲ့ အသည်းနှလုံးဟာ
ငါ့အသည်းနှလုံးစစ်စစ်ပဲ ...

သူငယ်ချင်းတို့ရေ
ဘုရားသခင်စားနေကျ
တော်ဝင်တဲ့ အစားအစာကို
ကိုက်ချီဖို့ကြိုးစားတဲ့
ခွေးတစ်ကောင်ရဲ့ဇာတ်လို့
မှတ်လိုက်ကြပါတော့ကွာ ... ... ... ...။

မောင်ချောနွယ်
.

memorandom poem collection

Wednesday, August 19, 2009


ဘဝမှာ တစ္ဆေတစ်ကောင် မဖြစ်ခဲ့တာကိုပဲ နို့တစ်စက်စာမျှ ချွေးသိပ်ခွင့်ပြုပါ မေမေရယ်



"ငါ့ရယ်သံဟာ တွင်းဝင်မဖြောင့်ခဲ့ဘူး"

ပျော်ချင်ယောင်ဆောင်ထားတဲ့ ငိုရွှင်ဖွယ်ရာဇာတ်ရုံထဲ
လူ့အဖြစ်ကို အသားကျအောင် မစီးနိုင်သေးသမျှတော့
ငါ့ရယ်သံဟာလည်း တွင်းဝင်မဖြောင့်နိုင်ဘူးပေါ့
ဇက်ကုန်ဖွင့်မိုက်ရတော့မယ့် ရာသီဥတုကလည်း သဲနဲ့တရှပ်ရှပ်
တစ်ဘဝလုံးဆက်စီးထားရတဲ့သံသယက
ဘယ်တော့ပြုတ်ထွက်မှာလဲ
ခေါ်သံမှာ ငါ့ထံပြန်မလာသူ ပဲ့တင်ရေ . . .
ကိုယ့်အမြီး ကိုယ်ပြန်မြိုထားရတဲ့ မြွေတစ်ကောင်ဆိုရင်တောင်
ခုလို
ကရွတ်ကင်းလျောက် ပုလွေသံတွေနဲ့တော့ အာပတ်ပြေမှာမဟုတ်ဘူး
(တမြည့်မြည့်သွေးထားတဲ့
အရိုးများများ အသားကနည်းနည်းနေ့တွေအားနာလို့)
ခုတော့ ရေကြည်ရာ မြက်နုရာရှာနေရတဲ့ ကြိုးတန်းလမ်းလျှောက်မီးလောင်ပြင်ထဲ
တွင်းဝင်မဖြောင့်နိုင်တဲ့ ရယ်သံတွေနဲ့
အသားတုံးသာသာ လူစင်စစ် ဧကန်ဖြစ်ခဲ့တယ်။ ။

နောင်မင်းနိုင်

.......................................................................

"ပန်းချီနိုးနှစ်"

နာလန်မထူနိုင်အောင်
တပူပူ တကျီကျီဖြစ်နေတဲ့ မျက်ရည်ပေါက်ကြီးငယ်အတွက်
အသံထွက်ကောင်းကောင်း သည်းပွတ်စည်ကလေးနဲ့
ပတ္တမြားကွဲ့ ပတ္တမြားလို့ နှင်းခဲ့တဲ့အရာဟာ
ဗိုလ်ချုပ်ပုံလွှာနဲ့ မတ်စေ့ကလေးလည်း ဖြစ်နိုင်တယ် . . .
ဒါ ... သားရဲ့အိမ်တော်ရာလို့ ဆိုတဲ့ အရာဟာ
ရဟန္တာတစ်ပါး သီတင်းမွေ့နေတဲ့ ငွေသားကြုတ်လည်း ဖြစ်နိုင်တယ်
ကဲကွယ် ... ဒါ ...သားရဲ့ဇနီးပေါ့လို့ ပေးခဲ့တဲ့အရာဟာ
မျိုးကောင်းရိုးကောင်း တိုက်ကြက်မကလေးလည်း ဖြစ်နိုင်တယ်
... ဖြစ်နိုင်တယ်။

မေတ္တာလှရင် ညာတယ်နော်
ညာပါမေမေရယ်
သားလည်တိုင်မှာ ဆွဲထားတဲ့အရာတွေဟာ
မသဒ္ဓါရေစာ ဝန်ပိုးတွေမှ မဟုတ်ဘဲ
သာမန်ညောင်ည ဝန်ထုပ်တွေမှ မဟုတ်ဘဲ
ဖက်လဲတကင်းနွေးကြည်တဲ့ ဥတုပျိုလေးနဲ့ နမ်းမှ
အသေအချာနိုးလာတော့မယ့် "ခမဲ"။ ။

မောင်လင်းခက်

.....................................


"နောက်ကျောမှာစိုက်ဝင်သွားတဲ့ အမှောင်"


လမ်းမဟုတ်တဲ့ လမ်းတွေမှာလည်း ပြေးခဲ့ဖူးပြီ။
ဥယျာဉ်မဟုတ်တဲ့ ဥယျာဉ်ထဲမှာလည်း ခုံတန်းပြာလိုကျင့်ခဲ့ဖူးပြီ။
'ဤခရီးနီးသလား'
ဆိုညည်းမိတဲ့ သီချင်းမှာ မသေချာမှုတွေသာလည်ချောင်းထဲဘောင်ဘင်ခတ်လို့
မှတ်တိုင်ဟာ လေထဲမိုးထဲ သွေးတောင်အောင်ရပ်စောင့်နေရပါပေါ့။
မိမိကိုယ်မိမိ ယိုမသုတ်ခဲ့ဘူး
မိမိကိုယ်မိမိ မီးမကင်ခဲ့ဘူး
ဒီနေ့ထိလူဖြစ်ကျိုးနပ်ခဲ့တဲ့ နာရီပေါင်း ဘယ်လောက်ရှိခဲ့သလဲ
လူဖြစ်ရှုံးခဲ့တဲ့ နေ့ပေါင်း ဘယ်လောက်ရှိခဲ့သလဲ
ပြောမဖြစ်ခဲ့တဲ့ စကားလုံးပေါင်းဘယ်လောက်ရှိခဲ့သလဲ
လက်ပြန်ရိုက်ချလိုက်တဲ့ မေးခွန်းမှာစံပယ်တွေ ဖွေးဖွေးလှုပ်အောင်ကြွေပေါ့။
ငါ့နောက်ကျောစိုက်ဝင်သွားတဲ့အမှောင်မှာတော့
တရားထူးရှာမတွေ့ခဲ့တာသေချာတယ်။ ။

နောင်မင်းနိုင်

......................................................................


"အဆုံးမဲ့တေး"

အိမ်တွေဟာ
မှုန်ကုပ်တိတ်ဆိတ်လို့
ပျင်းရိထိုင်းမှိုင်းနေသလို။

စက်ရုံခေါင်းတိုင်က
မီးခိုးငွေ့တန်းတို့တွန့်ခေါက်
လွန့်လူးအေးစက်နေပုံဟာ
ငြီးငွေ့စရာကောင်းတယ်။

ညနေစောင်းလာတာနဲ့
လူ့ဘဝဆိုတာ
ခပ်မှိုင်းမှိုင်းရေးခြယ်ထားတဲ့ ပန်းချီလို
ခြောက်သယောင်းအေးခဲနေတယ်။

တစ်ခါတစ်ရံ
လမ်းစတွေပျောက်ဆုံး
အဆိုးဆုံးကတော့
ဦးတည်ရာနေရာကင်းမဲ့
ကမ်းစပ်က သင်္ဘောပျက်ကြီးတစ်စင်းလို။

အထီးကျန်နိုင်မှုနဲ့အတူ
ဘဝမှာ လူလာဖြစ်ရတာ
အဓိပ္ပာယ်ဆိုတာ မရှိ
အရာရာဟာ အနှစ်မဲ့လာသလိုပဲ။

နွမ်းကြေမှုထဲမှာ အိပ်ပျော်
လင်းကြက်ဆော်ချိန်မှာ လွန့်နိုးထ
အစကနေအဆုံး အတည်ငြိမ်ဆုံးထားတွေး
အားမာန်တွေမွေးလို့
အချစ်တေးတွေ သီဆိုရဦးမယ်။ ။

ညွန့်သစ်

..............................................................


"ငါမဟုတ်ဘူးကွဲ့၊ ဇီဝဇိုး၊ ငှက်တစ်ကောင်"

လဲလှယ်ခဲ့ရတယ်
ဆုံးရှုံးမှုသစ်သီးတစ်ခိုင်နဲ့
လွတ်လပ်မှု ထိုင်ခုံတစ်လုံး။
ရယ်ဒီ ရိုက်မယ်၊ ပြုံးပါတဲ့
ငယ်ငယ်က ကြုံဖူး
အဝတ်မည်းကြီး ခြုံထားသူ ညွှန်ကြားသမျှ
သွားအကျဲသားလေးနဲ့ရယ်ခဲ့ ... ။
ငါ့ဓာတ်ပုံ ...။
မြစ်အနောက်ဘက်နေ ငယ်ဖော်များ
နန်းတော်အောက် ခွေးကြည့်သွားခိုက်
အကွက်စေ့အောင် စဉ်းစားဖို့
သူတို့မေ့သွားပုံရ။
အဝတ်မည်းကြီးကို ကြောက်ရင်းစွဲ
သည်းသည်းမည်းမည်းနစ်မွန်းပစ်ချင် ... ပစ်လိုက်
"မြကျွန်းသာ" သဏ္ဍာတိုက်ရဲ့ မြေပုံညွှန်း
ပေညစ်
စွန်းထင်း
ဟုတ်ကဲ့ ... လုံးလုံးမသုံးဖြစ်တော့ဘူးလေ ... ။

တောင်ကြီးဖဝါးအောက်ဆိုပေမယ့်
လူသူမရောက်နိုင် ပင်လယ်နက်ထဲ
ထိုးထွက် ကျောက်ဆောင်ကျောက်ကမ်းပါး
စွန့်စွန့်စားစား ကြိုးကြိုးကုတ်ကုတ်
အသိုက်လေးလုပ်ပြီး ဝှက်ထားရှာ။
ရှားရှားပါးပါးကွဲ့
အစာတွေအပြင်
သွေးမျှင် သွေးစ၊ ပါတဲ့အထိ၊ အန်ထုတ်
အသိုက်လုပ်၊ အနေထူး။
ဒုက္ခတွေ မဆန့်မပြဲသုံးပြီး
ကဗျာတွေအန်ထုတ် အသိုက်လုပ်ကြ။
ငါ့အန်ဖတ်ပုံကြီးကို ပြန်ကြည့်မိတော့
"ဆုံးရှုံးကြေကွဲ မျက်ရည်အိုင်"
"အတည်ကြံတာပဲရယ်လို့ ထင်ထားပြီးမှ
အဲသည့်ယုံကြည်မှုက ပေါက်ဖွားလာခဲ့"
"အတ္တမာနထုထည်"
ဪ အခံရခက်လိုက်တာများနှယ်။
ပိုလို့နက်တဲ့ပင်လယ
ပိုလို့မြင့်တဲ့ကျောက်ဆောင်ထိပ်
တရိပ် ... ရိပ် ... ပျံ
ဘဝတစ်သက်ပန်လုံး ...
အန်ပြီးရင်း အန်ရင်း ... ပေါ့။ ။

မအိ

.....................................


