ကဗျာဆိုတာ
နှလုံးသွေးတစ်စက်နဲ့ ခေတ်အဆက်ဆက် စီးဆင်းနိုင်တဲ့ မြစ် ဖြစ်တယ်။ စကြဝဠာထဲမှာ (ဒါမှမဟုတ်) လူတစ်ယောက်ရဲ့ ခန္ဓာကိုယ်ထဲမှာ ရှုမဆုံးအောင် ရုန်းကန်လှပနေတဲ့ သဘာဝတရားငယ်တစ်ခုလို့ ... ကဗျာကို ... သြော် .. ဘယ်သူတွေများ ချစ်နိုင်ပါလိမ့် ..။
မောင်သိန်းဇော်

ကဗျာ
ကမ္ဘာမြေပြင်ရဲ့
သေခြင်းမဲ့အသည်းနှလုံး
ငါ့အချစ်ဆုံးပေါ့
သစ္စာတရားကို တိုက်ရိုက်ဘာသာပြန်ထားတာဖြစ်တယ်။
မင်းဆက်ငြိမ်း

ကြည်လင်သောရေ..ကြည်လင်သောကဗျာဆရာ

Saturday, March 28, 2009


မှော်ဆရာထွက်ပြေးရခြင်း

အသက်ကိုထုတ်
အရုပ်ထဲသွင်း
ကဲယယ
မင်း...ယမင်းဖြစ်ကရော..။

ကဗျာကိုမှုတ်
အဆုတ်ထဲသွင်း
ချစ်သူဖန်ဆင်း
ညတွင်းချင်းမှာ
ပျိုဖြုယမင်း
လျှာခံတွင်းက
စောင်းငြင်းသံသာ
မအန်လှာပဲ
မာယာမိုးမျှင်
ဝိညာဉ်စိမ်းစိမ်း
ဒိန်းတလိမ်းဖမ်း
ပတ်ကြမ်းရိုက်ထုတ်
နှုတ်လှံပိုင်ပိုင်
စွဲကိုင်လေတော့
သြော်..
ဆရာမနိုင်
နှစ်ဆောင်ပြိုင်..ပေါ့..။ ။
ကြည်အောင်

ကျောက်ဖြစ်သွားတဲ့အင်ကြင်းပင်
ပြိုကျပျက်စီး
နန်းတော်ကြီးရယ်

အထီးကျန်မျှော်စင်
ခြေခွင်ခွင်ရယ်..။

သူတို့အိုသလို
လွင်ပြင်ကြီးလည်းအိုခဲ့ပြီ..။

ဟို..အင်ကြင်းပင်ကြီးတောင်
တိုင်းထီးပင်မ
လုံးဝကျောက်ဖြစ်
ရာစုနှစ်မှော်ဆရာရဲ့
ပဉ္စလက်မာယာကြောင့်
မျက်နှာဟာရုပ်သေ
မြေနဲ့စကားမပြော
ငိုနေသလောရယ်သလော...။

ရှေးအခါက
အလှကလျာတစ်ပါးနဲ့
မင်းသားလေးတစ်ယောက်
ဒီအင်ကြင်းပင်ကြီးအောက်
နှစ်ယောက်အတူထိုင်ခဲ့တာ.
ဒါ.........ဒဏ္ဍာရီမဟုတ်ဘူးတဲ့လေ..။

ကမ္ဘာမြေလို
သက်တမ်းရှည်တဲ့
လေ..ရေ
ငါဟာ
ရုက္ခဗေဒဆရာရဲ့
ဝေါဟာရစာရင်းမှာ
အမည်မသွင်းရသေးတဲ့
အပင်လေးပါ
ငါ့ရဲ့
ဆံမြတ်ဖွေးဖွေးပေါ်မှာ
သေးကွေးမှုန်ဝါးတဲ့
သီးနှံအိတ်အရေပါးတွေပေါ့
အားကောင်းတဲ့မိုက်ခရိုနဲ့
ကြည့်လိုရင်မြင်နိုင်ရဲ့
မဟာကဝေ
ဝင်္ကန္တလေရေ..ခြေထောက်တတ်ပေးပါ
တောင်ပံတတပ်ပေးပါ..။

ဟောဒီ
မြေဆွေးမွမွ
အနန္တလွင်ပြင်ကြီး..တဲ့
ငါ့မျိုးစေ့တွေပက်ကြဲပေးပါ။

အဲဒီအခါ
ကမ္ဘာကြီးနဲ့အိုမင်းတဲ့လွင်ပြင်ရယ်
ကျောက်အင်ကြင်းပင်ရယ်
ရင်ပြင်မဲ့နန်းတော်ဟောင်း
ခေါင်းလောင်မမြည်
စည်သံမဟည်း
ဒီမျှော်စင်ကြီးရယ်
ငါ့သားငါ့သမီးအပိုင်စားမယ်ပေါ့
မျိုးပွားမှုလေ့လာမှု
သုတေသနသမား
ခစားဝပ်စင်း
မှတ်တမ်းသွင်းလော့.။

ရှင်သန်ခြင်းနဲ့
မျိုးပျံ့ ခြင်းဟာ
သေမင်းကို
ခြေနဲ့နင်းတယ်။

သီချင်းတကြော်ကြော်နဲ့
ငါပျော်နေလိုက်တာလေ

ကျောက်ဖြစ်းရုပ်အင်ကြင်း
ရုပ်ကြွင်းတစ်ခု
ရွက်နုမထိုးတာ
ငါ
ရင်ကျိုးမတတ်ခံစားရတယ်..။ ။
ကြည်အောင်


ပင်လယ်ခေါ်သံ
ငါ့စိတ်ကြမ်းတယ်
ငါးမန်းစွယ်သွား
ငွေသားဆွဲကြိုး
ငါ့ကုပ်ပိုးကို
လှုပ်နှိုးနေတယ်။
မြို့ပြချက်တဲ့
အရက်မီးတောက်
ခွင့်ဆင့်သောက်လည်း
အာခြောက်မပြေ
ကုန်းမြေပေါ်လျှောက်
ငါ့ခြေထောက်လည်း
ရေအောက်ငုတ်ဆင်း
ကျင်လည်းခြင်းမျိုးမဟုတ်တော့
နေရီရီဖတ်
မိုဒီဗစ် ဖတ်မယ်
ဟင်းလျာနုနုမစား
ကျောက်ခရုဝါးမယ်
ဆားငန်တိုက်စား
လက်ဖဝါးကိုယားယံပွတ်ချေ
ပင်လယ်ရေလှိုင်း
ဒီအရိုင်းရဲ့
မုန်တိုင်းခေါ်သံ
ခြိမ့်သည်းညံပေါ့
နက်ဖြန်ရက်ကျူး
ကျောက်ဆူးကိုနှုတ်
သံကြိုးဖြုတ်ဟေ့
ကျွန်ုပ် ပင်လယ်သွားတော့မယ်။ ။
ကြည်အောင်
(ခုတော့လည်း..သံကြိုးကိုဖြုတ်ပြီးပင်လယ်ဆီထွက်သွားခဲ့ပြီထင့်..)


အဆိပ်ပင်
အဆိပ်ပင်
အိပ်ဝင်ခိုနား
ခရီးသွား
ကားရားခြေလက်
အသက်ထွက်။

ကျီးငှက်
မျက်လုံးဖောက်ထုတ်
စလုတ်ဖြည့်သိပ်
ဆိပ်ရည်ပြာမှိုင်း
သစ်ကိုင်းခွကြား
ခိုဝင်နားတော့

အဘွားပုံပြင်
ရှေးယခင်လို
ဒီတွင်အဆုံး
သတ်ဦးပေါ့......။ ။
ကြည်အောင်

ကမ်းခြေကျောက်ဆောင်
ဆိုင်ကလုန်းမုန်တိုင်း
ကျောက်ရိုင်းမျက်နှာ
အက္ခရာထုလုပ်။

ပင်လယ်လှိုင်းက
အရိုင်းကဗျာ
တည်ပါစေသား
ဆားအက်စစ်မှုတ်။ ။
ကြည်အောင်

နဂ္ဂတစ်တစ္ဆေ
အိပ်မက်
ငှက်ကောင်
သန်းခေါင်ယံ
အမှောင်ထဲ
တောင်ပံ
ဖြန့်ဝဲ။ ။
မသဲ
မကွဲ
အမဲ(မည်း)
အဖြူ
ချစ်သူ့ရုပ်ပုံကား
သွားကမည်းညစ်
မျက်လုံးကအဖြူဖြ်
နဂ္ဂတစ်ဖလင်
မြင်တဲ့အိပ်မက်
အလှပျက်လျက်
အိပ်မက်တေလေ
ညတစ္ဆေ..။ ။
ကြည်အောင်


ကျောကသားရင်ကသား
ရင်ပွေ့လို့တစ်ကောင်ခေါ်
ကျောပေါ်ကတစ်ကောင်ပိုး
တောလိုက်သံခမျာကြောက်လို့
ကိုင်းပင်ယံပြေးခုန်လျှောက်တယ်
မျောက်မညိုကိုး ။ ။
ကြည်အောင်


သား
မပေါ့မပါး
ခရီးသွားတဲ့
မီးဖွားတော့မယ့်
မိခင်တစ်ယောက်။

မိခင်က
လခြမ်းသဖွယ်
ကလေးငယ်ကို
သယ်ဆောင်လှမ်းတက်
ခရီးဆက်။

ဝမ်းအိမ်အလယ်
ကလေးငယ်လည်း
အချင်းကိုသယ်
စလွယ်သိုင်း
တောရိုင်းမြေကြမ်း
အတူလှမ်း
သားအိမ်ထမ်းရင်းနဲ့မိခင်နဲ့။ ။
ကြည်အောင်
(မိခင်ကိုသိပ်ချစ်တဲ့ မိခင်ကသိပ်ချစ်တဲ့ သား ဆရာကြည်အောင်ရဲ့ သားကဗျာပါ..)