"မပြောဖြစ်ခဲ့တဲ့အကြောင်းတွေ ရှိပါသဖြင့်"

တိုင်းပြည်ကြီးဟာ သစ်သီးဝလံတွေပေါများလို့
တစ်ကိုက်ဖဲ့စားလိုက်တိုင်း ခွမ်ကနဲ ခွမ်ကနဲ မာလကာသီးကြီးတွေ အုန်းသီးခန့်
အုန်းသီးမှာ အခွံမရှိတော့တဲ့ ငါတို့တိုင်းပြည်ရဲ့ ဒီနေ့နည်းပညာ ...

ငါဟာ မူလတန်းပြဆရာတစ်ဦးပါ
ငါ့ကျောင်းက ကလေးတွေဟာ အင်တာနက်နဲ့ မလုံလောက်တော့
ပဋိပညာရေး anti-education ကို တောင်းဆိုနေပြီ
ကမ္ဘာ့ကဗျာဆရာမောင်ချောနွယ်
ကမ္ဘာ့ကဗျာဆရာဇေယျာလင်းတို့ရဲ့ လာရောက်ဟောပြောမှုက
ိုမုန့်စားဆင်းချိန်မှာ အသေးစိတ်ဆွေးနွေးလို့ ...

ငါ့အိမ်ခေါင်မိုးမှာ ဆိုလာအမိုးပြားတွေနဲ့
ငါ့အိမ်ရှေ့က နိုင်လွန်ကတ္တရာလမ်းသွယ်
ငါတို့လမ်းထဲက အိမ်တွေဟာ ရွှေဖြူမျက်နှာကြက်နဲ့
ငါတို့လမ်းထိပ်မှာ ငါ့မိန်းမဟာ
လေးထပ်မြင့် ဟင်းသီးဟင်းရွက် mart တစ်ခုကို ဦးစီးရောင်းချလို့
လက်ထဲမှာ မြစ်ဝကျွန်းပေါ်မြောက်ဖျားစီးပွားရေးစာစောင်ကိုဖတ်လို့
အို ...ငါတို့မြို့လေးမှာ
ရွာသာကုန်းတိုင်းမ်သတင်းစာ
ပိုးစာတောစထရိဂျာနယ်
ရွှေကူပို့စ်သတင်းစာ
နေ့စဉ်ထုတ်သတင်းစာတွေဟာ ပလူပျံလို့ ...

ဆေးရုံတွေမှာ လူနာမရှိသလောက်ဘဲ
မြို့ဟာ ကျန်းမာရေးနဲ့ညီညွတ်လို့
စက်ရုံက မီးခိုးတွေနဲ့ အိတ်ဇောငွေ့တွေကို
မြို့တော်ဝန်ဟာ အောက်စီဂျင်အဖြစ် ပြောင်းလဲထုတ်လုပ်လို့
မြို့ထဲက ပလက်ဖောင်းတွေ၊ ပလက်ဖောင်းတွေရဲ့ ပခုံးသားမှာ
သင် လျှောက်ခဲ့တဲ့ခြေလှမ်းတွေကို ဖော်ပြလို့
ပဲစပါးပြတိုက်၊ ရေချိုးငါးပြတိုက်၊ ယဉ်ကျေးမှုပြတိုက်ကြီးတွေဟာ မိုးထိမြင့်လို့
ပန်းဘဲတန်းစကွဲယားပန်းခြံထဲမှာ
ကဗျာဆရာမောင်လင်းခက်ရဲ့ဖယောင်းပန်းပုဟာ တိတ်ဆိတ်ငြိမ်သက်လို့
ဟင်္သာတကိုဝင်ထွက်ခဲ့ဖူးတဲ့ ကဗျာဆရာတွေရဲ့ရုပ်ပုံဟာ
ကဖေးဆိုင်တိုင်းမှာ ချိတ်ဆွဲလို့
လမ်းထောင့်တိုင်းမှာ သူရဲကောင်းနဲ့ စာဆိုတို့ရဲ့ကြေးသွန်းရုပ်ကြီးတွေ
မြို့ရဲ့တစ်ခုတည်းသော လေယာဉ်ကွင်းကနေ ...

ကဗျာတစ်ပုဒ်ထဲသို့ ဝင်ရောက်ပါ
တကယ့်အဖြစ်အပျက်များသာ တွေ့ရမှာ။ ။

ကိုမြတ်ခိုင်ဦး

.....................................


"စံတော်ချိန်"

လက်နှစ်ဖက်လုံး အဆုံးခံလိုက်ရလို့ပေါ့
မျက်လုံးလေး မှိတ်တုတ်မှိတ်တုတ်
သုည တစ် သုည တစ် သုည တစ် ဓာတ်ခဲနဲ့အသက်ရှု
ဒစ်ဂျစ်တယ် ယန္တရား
ရေဒီယိုတီးလုံးများ၊ ရုပ်မြင်သံကြားပြကွက်
ရွာမှာ ကုလားတက်ရှိသေးလား
ကြက်တွန်သံ၊ အုန်းမောင်းသံ
ငါတို့ ပျံသန်းနေဆဲ
မှန်ကွက်ကလေး သေးသေးထဲ
ဘာကို မြင်ကြရ။ ။

စည်သူငြိမ်း

...........................................................................


"ကျွန်တော့်ကို ဖွင့်ထွက်သွားတဲ့အခန်း"

အခန်းတစ်ခုကို
ကျွန်တော် ဆာလောင်မွတ်သိပ်ခဲ့တယ်။

လူတချို့ပိုင်ဆိုင်တဲ့အခန်းတွေကို မြင်တိုင်း
ပြင်းရှငတ်မွတ်စွာ တောင့်တခဲ့မိလေရဲ့
ကျွန်တော့်အတွက်
လုံလောက်မျှတစေတဲ့ အခန်းတစ်ခုကို။
လူတချို့အတွက်
သူတို့ရဲ့အခန်းတွေဟာ
သစ်လွင်လှပတဲ့အိပ်မက်တွေကို ထုတ်လွှင့်ပေးကြတယ်။
လူတချို့အတွက်
သူတို့ရဲ့အိပ်မက်တွေဟာ
တောက်ပတဲ့ရွှေရောင်ပန်းခင်းတစ်ခုကို ဖန်ဆင်းပေးကြတယ်။
လူတချို့အတွက်
သူတို့ရဲ့ပန်းခင်းတွေဟာ
ထူးဆန်းသိမ်မွေ့တဲ့ လေပြည်လေညင်းတွေကို ခြယ်မှုန်းပေးကြတယ်။
လူတချို့အတွက်
သူတို့ရဲ့လေပြည်လေညင်းတွေဟာ
အရောင်အသွေးပြောင်မြောက်တဲ့ရနံ့တွေကို ဆွတ်ဖျန်းပေးကြတယ်။

သူတို့ပိုင်ဆိုင်တဲ့ အခန်းတစ်ခုလုံးဟာ
အဆိုပါအဆင်တန်ဆာတွေနဲ့ သက်ဝင်ချိုမြနေတော့တယ်။

အခြားတစ်နေရာက ပြန်လာတိုင်း
မောပန်းနွမ်းနယ်မှုကို အစားထိုးဖြေဖျောက်ဖို့ရာအတွက်
ကျွန်တော့်မှာ အခန်းတစ်ခု မရှိခဲ့ပါ။
မရှိခဲ့လေသော အခန်းတစ်ခုအတွက်
လိုအင်ဆန္ဒများနှင့် ရှုပ်ပွနေသော ကောင်းကင်တစ်ခုသာ
ကျွန်တော့်မှာ တည်ရှိဖောင်းပွနေခဲ့။

သူလိုကိုယ်လို နေထိုင်ရန်
လုံခြုံနွေးထွေးပြီး ဆွဲဆောင်မှုရှိသော အခန်းတစ်ခုကို
တမြန်နေ့က
ကျွန်တော့်စိတ်ကူးများနှင့် လဲလှယ်ခဲ့ရပါသည်။
အများနည်းတူ
အခန်းတစ်ခုကို ကျွန်တော် ပိုင်ဆိုင်ခဲ့ရပါရဲ့။
ဒါပေမယ့်
ကျွန်တော့်ရဲ့အခန်းဟာ
မျှော်လင့်ထားသလို ဖြစ်မလာခဲ့ပါဘူး။
ခေတ္တခဏသာ စိတ်သက်သာရာ ရစေခဲ့ပြီး
ကျွန်တော် ချုပ်လုပ်ထားတဲ့ အိပ်မက်တစ်ခုကိုလည်း
မပြောမဆို
ခိုးယူဝတ်ဆင်ထားပြန်သေးရဲ့။

သည်နောက်မှာတော့
တိတ်ဆိတ်တိုတောင်းလှတဲ့ စက္ကန့်ပိုင်းတစ်ခုအတွင်းမှာ
ကျွန်တော် မသိအောင် ပြန်ထွက်သွားခဲ့လေတယ်။ ။

သျှီသူအောင်

.........................................................