ရေတွင်းအိုရဲ့ဒဏ္ဍာရီ
အဘိုးရေတွင်း
နွေပြင်းပြင်းမှာ
သေမင်းရေမချိုးနိုင်။

အဘိုးရေတွင်း
ငွေအဆင်းနဲ့
လမင်းအပျို
ရွှင်ချိုအပြုံး
ကိုယ်တုံးလုံးနဲ့
ချိုးသုံးကြည်နူး
ရွှေရည်လူးစဉ်။

အတိတ်လား
အရိပ်လား
လှုပ်ရှားယိမ်းခါ
ရောက်လို့လာတယ်
ကမ္ဘာဦးကလူရိုင်းကြီး။

စွေ့ကနဲပွေ့
အတွေ့ရစ်ပတ်
ဒါ..လူ့ဇာတ်ပဲ
နတ်သမီးလေး
ရေချိုးမပြီးသေး။

အဘိုးရေတွင်း
ရှေးသီချင်းအို
ဆိုမြဲသီမြဲ
လူရိုင်းနဲ့လနတ်
ရှေးဇာတ်ချစ်ပွဲ
ကမြဲခုန်မြဲ။

အဘိုးရေတွင်း
သေမင်းသာအို
သူတို့ပျိုဆဲ
ဆိုဆဲကဆဲ
မအိုပွဲ....။ ။
ကြည်အောင်

အမေ.. ၈၃နှစ်
အမေ..၁၄နှစ်
အပျိုဖြစ်သလား
မဖြစ်ဘူးလား
မစဉ်းစားတတ်ဘူး
ကျွန်တော်ကသားမဟုတ်လား။
အဲ..
အမေ ၁၄နှစ်မှာ
သူ့ချစ်သူနဲ့အိမ်ထောင်ပြုတယ်
နုနယ်တဲ့ရင်သားပေါ်က
ပုဝါပါးပါးမှာ
ပိုးသားချည်နဲ့ရောင်စုံထိုးထားတဲ့
နှင်းဆီနှစ်ငုံ
အမြုံပါဘူး ပွင့် လို့
အမေ ၂၆ နှစ်
သက္ကရာဇ်တံခါးမှာ
ဆဌမသား
ကလောင်ဓားနဲ့
ကျွန်တော့်ကိုဖွားတယ်။
အမေက စာမတတ်တော့
တက္ကသိုလ်မှာလင်္ကာပညာရပ်
တစ်ဖက်ကမ်းခတ်တဲ့
ကျွန်တော့်ကဗျာတွေကို
အမေ မဖတ်နိုင်ဘူးပေါ့..။
ဒါပေမယ့်
ဘုတ်အုတ်ထဲက
အမေ့သားရဲ့အက္ခရာ
ကဗျာနှလုံး
မာယာမသုံး
အသာယာဆုံးနဲ့
ပြုံးနေမယ်ဆိုတာ
အမေသိမှာပါနော်။ ။
ကြည်အောင်

ဦးကြည်အောင်ဟာမနေ့က ၂၇.၃.၀၉ မနက်က မန္တလေးမှာကွယ်လွန်သွားခဲ့ပါတယ်။
ကျွန်မချစ်သောကဗျာများ ဆိုတဲ့ဒီဘလော့ခ်ကို ကျွန်မဦးကြည်အောင်ရဲ့ သစ္စာတိုင်
ရယ်..လူနဲ့မျောက်ရယ်နဲ့စခဲ့တာပါ..။အဲဒီကဗျာတွေကို ဒီမှာ ပြန်ဖတ်နိုင်ပါတယ်။နောက်
ထပ်ဦးကြည်အောင်ကဗျာတချို့ကိုဖတ်ချင်တယ်ဆိုရင်လည်း ပျံ့လွင့်နေသောတေးနှင့်
ဧကစာရီ..
မှာလည်းဖတ်နိုင်ပါတယ်။
ကျွန်မမှာပါလာတဲ့ ကဗျာမှတ်စုထဲက ဦးကြည်အောင်ရဲ့ကဗျာတွေနဲ့ ဥိးကြည်အောင်ကို

ဂုဏ်ပြုသရဏဂုံတင်ပါတယ်။ရောက်ရာဘဝမှာကဗျာဆရာအဖြစ်နဲ့ပဲ ရှင်သန်ခွင့်ရပါစေ
လို့..ဆန္ဒပြုပါတယ်။

ကျွန်မချစ်သောကဗျာများ

Thursday, March 19, 2009

မတ်လ ၂၁ ရက်နေ့ဟာ ကမ္ဘာ့ကဗျာနေ့တဲ့...ခါတိုင်းဆိုရင်တော့အမှုမဲ့အမှတ်
မဲ့ကျော်ဖြတ်သွားမိတာပဲ။ဒီနှစ်ကတော့ ကိုယ့်အသက်ကယ်ဆေးတွေလိုဖြစ်နေ
တဲ့ကဗျာတွေကို သူတစ်ပါးကိုလည်းဝေမျှချင်လာတယ်။အဲဒါနဲ့အချိန်ကုန်လူပမ်း
ခံပြီးကဗျာတွေကိုဖတ်လိုက်၊ရိုက်လိုက်လုပ်ခဲ့ပါတယ်။
လွန်ခဲ့တဲ့ နှစ်၂၀ကျော်ကတည်းက ကျွန်မစုဆောင်းထားခဲ့တဲ့ကဗျာတွေလည်း
ဖြစ်ပါတယ်။ဝိုင်အနေနဲ့တွက်ကြည့်ရင်တော့နှစ်ချို့ဝိုင်တွေပေါ့..။ဒါပေမယ့်ခုထိ
သစ်လွင် နေဆဲပါ။ကျွန်မတို့ ဘာတွေများပြောင်းလဲခဲ့ကြလို့လဲ...။အဲဒါကိုက...
တရားသဘောတစ်ခုလေလား..


မေ…ကျွန်မ မသေဆုံးသေးပါဘူးနော်..

တစ်လောကလုံးမွှေးမတဲ့လား
အရောင်ခါးခါး နံနက်ခင်းရယ်
မျက်ခွံပေါ်ကကြယ်ကလေးတွေကိုပြောလိုက်ပါ။
အသေအချာနမ်းကြည့်ရင်တောင်
ရနံ့မရှိတဲ့ ကျောက်ဆောင်တွေ
ကဉ္စန နတ်သမီးခြေဆုံးခေါင်းဖျားလိမ်းဖို့
နံ့သာဖြူပင်ကိုခုတ်လှဲ သတဲ့
ကရမက်ပင်ကိုခုတ်လှဲသတဲ့..။
တစ်လောကလုံးမွှေးမတဲ့လား
ပျားရည်ဆမ်းကိုယ်ထင်ပြ
ကဉ္စန နတ်သမီးတို့ရယ်
ကျွန်မရဲ့ရင်ဝတည့်တည့်
အစုလိုက် အပြုံလိုက်စိုက်ဝင်နေတာ
မြားတွေမဟုတ်ပါဘူး
ဖြူဖြူစင်စင်ပန်းဖူးတွေပါကွယ့်
ဒါကြောင့်ပြောတာ
ရေသတ္တဝါတွေမှာလက်မရှိဘူး
တောင်ခိုးကူးခတ်မြစ်ဖျားရဲ့
ဒါကြောင့်ပြောတာ
အနက်ပွင့်ပန်းကိုင်းတွေမှာလက်မရှိဘူး
လေထဲနစ်ဝင်ဆူးတောင့်များတို့ရဲ့
ဒါကြောင့်ပြောတာ
ကန္တာရနဂါးပွက်တွေမှာလက်မရှိဘူး
ဆိပ်ဖလူးဝတ်မှုန်မြစိမ်းတံတို့ရဲ့
ဒါကြောင့်ကျွန်မပြောတာ
နှင်းပန်းကိုလေညင်းခတ်သလိုမျိုး
ပြိုးပြိုးပြောက်ပြောက်ကျွန်မရဲ့အသံ
ခေါင်းလောင်းသံတမျှမြည်နေဥိးမယ်
စံပယ်တွေတဖွေးဖွေးတောက်ပ
ကျွန်မအသံကိုကျွန်မကြားနိုင်ဖို့
ပန်းပွင့်တွေကိုမျက်လုံးတပ်ပေးရဦးမယ်
ကျွန်မရုပ်ရည်ကိုကျွန်မမြင်နိုင်ဖို့
ကျွန်မလက်မောင်းသွေးကိုဖောက်ပစ်ရဥိးမယ်
ကြယ်တစ်သင်းသင်းအုံလင်း
ကျွန်မက အာကာသမြစ်တစ်စင်းမဟုတ်ဘူး
`မေ.​’
(ကျွန်မ..မသေဆုံးသေးပါဘူးနော်)
ကျွန်မလေ
ကိုယ့်ကိုယ်ကိုမေ့နေသလို
ကျွန်မကိုယ်ကျွန်မမိတ်ဖွဲ့
အကြောင်းမဲ့မရှိုက်တတ်တဲ့ကျွန်မမျက်ရည်ဟာ
ပါးပြင်ပေါ်မကျပဲ
တစ်စက်ချင်းတစ်စက်ချင်း
ကျွန်မရဲ့နှလုံးသားထဲစီးကျသွားလေရဲ့……….။ ။
ဝေနော်

ဝေနော်ဆိုတာ လုံမငြိမ်းချမ်းဆိုတဲ့နာမည်နဲ့ဝတ္ထုတိုတွေအရေးကောင်းသူပါ။
သူက ကဗျာရေးရင် ဝေနော် နဲ့ရေးပြီး..ဝတ္ထုတိုရေးရင် လုံမငြိမ်းချမ်းဆိုတဲ့
နာမည်နဲ့ရေးပါတယ်။သူ့ကဗျာတွေကျွန်မမှာ သုံးလေးပုဒ်လောက်ရှိတယ်။
အကုန်လုံး ကဗျာရှည်တွေပါ။အားကောင်းလှပပြီးနူးညံ့စွာဆွဲဆောင်နိုင်တဲ့
ကဗျာတွေချည်းပဲပါ။ သမီးရေတံခွန်အောက်မှာထိုင်ချင်တယ် ဆိုတဲ့ရင်ခုန်
ပွင့်က သူ့ကဗျာလေးကိုကူးခဲ့တုန်းကဆို ၁၉၉၀ လောက်ပဲရှိပါသေးတယ်။
သိပ်လှသိပ်စွဲလန်းစရာကောင်းတဲ့ကဗျာပါ။ကျွန်မ တို့ဆုံတော့ မိုးမိုး(အင်း
လျား)ဝတ္ထုတိုဆုပေးပွဲမှာ ဆုံကြပါတယ်။တကယ့်ကိုပါးပါးလျလျလေးနဲ့
အနုပညာဆန်တဲ့အမလေးတစ်ယောက်ပါ။ခုတော့ သူ့စာတွေတွေ့ရတာ
နည်းသွားပြန်တယ်။၁၉၉၅..၉၆..၉၇..ဝန်းကျင်လိုသူ့စာတွေသိပ်မတွေ့ရ
တော့ကျွန်မလွမ်းနေမိပြန်ပါတယ်။အမျိုးသမီးကဗျာရေးသူတွေကရှားရတဲ့
ထဲ..သူတို့တွေကဗျာမရေးတော့ရင်ကျွန်မသတိတရနဲ့လွမ်းနေမိတတ်ပါတယ်။
နောက်သတိရနေမိတတ်တာက..မြတ်..ပါ။
သူ့ကိုတော့ကျွန်မ အပြင်မှာမဆုံဖူးပါဘူး။ကျွန်မကူးထားတဲ့ထဲက မြတ် ရဲ့
ကဗျာတစ်ပုဒ်ကိုကြည့်ပါဥိး..