"မျက်နှာကောက်ကြောင်းများ အနီးကပ်"


ဘတ်စ်မှတ်တိုင်၊ စူးစမ်းကြည့်နေတဲ့ မျက်လုံးတစ်စုံ၊ မြင်ကွင်းထဲ
မျက်နှာတွေ တရိပ်ရိပ် ဖြတ်သွားနေ၊ ကောင်မလေးက
ကောင်လေးကို ချစ်စနိုး မျက်လွှာပင့်ကြည့်တဲ့ ခဏ၊ လူအိုတစ်ယောက်ရဲ့
မျက်မှန်နက်အောက်မှာ ဘာရှိသလဲ၊ နားကြပ်ထဲက သီချင်းသံနားစွင့်နေတဲ့ မျက်နှာ
အများပြည်သူသုံးဖုန်းပြောရင်း စိတ်ကူးယဉ်နေတဲ့ အိပ်မက်ထဲ လမ်းလျှောက် နေတဲ့
အခြားမျက်နှာပေါ်မှာ စိုးရိမ်ကြောင့်ကြမှု အရိပ်အယောင
်ရုပ်ရှင်မင်းသမီးမျက်နှာနဲ့ မိန်းမရွယ် ရန်ကုန်တစ်မြို့လုံးကို ထီမထင်ဟန်နဲ့
ငွေကြေးရှာဖွေနေတဲ့ မျက်လုံးတွေ၊ ထိုင်ခုံပြာပေါ် တောင့်တောင့်ကြီး
လူမှုရေးပြောနေတဲ့ မျက်နှာတွေ ရှုပ်ထွေး/မှိန်ဖျော့
ဒေါ်လာတန်ဖိုး အနိမ့်အမြင့်မှာ ပျက်ယွင်းနေတဲ့မျက်နှာတွေ ငွေစက္ကူလို
ဖျတ်ခနဲ၊ မိတ်ဆွေတစ်ယောက်ကို မမြင်ဟန်ဆောင်လိုက်တဲ့မျက်နှာ၊ ကြော်ငြာ
ဆိုင်းဘုတ်ပေါ်က အောင်မြင်ကျော်ကြားမှုကို ဆာလောင်နေပုံရတဲ့သရုပ်ဆောင်မှု
စိတ်ကူးထဲက မျက်နှာပုံရိပ်တွေက မှုန်ဝါးနေသလိုပဲ၊ အမှန်လို့တော့ မသေချာ
နေ့စဉ် ပြဿနာတွေ ဖြေရှင်းနေရသလား၊ ဟိုမျက်နှာ
လူ့ဘဝဟာ ပန်းသီးလို အရသာမျိုးရှိတယ်လို့ ယူဆထားသလား၊ ဒီမျက်နှာ
မျက်နှာပေါ်က အဓိပ္ပာယ်တွေ ကွဲပြားခြားနား၊ သို့သော် အကန့်အသတ်နဲ့
အများနဲ့မတူတဲ့မျက်နှာတစ်ခု၊ စကားလုံးတွေ စဉ်းစားကြည့်နေဟန်
ဘာသာစကားမှာလည်း အဓိပ္ပာယ်ဟာ အကန့်အသတ်နဲ့
တိရစ္ဆာန်ပုံပေါက်နေတဲ့ မျက်နှာကို လူကြီးလူကောင်းလို့ အနက်ဖွင့်လို့ ရမရ
အခု မြင်နေရတဲ့ မျက်နှာတွေမှာ အခြားမျက်နှာတွေ အစားထိုးလို့ ရမရ
မီးတောက်မီးလျှံ၊ ပင့်ကူ၊ ဟောင်းနွမ်းနေတဲ့ စကားပုံ၊ ရေဆေးပန်းချီကား
ခေတ်ကုန်သွားတဲ့ ဖက်ရှင်၊ ပညာတတ်မျက်မှန်၊ ဝက်နှာခေါင်း၊ စက်ရုပ်၊ ဆော့ဖ်ဝဲ
မြို့ပြမျက်နှာတွေဟာ ပန်းမျိုးစုံပွင့်နေသလို
ဘာသာပြန်သူ၊ တက္ကစီမောင်းသူ၊ ငွေလွှဲစာပေးပို့နေသူ၊
ရုပ်ရှင်ဇာတ်ကားရိုက်ကူးထုတ်လုပ်သူ
မျက်နှာတွေအားလုံး ရောနှောလိုက်တော့
လူမှုပညာရှင်တွေပုံဖော်မရတဲ့ မျက်နှာတစ်ခုပေါ်လာသတဲ့
အရေးပေါ်၊ ကွန်ပျူတာက ပြောနေတယ်၊ အချက်ပေးအော်မြည်သံ
အမှောင်ထဲမှာဝိုးတဝါး၊ လူလူချင်း ခြောက်လှန့်နေတဲ့တစ္ဆေ
ခင်ဗျား၊ ကျွန်တော်၊ သူသူငါငါ။ ။

အောင်ရင်ငြိမ်း

..................................................................................


"ကြိုးတံတား"

ငြင်းပယ်လို့မရတဲ့ ဖြစ်တည်မှု
ဖြတ်သွားဖြတ်လာနေသူ တချို့ကြောင့်
တအိအိ တဆတ်ဆတ် တုန်ခါနေရတာ သူ့ခန္ဓာ။
သူတစ်ခါက ပြောဖူးတယ်
(ရယ်သလိုလို ငိုသလိုလိုနဲ့ပေါ့)
ဘဝဆိုတာ နိမ့်လိုက်မြင့်လိုက်နဲ့
အချိန်တန်တော့လည်း ပြီးဆုံးသွားတာပါပဲတဲ့။
ဒါပေမယ့်
နုနယ်သူများ စီးဆင်းနေမှုမှာ
ထိတ်လန့်ရင်ဖိုစရာ။
လိမ္မာပါးနပ်ရင့်ကျက်သူတချို့ပဲ
ယမ်းခါမှုမှာ အလိုက်သင့်
ကိုယ်ဖော့
အရသာကို ရသလောက် ပိပိရိရိခံစား
နာရီတစ်လုံးကတော့ ဖျားနေခဲ့ပြီ။ ။

မျိုးမင်းငြိမ်း

...........................................................

"ဒီဝါဆို ဆွတ်ပျံ့စေခဲ့"

မင်စွန်းနေတဲ့ အင်္ကျီကိုကြည့်ပြီး လွမ်းရမလား
တစ်ရက်ခြား တစ်ကြိမ်ပွင့်တဲ့ ဇွန်ပန်းရုံကို လွမ်းရမလား
ကျွန်တော်ဟာ သခွားသီးစိတ်လေးပါလို့
လမ်းဘေးက ဓာတ်တိုင်ကြီးကိုတော့ ပြောပြခဲ့ဖူးတယ်။.

မီးကိုခူးဖို့
ကောင်းကင်ကို တူးဆွလိုက်ရမလား
တိမ်တွေကို ဖိနပ်လုပ်စီးမယ်လို့တော့
မရည်ရွယ်ခဲ့ပါဘူး။
အဦးအဖျားလေးကို သက်တံမှာချည်ပြီး
မိုးရာသီတစ်ခုလုံး
တူတူပုန်းတမ်း ကစားခဲ့ဖူးတယ်။ ။

ဇော်မိုးလွင်

.......................................................................


"ဖြတ်သွားဖြတ်လာပြုကျင့်ခြင်းခံရသော ဝါကျများအကြောင်း"



ရေတမာနဲ့မလေးရှားပိတောက်ပင်တွေ
မမြင်ရတာကြာသော မိတ်ဆွေတွေလည်း စကားပွင့်စိမ်းစိမ်းတွေနဲ့
မရိတ်သိမ်းဖြစ်သေးတဲ့ မုတ်ဆိတ်မွေးပင်တွေလို
ကြိုးတိကျဲတဲ၊

တစ်ယောက်အလိုတစ်ယောက်မလိုက်နိုင်တဲ့အခါ
ခင်ဗျားတို့ လက်ထဲမှာ အလင်္ကာတွေ နိမိတ်ပုံတွေ
အပစ်အခတ် အဖြတ်အတောက် အချိန်းအချက်
အမျက်တွေ တစ်ခွက်လောက်မော့သောက်ရအောင်
ခင်ဗျားတို့ကို ကြိုဆိုနေမယ့်
ဗိုလ်အောင်ကျော်လမ်း၊ ပီမိုးနင်းလမ်း၊ ရွှေဥဒေါင်းလမ်း၊ မြို့မငြိမ်းလမ်း
နားခိုစရာ ဘိုထိုင်အိမ်သာနဲ့အဲယားကွန်းဘုံရိပ်သာ
လိုချင်တာရနိုင်မယ့် မြို့တော်မတ်နဲ့ ဆိုက်ဘာကဖေး၊ ကဗျာကလေးရေး
အညောင်းအညာလေးလည်း ဖြေချင်ရင် ပြေနိုင်တာပေါ့၊

ဝီစကီနဲ့အင်နာဗွန်စီ တည့်ပါတယ်ကိုယ့်လ
ူဒီတစ်ပတ် စနေမလာဖြစ်သေးဘူးလား
ပြန်ရောက်သွားပြီဆိုတဲ့အကြောင်းနဲ့ ဘယ်ကိုလာတွေ့ပါဆိုတဲ့အကြောင်း
အကြံပြောင်းတဲ့အကြောင်းပြန်စကား ဖုန်းလိုင်းတွေ မအားသေးဘူးလေ

ကိုယ့်ထီးကိုယ့်နန်း ကိုယ့်ကြငှန်းနဲ့ဆိုပြီး
ရင်ငွေ့လေးပြေးပြေးလှုံရ ...နို့သက်လေး ပြေးပြေးခံရ
အဖိုအမတွေမရှိလည်းရတဲ့ ကမ္ဘာကြီးမှာ
ကဗျာဆရာတစ်ယောက်တော့ ရှိသင့်ပါတယ်။ ။

ဗညားလှိုင်ဦး

............................................................................


"လက်ဆောင်မွန်"

ရာသီက ပန်းကိုစောင့်တယ်
အလွမ်းက ငါ့ကို စောင့်တယ်
တစ်မိုးလုံး ဖျောက်ဆိပ်ချည်းလို့
ဘယ်သူပြောလဲကဲ ဟောသည်မှာ
ဘယ်သူပြောလဲ တစ်တောလုံးကြွေ
ဒီသီချင်းကို မောင်ဒေါင်းလည်း ဆိုတယ
်ဗညားလှိုင်ဦးလည်း ဆိုတယ်
ပြန်မတွေ့တာကြာပြီဖြစ်သော
ငယ်သူငယ်ချင်းမလေး ယုယုလွင်လည်း ဆိုတယ်
ချေ လည်း ဆိုတယ်
အမေလည်း ဆိုတယ်
လွမ်းတတ်သူများသမဂ္ဂမှာ
ခင်ဗျားနာမည်စာရင်းပေါက်ပါပေါ့
ကိုနောင်မင်းနိုင်။
လူပြောသူပြောလမ်းထဲ
လူလွမ်းသူလွမ်း ပြောဖြစ်တာတွေ
နောက်ဆုံး အသံ
အကျယ်ကြီးထွက်ပြပြီးမှ
ရွာမယ့်မိုးက
လာမယ့်မိုးကို ဆီးလို့ကြိုမယ်လုပ်တယ်
တကယ်တော့ဆုတောင်းခန်းတွေက ထွန်းညှိလိုက်တဲ့အသံပါ
တစ်လွမ်းလွမ်း တစ်လွင့်လွင့်
စီးဆင်းနေတဲ့
ပန်းပွင့်ဝါဝါလေးတို့ရဲ့
ဆွတ်ကျင်မွှေးမြ အနာတရကို
စိုက်ပျိုးခဲ့ခြင်းလည်း ဖြစ်ပေရဲ့
တရားကို နတ်စောင့်သတဲ့
ဒါဆို
မတရားတာကို ဘာစောင့်ပါလိမ့် မိတ်ဆွေတို့
ရာသီက ပန်းကို စောင့်တယ်
အလွမ်းက ငါ့ကို စောင့်တယ်
မတရားတာကို ဘာစောင့်ပါလိမ့်မိတ်ဆွေတို့
အဖြူစင်ဆုံးဟာ
အဖြူစင်ဆုံးမဖြစ်ခဲ့တော့ဘူးဆိုရင်
အဲဒီမေတ္တာတရားဆီ
ငါမရောက်ရောက်အောင်သွားပါရစေ
မတားပါနဲ့
ဘီလူးနက္ခတ်မှာလည်း
နံ့သာပန်းတွေပွင့်ခွင့်ရှိကြောင်း
နှောင်းလူတို့ သိကြားပါစေလေ
ဗုဒ္ဓရဲ့အဆုံးအမမှာ
အပ္ပမာဒေန သမ္ဗာဒေထ
ကိုယ့်ဒဏ်ရာကိုယ် မမေ့ဖို့တော့
လိုရဲ့မဟုတ်လား
ငါတို့ဟာ ပြောကြရတယ်
ငါတို့ဟာ စကားတွေ ပြောကြရတယ်
ငါတို့ဟာချစ်ခြင်းမေတ္တာအတွက် စကားတွေပြောကြရတယ်
ကရားထဲက ရေကျသလို စကားတွေက
အမှားထဲက ရွှေတွေ့သလို တရားတွေအကြောင်း
ငါတို့ဟာ
နောင်နှစ်ပေါင်းများစွာ ပြောနေကြရဦးမယ်မဟုတ်လား
တောင်တန်းတွေဟာ
ငြိမ်သက်တိတ်ဆိတ်သလောက်
ဝါးရွက်တွေကတော့
အသံအကျယ်ကြီး လှုပ်ခတ်ကြတယ်လေ
မိတ်ဆွေတို့
အစ်ကိုတို့
သူငယ်ချင်း ညီအစ်ကိုတို့ရေ
ဒီနွေဦးဟာ
ကျွန်တော်တို့လက်ထဲမှာ
ပွင့်ဖူးရမယ်ဆိုတာ သေချာခဲ့ပြီ။ ။

Aမွန်

..........................................................



"ပင့်သက်"

အားလုံးက
ရှင်းရှင်းလင်းလင်းဖြစ်စေချင်တယ်။

ဒါပေမယ့်
ထပ်မံရှုပ်ထွေးခြင်းတွေ မွေးဖွားခဲ့ပြီ။

ငါတို့
အမှောင်တွင်းမှာ
မျက်နှာအဝတ်စည်းပြီး
ပြုံးရယ်တတ်ဖို့ ကြိုးစားကြရအောင်။ ။

ဖျာပုံမောင်မောင်စန္ဒာ


"မျက်ရည်ဝဲနေတဲ့ဟွန်းသံ"

ဖေဖေရဲ့ ရှိုက်သံမှာ
ကျွန်တော်ငိုနေတယ်ဆို ယုံမလား။
ကြွေးဟောင်းကိုမဆပ်နိုင်သေးဘဲ
ကြွေးသစ်ပါ ဆက်တင်နေတဲ့ ကျွန်တော်
ဖေဖေ့အရိပ် မိုးကုတ်စက်ဝိုင်းက
ကမ္ဘာ့အနက်ဆုံး ချောက်ထဲခုန်ချခဲ့။
ကျွန်တော့်စိတ်နဲ့
ဖေဖေ့နှလုံးခုန်ခဲ့တယ်ဆိုတာမေ့ခဲ့။
ဖေဖေ ကရုဏာဒေါသနဲ့ ကျွန်တော့်မာနကြားမှာ
ရနံ့အပြည့်ပန်းတွေညှိုးခဲ့။
ငယ်ငယ်က ပုံရိပ်တွေ
ကြီးလာတော့ ပိုထင်ရှားတယ်ဆိုတာ ဟုတ်တယ်။
မိသားစုနဲ့ဝေးမှ
မိသားစုအရသာကို ငတ်မွတ်တယ်ဆိုတာ ဟုတ်တယ်။
အဖေမရှိတော့တဲ့ ဖေဖေ
သားတစ်ယောက်ရှိနေရုံနဲ့
စကြဝဠာတစ်ခုစာ ကျေနပ်နှစ်သိမ့်ခဲ့တယ်လား။

ဖေဖေ့ အမေ ကျွန်တော့်အဘွား
ဖေဖေ့အပေါ် ချစ်ခဲ့တာထက်
ကျွန်တော့်အပေါ် ဖေဖေ ပိုချစ်ခဲ့တယ်လား။
မိဘမေတ္တာရဲ့ အဖြူရောင်တရားမှာ
အဖိုအမ, မကွဲပြားပါဘူး
ကျွန်တော့်အနုပညာလက်ညှိုးလေး
ဖေဖေ့ပါးစပ်ထဲ ပြည်ပေါက်ခဲ့တာတောင်
မျိုချခဲ့တဲ့ ဖေဖေ
အိပ်မရတဲ့ ညတွေမှာ
ကျွန်တော့်အတွက် စဉ်းစားတွေးတောပူပန်ရင်း
ရင်ထဲတောက်လောင်နေတဲ့ မီးရှိန်နဲ့
အပေါ်သွေး (၁၉၀)၊ အောက်သွေး (၁၀ဝ)
နည်းတာမှမဟုတ်။
ရည်ရွယ်ချက်ကို ဆေးမင်ကြောင်ထိုးခဲ့ပြီ။

ကျွန်တော့်အဓိပ္ပာယ် ကျွန်တော်ဖွင့်ဆိုခဲ့ပြီ
အဝေးရောက်သားရဲ့နောင်တမှာ
စဉ်းစားတိုင်း ဝဲခဲ့တဲ့ မျက်ရည်နဲ့
စိတ်ကူးတိုင်ပင်ခဲ့တဲ့ အသိ
ကျွန်တော့်အမှန်တရား
ကျွန်တော့်အပေါ် ဘယ်လောက်မှားခဲ့သလဲ။
မေတ္တာကင်းမဲ့ဇုန်မှာ
ကျွန်တော့်ရင်ထဲက ဝေဒနာဟွန်းသံကို
ဘယ်သူကြားမှာတဲ့လဲ။
ဖေဖေ့အိမ်က မြေကြီးရနံ့ကို ဆာတဲ့စိတ်နဲ့
ဒီကဗျာမှာ ကျွန်တော်တီးနေတဲ့ ဟွန်းသံ။ ။

တိုးနှောင်မိုး

......................................................................


"ပျော်ရွှင်သူ"


အမှန်တရားက ဖိနပ်ပြင်နေချိန်မှာ အမှားက ကမ္ဘာတစ်ပတ်ပြည့်ခဲ့တာလား
သူတော်စင်က ပုတီးတစ်ပတ်ပြည့်ချိန် သူမိုက်က ငိုက်မြည်းနေတုန်းလား
တစ်ယောက်က အခွန်း (၆၀) ဆရာခေါ်မှ
တစ်ယောက်က တစ်ခွန်းပဲ ပြန်ထူးတာလား
မပြီးနိုင်၊ မစီးနိုင်လည်ပတ်နေတဲ့သံသရာမှာ
နံနက်ခင်းပွင့်တဲ့ ပန်းကအစ ဆုံလည်နွား
ချစ်ခြင်းမေတ္တာတွေ ဆင်ကန်းတောတိုးနဲ့
ဝင်ဝင်ပူးနေတဲ့ ဝိညာဉ်များ
ကိုယ် ဒီနေရာ ပြန်ပြန်ရောက်လာတာ
ဘယ်နှကြိမ်ဘယ်နှခါရှိပြီလဲ
ရောက်ချင်ပေမယ့် မရောက်သေးတဲ့ တစ်စုံတစ်ရာအတွက်
မရောက်ချင်ပေမယ့် ရောက်လာဦးမယ့် တစ်စုံတစ်ရာအတွက်
မွေးနေ့ဟာ လောကမာယာနောက်တစ်ခွက်လား။ ။

ဝိုင်ချို

....................................................................................