အဝေးမှာမိုးတွေရွာပြီ

အဝေးမှာမိုးတွေရွာပြီ
ငါ့ရင်ထဲမယ်
ဝမ်းနည်းလွယ်တဲ့မိုးတိမ်တွေ
အုံ့ဆိုင်းလို့..။

မျက်စိနဲ့မြင်နိုင်သရွေ့
ဖျောက်ဖျက်ပစ်ဖို့ရာလွယ်လှပေမယ့်
စိတ်နဲ့ချောင်းကြည့်နိုင်သရွေ့တော့
အတိတ်ကိုတွေ့နိုင်ပေလိမ့်မယ်။

ငါ့ကိုယ်ငါမယုံကြည်ရတဲ့နောက်မှတော့
သူတို့ကိုရောဘယ်လိုယုံကြည်ရပ
သူတို့ဆိုတာ
အချစ်ရယ်
မိတ်ဆွေများရယ်
လောကဓံတရားရယ်လေ..။

အချစ်ဆိုတာ
တစ်ခါတစ်ခါတပ်မက်ဖွယ်ညွတ်ကွင်း
တစ်ခါတစ်ခါကျတော့
နှောက်ယှက်တဲ့ခြေကျဉ်းလို
ခေါင်းမာစွာငြင်းဆန်နေမိပေါ့..။

အိပ်မောကျလုနီးမှ
ဒါဏ်ရာတွေကိုနှိုးနှိုးပြီးမေးတယ်
ဘာအတွက်ပေးဆပ်ခဲ့ရတယ်ဆိုတာ…။

ရှာပြီးရင်းရှာခဲ့တယ်
ငါ့ကိုယ်ငါနှစ်မြုတ်နိုင်မယ့်ကျင်းသစ်တစ်ခုဆီ
တူးဖော်ပြီးရင်းတူးဖော်ခဲ့
မြို့ဟောင်းတစ်မြို့ကိုမဟုတ်
ရုပ်ကြွင်းတစ်ခုကိုမဟုတ်
မြေကြီးအနွမ်းတွေကိုငါမစားလို
လက်ယက်တွင်းရေချိုကိုသာ
ငါသောက်လိုရဲ့။

အဝေးမှာမိုးတွေရွာပြီ
ငါ့ရင်ထဲမယ်
ဝမ်းနည်းလွယ်တဲ့မိုးတိမ်တွေ
အုံ့ဆိုင်းလို့..။

ခေါင်းငိုက်စိုက်ချရင်း
အပြင်းအထန်တူးဆွနေခဲ့ပေါ့..
ဒီမယ်တော့
လက်ယက်တွင်းတစ်တွင်းစာ
မျက်ရည်တွေမိုးလိုရွာပြီ…။ ။
မြတ်



ရင်နာတတ်တဲ့သူ

မရေမရာအလွမ်းတွေနဲ့
လတ်တလောတွေကုန်ဆုံး.။
နှင်းကွဲမီးလုံးတွေကိုဖြတ်သန်းရင်း
အိပ်တန်းဝင်ရတဲ့ညတွေပဲတိုးလာ
ဘယ်မှာလဲ
အိပ်မက်လှလှလေး
ကိုယ့်ကိုယ်ကိုမက်လုံးပေးထားခဲ့တာလေ..။
တခြားမိန်းမများစွာအတိုင်း
ဟိုးအဝေးကြီးကနေ
အမေကမေတ္တာတွေပို့သ
ကျွန်မက အမေ့ရင်ငွေ့ကိုတမ်းတ
လမ်းစရှာ
ခြေရာတွေသာထပ်….။
ရင်ခုန်ခြင်းအလင်္ကာတွေတည်တံ့စေဖို့အတွက်
သောကနည်းနည်းစွက်
ရမ္မက်နည်းနည်းကြီး
ပြီးမှ..အားတင်းရင့်ကျက်ပစ်……..။
မှတ်တိုင်သုံးဆယ်နားနီးလာလေ
ကယောင်ခြောက်ချားနိုင်လာလေ…။ ။
ခက်မာ

အဲဒါကတော့ ကျွန်မဆီမှာရှိတဲ့ မခက်ကဗျာတစ်ပုဒ်ပါ။ဝတ္ထုတိုသမားလို့နာမည်ကြီးတဲ့
မခက်မာ..ရဲ့ကဗျာတစ်ပုဒ်ပါ။ နောက်ထပ်အမျိုးသမီးကဗျာရေးသူတစ်ယောက်ရှိပါသေး
တယ်။သူကတော့ ကဗျာတင်မက ဝတ္ထုတိုလည်းရေးသလို ပန်းချီလည်းဆွဲတဲ့သူတစ်
ယောက်ဖြစ်ပါတယ်။ မဖြူမွန်ပါ။ မဖြူမွန်ကိုစသိတော့ မန္တလေးမှာပါ။ ချစ်စရာကောင်းတဲ့
အနုပညာမိသားစုလေးပါ ။မဖြူမွန်အမျိုးသားက ပန်းချီဆရာ ကိုချမ်းအေး ဖြစ်ပါတယ်။



(ပြတင်းများရဲ့အဝင်ဝထိ
လက်တံတစ်ခုဆန့်ထွက်သွားတဲ့အခါ)
(ကြားလိုက်စ..)
အဝိဇ္ဇာဓားတုံးတုံးနဲ့
နောက်ဖက်က
ထိုးစိုက်ချလိုက်သံ
ပြီး..
မနည်းညှစ်ထုတ်လိုက်တဲ့အချက်ပေးမြည်သံ..များ..။
ပန်းပွင့်အရောင်စကေးလောက်
တိုင်းတတ်ရုံသောချောင်းများ
စုဝေး
မျက်နှာချင်းဆိုင်ကြတဲ့အခါ
သူတို့ရဲ့ပါးစပ်ဖျားမှ
(ညှီစို့စို့)ပေါက်ပြဲအိပ်မက်များ
တီကောင်လို
မြစ်များ၊တောင်တန်းများ
အထွေးလိုက်ကျလာနေ..
ဒီလိုနဲ့..(သည်းခံမှုတိုင်းဟာနံရံများရဲ့
အက်ကြောင်းရာအတိုင်း
တိုးတိုးတိတ်တိတ်နှိုင်းဆရွေ့ခဲ့ပေါ့..)
ဒုက္ခမဲ့ဦးခွံတွင်းက
(ထိုင်လျက်)စပျစ်သီးချိုနေကြသောမြေခွေးများအတွက်
ခပ်ကြီးကြီးစာတန်းကပ်၊ တံတွေးမမြိုရ
လေထဲမကူးရ
လက်လွတ်စပယ်ကောင်းကင်ရဲ့
ရက်စက်ခြင်းအတွက်
(ဗလာလောက်ခွန်အားမကောင်းသေးပဲ)
ကိုယ်ရည်ကိုယ်သွေးနည်းတဲ့
ကြယ်တစ်ပွင့်နှစ်ပွင့်လောက်နဲ့
မဖောက်ခွဲနိုင်ပါဘူးကွယ်..။ ။
ဖြူမွန်


ကဗျာရေးတဲ့အမျိုးသမီးတွေနည်းတဲ့ထဲတချို့ကဗျာတွေကကျွန်မနဲ့ပါမလာခဲ့ဘူး။
နောက်များမှပဲ အမျိုးသမီးကဗျာဆရာမတွေကိုပြန်ရှာပြီးတင်ပါဦးမယ်။

ဒါကတော့ ကျွန်မခုတလောရွတ်ဖြစ်နေတဲ့ကဗျာလေးပါ။တေလေ တဲ့။မနေ့ကပို့စ်
တစ်ခုမှာလည်းထည့်လိုက်ပါသေးတယ်။


တေလေ

မိုးဖွဲဖွဲလေးရွာနေတယ်
ငါမငိုချင်တော့ဘူး
မျက်ရည်စက်လက်နဲ့စိတ်က
ကမ်းစပ်နံဘေးမှာနေ့ရွှေ့လိုက်ညရွှေ့လိုက်
လူက
ရေပြင်ပေါ်ပလုံလို့မြည်ပြီးနစ်သွားတဲ့ခဲတစ်လုံး
နှမြောတယ်
သင်းကွဲငှက်အော်သံများကြားလိုက်ရ
ဘာမှမသာယာဘူး
ကိုယ့်ကိုယ်ကိုလက်ဖျောက်တစ်ချက်တီးပြီးခေါ်ကြည့်လိုက်
ပလက်ဖောင်းပေါ်မှာဆုပ်လည်းစူးစားလည်းရူး
မျက်လုံးစိမ်းတွေကမိုးရွာတိုင်းပွင့်တတ်တဲ့ပန်းတွေလို
ငါ့ရှေ့ကရှုခင်းများ
ငါ့နောက်ကရှုခင်းများ
ငါ့ဘဝရဲ့အနာတရတွေကိုဖျော်သောက်နေတဲ့နေရောင်ခြည်များ
အရာအားလုံးကိုစိတ်ဆိုးလည်းခဏမဖြစ်ချင်တော့ဘူး
အမေ့ကိုသတိရတယ်
မျက်ရည်ကျလာတယ်
သေချာပေါက်
ဒီတစ်ခါမိုးမိရင်ဖျားပြီ..။ ။
မျိုးနေနွယ်