"တေ့လွဲဇာတ်ပေါင်းခန်း"

ငါနဲ့မင်း အခုလို တွေ့ဆုံခြင်းကိုက
အတော်လွဲချော်မှုတစ်ခုတလေပါပဲ
အခုလောက်ဆို ...
... ပန်းခြံတစ်ခုထဲက
ဒန်းလေးတစ်စီးပေါ် ကျွန်မ ရောက်နေလောက်ပြီ
ငါ့ကိုလည်း ဘဏ်တိုက်တစ်ခုထဲမှာ တွေ့ကြတယ်ပြောတယ်
ငါ့အတွက် မင်းမရှိလည်း ရတယ်
ကျွန်မလည်း ရှင့်ကို အလိုမရှိတော့ဘူး
မင်းရဲ့ခါးသားဖွေးဖွေးလေးတွေကို ငြီးငွေ့နေပြီ
ရှင့်ရဲ့မထုံတတ်တေးကို စိတ်ပျက်မိတာတော့ အမှန်ပဲ
အတွင်းခံအနီဆို ဘလောက်စ်အနီဖက်ရှင်
ရှင့်အတွေ့အထိကို ကျွန်မညောင်းညာနေပြီ
လာသေးတယ်၊ အတွင်းခံအပြာအစက်အပြောက်ဆို
ဘလောက်စ်အပြာအစက်အပြောက်ဆိုတာတွေ
စက်ရုံတစ်ရုံ၊ အိမ်တစ်လုံး၊ မိန်းမတစ်ယောက်
အမြဲပြုပြင်ဖို့ လိုသေးတယ်ဆိုတာ ရှင်မသိတာအံ့ပါရဲ့
နွေပြီးရင် ... မိုး လာတော့မယ် ...
မိုးပြီးရင် ... ဆောင်းရောက်တော့မှာလို ...
အဲဒီလို မင်းအတွက် ငါ့မှာ အဆင်သင့်မရှိခဲ့ဘူး
မင်း Mr. LP ကို သိလား
ကျွန်မ အရူးတွေအကြောင်း စိတ်မဝင်စားဘူး

ရုပ်ရှင်ရုံဟောင်းကြီးရှေ့က မင်းထွက်သွားလို့ရပါပြီ
ငါကတော့ တစ်ယောက်ကို စောင့်ရဦးမယ်
ကျားနို့စို့ချင်လျှင်တော့ ကျားခေါင်းထဲဝင်ရဲရမယ်
သွားပါ ... သွားလို့ရပါပြီ
သေသူကိုရှင်သူက တ စရာအကြောင်းလည်း မရှိ
ငါ့ကို မင်းအနီရောင်ကြက်ခြေခတ်လိုက်သလို
ငါတစ်ယောက်ယောက်ကို စောင့်ရမယ်
တစ်ယောက်ယောက်ကို
မင်းလိုပဲ ငါက ပြန်ပြီး အနီရောင်ကြက်ခြေခတ်ပေးရမယ်
ဒါမှမဟုတ်
နှစ်ထပ်ကွမ်းပျော်ရွှင်မှုတစ်ခုခု
နောက်ဆုံးတွေ့ချင်တယ်ဆိုရင်တော့
ဗုဒ္ဓဟူး တဟူးဟူးမှာ
ဒေါင်းလမ်းထဲက သီချင်းမဖွင့်တဲ့လက်ဖက်ရည်ဆိုင်/သိလား
တို့နှစ်ယောက်ထဲက
တစ်ယောက်ယောက်မလာသောနည်းနဲ့/လမ်းခွဲကြဖို့
တစ်ဦးကဆုတ်ခွာပေးခြင်းနည်းလမ်းပဲ
တော်တော်လွဲချော်တဲ့အ,တတကံတရားရယ် ...
ဗုဒ္ဓဟူး ... တဟူးဟူးရောက်ပြီလေ
ကျွန်မက ရှင်မလာတော့ဘူးထင်ခဲ့တာ
ငါတို့ လှည့်လို့မရတဲ့ လှိုဏ်ခေါင်းကျဉ်းထဲရောက်နေကြပြီလေ
လွဲလွဲချော်ချော်နဲ့တိုက်ဆိုင်ခဲ့ပုံက
အံ့ဩ ထင်မထား ပါးစပ်အဟောင်းသားနဲ့
ဒေါင်းလမ်းထဲက သီချင်းမဖွင့်တဲ့ လက်ဖက်ရည်ဆိုင်ထဲမှာ။ ။

သူရနီ

.......................................................................................


"ကျေးဇူးများတဲ့ကဗျာ"

ကျေးဇူးတင်ပါတယ် လို့
ကျေးဇူးစကားကို လွယ်လွယ်ပြောတတ်ကြပေမယ့်
ကျေးဇူးရှင်စစ်စစ်တွေကို
ကျေးဇူးသိတတ်ဖို့တော့ မလွယ်ဘူး။
ကျေးဇူးမဆပ်နိုင်ရင်တောင်
ကျေးဇူးရှိတယ်ဆိုတာကို သိနေရင်ပဲ
ကျေးဇူးသိတတ်တယ်လို့ ဆိုရမယ်။
ကျေးဇူးခံထားလို့
ကျေးဇူးစားတာဆိုပြီးတော့
ကျေးဇူးချင်း ချေပစ်နေတာတွေဟာ
ကျေးဇူးတင်ရမှာစိုးလို့
ကျေးဇူးကန်းခြင်းတစ်မျိုးပါပဲ။
ကျေးဇူးတရားကို ဆင်ခြင်အောက်မေ့နိုင်စွမ်းဟာ
ကျေးဇူးသိတဲ့သူတော်ကောင်းတွေသာ လုပ်နိုင်တာပါ၊
ကျေးဇူးကြီးမားလေလေ
ကျေးဇူးဆပ်ရ ခက်လေလေမို့
ကျေးဇူးဆိုတာကို ဘာဝနာတစ်ခုလို ပွားများသင့်တာပေါ့။

ကျေးဇူးရှိမှ ကျေးစွပ်တယ်ဆိုတာကလည်း
ကျေးဇူးရှင်ကို စော်ကားကြတဲ့ လူမိုက်တွေကြောင့်ပါပဲ
ကျေးဇူးပြုကြသူတွေဟာ
ကျေးဇူးတုန့်ပြန်လာမှာကို မမျှော်ကိုးဘဲ
ကျေးဇူးရှင်နာမည်လည်း မခံယူဘဲ
ကျေးဇူးဆပ်နေသလို ပြုမူလုပ်ဆောင်နေကြတာပါ။
ကျေးဇူးရှိတယ်လို့ ကိုယ်တိုင်က တဖွဖွပြောပြီး
ကျေးဇူးရှိကြောင်းကိုယ့်ဘာသာ ကြေငြာနေတာကတော့
ကျေးဇူးရှင်ယောင်ဆောင်ချင်လို့ပဲပေါ့။
ကျေးဇူးအကြောင်း ဆင်ခြင်ပွားများမိရင်း
ကျေးဇူးနဲ့ပတ်သက်ပြီး ရေးလိုက်မိတဲ့ ဒီကဗျာ
ကျေးဇူးများခဲ့ပါရဲ့ ။ ။

မောင်မျိုးမွန်

................................................................................


"နောက်တီးနောက်တောက်ကမ္ဘာ(ကဗျာ)နောက်ဆက်တွဲ (စ)"

အနာပေါ် တုတ်ကျတာလည်း အရသာ
နာကျင်စရာတွေများတော့ နာကျင်ခြင်းဟာလည်း အရသာဖြစ်လာ
တစ်စစီဖဲ့ခြွေချ ကျောက်တောင်ကြီးက ခြတောင်ပို့သာသာ
တဖြည်းဖြည်းပါးလျလာတဲ့ကမ္ဘာ
ရယ်ရရင်ပြီးရောလား ရယ်ရယ်မောမောပေါ့ပေါ့ပါးပါးရယ်
"ကြိမ်နဲ့ရိုက်ပြီး ထွက်စေခဲ့တဲ့သွေးစက်တိုင်းကို ဓားနဲ့ပိုင်းလို့ထွက်ကျလာတဲ့
သွေးစက်တွေနဲ့ပေးဆပ်ပြီးတဲ့အထိ အဲဒီစစ်ပွဲကြီး ဆက်ဖြစ်နေစေဦးမယ်ဆိုရင်"
အေဗရာဟင်လင်ကွန်းရဲ့မိန့်ခွန်းအတိုင်း
ကျွန်တော်တို့ဆက်လက်ရယ်မောနိုင်ကြမှာလား
မြောက်ကိုရီးယားကတော့ နြူးကလီးယားစမ်းသပ်တုန်း
အနာမကျက်သေးတဲ့ကမ္ဘာဟာ နောက်တစ်ကြိမ်ဒဏ်ရာကို ခံနိုင်ရည်ရှိပါ့မလား

ဟီရိုရှီးမားအတွက် မျက်ရည်တွေ မခမ်းခြောက်မီ
ကာဝါနာစကီအတွက် မျက်ရည်တွေ မခမ်းခြောက်မီ
ကမ္ဘာကြီးအတွက် လက်သီးပုန်းထဲက စိုးရိမ်ရတာလည်း ရယ်စရာ
ခေါင်းမပြူရ၊ လက်မထုတ်ရ
ကျပ်ညှပ်နေတဲ့ ဘတ်စ်ကားထဲက တစ်ယောက်စာအသက်ပိုရှုရတာလည်း
နောက်တောက်တောက်
ကောင်မလေးတစ်ယောက်ဝတ်ထားတဲ့ တီရှပ်စတေကာက
"ရှင့်ကိုယ်ရှင်ဂရုစိုက်ပါ၊ ဘာအတွက်မှ မစိုးရိမ်ရ"
လေပေါ်ဝဲနေတဲ့ မီးခိုးငွေ့တွေကြည့် အသက်ရှုကျပ်နေတဲ့ကဗျာဆရာ
ကိုယ့်အိမ်ခေါင်မိုး ကိုယ်မဖာနိုင်ဘဲ အိုဇုန်းလွှာကို တက်ဖာပစ်ရမယ်တဲ့
နောက်တီးနောက်တောက် ကဗျာ။ ။

လင်းသဏ်ညီ

.......................................................................................


"သာမန်အမျိုးသမီးတစ်ယောက် ရုတ်တရက်သေဆုံးခြင်း"

မိုးညနေကတော့ ပုံမှန်ပါပဲ
လမ်းလျှောက်သူတွေလည်း ပုံမှန်
လက်ဖက်ရည်ဆိုင်ထိုင်သူတွေလည်း ပုံမှန်
ကွမ်းယာဆိုင်တွေလည်း ပုံမှန်
အဆာပြေဆိုင်လေးတွေလည်း ပုံမှန်
လုပ်သားပြည်သူတွေလည်း
အားသစ်မွေးဖို့ ပုံမှန်အိမ်ပြန်လို့။
သူမဟာ ရှယ်လီကိုမသိခဲ့ဘူး
ဗင့်ဆင့်ဗန်ဂိုးကို မသိခဲ့ဘူး
မြို့မငြိမ်းကို မသိခဲ့ဘူး
ငုယင်ဗန်ထရွိုင်းကို မသိခဲ့ဘူး
ကြည်အေးဝတ္ထုထဲက
"ပျော်နေချိန်မှာ သေရတာ" ဆိုတဲ့
အယူအဆကို မသိခဲ့ဘူး။

ချစ်သူစက်ဘီးကယ်ရီယာမှာ
ခါးကလေးဖက်ပျော်နေတုန်း
ဗြုန်းဆို
သေမင်းရဲ့ ဓားကောက်ဖျားမှာ
အသက်ဟာ ချိတ်ပြီးပါသွားရ
ပြဌာန်းပြီးသား အကုသိုလ်က
ပြဌာန်းပြီးသား ကံကြမ္မာအတွက်
ပြဌာန်းပြီးသလို ဆောင်ရွက်ခဲ့ပုံ။
နေပုံနေနည်းတွေ တွေးမိတဲ့အခါ
သေပုံသေနည်းတွေအစိုးမရတဲ့အခါ။
တစ်ဖက်ကတွေးတော ကံဆိုးတယ်
တစ်ဖက်ကကြည့်တော့ ဝဋ်ကျွတ်တယ်
ဒါပေမယ့်
အားလုံးဟာ စုတ်တသပ်သပ်။ ။

ဖွဲ့သီသစ်

.................................................................

"ဆိပ်ကမ်းမဲ့ မိုးတိမ်"

ကိုယ့်အတ္တတွေသီးပွင့်ဖို့
ဘုံပြောင်းသွားတဲ့ သုံးရာသီအကြောင်းမပြောကြေး
သက္ကရာဇ်တွင်းပြိုမှုမှာ
အတိုင်းအတာတစ်ခုအရ
ကိုယ့်ရေမြေသဘာဝနဲ့
ကိုယ့်အသီးအပွင့်တွေ
အလေအလွင့်ရှိ မရှိ စစ်ဆေး ...
ဒါအရေးကြီးတယ်။
ဖိနပ်ပါး
ထီးပါး
အစာအိမ်ပါး
ပါးချင်တာပါး
အနုပညာမပါးဖို့ဘဲ အရေးကြီးတယ်။

ကိုယ့်အိမ်နဘေးက စိုက်ခင်းတွေ ငဲ့ကြည့်
အသားလည်း ပြည့်
အသီးလည်း ချို
အရိပ်လည်း ရ
ဖွံ့လို့ ... ထွားလို့
ကိုယ်တွေမှာသာ
သောင်ထွန်းမှာလား
ကမ်းပြိုမှာလား
စဉ်းစားရင်း ...
ကမ်းနဖူးမှာ အလွမ်းငင်နေမိ။ ။

မင်းထက်ခိုင်

........................................................................



"ကင်မရာကို ရဲရဲကြည့်"

ကင်မရာကို ရဲရဲကြည့် ...
အထားအသိုမှာ ဘာမှမဖြစ်ဘူး
အရွေ့အလျားမှာ ဘာမှမရှိဘူး။
တစ်ကိုယ်လုံးကို ဂရုစိုက်ကြည့်ရှုနေကျ
ဦးခေါင်းရဲ့တစ်ကိုယ်ကောင်းဆန်ဆန်
မှတ်တမ်းတင်ပြုစုမှုအထွေထွေ
အရှိန်အဝါတွေထိန်ထိန်သာ။
ခပ်တည်တည်မာန်အမူအရာအပြည့်နဲ့
"ရှင်တို့အားလုံးအတွက် ကျွန်မဟာ
ကုရာနတ္ထိ ဆေးမရှိပါလား" ဆိုပြီး
အသက်ရည်တစ်စက်နှစ်စက်အရသာရှိမို့
မျက်ရည်တစ်စက်နှစ်စက်ကျပြလိုက်။

အိပ်မငိုက်နဲ့
ဇာတ်ညွှန်းဟာ အရှင်လတ်လတ်
ရှင်သန်မှုဟာ ဒေါက်တွေရဲ့အပေါ်က
အဝန်းအဝိုင်းပဲ
အပြစ်မဲ့နေထိုင်လို့မရသူရဲ့ အနှစ်မဲ့ပြေးလမ်းပေါ်
သတိရှိသည် ...
အန္တရာယ်နှင့်မောင်း။
မဟုတ်ရင် ဖျားမယ်
မဟုတ်သေးပါဘူး ... ဒါတွေကို
ဘာဖြစ်လို့ တစ်ယောက်တစ်လှည့်သီဆို
အသားလှဆီ၊ ဘဝအလှဆီနဲ့
လမ်းကကျဉ်းကျဉ်း
အလင်းကကြမ်းကြမ်း။

တစ်ခုချင်းဆီ
တစ်ဦးချင်းဆီ ရွေ့လာမယ်
လှည့်လာမယ်
ကင်မရာကို ရဲရဲကြည့်
ဖြည်းဖြည်းနွဲ့နွဲ့လေး ရှိူးထုတ်လျှောက်
မှန်ရင်မှန်တယ်
မမှန်ရင် မမှန်ဘူး အရဲစွန့်ပြော
ရိုက်ပြီနော် ...
"ဖျတ်"... ။ ။

ညိုနွယ်ထွန်း

...................................................................


"အခြားတစ်ဖက်မှဆက်လက်၍"

ရက်ရက်စက်စက် မျောပါသွားတိုင်း
ရူးရူးသွပ်သွပ် ခံစားရတိုင်း
ကဗျာဟာ မုန်တိုင်း
ကဗျာဟာ လေပွေ
ကဗျာဆရာတွေရဲ့ ဘဝဟာ
နောက်ဆုတ်ဖို့၊ လက်မြှောက်ဖို့
ခေါင်းငိုက်စိုက်ချဖို့ ဘယ်တော့မှ မဟုတ်ဘူးလေ ...
ကဗျာရပ်တည်မှု အဆင်မှပြေပါ့မလား
ကဗျာရဲ့ရယ်သံဟာ
အလေးအပင်တစ်ခု ချိတ်ဆွဲထားသလို
ကဗျာစကားသံကလည်း
အသွားအလာ အထားအသို ခဏခဏမှားတယ်
အခြားကဗျာတွေဖတ်ပြီး
ကဗျာတွေနဲ့ ပိုပိုဝေးသွားတယ်လို့ ကဗျာက ခံစားရ
ဂီတဆိုရင်လည်း
CD နောက်တစ်ချပ်ပြောင်းလိုက်တာနဲ့အဆင်ပြေမယ်

ရှုမျှော်ခင်းတွေ မြင်ရဖို့ သက်သက်နဲ့တော့
ပြတင်းတံခါးကို ဖွင့်ထားလိုက်ဖို့
ကဗျာက အမြဲငြင်းဆန်တယ်
လေကောင်းလေသန့်ရဖို့သက်သက်နဲ့တော့
ပင်လယ်ကမ်းစပ်ရှိရာဆီသွားဖို့
ကဗျာက အမြဲငြင်းဆန်တယ်
ကဗျာရဲ့ အကြည့်ဟာ
ဗလာ၊ ဝေ၀ါး၊ ဟင်းလင်းပွင့်ထွက်လို့
ကုန်ထုတ်လုပ်တာဆိုရင်လည်း
ဒီအစိတ်အပိုင်းတွေကို
မတပ်ဆင်ဘဲ ထားလိုက်တော့မှာပဲ
ကဗျာပို့လိုက်တဲ့ Massage တွေက
တခြားကဗျာဆရာတွေဆီရောက်ပါ့မလား
ကဗျာခံစားရသလို
ကဗျာနားလည်သလို
တခြားကဗျာဆရာတွေ ခံစားနားလည်ပါ့မလား
ကဗျာဟာ
ကဗျာတွေရေးနေရင်းနဲ့
ကဗျာနဲ့ ပိုဝေးသွားသလို ခံစားနေရ
ဂီတဆိုရင်လည်း
CD နောက်တစ်ချပ် ပြောင်းလိုက်ရုံတင်ပဲ။ ။

အောင်ပိုင်စိုး

.....................................................................................


"ဟင်္သာတ"


တစ်နှစ်လုံးနေလို့မှ
ဟင်္သာတစ်ကောင် မမြင်ရတဲ့ ဟင်္သာတ။
လာခြင်းကောင်းမှ ဟင်းကောင်းစားရမယ်ဆိုလို့
ရသတဏှာနောက် တစ်ကောက်ကောက်လိုက်ရင်း
မြစ်ဟာမြို့နဲ့ လင်ခန်းမယားခန်းပြတ်ခဲ့ရ
သွားလေသူရဲ့ကောက်ကြောင်းကို
အလွမ်းစိတ်နဲ့ရင်ခွင်ပိုက်လို့
သွေးဆိုးသွေးမိုက်ကို မပစ်ရက်လိုက်ပုံက
သံယောဇဉ်အထပ်ထပ်၊ တာတွေလို ရစ်ပတ်မွန်းကြပ်ပေါ့။
လင်ပစ်မလေးဟင်္သာတ ...ရေ
မင်းကသာ အိုစာသွားတယ်
ချောင်းကောလေးက ချောကောင်းတုန်းလားကွယ့်။ ။

စိုးထွဋ်

...........................................................................