ငါ့ရုပ်ဝတ္ထုများ
ကားလမ်းကိုကန့်လန့်ဖြတ်ပြီး
လဲနေတဲ့သစ်ပင်ကြီးတစ်ပင်လို
မင်းဘဝရှေ့ငါ့ဘဝလဲခဲ့တယ်
ဘလက်ဘုတ်ကိုဒတ်စတာနဲ့ဖျက်သလို
ငါကနှင်းဆီပန်းကိုလက်သီးနဲ့ထိုးတယ်
မင်းကငါ့နားရွက်ကိုဆုတ်ဖြဲပစ်လိုက်တယ်
မီးပွားအပြည့်နဲ့ကောင်းကင်
ထပေါက်ကွဲတဲ့ကြယ်တစ်စင်းထက်
နေ့အပူချိန်ကပြင်း
ညအဝင်သေရည်ကပိုပြင်း
ငါ့ရင်ထဲကမီးဟာဆောင်းကိုသေအောင်သတ်ပစ်ပေါ့
အခမ်းအနားအပြီးမှာ
လက်ခုပ်အတီးဆုံးဟာငါဖြစ်မယ်
ရေထဲမိုးထဲဆိုတဲ့ဝေါဟာရ
မအေးမြမှန်းသိရှိရတဲ့နောက်
ငါ့နာမည်ခေါ်တဲ့ဓားတစ်ချောင်း
ရင်ဘတ်ထဲထိုးထည့်ပစ်တာကြာနေပြီ
မင်းတို့ရဲ့အရေးကြီးတဲ့ခေတ်
တစ်ခါတစ်ခါကျတော့
လူဟာ
ကစားစရာအရုပ်ဖြစ်နေပြန်ရဲ့…။ ။
ဝိုင်ချို


ဒါကတော့ သူများတွေပြောတာဆိုတာကိုခံပြီးခုထိဆိုးနေသေးတဲ့ ဝိုင်ချို ရဲ့
ကဗျာတစ်ပုဒ်ပါ..။ဘာပဲပြောပြောသေချာတာက ဝိုင်ချို ဆိုတာကဗျာရေး
ကောင်းတဲ့သူ...။
နောက်ထပ်ကဗျာ ၂ပုဒ်ကတော့ သရော်စာအရေးကောင်းတဲ့ဥိးမင်းသစ်ရဲ့
ကဗျာ ၂ပုဒ်ပါ။ ထုံးစံအတိုင်း သူလေသံက သရော်သံစွက်နေလေရဲ့....း)..


Pseudomodern ပြပွဲ


(၁)
အဟောင်းဈေးမှာ ဈေးပြိုင်ဝယ်ခဲ့တဲ့
နိုင်ငံခြားဖြစ်ကြယ်သီးပြုတ်အကျီ င်္တစ်ထည်
နှစ်ကိုးဆယ်က သီဝရီတစ်ခု
အိုးမဲသုတ်ပြီးဝင်လာတဲ့
မေထုန်မဲ့ကြက်တစ်ကောင်
တွန်လိုက်တဲ့အသံ
နားမခံသာဘူး
Cock – a – doodle – doo..
(၂)
ခိုးရာပါပစ္စည်းတစ်ထောင်
ရိုင်းပေါင်မုန့်မှိုတက်
အရောင်ပျက်ဝိုင်ပုလင်း
ခပ်တင်းတင်းဆုပ်ထားသူရေ
ဘုရားရှေ့မှာဆောင့်ကြောင့်ထိုင်
တံခွန်တိုင်လှမ်းဟောင်တဲ့
(ခွေးခြင်္သေ့ရေ..)
အေ(A)နဲ့လှည်းထောက်ခွမကွဲပြားကြသေးတဲ့လူတချို့က
မပီကလာပီကလာနဲ့
Once more once more…တဲ့..
သဖန်းပိုးတွေလက်ခုပ်တီးနေကြရဲ့……။ ။
မင်းသစ်


၄၅နှစ်သားလေး၏မွေးနေ့ရမ္မက်များ


Red Woodအပင်ကြီးတစ်ပင်
ဖြစ်ချင်တယ်
နှစ်ပေါင်းထောင်နဲ့ချီပြီး
လူတွေကို
စောင့်ကြည့်သွားချင်လို့။

Theo..လိုညီတစ်ယောက်
ရချင်တယ်
အိမ်ကထွက်ပြေးပြီး
The Haigမှာ
ပန်းချီသွားဆွဲချင်လို့..။

Aphrodite ဖြစ်ဖြစ်
Artemis ဖြစ်ဖြစ်
ရရာနတ်မ
ချစ်လို့ရရင်ပြီးရော
ယူချင်တယ်။

Olympusတောင်ထိပ်မှာ
တိမ်ညွှန့်တိမ်လိပ်တွေစားရင်း
Zeus နဲ့ရန်ဖြစ်ရင်
ဝတ္တုတိုလေးတွေ
ရေးချင်လို့..။

နေနဲ့လကိုတွန်းထုတ်
ပြက္ခဒိန်လုပ်တဲ့လက်
လိုချင်တယ်။

တစ်နေ့နေ့မှာတော့
အောက်ခြေမှတ်စုမပါတဲ့
ကဗျာတွေ
လူတချို့အတွက်
ရေးသွားချင်သေးလို့။ ။
မင်းသစ်


ဂျွန်ကပြောတယ် အားလုံးမြစ်ဆီသို့

စိတ်ကလေး
မလွမ်းအောင်နေလို့မရဘူး
လွမ်းလွမ်းနေ..သူ့ခမျာ
မပျော်အောင်လည်းနေလို့မရဘူး
ပျော်ပျော်နေ..။
ဟေး..ဂျွန်
အချစ်ကိုမနိုင်မနင်း
သယ်ဆောင်လာတဲ့
တမျှော်တခေါ်အနမ်းရဲ့
ဟိုးအတွင်းဖက်မှာ
အိမ်ဆီပြန်ခေါ်မယ့်လမ်းပါသကွဲ့
အဲဒီမြေ ငါနမ်းလိုက်ပါရစေတော့
လေယာဉ်ပျံကြီးနဲ့မှမဟုတ်ပါဘူး
ပျံလွှားငှက်လေးနဲ့လည်းလိုက်မယ်။
ဒီလောကီမှာ
ဒီပါးပြင်လေးကို
ဒီနှလုံးသားအရူးအမူးလေးက
ဘယ့်နှယ့်လုပ်သူစိမ်းပြင်ပြင်
သဘောမထားနိုင်ရှာတဲ့အတွက်
ဂျွန်ရေ..
စိတ်ကိုဖမ်းကြပေတော့..။
အနမ်းဆိုတာခိုးယူလို့မရနိုင်ဘူးလား
သူကသိပ်လှတယ်
မျက်လုံးတွေ
အကြည့်တွေမသိအောင်တစ်မျိုး
သိအောင်တစ်မျိုး..လှသူပေါ့..။
အနယ်အမှုန်ထနေတဲ့ညအပြာက
ကြယ်သားနုနုထွတ်ထွတ်တွေကိုမှစွဲမက်သတဲ့။
သက်တံတွေ ကြယ်တွေ
ပန်းပွင့်တွေ သဘာဝလောကကြီးရဲ့
ကိုယ်နေခါးကျတွေ ဘယ်လိုပဲလှလှနေပေမယ့်
သူကလေးမှအိနြေ္ဒရတာပါ..သူ့မှာ
စကားလုံးတွေလည်းလှပတယ်..ပြီးတော့
တသွင်သွင်စီးလို့..။
ဂျွန်ကိုပြောလိုက်ပါ
ငါတို့မြစ်ဆီသွားဖို့မလိုတော့ဘူး……..။ ။
မောင်သိန်းဇော်
သြဂုတ်-၉၅ တေးကဗျာ

ကိုသိန်းဇော်ရဲ့ကဗျာတွေက ချိုပြေမှုအပြင် ခံစားမှုအားရော နိမိတ်ပုံတွေရောသိပ်အား
ကောင်းပါတယ်။သူကဗျာရေးနည်းသွားတာကိုတော့ စိတ်မကောင်းဖြစ်နေမိတယ်။


ချစ်သူ

တို့အိမ်ခေါင်မိုးတွေပေါ်
ဆေးရောင်စုံတောင်တန်းများ
လှည့်စားနေတဲ့ညနေ…။

ရေလို့ငါမှားခဲ့တဲမီး
သင်္ကေတတွေနဲ့ကမ္ဘာ
အရာရာစိတ်လျှော့ဖိြု့ပုပြင်ရ..။

သိခဲ့ပါပြီလေ
ရက်စက်ခြင်းမှာခေါင်းထိုးယူတဲ့
ငါ့ဘောလုံးဟာစွန့်စားခြင်းမကြီးမား
ငါ့မနေနိုင်မှုတစ်ခုသာ…။ ။
သုခမိန်လှိုင်


ရုပ်ရှင်


စိတ်မနိုင်သူတစ်ဦးရဲ့
ကြည့်ရတဲ့ရုပ်ရှင်ဟာ
ချောက်ချားဖွယ်အတိ။

ဒါဏ်ရာတွေဟာ
တောက်ပဝတ်စုံ
ထည်လဲဆင်လို့
အားလုံးဇာတ်လိုက်
စိတ်အိုက်တဲ့အခါ
ရုံအပြင်ပြန်ထွက်လို့လည်းမရတော့..။ ။
သုခမိန်လှိုင်