"ထစ်အနေတဲ့ သီချင်း"

မျှော်လင့်ခြင်းက ဘာဆေးသောက်သောက်
ဒီတောင်ကို ကျော်နိုင်ပါ့ဦးတော့မလား
ငါတို့ရဲ့လူ့အဖြစ်ကို စဉ်းစားခန်းဝင်မိပြီ။
အမြင်တွေက တွေဝေတွန့်ဆုတ်လာ
အထင်နဲ့သာ ပေါက်ရောက်ရှည်လျားခဲ့ရတဲ့ခရီး
စားနေတဲ့ ထမင်းတစ်လုပ်ထဲ
မျက်ရည်နှစ်ဆရောပါတယ်။
ယုံကြည်ပါ
ချွတ်ချော်မှုကြောင့် ရေမျောကမ်းတင် ဖြစ်ရတဲ့အခါ
သီချင်းတစ်ပုဒ်မှာ အလွမ်းနဲ့အဆုံးမဲ့မဲ့
ပျံသန်းသွားတဲ့ ငှက်တွေကို မော့ကြည့်ရ
ရှုပ်ထွေးဆူညံတဲ့ လူနဲ့စက်တပ်ယာဉ်တွေကို
ငေးကြည့်ရ
ထမ်းထားရတဲ့ လူ့အဖြစ်ကတော့ ဒီဓာတ်ပြားပဲ။
တစ်နေ့တစ်နေ့
စားပွဲပေါ်
ဖောသွပ်ဖောင်းကားအသံမြည်နေတာ
ကြားရဖန်များလွန်းလို့ ရိုးအီနေတဲ့
စကားလုံးသက်သက်ချည်းမဟုတ်လား
သေချာခဲ့ပါပြီ
ငါတို့ တစ်ခုခုကို ငြင်းပယ်ရတော့မယ်။ ။

နီမျိုးထက်

ထူးအိမ်သင် ကဗျာများ

Thursday, August 13, 2009


... အမေ ...
မိန်းမတကာထက်၌ ကျနော်လေးစားမြတ်နိုးမဆုံးသော
အနာဒိအနန္တမေတ္တာရှင် “ ချစ်သော မေမေ ” သို့ ...

အမေ .....
သားတော့ မီးလောင်နေပြီ
လူတွေကတော့ ရယ်မှာပဲ
သားရင်ထဲမှာ
ကဗျာ ...
ကဗျာ ...
ကဗျာ ...
သက်သာရာ ရမလားလို့ပါ
(ဒီတစ်ခါတော့ဖြင့်)
ဝမ်းရေစပ်ရင်လည်း
နည်းနည်းခွင့်လွှတ်ပါအမေ
သားတော့ မီးလောင်နေပြီ။
သျှပ်မှူးကျော်



... မြ ...
အခါတစ်ပါး၌ သူမ၏လက်ဝယ်
ထက် “မြ” သော မြားတစ်စင်းတည်၏။
သို့သော် “တေး” မရှိ။
ထိုအခါ
ငါ၏လက်ဝယ်
ချို ”မြ” သော စောင်းတစ်အိုးတည်၏။
သို့သော် “ကြိုး”မရှိ။
သျှပ်မှူးကျော်၊ မောင်မိုးကျော်၊ အရိုင်းဖြူ
(အဲဒါ သူ့ကလောင်တွေပါ)


... စင်သီယာ ၁ ...
ငါမငိုဖူး
ပြာပုံမှာလူးတဲ့ဘ၀
လွတ်မြောက်ရေး လမ်းစရှာတုန်း
မင်းအမုန်းကိုမေ့လို့
အငွေ့ပျံနေတဲ့မျက်ရည်
လေပွေနဲ့ သစ်ရွက်
ချွေးစက်တွေ ချွေရဦးမယ်
တကယ်ပါ စင်သီယာ
ငါမငိုဖူး ...
ပထမဆုံး မင်းအတွက်ငါ
သေခဲ့တာကြာပြီ
မကြွေနဲ့စင်သီယာ
ငါ ...
သျှပ်မှူးကျော်


... စင်သီယာ ၂ ...
ငါ့ကဗျာ ဘယ်မှာလဲ
မရဲတရဲ မေးခွန်း
တိုးတိတ်လွန်းမှာသိတယ်
နယ်မချဲ့မီနဲ့ ဝေဒနာ
ငါမနေတတ်ဖူး
အရူးတစ်ယောက်ရဲ့ လွမ်းချင်းကို
မင်းဘာကြောင့် နားထောင်ချင်တာလဲ
အသဲမှာစွဲတဲ့ မြှားချက်ဟာ
လူမသိဘဲ အသက်သေစေတယ်
နွေမှာဖြစ်တဲ့ မိုးတိမ်ဟာ
မုတ်သုန်မလာခင် အိပ်စက်ရဦးမယ်
မင်းရဲ့ နောက်ဆုံးရယ်မောသံမှာ
ငါသေခဲ့ပြီ စင်သီယာ
ငါ့ကဗျာဘယ်မှာလဲ။
သျှပ်မှူးကျော်


... စင်သီယာ ၃ ...
ငါမပြောတော့ဖူး
မင်းဦးနှောက်နွံအိုင်တောမှာ
ဘောဂဗေဒဇယားချပ်တွေ
မျက်တောင်ခတ်တဲ့ကိန်းဂဏန်းတွေ
“ငွေ .. ငွေ .. ငွေ ” (မင်းတို့)
ဆိုနေကျ သီချင်းတစ်စမို့
ငါအလွတ်ရနေပြီ
ဒီအမှိုက်ပုံထဲ၊ ငါ့ကိုမဆွဲနဲ့စင်သီယာ ငါမလာနိုင်ဖူး
စူးစူးဝါးဝါးအော်ဟစ်
ချွေးမိုးအောက်နစ်ပါစေ
မင်းပြုံးနေ စင်သီယာ
ငါမပြောတော့ဖူး .. ။
သျှပ်မှူးကျော်



... စင်သီယာ ၄ ...
မင်းမညာနဲ့
ကွန်ပျူတာနှလုံးသားရှေ့
အသံမဲ့နေတဲ့ တိတ်တစ်ခွေ
မင်းငိုနေသလား .. အချစ်
အက်စစ်မျက်ရည်တွေပဲ
ငရဲဆန်လှတယ်
မင်းဘ၀ ... မင်းအသက်
မင်းဟာ စက်ရုပ်ပဲ
မင်းလုပ်သမျှ ဆန္ဒမဲ့တယ်
ယန္တယားရဲ့ လည်ပတ်မှုဖြစ်စဉ်မှာ
ငွေဟာ လောင်စာပဲ စင်သီယာ
မင်းမညာနဲ့ ... ။
သျှပ်မှူးကျော်



... စင်သီယာ ၅ ...
မင်းကို ငါချစ်တယ်
ရာစုနှစ်ပေါင်များစွာမှာ
လူတွေဒါပဲ ပြောကြတယ်
ငါ့အတွက်စကား (၅) လုံး
မင်းအပြုံးက ၀ါးမြိုခဲ့
သရော်တဲ့ နှုတ်ခမ်းတွေ
“ချွင်” “ချွင်” မြည်နေတယ်
မြေကြီးသားဘ၀မှာ
အဇ္ဈတ္တိကမီးပုံကြောင့်
ငါ့ရင်အုံလူသတ်ကွင်းထဲ
သားရဲတွေအစာတောင်းပြီး
အသက်နဲ့အညီအမျှ ကျိန်ဆို
မိုးပြိုတယ် စင်သီယာ
မင်းကို ငါချစ်တယ်
သျှပ်မှူးကျော်


... မနှင်းဖြူ ...
“ တစ် ”
ချစ်သူ
သင့်နှလုံးသားသည်
ပျားသို့ချို၏။
သို့ပြီးတကား
ဓားသွားမူ ထက်စွာ၏ .. ။

“ နှစ် ”
ဆောင်းဦးပေါက်ညများရဲ့
ပွင့်ဦးနှင်းဆီဖြူဟာ၊ ငါ့သခင်မ
ငါ့ဘ၀ရဲ့ ကိုယ်ပွားအသက်ပါ။
မင်းဘ၀နဲ့ ငါရှင်သန်တယ်။
ပျိုရွယ်ခြင်း၊ ချိုမြတဲ့အဆိပ်
အိပ်ရာဝင်ပုံပြင်ထဲက
နတ်သမီးတစ်ပါးရဲ့ အလှကို ငါမှတ်မိခဲ့ပြီ။
ဒီဇင်ဘာမှာ နှင်းကျတယ်
တစ်လလုံးပါပဲ
ပထမဆုံးနှင်းပွင့်ကတော့
သူပေါ့ကွယ်၊ ဆွတ်ဆွတ်ဖြူဖြူ
ငန်းမွှေးတောင်သွင်တူသော
နူးညံ့ချောနုခြင်းနဲ့ ငါ့ရဲ့အသက်
အိပ်မက်အပြုံးရှင်ပေါ့ ၊ သူ ....
“ မနှင်းဖြူ ” လေ။

“ သုံး ”
“ မနှင်းဖြူ ”
မင်းဘယ်သူလဲ ..
ငါကလွဲလို့ ၊ မင်းတောင်မှမသိ
မြတ်နိုးမိသူပါ။ သူဟာ ...
ငါ့ဘ၀ရဲ့ ပထမဦးဆုံး
နှင်းဖုံးတောင်တန်းများရဲ့ နတ်မိမယ်
သံယောဇဉ်အနွယ်များရဲ့ မိခင်
ပွင့်ဦးသခင် ဆိုနိုင်ပါရဲ့။
နွဲ့လျတဲ့ခြေလှမ်းများ
ငါ့နှလုံးသားမှာ ..
ဒဏ်ရာထင်အောင် ပြင်းထန်ခဲ့ ၊ ကဲ ...
ဒီလိုဘယ်သူသိမလဲကွယ်။