ဦးလှိုင်ရဲ့ကဗျာ ၂ပုဒ်ပါ...ရုံထဲကပြန်ထွက်လို့မရသူတွေအတွက် ဆေးတစ်ခွက်
ဖြစ်ကောင်းပါရဲ..။နောက်တစ်ပုဒ်ကတော့ ကိုနေမျိုး ရဲ့သဘောင်္ပါ..လက်ဘက်
ရည်ဆိုင်ထိုင်တိုင်းစိတ်ထဲကနေတိုးတိုးတိတ်တိတ်သတိရနေမိတတ်တဲ့ကဗျာ
လေးပေါ့..။

သဘောင်္

လက်ဘက်ရည်ဆိုင်ထဲမှာ
ပင်လယ်ကူးသဘောင်္ကြီးများ
ကျောက်ချရပ်နားပြီ..။
ပေါလော
မလိုင်အတုတွေဖန်ခွက်ထဲမျောလို့
တအိအိ
မုန်တိုင်းမိလာသလိုမျိုး..။
ဝေးလံသောအရပ်မှ
ညများစွာခုတ်မောင်း
နက္ခတ်မှန်ပြောင်းတွေသာမရှိခဲ့ရင်ဖြင့်
အိပ်မက်ဟောင်းကြီးထဲမှာ
ရာစုနှစ်တစ်ခုလုံးပိတ်မိနေခဲ့ကြမှာပဲ..
ရိက္ခာကနည်းနည်းရယ်..။
ဟန်ဆောင်မှုကောင်းကောင်းနဲ့
သူ့ကိုယ်သူဖောင်းကား
စားပွဲတင်ပေါင်မုန့်က
မရှုမလှလှဲလျောင်းလို့
တဝီဝီ
ယင်ကောင်တွေကလည်း
အပ်ကြောင်းထပ်အသံတွေမြည်လို့
စားပွဲပေါ်မှာတော့
ဖောက်လက်စ စကားလုံးစည်သွပ်ဗူးတွေသာ
ပြန့်ကျဲလို့..။
နပိုလီယံတဲ့ ကိုလံဘတ်စတဲ့
မဒမ်ဗိုဗာရီ တဲ့ စပီးလ်ဘတ်တဲ့
ဆာ့တ်တဲ့…မော်ဒန်တဲ့
(၂၀ရာစုနောက်ပိုင်းမှာ)
အားလုံးမှိုစော်နံ့နေပေါ့..။
ဝေါ့ကနဲပျို့တက်လာခဲ့
ပြီးတော့ခပ်မြန်မြန်မျိုချလိုက်ရ
ဒီနည်းနဲ့ပဲ အသက်ရှင်နေထိုင်ခဲ့ရ
(နှစ်ဘဝစာ)နောက်တစ်ခါဆို
ဝေလငါးကြီးတစ်ကောင်ရဖို့
ငါးမျှားချိတ်မှာ
မက်ဒေါနားကိုအစာတပ်ထားမယ်..။
ရေဘဝဲတစ်ကောင်
ဟိုထောင့်မှောင်ရိပ်ထဲက
(ပြုံးပြီး..)လက်နှစ်ချောင်းထောင်ပြရဲ့
ဒီလိုဖြစ်ခဲ့ဖူး
ဟောဒီ ကုလားထိုင်ပေါ်မှာ
မျှော်လင့်ချက်မုန်တိုင်းမိစဉ်
မိုးကောင်းကင်ပေါ်
ကိုယ့်အမည်ကို
အကြိမ်ကြိမ်ဟစ်ပြီးအော်ခေါ်ရဲ့…..။
ဒီလိုနဲ့
လှိုင်းလေငြိမ်သက်တဲ့နေ့တစ်နေ့
ကမ်းခြေမြို့ကလေးရဲ့
လက်ဘက်ရည်ဆိုင်မှာ
သံချေးတွေခွာရင်း
(ရေချိုတွေဖြည့်တင်းရင်း)
ကမ္ဘာပတ်မယ့်သဘောင်္
ခု….
ဒီကောင်မောနေပေါ့…။ ။
နေမျိုး

ဒီကဗျာကိုကျွန်မကူးခဲ့တဲ့နေ့က ၃၁ရက် သြဂုတ် ၁၉၉၀ ပါ။၁၉၉၀ စက်တင်ဘာ
တေးကဗျာထဲကဖြစ်ပါတယ်။ခုဆိုရင် ၁၉နှစ်လောက်ရှိတော့မယ်။ ခုထိ မဟောင်း
သေးဘူး။



ငါ့အားရစ်ပတ်လာသော ရေဘဝဲတစ်ကောင်၏
လက်တံများကိုဖြတ်တောက်ရန်ကြိုးပမ်းခြင်း

အာဒမ့် နံရိုးတစ်ပိုင်းတစ်စရဲ့
ကိုယ်ပွားတစ္တေများ
ငါ့အားခြောက်လှန့်နေ..

လှပသော တင့်တယ်သော
ဝင်းဝါသော ပြိုးပျက်သော
ကိုယ်ဖြင့်
ကိုယ်ထင်ပြလျက်
ဗီးနပ်စ နတ်သမီးများ
ခြောက်လှန့်ရယ်မောနေ
ဟိုမှာ..ဒီမှာ..
နေရာအနှံ့..။

ကွေးညွတ်နေသောသက်တံ
ခရမ်း၊မဲ၊ပြာ၊စိမ်း၊ဝါ၊လိမ်၊နီ
အရောင်ခုနှစ်မျိုးဖြင့်လှပ၏
လှပသော ဗီးနပ်စတစ်ပါး
သက်တံပေါ်က
လာလေ …လို့လက်ကမ်း
ငါခေါင်းရမ်းခဲ့
သွားစမ်းပါဗျာ…လို့
ခပ်ရမ်းရမ်းလည်းငါအော်ခဲ့..
ငါ့ဘဝပေတံမှာ
အချစ်အတွက်နေရာ
လက်မအစိပ်အပိုင်းမျှသာ……။

တေးဆိုသောပန်းများ
လန်းဆန်း၏
လှပ၏
မွှေးပျံ့၏
သို့သော်..မနမ်းအားသေး..
ချောင်းကမ်းစပ်၌
ငါ..ဒေါင်းဖမ်းရဦးမည်…။ ။
ကျော်စွာထက်

ဒါက ဆရာကျော်စွာထက်ရဲ့ရှားပါးကဗျာပါ။ မန္တလေးဆေးတက္ကသိုလ်ငွေရတုမဂ္ဂဇင်း
ထဲမှာပါတယ်လို့မှတ်မိနေတယ်။နောက်တစ်ခုက သူတို့ဆေးကျောင်းကစုထုတ်တဲ့
ကဗျာစာအုပ်လေးတစ်အုပ်..အဲထဲမှာလည်းတွေ့တယ်။အဲဒီတုန်းက ကျွန်မအမက
သူတို့နဲ့တစ်ကျောင်းတည်း..။မော်ဒန်ဝတ္ထုတိုတွေနဲ့နာမည်ကြီးခဲ့တဲ့ ကျော်စွာထက်က
ကာလတစ်ခုလောက်ပျောက်သွားပြီး ပြန်ပေါ်လာတော့ သိပ္ပံစိတ်ကူးယဉ်ဝတ္ထုတွေကို
ရေးခဲ့ပါတယ်။ခုတော့လည်း စာတွေကိုမတွေ့ရတော့ပြန်ဘူး။အိုင်ဒီယာအတွက်စာမူ
တောင်းတာလည်းကျွန်မသာခရီးထွက်လာရောမရခဲ့ဘူး။ကျော်စွာထက်..ဝတ္ထုတိုများ
၁..၂...၃..ဟာတကယ့်ကိုကောင်းတဲ့ စာအုပ်စင်မှာရှိသင့်တဲ့စာအုပ်တွေဖြစ်ပါတယ်.။



မြတ်နိုးစိမ်း
အဝေးကြီးမှာဝေးတဲ့မျက်နှာ
ပိုမြင်လာတယ် ပိုကြင်နာတယ်
တစ်နေရာမှာ
စာနာမှုက တစ်စစီလွင့်
လေနှင့်အတူ သယ်ယူဆောင်ကျဉ်း
မေ့ခြင်းအနား မသွားလည်းရောက်
လျှောက်ခဲ့ဖူးတယ်။
ဇော်ဇင်

(ဒါ မြတ်နိုးစိမ်း ထဲကတစ်ပိုဒ်ပါ..တစ်ပုဒ်လုံးမှာမှ အဲဒီအပိုဒ်ပဲကြိုက်လို့တစ်ပိုဒ်ပဲကူး
ထားခဲ့မိတာ..ခွင့်လွှတ်ပါ ဦးဇော်ဇင်.။ကျွန်မတို့ငယ်ငယ်တည်းကသူ့ရဲ့အသည်းကွဲ
ရေဒီယိုတွေကိုစောင့်ဖတ်ခဲ့ဖူးတယ်…။သူနဲ့ဆုံတော့ ကျွန်မ ကစာရေးဆရာမဖြစ်နေ
ပြီ..။သူကစာမူလာတောင်းတဲ့သူ.။ကျွန်မကိုအသိအမှတ်ပြုပြီးစာမူလာတောင်းတာကို
ဂုဏ်ယူစရာကောင်းလိုက်တာလို့တွေးနေတုန်းသူငယ်ချင်းစာရေးသူတစ်ယောက်က
(သူလည်းနာမည်ကြီးပါပဲ)လှမ်းပြောတယ်..။
ဇော်ဇင် ဆိုတဲ့ကောင်လေးတစ်ယောက်ဖုန်းဆက်ပြီးစာမူတောင်းတယ်..အသစ်
လားမသိပါဘူး..တဲ့..။)


နိုဝင်ဘာ
ငါ့ရဲ့ရွှေအိပ်မက်တွေကို
ခြေကျင်းတွေလိုခွဲစိပ်ဝတ်ဆင်ထားတဲ့မိန်းမ..။
မြူခိုးနီညိုတွေကြားမှာ
စပယ် ကပိုကရိုနဲ့လှလို့…။