“လေး”
ဆောင်းညရဲ့ နှုတ်ခမ်းအစွန်းမှာ
လမ်းများပေါ် “ငါ ” တေးသီခဲ့တယ်
နားမလည်နိုင်တဲ့ ခံစားမှုဘ၀
တေးချင်းမှာ စတည်ခဲ့ပေါ့။
ဖျော့တော့တဲ့လရောင်သွန်းချိန်
မှိန်ပြာပြာ နှင်းစက်ကြွေသံလို
ကောင်းကင်ငိုနေရဲ့ ၊ အို .. အလှ
မင်းကို တမ်းတလို့ ..
“ကိုစောငြိမ်း” ရဲ့ “ပွင့်ဦး”
ငါဆိုခဲ့ဖူးပြီ .. ။

“ငါး”
ဟောသည်မှာ အချစ် ..
ကဗျာလိုလှတဲ့ ပန်းပွင့်၊ သစ်ရွက်
စက်နဲ့လုပ်တာမဟုတ်။
မင်းအတွက်ပဲ သည်မှာ
နုံချာပေမယ့် လတ်ဆတ်တဲ့နှလုံးသား
ဥပက္ခာမထားစေချင်
အရှင် .. သခင် ..
သစ်ခက်ပလ္လင်မှာစံ၍
တေးချင်းကို နာခံ
မိုးယံ၌ပြည့်သော ပီတိနှင့်
တင့်တယ်စေပါမည်။

“ခြောက်”
လုံမရဲ့ အကြည့်
နေထိတဲ့ ပန်းပါပဲ၊
ညိုးလျော်ဆဲအပြုံးဟာ
ပြည့်ဝပါပေရဲ့
စောင့်စားသူ နေပူမှာရပ်လို့
မင်းကို စောင့်ဖို့ ငါအသက်ရှင်တယ်။
သစ်ပင် ၊ တောတောင် ၊ နေရောင် ..
ငါ့သခင် အောင်နိုင်တယ်။
ဘယ်သူငြင်းမလဲ အိုအချင်းတို့
အို .. အမျိုးကောင်းသားတို့
ငါ့အားခွင့်လွတ်ကြပါလေ ..
အချစ်စေကျွန်ဖြစ်တယ်။
ဇာမဏီငှက်၏ တင့်တယ်ခြင်းဖြင့်
ကြယ်ပွင့်တို့ကို နွံ၌နစ်စေသူ ..
ချစ်ခြင်း ၊ မုန်းခြင်း ၊ ဥပက္ခောနှင့် ခံယူမှု
ပန်းနုကျောက်ဆစ်အသွင်
မြင်သူတိုင်းအား အကြည့်ဖြင့်သိမ်းပိုက်သူ .. ။

“ ခုနှစ် ”
အို .. ချစ်သူလုံမ
ပထမဘ၀မှာ တွယ်ငင်သော
သံယောဇဉ်ပိုင်စိုးသူ
နှင်းမြူသည်းပွတ်၊ ဆွတ်ဆွတ်ဖြူစင်၍
အိပ်မက်အငွေအသက်ပမာ
ငါမြတ်နိုးသူ .. ငါ့အား ..
သနားသဖြင့် ဥပက္ခာသစ်ရိပ်မှ
ဖဲကျဉ်ခွင့်ရစေပါ။ ငါ့အား ..
ဝါမျှင်ဂွမ်းစကဲ့သို့ ချီမ၍
သင့်အနမ်း၍ကြွေသော ပန်းပွင့်ရေအိုင်ထက်
သက်စေပါဘိ။
သက်ရွက်လောင်းလှေဦးတွင်
သခင်မစံပါ။
ကဗျာသစ်ခက်ဖြင့်ပြုသော
လှော်တက်ကို ငါကိုင်မည်။
အောင်နိုင်ခြင်းနှင့် ဒဏ်သင့်သောငါ့အား
အသာယာဆုံး တိတ်ဆိတ်ခြင်းဖြစ်သည့်
အချိုမြိန်ဆုံးတေးချင်းကို
ဆိုခွင့်ပြုပါ ၊ ထိုအခါ ..
ကမ္ဘာမြေသည် သခင်မအပြုံး၌ပွင့်သော
ဆည်းဆာပန်းပွင့်သစ်၏
နှစ်ချို့ စပျစ်အရက်ပမာ
ငါမူးယစ်စွာ မွေ့ပျော်စေလိမ့်မည်။

“ ရှစ် ”
အားလုံးပြီးဆုံးသွားခဲ့ပြီ ..
“ မနှင်းဖြူ ”
အားလုံးပြီးဆုံးသွားပြီလေ၊
အခုတော့ ......

“ကိုး”
မြစ်တစ်စင်းမှာ သူ .. ငါ ..
နှစ်ခါရေမချိုးနိုင်
စီးဆင်းနေဆဲ အချိန်စက်ဝန်း
ပုံတူသွန်းလုပ်၊ အရုပ်ဆင်းတု
ပြုစုသူမဲ့ပေရဲ့ .. ။
ပစ္စုပ္ပန်မဲ့သောအခါ
အနာဂတ်မတည်စွမ်းသာ
သည်သို့ .. သံသရာရှိလျှင်အဆုံး၊ ငါမို့ဖြစ်ရင်း
ချစ်ခြင်းအပ မြဲစေ ..
ကျိန်စာဆိုခဲ့လေသလား
အို .. နတ်ဘုရားတို့ ။
အို .. ပိုင်ဆိုင်သူတို့ ။
သျှပ်မှူးကျော်


... အစ၏အဆုံး (သို့မဟုတ်) အဆုံး၏အစ ...
ကမ္ဘာဦးသူတို့သည် ရသပထ၀ီကိုစားကုန်၏။ အချို့အဆင်းလှကုန်၏။
အချို့အဆင်းမလှကုန်။
ထိုသူတို့တွင်
အဆင်းလှသူတို့သည် အဆင်းမလှသူတို့ကို
မထီမဲ့မြင်ပြုကြကုန်၏။
ထိုသို့ပြုသည်ရှိသော် .. ။
(ဦးကုလားရာဇ၀င်)
နှလုံးသားနဲ့ဖတ်ဖို့
(ရင်၌ဖြစ်သော)
ချစ်ဇနီးသို့
သျှပ်မှူးကျော်



... အသက်သည် အိမ်မက် ...
အိမ်မက်သည်သူ
သူသည် အသက်ဖြစ်စေ
ဆောင်းနှောင်းလျှင် နွေဦး၏။
နွေဦး၌ နှင်းကြွင်းသည်။
နှင်းကြွင်းပြယ်သော်လည်း
သစ္စာကြွင်းစေ။
မြတ်နိုးခြင်း ကြွင်းစေ။
သျှပ်မှူးကျော်



သက်တံ

ညနေခင်းတခု
မိုးစဲလင်းပွင့်ကောင်းကင်မှာ..
ဟာ…..
လှလိုက်တဲ့ သက်တံကြီးတစင်း
စီးဆင်းနေတာတွေ့တယ်။
ရုတ်တရက်ပဲ
ငါ… ကြေကွဲခဲ့ရပေါ့
ဘ၀ဆိုတာ သက်တံလိုပါလား… ။
ရှိတော့ရှိပါရဲ့
ဒါပေမဲ့
အရှိမဲ့ … ။ ၊
ထူးအိမ်သင်



ဒါက တင်မင်းထက်ဆီက ရလိုက်တဲ့ ကဗျာလေးပါ
စပယ်ဖြူအိပ်မက်ဆိုတဲ့ကဗျာလေးကို ဖတ်ချင်တယ်ဆိုရင်လည်း ဖိုးသူတော် ဆီမှာသွားဖတ်နိုင်ပါတယ်။

၁-၇-၂၀ဝ၉ - ထူးအိမ်သင်ရဲ့ ၄၆ နှစ်မြောက် မွေးနေ့။


သူ့မွေးနေ့အမှတ်တရ သူ့ကဗျာလေး "ချောင်းကြည့်ပေါက်များ" ကို တတ်စွမ်းသမျှ
ဘာသာပြန် ခံစားကြည့်မိတယ်။
ရင်ခုန်သံနီးစပ်သူများအတွက် မျှဝေလိုက်ပါတယ်။

ချောင်းကြည့်ပေါက်များ

သူ့အလို...
အထက်အဆိုပါအကြောင်းများအရ
တွေးဆချက်များမှာ

(၁)
"စကားလုံးများ" ဟာ "အတု" ဖြစ်ပြီး
"စိတ်" သည် "အစစ်အမှန်" ဖြစ်တယ်...တဲ့။
(၂)
"ခြေထောက်တွေ" ဟာ "လမ်း" ဖြစ်ပြီး
"ငါ" သည် "ခရီးဆုံး" ဖြစ်တယ်...တဲ့။
(၃)
ဆိုတော့ကာ...
အဲဒီခြေထောက်အတုတွေနဲ့
အဲဒီစကားလုံး တင်းကြမ်းပြည့်လမ်းကိုပဲ
စီးစီးပြီး သွားနေရတာ... တဲ့
အဲဒီခရီးဆုံးမှ ရောက်ပါ့မလား
အဲဒီအစစ်အမှန်ရော ဟုတ်ပါ့မလား
အဲဒီစိတ်ကြီးကို ကုန်လွန်းလို့
အဲဒီ ငါကဖြင့်...တဲ့
အင်း
ပျင်းတယ်....ဆိုတာကြီးပဲ
ကြိတ်မနိုင် ခဲမရ...
.......။

ရဲသင်ရန် (ထူးအိမ်သင်)
၂၀ဝ၂၊ အောက်တိုဘာ၊ ပန်မဂ္ဂဇင်း

Peepholes

in his wishes...
after above-mentioned reasons
so are the thoughts
(1)
'words' are false and
'mind' is 'real' so said...
(2)
'feet' are 'paths' and
'self'' is 'the end journey' so said...
(3)
then so
with those very false feet
wearing those very words-filled paths
wearing and wearing and going that...
ever reach that very end journey?
ever might be that very real?
so tired of that very mind
'even that very self' said
yeah!
'boring' is the very burden
helplessly, unbearingly...
.........

icy (1-7-2009)

credit to Myanmar Cupid and icy