ငါ…တစ်ပွင့်ပြီးတစ်ပွင့်ပြိုလဲ
နှင်းအဆက်ဆက်တိုင်ကြေကွဲခဲ့ရပေါ့…..။
တာရာမင်းဝေ

၁၉၉၅ စက်တင်ဘာ ဟန်သစ်

၁၉၉၅ ဆိုတာ ကိုတာရာမင်းဝေ စာပေနယ်ထဲရောက်တဲ့နှစ်ပါ။အဲဒီနှစ်မှသူကပြန်ရောက်
တာကိုး..ဒါ ဟန်သစ်ထဲက ကဗျာတစ်ပုဒ်ဖြစ်ပါတယ်။




သံစုံကြူးတဲ့ည

ညက
တိတ်ဆိတ်လို့.
ခုန်နေတဲ့ကြယ်သံတချွင်ချွင်လည်းမရှိ
အတွေးကို
စကားအကျယ်ကြီးပြောမယ့်
လမင်းလည်းမရှိ
လေပြည်လည်းလက်ပြတ်ကျ
သစ်ရွက်တွေညပ်ခဲနေတဲ့ညပေါ့..
အဲဒီညမှာ
ကတိစကားနဲ့အမှား
ဦးသူစားတမ်းဖြစ်ခဲ့တယ်။
ပန်းပွင့်တွေက
ကိုယ်ပွင့်တဲ့ပန်းကိုကိုယ်ပြန်ပန်ထားတဲ့ည
ကိုယ်ချင်းစာတရားနဲ့ရင်ခုန်သံ
အပြန်အလှန်မျိုနေကြတဲ့ည
သန်းခေါင်ယံလရောင်ရဲ့ရည်ရွယ်ချက်က
တဖြည်းဖြည်းမင်းဘက်ကိုပါသွားတဲ့ည
အဲဒီညမှာ
စကားလုံးတွေ
ရင်ပတ်ပေါ်ဝုန်းကနဲဝုန်းကနဲ
ခုန်တက်လာကြပြီးမှ
ဘာမှမပြောပဲ
သစ္စာရှိရှိအသေခံသွားခဲ့တယ်။
မျက်ရည်တွေဖောက်ချပြီးစမျက်လုံးထဲ
နောင်တငါးတစ်ကောင်တစ်ဖျပ်ဖျပ်ခုန်နေတဲ့ည
အမှောင်နုထံစွန့်ခဲ့တဲ့အနမ်းဦးတို့
ပျော်ပါးမြူးတူးတဲ့ည
ခံစားမှုမှာ ဥိးနှောက်တစ်ခြမ်းတိတိ
ညွတ်ကွင်းမိတဲ့ည
အဲဒီညမှာ
ငယ်ဖော်..ငယ်ပေါင်း…ကျောင်းနေဖက်..
သူငယ်ချင်း…အခင်ဆုံး..အချစ်ဦး..အချစ်ဆုံး..
အဲဒီစကားလုံးတွေ
တစ်ကောင်နဲ့တစ်ကောင်
အသေကိုက်ကြပြီး..
မောသွားတော့
အမှောင်ထဲ အိပ်မောကျနေခဲ့တယ်။ ။
နီကိုရဲ

(ကဗျာအဆုံးမှာ ကလောင်မှားတပ်ထားတယ်လို့မထင်ပါနဲ့..ဒါ နီကိုရဲ ရဲ့လက်ရာ
ကဗျာကောင်းတစ်ပုဒ်ပါ..ဒါကိုပြန်ဖတ်ရင်းဘာကိုတွေးမိလဲဆိုတော့..လူတစ်
ယောက်ဟာအကြောင်းမဲ့တော့ မအောင်မြင်ပါဘူး..သူနင်းတက်လာခဲ့တဲ့လှေခါး
ထစ်တွေက သိပ်ပြီးခိုင်မာတယ် ဆိုတာလေးပါပဲ..၁၉၉၅နိုဝင်ဘာ တေးကဗျာထဲကပါ..)



ပြက္ခဒိန်
ရာဇဝင်တောအုပ်ထဲမှာ
အမှန်တရားနဲ့စီးချင်းထိုးဖို့
ချိန်းဆိုထားသတဲ့..။
အမှန်တရားဆိုတာ
ချိန်းထားတဲ့အချိန်ထက်
အမြဲနောက်ကျလေ့ရှိတဲ့
သူရဲကောင်းဖြစ်တယ်။
စစ်ပွဲ၊ငြိမ်းချမ်းရေး
ဘောဂဗေဒနဲ့ယဉ်ကျေးမှု
အဲဒီရောင်စုံဖိုင်တွဲတွေကြားနစ်မြုပ်နေရာက
လူဟာ
အလန့်တကြား ထထ ရပ်
အချိန်မကြာခဏကြည့်တတ်လာတယ်။ ။
မြမြင့်မိုရ်

ဆရာမြရဲ့နာမည်ကျော်ကဗျာပေါ့..။



ဒီဇင်ဘာ၂၅ရက်၊ညနေ ၅ နာရီ

အုံ့ဆိုင်းတဲ့တနင်္ဂနွေညနေခင်း
တစ်ခုမှာပေါ့
ကိုယ့်ဘဝထဲသူဖြတ်သန်းသွားပုံကြီး
ကြေကွဲရ..။
သစ္စာတရားကိုဖက်တွယ်လိုတဲ့
ငနဲတစ်ယောက်ရဲ့ကျဆုံးခန်းပေါ့.
လိမ်ညာဖို့စကားလုံးတွေ
အများကြီးရွတ်ဆိုတတ်ပေမယ့်
အကောင်းဆုံးကိုမရွေးချယ်တတ်တဲ့
ကိုယ့်အပြစ်ပါ..။
ဆက်ထိုင်နေရကောင်းမလား
စဉ်းစားရင်းထရပ်မိ
ထွက်သွားရကောင်းမလား
စဉ်းစားရင်းပြန်ထိုင်..။
အော်..မစိမ်းမြ၊မစိမ်းမြ
အချောမသပ်ရသေးတဲ့
ဒုက္ခကြမ်းရှရှကြီးကိုမှ
ကိုယ့်ရင်ခွင်ထဲပစ်ထားရက်လေခြင်းနော်..
ခံစားပြနေတာမဟုတ်ဘူးကွဲ့
ထင်ရာကိုမစိုင်းရဲလို့
ဒိအတိုင်းပဲဆက်ထိုင်နေရတယ်။ ။
ပိုင်စိုးဝေ



ဆပ်ကပ်
အဖေကဆပ်ကပ်သမား
အမေကဂျွမ်းဘားမယ်
ကြိုးတန်းတွေဟာအဖေနဲ့အမေတို့ဘဝမှာ
ကတ္တရာလမ်းမတွေဖြစ်ခဲ့ပေါ့..။
ကျွန်တော်လည်းဘာထူးလို့လဲ..ဒီပုတ်ထဲကဒိပဲ
မျက်လုံးစုံမှိတ် အဝတ်နက်ပိတ်လို့
ပေါက်ဓားတစ်လက်နဲ့ဘဝကိုဖျော်စပ်ခဲ့ရသူပါ
ကျွန်တော်တို့ရဲ့ အရိုး အကြော အသိတရားတွေ
မြွေသေကိုကွေးညွတ်ပြနိုင်တိုင်း
သုညတွေလိုဖြစ်အောင်ဝိုင်းဝိုင်းလေးရေးပြတိုင်း
ပရိသတ်ကြီးကရင်သပ်ရှုမော
တသောသောလက်ခုပ်သံတွေ မိုးနံရံဟူးဟူးထန်ပေါ့
အဖေနဲ့အမေလည်းဘဝတစ်လျှောက်လုံး
ဟောဒိသုညတွေနဲ့ပဲလုပ်စားခဲ့ကြတာ
အခုလည်းသုညဆိုတာနဲ့မကင်းနိုင်သေးသပ
အဲသလို သုညရဲ့ညနေတွေက ကျွန်တော့်ဆီအမွေခံဖို့
အကြောလျှော့ရင်းမလွဲမသွေ
တစ်နေ့နေ့ရောက်လာခဲ့မှာပါ..။
အင်း..သုညဆိုတာလူ့ဘဝရဲ့အစဖြစ်ပြီး
ကျွန်တော်တို့ရဲ့ဘဝအဆုံးလည်းဖြစ်မယ်ဆိုတာ..
ကြိုမသိပေမယ့်ကြိုသိနေခဲ့တယ်။ ။
နရီ


ဒီနရီက နရီ(မြိတ်)ပဲလားမသိဘူး။ကျွန်မတို့လည်းသုညနဲ့စတဲ့ဆပ်ကပ်သမားတွေ
ဆိုတော့ ဒီကဗျာကိုကြိုက်တာမဆန်းပါဘူး။အချင်းချင်းတွေလေ့ကျင့်တဲ့ပေါက်ဓါး
တွေကျောလာစိုက်မှာလည်းကြောက်နေကြရသူတွေပါ။


တံငါ
လောကရဲ့အကြွယ်ဝဆုံးခေါင်းစဉ်ဟာ
အချစ် လို့သိပါရဲ့
အကြောင်းတရားကြောင့်ငိုကြွေးရတဲ့အကျိုးတရားမှာတော့
ကိုယ်ပိုင်ခန်းနားဖူးတယ်။
တိမ်တွေရေ
ခင်ဗျားတို့ကိုမချစ်တတ်ပါဘူး
တစ်ကမ္ဘာလုံးခုန်အုပ်ခံရသလိုလွမ်းရတဲ့သုခနဲ့
မျက်ရည်လှလှလေးပေါ်ထိုင်ဖူးပါစ…
ရနံ့ပင်လယ်ဆိုတာ အနမ်းကိုခေါ်တာမဟုတ်လား
နောက်တစ်နေ့တိုင်နှုတ်ခမ်းများပြုံးဆဲ
နှစ်တစ်ရာခံမယ့်ဆေးလေ
ချိုမြရဲ့..။
ကျွန်တော်တော့
ဘဝဆူဖြိုးစအရွယ်ကဖမ်းခဲ့ဖူးတဲ့
ငါးကလေးကို
မမေ့ဘူး။ ။
ခိုင်မြဲကျော်စွာ




ဒီနှစ်ကဗျာ
တစ်ဆောင်းတွင်းလုံး
ပိတ်ထားတဲ့ပြူတင်းတံခါးကို
ဒီနေ့ဖွင့်လိုက်တယ်
ဒီစိတ်ကလေးပေါ် ငှက်ကလေးနားလိုနားပါစေ
ဒီစိတ်ကလေးပေါ် တိမ်တွေဖြတ်ပျံလိုပျံပါစေ
ဒိကောင်းမှုမှာ
မေမေ..ကျန်းမာပါစေ။ ။
မင်းဒီ



အဝါရောင် ၉၄
ဖုန်းခေါ်တယ်
၀၉-၅၀၀….စိတ်ပိတ်ထားတယ်
နစ်နေတဲ့နှစ်တွေမှာ
ငါ..အတုတွေ..အစစ်တွေနဲ့ဇာတာစစ်တယ်
အကုသိုလ်ကိုဆွတ်တယ်
ငါမှန်တယ်
လက်ထဲမှာကမ္ဘာအကြောင်းငါမရေးတော့ဘူး..။
လွယ်ချင်ရင်ဝယ်ကြလိမ့်မယယ်
နားလည်နိုင်ပါလိမ့်မယ်
အခု..ငါ့မှာ..သတိရခြင်းကိုကွယ်ပြီး..အရောင်တွေကိုသင်တယ်
လူဆိုတာ
ခေါင်းချရမယ့်နေရာမှာပဲသေတယ်
တစ်နေ့မှာ
ပြန်ဆပ်ရင်းတက်လာနေတဲ့စိတ်မချခြင်းက
ခေါင်းတညိတ်ညိတ်ကိုယ်တလှုပ်လှုပ်အလုပ်တွေနဲ့
ထစ် အနေတဲ့မျိုးစေ့တွေကိုရွှေချချင်ချမယ်
လူသားနဲ့လူ့စိတ်အကြောင်းမှာ
လူရာမဝင်ချင်တော့ဘူး။ ။
ဟိန်းမြတ်ဇော်



ကဗျာရေးသူများ
ဘုရားဖြစ်မယ့်သူဟာ
ဘုရားဖြစ်မှာပဲ
ဒီကမ္ဘာမှသည်နောက်ကမ္ဘာတစ်သိန်းအထိ
ကျွန်တော်တို့ဘဝရည်ရွယ်ချက်တွေက
ကြက်ပျံမကျ..
တစ်လမ်းဝင်တစ်ခန်းထွက်
ခွက်အလွတ်တစ်ခုလိုလေဟာနယ်နေ့တွေ
ရုပ်ရှင်ရုံထက်အပြောင်းအလဲများပြား
တစ်ဇာတ်တည်းသမား
ငါတို့ကဗျာရေးရတာ
အလင်းရောင်ကိုပထမဆုံးတွေ့ရှိပြီး
မီး..လို့နောက်ဆုံးသိလိုက်တဲ့ပိုးဖလံလား….
နေရောင်ခြည်ကိုရလိုက်မရလိုက်
ပျော်ရွှင်မှုက
စကားလေးတစ်ခွန်းစွန်းထင်းရုံနဲ့
ပြန်မဝတ်ဖြစ်တဲ့အဝတ်အစား
ကျွန်တော်တို့အဖြစ်က
ဝက်အူရစ်လို
ဒုက္ခတွင်းထဲတစ်ရစ်ချင်းဇာတ်မြုပ်ပစ်တော့မယ့်အသေ
အမှိုက်ထဲကျင်ယူရရှိတဲ့ရွှေ..
သဲထဲသွန်တဲ့ရေ….။ ။
ဝင်းမြင့်

(ဖတ်ပြီးတိုင်း..မောလိုက်တာကိုဝင်းမြင့်ရေလို့အော်ချင်စိတ်ပေါက်တယ်။တကယ်ပါပဲ
သဲထဲသွန်တဲ့ရေ တွေများများလာရင်တော့ ကျွန်မတို့ မီးကိုတိုးခဲ့ရကျိုးနပ်တော့မှာမ
ဟုတ်ပါဘူး…၊)



ကျွန်တော်နှင့်မတည့်သောအာဟာရများ
ရုပ်သက်သက်ပြခန်းထဲ
စိတ်တွေလွှတ်ချခဲ့တယ်။
နေရတာကျဉ်းတယ်
အကြည့်တွေပြန်မလာဘူး
စကားတွေပြန်မလာဘူး
နေ့တိုင်းဒီလိုပဲ
မတည့်တာတွေသာရခဲ့
ငါ့ကိုတစ်ခုပြန်ပေးပါ
ရေကန်ထဲငုံ့ကြည့်တော့
ငါးစာတွေပဲရှိတယ်
ငါးမရှိဘူး။ ။
ထက်သစ်


မတည့်တဲ့ဓါတ်တွေပြန်ရတိုင်း..သတိရနေမိတတ်တဲ့ကဗျာတစ်ပုဒ်ပါ။။။
နောက်ဆုံးတစ်ပုဒ်ကတော့ ကျွန်မနှစ်သက်တဲ့ကဗျာဆရာတွေထဲကတစ်ယောက်
ဖြစ်တဲ့ကိုနိုင်မွန်အောင်သွင်ရဲ့ကဗျာပါပဲ။သူ့ကဗျာတွေက နက်ပေါ်မှာရှိနေတတ်
တော့မရှိလောက်မှာကိုရွေးပြီးတင်လိုက်ပါတယ်။ရှိနေရင်တော့...နှစ်ခါဖတ်ပေါ့နော်။


ဂစ်တာကိုနောက်ပြန်တီး
အသက်ရှူသံကိုစည်းချက်ထပ်မြှင့်လိုက်တယ်
အိမ်ရှိပေမယ့်အိမ်ပြန်ချိန်ကမရှိသေးဘူး။
ရုံပြည့်ရုံလျှံသောကတွေနဲ့
ဂစ်တာကိုအကွက်စိပ်စိပ်နောက်ပြန်တီးခတ်
ဘီယာဘူးကိုဖောက်ပစ်လိုက်ဖို့
ဘဝကသိပ်လွယ်ကူလွန်းတယ်။
အိမ်တံခါးဝဆိုတာဘယ်တော့မှမအေးစက်ဘူးမိတ်ဆွေ..။
ပွင့်ထွက်လာတဲ့အမြှုပ်တွေနဲ့
ဂစ်တာကိုဆူဆူဝေဝေနောက်ပြန်တီးခတ်
စီးကရက်မီးခိုးငွေ့တွေက မျက်နှာကျက်ကိုတွန်းရွှေ့တယ်
မိသားစုလောက် ဘယ်ကောင်းကင်မှကြယ်မစုံဘူး
ကျယ်လျားမှုန်ရီတဲ့စင်မြင့်ပေါ်
ကြိမ်နှုန်းမြင့်ဆန္ဒကြိုးတစ်စုံစာနဲ့
ဂစ်တာကိုပင့်မြှောက်နောက်ပြန်တီး…..။ ။
နိုင်မွန်အောင်သွင်

တာရာမင်းဝေ ၏ ချစ်သူသို့ ကဗျာများ

Wednesday, March 4, 2009

ချစ်သူသို့ ဆိုတဲ့ကဗျာတွေကိုပြန်စုပြီးတင်ပေးလိုက်တာပါ။
ဘယ်သူ့ကိုရည်စူးပြီးရေးခဲ့တယ် ဆိုတာတော့ကဗျာဆရာ
မှပဲသိပါလိမ့်မယ်..း)



ချစ်သူ..သို့ (၁)

သံချေးတစ်ထပ်ရွှံ့တစ်ထပ်မို့လို့
သူတို့ရဲ့စိတ်အတင်အချကို
မင်း..ဘယ်လိုမှဖတ်ရမှာမဟုတ်ဘူး။

အာငွေ့မှုတ်သံတွေကြားမှာပဲ
ရယ်ကာမောကာ တစ်နွေလုံးပိတ်
ကိုယ့်ယဉ်ကျေးမှု နဲ့ကိုယ်အိပ်လိုက်ပေ့ါကွယ်။

ချစ်သူရေ
လောကရဲ့မာယာဆိုတာ
အတီးခံရတဲ့ဗုံတွေရဲ့ဂီတပါပဲ။

စစ်တုရင်တစ်ပွဲလုံးကို
ဆွဲမှောက်ခံလိုက်ရပေမယ့်
.....ဘာဖြစ်လဲ
ဝမ်းမနည်းကြေး တို့တွေရွာသွန်းကြရုံပေါ့။

ယုံကြည်ထားစမ်း
ရေငွေ့ရေခိုးကလည်း
ပင်လယ်ကိုစိုက်ပျိုးနိုင်တယ်...ဆိုတာ..။ ။
တာရာမင်းဝေ
၂၈.၈.၉၆


ချစ်သူ...သို့ (၂)
နတ်ဒေဝတာတွေ
ပျံသန်းလာသံကို ကြားရတယ်
ရင်ခွင်မှာမီးတောက် တန်းလန်းနဲ့
မိုးတွေချုန်းအောင် သူတို့လွမ်းပြပလေ့စေ။

မျက်တောင်လေးရေ
မြေပြင်ပေါ်မှာကိုယ်နဲ့နေရစ်ခဲ့။

သူတို့ရဲ့ ယန္တရားသော့ချိတ် နဲ့
ကိုယ်တို့ရဲ့မြေသောက်ရေအိုးလေးကို
အဖုံး လှမ်းမပိတ်နိုင်ပါဘူး။

မြင်းသည်တော်တွေနဲ့
...ကျော်မတက်နိုင်တဲ့အရပ်မှာ
စပါးပင်ကို ပျိုးကျဲနေကျလက်နဲ့ပဲ
မှုန်းဖွဲ့လို့ကိုယ်ခေါ်ဝံ့ပါရဲ့..
လိုက်ခဲ့တော့ကွယ်။ ။
တာရာမင်းဝေ


ချစ်သူ...သို့ (၃)
မြေကြီးဖြစ်မှတော့
မိုးလွတ်ပါ့မလား...လို့တွေးမနေနဲ့တေ့
ချစ်သူရေ...တို့တတွေပေခံလိုက်ကြစို့ရဲ့။

မသေချာတာတွေကတော့အများကြီးပဲ
ဒါပေမယ့်
သေချာတာလေးတွေလည်းရှိတတ်လို့
တို့...စောင့်...ရ ဦးမယ်။

(မကြာခင်မှာ
လင်းရနံ့တွေဝေလာမှာပါပဲ
ကိုယ်ယုံတယ်)
ဘယ်သူမဆို
မနက်ဖြန်ခါကိုတော့ နေထွက်ခွင့်ပေးရမယ်လေ။ ။
တာရာမင်းဝေ

ချစ်သူ..သို့ (၄)
မုရောအပွင့်တွေ
ပြီးတော့..သက်တံ အငွေ့
လခြမ်းလို..ပြန်ကွေ့လာကြလိမ့်မယ်။

ငါဆောင်းချင်တဲ့ထီးကလေးရေ..
ငါဆောင်းချင်တဲ့ထီးကလေးရေ..
ငါဆောင်းချင်တဲ့ထီးကလေးရေ..
မိုးသွန်ရာသီအတွက်
မကြာမီမှာထွန်ရေးဝင်ရတော့မယ်နော်

ငြိမ်သက်စွာ
သစ်ပင်အိုအောက်ကနတ်ကွန်းမှာ
ဖယောင်းတိုင်မီးရှုးတစ်တိုင်ညှိရင်း
(ဒီဆောင်းတွင်းထဲ..)
တို့တွေ..အလင်းခိုနေကြစို့ရဲ့..။ ။
တာရာမင်းဝေ


ချစ်သူ...သို့ (၅)
သုံးဆယ်ကျော်တာတောင် မလိမ္မာ ဘူး
ဒီအရွယ်ကြီးရောက်မှ စာမေးပွဲ'ကျ'တယ်
ညီမလေးရယ်.. ငါ့ကိုရိုက်ပါ..

နီကိုရဲ ထွန်းဝေမြင့် ...စသဖြင့်ပြန်သွားကြပြီ
ဘယ်ဆီကိုသွားဖို့ ငါကကျန်ခဲ့တာလဲ.....

ကိုယ့်ကို ကိုယ်တစ်ခန်းလုံး မီးဖွင့်ပြီး
ကပိုကရို ဖွင့် လိုက်တယ်...
ညီမလေးရယ်.. စိတ်ထဲမှာ စာမေးပွဲကျတယ်..

တကယ်တော့လည်း
လောကဓံ ဆိုတာ ကိုယ်ခံစားမှ ဖြစ်တဲ့အရာပါ...
လမ်းထိပ်ကခွေးကြီးထက် နည်းနည်းပဲ ပိုပါတယ်။

ဟော...
ကိုရင်တစ်ပါးက တုန်းမောင်ခေါက်သံလက်ဆောင်ပါးတယ်
မကြာခင်(၆)နာရီ နေဝန်းဆိုက်ရောက်တော့မှာပါတဲ့ ။

ညီမလေးရေ.....
မြင်းရထားတွေကို လက်ပြမတားတော့ဘူး
ကိုယ်ဖိနပ်လေးနဲ့ပဲ ကိုသွားကြမယ်။
အဝေးကြီးကို ရွေးလျားချင်မှတော့
လမ်းတို့ရဲ့ အလျားကိုလည်း..ရင်ဆိုင်ရဲရမှာပေါ့။ ။
တာရာမင်းဝေ

ခင်ဇော်မြင့် ၏ ကဗျာများ

လုလင်ငယ်သွေး ဆိုတဲ့ကဗျာအရေးကောင်းတဲ့ကလေးတစ်ယောက်ဆီမှာမနက်က
ခင်ဇော်မြင့် ရဲ့ တန့်ကြည်တောင် ဆိုတဲ့ကဗျာလေးကိုတွေ့ပြီး ခင်ဇော်မြင့် ကဗျာ
လေးတွေကိုသတိရသွားတာနဲ့ ခင်ဇော်မြင့်ကဗျာများဆိုပြီး ပါလာသမျှတင်လိုက်ပါ
တယ်။အားလုံးက ၂၀၀၀ခုနှစ်ဝန်းကျင်က လက်ရေးနဲ့ကူးထားတဲ့ကဗျာစာအုပ်ထဲ
ကပါ။တန့်ကြည်တောင်ကိုဖတ်ချင်ရင်တော့လုလင်ငယ်သွေး ဆီမှာဖတ်နိုင်ပါတယ်။

ဆောင်း

မသိနားမလည်သူလေးလို
နံရံကိုတွန်းဖွင့်ဝင် နံရံကိုပြန်တွေ့လို့
ဝင်္ကပါ...။
ဆိုပါစို့..........
ထူးဆန်းထွေလာတစ်ခုပေါ်မှာအမှီပြုရ
ချစ်မေတ္တာဟာ အခု
ထီးတစ်လက်နဲ့ ဆိုက်ရောက်လာမယ်လား။
ဒီထက်ကွေ့ကောက်ဖို့လည်းမဖြစ်နိုင်တော့
လသာသည်ဖြစ်စေ
လမသာသည်ဖြစ်စေ
ဘဝကိုလည်းဒီအတိုင်းခံယူကာ
ကိုယ့်အနေအထားနဲ့ကိုယ်နေခဲ့။
ဂေါ်သဇင်ပန်းလေးတွေပွင့်တော့မယ်လား
ကျွန်တော်မှားရင်လည်း ခွင့်လွှတ်ဖို့
တစ်ဦးတစ်ယောက်ကပြောပါလိမ့်မယ်ချစ်သူ....။ ။
ခင်ဇော်မြင့်


ကြယ်ပျံ

ဘယ်ကိုပျောက်နေတာလဲဆို
မိုးပေါ်တက်ကပ်နေတာပဲလို့ပြောရဦးမယ်
ကမ္ဘာက
ငါ့ကိုမီးခလုတ်တစ်ခုကိုကြော်ငြာတယ်။
ဒီလောကရဲ့စ်ိတ်ဒုက္ခများ
ဒီလောကရဲ့အနှစ်သာရများ
ရေသောက်မြစ်များ။
မေ့နေတယ်
ငါလည်း
ငယ်ငယ်ကနံရံကိုခြေထောက်နဲ့ကန်
တစ်ပတ်ကျွမ်းပစ်ခဲ့တဲ့ဓါးခုတ်ကောင်ပဲ..။
အခုတော့
တိမ်တောက်သလိုငါအမြင်မှန်ရခဲ့
အဲဒါ
စက္ကူပင်ပေါ်ခဏတဖြုတ်တင်နေတဲ့
အရိပ်အယောင်တစ်ခုဆီကပါ။ ။
ခင်ဇော်မြင့်


အင်္ဂါနေ့ရိုက်ကွင်း


အဝီစိရေချိုး
ထမင်းစား
သွားကြားထိုး
စံပယ်ပန်းတွေပွင့်မပွင့်ကြည့်
ပြီးရင်ပန်းခြံထဲလမ်းလျှောက်ရဦးမယ်မဟုတ်လား။
မပျော်မွေ့ခြင်းများကိုချုံ့လို့
ဂျုံ..လိုပြုံးထားချင်တယ်
လေသေနတ်တွေတာစားနေတဲ့ခေတ်
ကျွန်တော့်အပြုံးကညစ်ကျယ်ကျယ်နိုင်လိမ့်မယ်
နေမင်းကိုတကူးတကမှန်ထိုးကြည့်ကြတယ်
သူ့ခြေကျင်းဝတ်မှာရွှေဆွဲကြိုးလေးမရှိရှာတော့ဘူး
ဒီလိုပါပဲ
မီးရောင်တွေကြားမှာ
ဇာတ်လိုက်ဟာအထီးကျန်ဆန်ခဲ့ရ..။ ။
ခင်ဇော်မြင့်

ပွဲတော်

ရေခြောက်ခြောက်
တစ်ယောက်တည်း
အခုလိုပျင်းရိနေရတာကိုကတစ်မျိုးအရသာရှိ။
ပျော်ရွှင်မှုဆိုတာတိုက်ဆိုင်မှရတယ်
ဒီလိုမှန်းသိ သူ့အိမ်ရှေ့သွားထိုင်မိမယ်
တနလာင်္နေ့ကစခဲ့သောဇာတ်
တနလာင်္နေ့မှာဆုံးခန်းတိုင်ခဲ့။
တစ်နှစ်တစ်ခါရောက်လာစမြဲဟာ
ပဝါကိုဦးခေါင်းမှာစည်းထားတယ်။
ညီမလေးက
နှုတ်ခမ်းကိုခရမ်းရောင်ဆိုးထားတယ်
မြင်ပေမယ့်
လေထဲမှာကိုယ့်အသံမရှိဘူး။ ။
ခင်ဇော်မြင့်


လေသလပ်နေ့များ


စနေနေ့ကိုနှီးချောဖျာအောက်ပြန်ထိုးသွင်းရကောင်းမလား
ခေါင်ရမ်းပင်လိုအဓိပ္ပာယ်မရှိဘူးလို့ကိုယ့်ကိုယ်ကိုထင်တယ်
လွင့်ကျလာတဲ့ရုပ်ရှင်ကြော်ငြာလိုအထီးကျန်ဆန်တယ်
ကိုယ့်စိတ်ကူးတွေတွင်းမဖော်နိုင်သေးတော့
ကြေကွဲစိတ်မှာမျက်ရည်ခမျာမြေကိုတွင်းဖော်လို့။
လေသလပ်မှုများဆိုရင်
တိမ်တွေတစ်မြို့လုံးထွန်းလိမ့်မယ်
တစ်ကိုယ်လုံးကိုက်ခဲနေရော့
စံပယ်ပန်းတွေလိုပဲ
သူ့နှလုံးသားကဖုန်းခေါ်ရခက်တယ်
ခေါင်းစဉ်တိုင်းအပေးမှားနေတဲ့ ကဗျာဆရာ
ဒီနေ့ သူရောက်မလာတော့ပါဘူး...။ ။
ခင်ဇော်မြင့်